Top Blade Steak Lab (希慎道)

营业中

休息中

首先服務態度真係好好，由我一早去放低蛋糕俾驚喜女朋友，到入座介紹餐牌，俾個箱我放袋係櫈底，再到食完之後幫手上蛋糕都好好，自動幫我拆咗盒放上碟先捧出嚟，蠟燭都俾埋我，唔洗額外收費，全部店員都好有禮貌同好主動。好怕有啲餐廳嘅侍應叫極都唔應或都冇禮貌。之後係牛扒都好夠味，店員推薦medium，一開始都怕會生同多血，結果出到嚟係中間粉紅色，冇乜血流出嚟，好味！同埋環境都唔錯，雖然細細間，但都乾淨企利，廁所都乾乾淨淨。好推薦大家都嚟試，好滿意！依到訂座係上佢地個網book嘅，唔洗打電話問嚟問去，去到等幾分鐘就入得。

🍽Herbly Flat Iron Steak  （3.8/5）💰150牛排上枱個時已經切好，今次係五成熟，亦係店員推介調味唔多，海鹽、牛油、herbs、蒜頭碟上仲有半舊蒜頭，加上牛肉very nice牛扒只有小小筋位，150蚊黎講完全收貨牛肉好易切開，冇血水滲出，肉味都算重仲有任添既松露薯條，牛扒上枱前薯條已經比我清咗大半外脆內軟，好重松露味，咸度都岩岩好餐廳柔光，黃白色裝修為主，隔格都算闊落，正常傾計都唔會有人聽到以150既價錢食到塊扒，呢個質素完全接受，岩曬啲想食下扒又想平平地既朋友不過建議男生簡增量版(+$50)，如果唔係唔夠飽架當日六點幾去到餐廳，除咗我地就得兩枱客人，但聽講有時可以排咗個鐘頭隊何文田同沙田都有分店，港九新界既朋友都好方便啦！

1️⃣⭐️香草平鐵牛⭐️$150 (8.5/10)最出名當然係佢自己嘅Flat Iron😋據聞係成隻牛第二嫩嘅部位，揀5成就啱晒💕 兩位朋友一個叫3成一個叫5成熟🥩 我哋都覺得5成最嫩得黎又juicy😍 加多$50仲可以增量50%🤩 Pooh成功說服兩個朋友試埋燒蒜頭🧄 聽落好似好奇怪😳點知佢地兩個一食都話好正好淋，好食到冇回頭😋 可惜份量比豬鞍架少，不過肉質同味道已經夠高cp🥳2️⃣⭐️西班牙栗飼豬鞍架⭐️$160 (8/10)全店CP爆高一定係哩個，當之無愧🤤 極度厚身同大塊，仲要有兩塊添😱太過份啦❤️ 肉質好軟，完全無豬肉嘅韌👍🏻 燒過下令佢外脆內juicy🥰 Pooh一向中意食豬鞍架，好少地方有，仲要咁正更加帶得🥺 配埋隔離笑得好香嘅蒜頭同燈籠椒，超夾🐷 多到Pooh係咁分比兩個朋友食，都仲有好多，加分加分🤣3️⃣⭐️任食薯條⭐️ 主食包括 (7.5/10)叫任何一款主食都包咗任食薯條🥳 點知每人有一大盤，叫晒鍾意食薯條嘅你🍿薯條偏幼身，竟然仲有啲黑松露味😍 好味得黎又好抵👍🏻 如果想再添但又怕食唔晒，可以淨係叫佢添一半添

上網見到好多人推介呢間就去試下，除咗牛之外仲有豬，唔食牛既男朋友都有岩食✌🏻重點係❗️呢度既薯條係任添架!!!!!🐂Herbly Flat Iron Steak $150牛排呈上嚟個時已經幫你切好，係完美既五成熟！口感好嫩滑，見到一絲絲既脂肪紋絡🤤咀嚼時慢慢透出好重牛既油香味，冇特別調味過，簡簡單單已經好好食。有別於黑桃個款，呢款偏向有香草味，黑桃就偏向似BBQ風味，店員推介五成熟最好。🐖Spain Chestnut Fed Pork Rack $160豬扒既水準就一般般，有好大舊脂膏，切左已經冇左三分之一💩而且豬扒過熟，食落好鞋口，唔太值呢個價錢。💡薯條最有驚喜!!!夠熱又夠脆，食到淡淡黑松露味，分量大方，店員服務好好👍🏻仲會係咁問你洗唔洗refill😹

咁啱見到新開左間牛扒店 即刻去咗試牛扒夠淋好入味 點少少碟上面啲鹽已經好好食 牛肉夠嫰滑 外皮有啲炭燒味好香薯條係任食 夠香脆唔使點茄汁都好好味呢間野喺何文田有另一間分店 整體來講性價比好高可以去試 三百幾蚊仲可以食到澳洲朱古力和牛💕（話係用朱古力餵牛xp)⭐️⭐️⭐️⭐️⭐️⭐️⭐️⭐️⭐️⭐️香草平鐵牛扒 $150客席主廚平鐵牛扒 $188+ 沙律&南瓜湯 +$48🌟🌟🌟🌟🌟🌟🌟🌟🌟🌟Top Blade Steak Lab (銅鑼灣)銅鑼灣希慎道2-4號地舖#hkfood #hkfoodie #hkfoods #hkfoodlover #foodporn #food #foodie #foodies #foodblogger #hkfoodblogger

呢間長期都好多人排隊，由於冇得網上拎飛，只可以去到餐廳㩒飛再等。每次我都預要等40-50分鐘，最好就搵一個人早拎左飛先，之後行陣街再返黎食。 服務唔錯，一坐低會有侍應先同介紹下是日餐湯/crafted beer 係咩先，亦會介紹下Flat Iron即係牛嘅部位。 餐單上嘅選擇其實唔多，不過黎到都係主要嗌Flat Iron。 Menu上面有兩種Flat Iron，Prime級嘅Flat Iron用嘅牛唔同之外，煮嘅時候用嘅香料都唔同。不過我個人都係比較喜愛普通果隻Flat Iron, 咬落去唔會覺得太厚，而且牛味都夠出，配埋融融哋嘅蒜一齊食就更加香更加好食！ 至於另一個主打就係佢任食嘅松露薯條，呢個位就可能要改善下。薯條新出炸起係好食嘅，不過每次食嘅松露味就好隨機，有時松露味好出，有時又食唔出松露味。整體來講都係滿意嘅😋

我地分別叫咗$150同埋最貴$268嘅flat iron， 諗住試下貴同平嘅有冇分別。講真， 平嗰塊雖然無貴嘅咁鬆軟，但係肉味真係濃好多，係對得住呢個價錢嘅，如果我再食我會揀佢，但係呢間嘢冇下次！ 好明顯大部分客人都係衝住佢個免費薯條而嚟，但係我見到普遍嘅情況就係一round新鮮炸起嘅薯條係唔夠派俾所有客人嘅， 所以永遠有啲客人係冇薯條。雖然其實大部分人都係食一至兩round就唔再食，但係都有啲客人好似我咁係想不停有薯條同塊扒一齊食。 結果就係塊扒食完但淨係嚟咗一round薯條... 之後呢就齋食薯條...侍應同我講話廚房唔夠炸爐炸一大批薯條，唔好意思呢個係你嘅問題，既然廚房唔夠炸爐，咁點解仲要用任食薯條呢條橋嚟sell客呢？麻煩參考下LV餐廳，人哋做咗任食薯條好多年，次次去佢只會俾多你唔會俾少你，佢直頭係會俾到你食唔落為止。食物幾好都冇用，食到我嬲個下搞唔掂

今晚出左銅鑼灣shopping ，忘記咗6:00pm後仲係禁堂食，唯有周圍搵嘢食睇吓有冇其他嘢可以外賣倒，上朋友屋企hea 下吹下水！見倒一間專門食steak 嘅餐廳，環境都舒服，但我本身吾食牛，睇吓仲有冇其他選擇拉！我揀左豬鞍架配薯條，承為$160，喎喎喎，真係貴，不過如果真係好味就冇所謂架！等左15分鐘左右，又吾算好耐！佈置好簡約，好舒服！其實個餐牌嘅選擇真係吾多豬鞍架真係要親熱食,如果凍左會好油豬鞍架幾厚身，又冇過熟，油脂分佈剛好，就算冇醬汁都好夠味最好味係份焗蒜頭好香！另外薯條份量比較多同略嫌鹹咗少少質素吾差，下次可以再幫襯

香草平鐵牛扒| Herbly Flat iron steak. roasted whole garlic $150Flat Iron即是牛近肩膊的位置，推薦5成熟，肉質鮮嫩多汁，不會有筋，沾上一點鹽令牛味更香濃更突出，煎蒜頭更是一大花心思位置。••••••••••••••••••••••••••••••終極漢堡| Ultimate Burger$160份量不算大，漢堡厚身，有肉汁，配上溶化的芝士更是美味。••••••••••••••••••••••••••••••松露薯條仼食松露薯條是這餐廳的最大特色，一坐下點餐後，店員就會為大家端上熱呼呼既香脆又充滿松露香的薯條給大家。如看見你差不多吃完，又會主動詢問是否需要添加。••••••••••••••••••••••••••••••英式茶$26這次的英式菜為 Earl Grey,喝完可免費添加熱水。

大半個月前的星期一，下午三點左右入座，店員告知用餐有限時，但補充如果沒有人等位，可以繼續坐。和朋友很久沒見，談近況，吃完見沒人等位，於是繼續坐。但又口痕，問店員可否現在才追加薯條，但她卻說可以再俾一份，唔夠才追加吧！那天天氣較冷，另一位男店員，自動送上兩杯熱水，說天氣凍飲熱水可暖些。這麼體貼，我們連忙致謝。之後他還放下熱水壺，着我們可以自己斟，好好人！後來他又找了一個酒店式裝熱水的陶瓷壺，幫我們斟滿，讓我們可以更愜意，這麼細心的男生，着實令人驚喜！非常抵讃！聘請到這麼優質的店員，希望店子生意在疫情中可以繼續生存。

較早前，因為很想食steak，剛巧之前路過見有人排隊，所以便去試下。因為餐廳地方真的很細，這裡只係適合趕時間嘅人去食個快餐,如果拍拖想浪漫鋸排，這裡並不合適。唯一好處，Fries係任食。我點咗Herbly Flat Iron Steak，再加Side Dish Combo。但由於地方細和想你快點交枱，所有嘢食差不多同一時間上俾你。結果當我食完個salad後，湯都未飲，個steak已經上埋，到我飲埋個湯，個steak已經灘到凍咗。另外，溫馨提示，這裡嘅steak係無mustard附上，要另外問侍應攞。最後埋單一位係$218。

呢間都真係好高質啊 招牌菜係牛扒 大家去食叫大概7成熟 呢個熟度 個人覺得係岩岩好既 另外一個令我再去既點係 佢薯條係可以無限量 添食 薯條質素唔係麥當勞質素喎 環境裝修又靚 排隊都要食系列

去銅鑼灣行街街順便食好西之前係何文田食過幾好味所以今次來銅鑼灣食咁就唔會中伏🤣不過原來呢間超多人食大排長龍起碼等左半粒鐘先到我地一入到去店員好詳細介紹有咩食我地就揀左特別版招牌平鐵牛扒$238店員有推薦我地食medium 會較好味所以我地都點左medium有兩塊牛扒 另外再兩塊洋蔥圈牛扒好味 唔會好韌 正薯條好食 食完牛扒再食薯條就好飽另外叫左個甜品 鮮莓蛋白撻 $48d莓有少少酸(個人唔食得酸)所以唔係咁中意個撻 總括而言野食方面 保持水準 好味環境方面 坐得舒服服務方面 店員介紹詳細有禮

黃色經濟圈～呢間專食flat iron部位既餐廳係何文田起家，因為性價比高吸引咗唔少fans，所以開埋嚟銅鑼灣，據講flat iron係非常之罕有嘅部位，特別矜貴，但係呢度只係用相宜嘅價錢就可以食到。呢度有3款flat iron選擇，另外仲有豬鞍架同burger，今次就叫咗佢最signature嘅香草平鐵牛扒，本身已經包咗任添嘅薯條。香草平鐵牛扒、任添薯條未有牛扒食住就有侍應拎住一大盤剛炸好既薯條向每枱食客serve，薯條切得幼身，炸得剛剛好，係正宗美式style既薯條，調味剛好，食落帶點松露嘅香味，令人忍唔住不停咁啪haha。之後嚟到signature嘅flat iron，上枱時已經切好一塊塊方便食，牛扒叫咗medium，係真！係！medium！唔係坊間叫medium但係太熟或者太生既顏色，入面係淡紅色，切落無血水，質感柔軟，齋睇已經知道比好多餐廳做得好。食落唔會有過多調味，簡單點少少伴碟既鹽可以吊起個牛味，牛味算幾濃郁，口感軟滑得嚟保持到少少咬口，而且非常非常之juicy，成塊牛扒原全冇筋，平時最怕食到筋位，呢個牛扒無論口感同肉味都比好多貴價牛扒更出色，性價比甚高。伴碟仲有原個烤蒜

好掛住英國🇬🇧嘅flat iron TT 最掛住係佢個spinach好好味😋, 而呢間餐廳就黎過兩次, lunch會送1個side, 可以choose薯條🍟, 蟹肉藜麥沙律🥗or湯😌✨香草平鐵牛扒Flat Iron Steak 💰150💫評分: 7.8/10📝Menu上最平嘅一款牛扒, 之前叫過貴啲嘅覺得分別唔算好大, 呢款medium肉質夠嫩, 有成個roasted whole garlic, 薯條🍟係可以refill同好幼身!✨Dirty檸檬茶 💰40 (Lunch + 💰8)💫評分: 7.8/10📝味道偏酸但嘅fresh🤣𝕋𝕠𝕡 𝔹𝕝𝕒𝕕𝕖 𝕊𝕥𝕖𝕒𝕜 𝕃𝕒𝕓📍銅鑼灣希慎道2-4號地舖(銅鑼灣🚇A出口行4分鐘就到)❣️其他分店❣️📍沙田沙田正街18號新城市廣場1期1樓108號舖(沙田🚇A3出口)📍何文田梭椏道4A號榮英大厦地舖(旺角東🚇A出口行10分鐘就到)