UCC COFFEE SHOP

营业中

休息中

以前經常去崇光地庫的UCC飲咖啡食夾餅, 好多年都冇再唻UCC, 偶爾在泰國旅行時會到UCC飲一杯西瓜沙冰及食一碟飯, 真係超正正。是夜唻香港的UCC食正餐, 都算係第一次。點了一個晚餐G 雞肉白汁意粉。意粉端上來時, 跟我心中的感覺有點落差, 我以為是一些碎雞肉加上多多的白汁, 但來到時一些雞件。雞件沒有特別味道, 只是覺得用了丁點調味料醃製後煎, 有點微乾感, 見到都唔會想食多一件。而白汁又很少, 汁的味道亦較淡, 我想這碟雞肉白汁意粉會較適合須要低鹽低脂的人士食用。甜品是白桃伴雲妮娜雪糕, 賣相幾靚, 雪糕都香滑的

三人午餐，揀UCC因為覺得都幾好坐，朋友食過又話 ok, 於是就咁決定～餐廳氣氛幾好，同朋友食飯都幾唔錯，但位置設計加上人手剛剛夠，有時想搵服務員係有少少難度，不過服務員都好好態度，耐心侍候人客。午餐 set menu 包飲品，加$18可以食埋沙律吧。我叫左牛肝菌帶子意大利飯，香味唔錯，可以聞到牛肝菌味道，賣相都幾好，整得靚靚，同餐廳環境一樣。試一口飯，箘類味道唔太出，濃一點更合心意。飯質偏軟爛缺少了意大利飯應有口感，可能係為左遷就本地口味。帶子煎到少許金黃，不過食落就有啲 rubbery。雖然咖啡出名，但小弟不太好，餐飲要左杯凍奶茶，入口順滑，茶味同奶味幾夾，難得覺得奶茶唔錯。縱合來說，今次食物不過不失，但依據價位約$100一位，其實食物應該有更符合此價位既質素，今次呢餐俾個 ok 你

是一個星期日的下午，想起了UCC的咖啡和沙律吧，坐言起行！點了一份雞扒魚柳，雞扒很嫩帶點日式甜味，而且無雪味，魚柳沾上薄薄炸粉，不會太油膩，扒餐上已有一點意粉，原來還配飯或土司，貫徹日本風格，我點的土司只屬一般，烘得不夠脆，要用點力才可分開。

Ucc漢堡可說是敗筆之作 這餐分別包括：漢堡扒， 蕃茄意粉， 煎蛋 ， 伴菜全餐最好味的是嫩滑半熟的太陽蛋其次是蕃茄意粉， 意粉保留原有的香味及煙刃Q彈， 可見水的份量及時間控制很好。而漢堡朳可說是閉起雙眼就不知道吃什麼了， 沒有牛味， 不知道是什麼雜肉撈在一起而且不拈貼， 每一粒肉也像獨立的個體，而且很乾， 每一啖漢堡扒也像要吸乾我的口水。難食。*杯凍啡唔錯， 雖然我本鸒不好咖啡， 但係整個咖啡流程感覺良好有品味。

I have ordered chicken and fish comboWell the chicked was too salty, too touch and not juicy at all, and it is quite dry! Over cooked ? The deep flies fish is quite crispy but inside the fish is so small and you can still taste the icy smell with that small piece of fish!Spagette is just hard and cold, there is not much tomato sauce on the surface so you can't tast any tomato favour at all!

We tried this restaurant in the Causeway Bay which offered famous japanses style of cuisine in Cafe style. We ordered four same dishes which is the burger steak served with the rice in fried egg. The dish was quite extensive in terms of flavor especially the rice granuled inside the fried egg. With sufficient smoothness in the rice and the sauce from the burger source, this dish was quite delicious and certainly worth a try. For those not yet experinenced any kinds of japanese cafe style, it can

第一次係ucc食甜品，叫左水果茶，芭菲同雜果雪糕杯。水果茶只係普通將一舊舊既水果擺落啲茶度，茶既味道好怪，唔係我地普通飲開個隻lipton，顏色似係咖啡多過茶。雜果雪糕杯，敗筆之處就係底下既醬汁，黑糖既顏色，但係奇怪既味道，拉低晒成杯野既質素。唯一覺得尚算可以既係芭菲，綠茶雪糕係主打，6粒白玉，整體上都可以。服務態度方面冇乜禮貌，舉手當睇唔到，排隊等飛會跳過左。

2015年的情人節做了有意義的事，跟愛人去了會展舉辦的寵物節，在兔友協會的活動場地擔任義工，跟兔小朋友們一起玩耍，非常充實。活動結束後我們到銅鑼灣尋找不用排隊等位的餐廳醫肚...(已經差不多晚上九時了)，要吃晚飯的情侶們應該都吃飽了吧~節日當前，很當餐廳都設最低消費或只賣情人節套餐，UCC也不例外，每位最低消費為$150-HKD (其實要達到這個金額也不難)，輪候不到五分鐘，便安排入座。選了一客牛排餐、卡邦尼亞意粉，再加沙律。銅鑼灣地段，一貫的人很多，餐廳也不例外，所以食物質素也相對似快餐。幸好我們在肚餓的時候也不太講究，這一頓飯就當快餐吧!很喜歡奶油香味的卡邦尼亞意粉，但這是「白灼意粉」嗎?不抱任何期待的牛排還是沙律吧最好，每次都吃很多薯蓉沙律(主菜可以不吃)，二人分解了整盆沙律~

出到銅鑼灣，你諗得到想食嘅都應有盡有，唯獨一個缺點就係旺區往往都會偏貴。UCC就正好係一間正常價位，又有優質食物水準嘅抵諗之選！雖然座落於一個唔太旺嘅小商場，但去到時已經全場座無虛席，侍應都忙到冇停手！足見UCC有幾吸引一行兩人，叫左兩個甜品下午茶，價錢相較於同區食肆相當經濟實惠！先叫左個雜果窩夫配雪糕賣相一流，味道略嫌窩夫比較淡味，唔點cream/雪糕就比較遜色。不過混和整體視覺味覺都係唔錯嘅享受另外又叫左份香蕉班戟皮薄而且餡嘅cream唔多，同香蕉比例啱啱好！配上朱古力雪糕，更加惹味！可惜雪糕好快就溶，要食快啲同餐仲已經包埋野飲，都真係幾抵！不過橙汁就酸左少少，可能因為鮮榨嘅關係另外仲叫左杯熱咖啡，咖啡都係即時order即煲的，侍應仲原壺送上嚟斟，感覺專業

係大坑食完拉麵, 係天后食完糖水, 仲唔夠喉? 有無咁多o野食傾呀?離開天后晶晶糖水時, 想轉場飲o野繼續吹... 落好大雨... 得1把縮骨遮... 近近地落天后地鐵站坐1個站去銅鑼灣...醒起銅鑼灣廣場一期有地方飲o野, 又唔使揼雨...呢間UCC Coffee Shop好大間呀... 9點鬆來到無咩人... 好靜局... 上星期係Dazzling Cafe Order錯咗無水果的水果茶, 今晚終於有得飲返... 水準是不錯的, 可惜相比起係溫哥華飲到的, 香港呢壺水果茶的水位只有溫哥華的7成, 浸在茶中的鮮水果更只是溫哥華的5分1都無, 味道側重於橙味, 偏酸, 欠缺了其他水果的果香... 我想再去溫哥華囉... 1人飲1杯熱飲, 我地坐果區得幾枱客, 仲要坐老遠, 令我地可以忘情地Talk Talk Talk, 坐到人地11點打烊, 店員仲好唔好意思咁同我地講, 其實要唔好意思嘅應該係我地囉, 嘩咔咔咔, 今餐抵晒啦我地~

我倆飯堂之一, 主菜可以加錢加salad bar 同飲品.特別鐘意佢個salad bar, 好似以前pizza hxx 咁, 比個碗你, 可以自己出去攞一次. 雖然唔係好多choice (大約有10 種: 眉豆, 啫喱, 生菜, 粟米, 薯仔沙律, 葡萄乾) , 不過其實都幾夠飽, 而且可以自己攞, 鐘意食咩就攞咩, 正好回味小時候向pizza hxx 既時光~我倆鐘意叫一個主菜錢加salad bar 同飲品, 之前再叫一個甜品~主菜包湯, 湯通常都係紅/白湯 (約$100)吉列豬扒飯~ 吉列豬扒個粉炸得厚, 少豬肉, 分量唔大, 不過個日式咖喱醬就好好味, 唔辛, 送飯好好味 ~期間限定- 士多啤梨忌廉芝士夾餅 ($63)<露之水滴>士多啤梨, 幾細粒同酸, 唔好太大期望.忌廉芝士夾餅 , 同平時既夾餅唔同, 夾餅中間多左忌廉芝士, 食落有芝士既香味~~加上vanilla ice-cream 同士多啤梨醬, 一餐完美既句號~ 

同朋友難得聚舊，已經一早留定肚食ucc既dinner set！UCC一向多人所以等左大約20分鐘先有得入坐，餐牌既選擇都算多，都花左少少時間先決定到，我最後嗌左菠菜三文魚意粉，而友人分別嗌左野菌帶子炒意粉同煙肉雜菇肉醬意粉。重點黎啦，UCC dinner set係有沙律、餐湯同餐飲，當中既沙律就係令我食完一次會番轉頭既原因！UCC設有自助沙律吧，沙律吧度有好多選擇，有薯容、紅腰豆、吞拿魚、蝴蝶粉、生菜、車厘茄、粟米等等，連啫喱都有啊！而沙律汁都有幾款可以選擇，可以話係應有盡有！雖然沙律只可夾一次，但係真係要量力而為，唔好夾太多，唔係既話會造成浪費！上菜時間都唔慢，沙律都未食完，就上齊主菜同餐湯飲。係圖中都見到意粉並無好特別咁裝飾過，有種好求其既感覺，賣相真係唔太吸引，味道方面，三文魚意外地好鮮味，加上係切粒，口感一流，唯一不足既係白汁偏淡。講完自己果道主菜就講下友人既煙肉雜菇肉醬意粉，雖然煙肉本身係偏鹹既食物，但係成道食物都唔夠味，好淡，友人基本上每食一口就要落一次芝士粉，味道認真麻麻。而當日餐湯係粟米湯，本來好鐘意飲粟米湯，但依個粟米湯真係不得了，湯十分稀，只係隱約飲到粟米既味道，亦

位於銅鑼灣廣場一期的UCC Coffee shop, 長期客人爆滿。想不用排隊? 原本想打個電話訂檯，可是原來沒有訂檯服務的。只好walk in 了！墨汁魷魚飯墨魚汁很多，每粒飯粒都被墨魚汁包圍著。很香的墨魚汁味，但略嫌味道單一了一點。而飯煮得有咬口，比一般平是吃的飯硬身，但又未去到意大利飯的硬度。墨魚用量不多，但墨魚圈很脆口，很新鮮。朋友LTT小姐點的是PIZZA。煙三文魚PIZZA芝士用量超多，而三文魚即很少！幾乎吃不多煙三文魚。但是PIZZA是很好吃的，批皮很脆，而且味道剛剛好，有點甜甜地鹹鹹地的味道，整個批底亦不見油膩，相當不錯。我們兩人只有一個加了沙律吧。很大的一碗沙律，可以拿多少就要看自己的實力，感覺很抵。但其實會很飽。不過都有每樣試一試。蜜桃菠蘿很甜，蔬菜都很新鮮。薯蓉沙律是最好吃的，加了煙肉在裡面。另外來的是餐湯。我不喜歡餐湯是粟米湯，而且味道很不好。很稀很淡，幾乎沒有味道。自己在家用地門罐頭湯都比它好喝。整頓晚餐是滿意的，光看環境都令人賞心悅目。而且沙律吧的食物沒有馬虎，主食也不錯。

上星期五，我同兩個朋友睇完戲，之後都有點餓，就去左UCC諗住食個晚餐，我地到果陣先五點半，算係食個early dinner咁啦，咁我地就叫左墨汁飯，焗飯，兩個pizza咁，之後我地3個人再叫左一碟窩夫，全部野都share黎食。首先，講下個墨汁飯，墨汁飯都幾入味，每一啖都食到好濃郁的墨汁。飯佢煮得好黏身，食落有黏答答的感覺，加上配合埋墨魚，煙煙韌韌咁，好好味，但係食完滿牙都會變左黑色，雖然係咁，但都幾值得推介。另外，我叫左三文魚pizza同海鮮pizza，海鮮pizza有帶子、蝦和蟹柳。另外，三文魚pizza，成個都有好多三文魚，個皮好薄，薄餅香脆，配料份量算多，不會太鹹，熱食既話D芝士都仲流緊，好好食。最後，窩夫方面，我地叫左紅豆抹茶雪糕窩夫作為呢一餐既結束，又是滿足既一餐。

行過見裝修得好似幾靚就去試下.入面好似好忙咁,出面冇人係reception,等左2分鐘到,被帶去最入個吧檯可以睇住人地整咖啡都幾好.叫左3樣野:芝士牛肉飯 - OK幾好菠菜三文魚螺絲粉 - 女朋友話D三文魚腥炸薯角 - 新鮮炸,好熱,但外脆內軟好好食,推介由上左芝士牛肉飯中間等左成20分鐘先上菠菜三文魚螺絲粉,追時岩岩先出,我覺得呢方面有好大improvement 空間lor.好彩係男女朋友者,如果唔係同客好尷尬架嘛