Top Blade Steak Lab (希慎道)

营业中

休息中

_____好味指數：🌟🌟🌟抵食指數：🤑🤑🤑約咗一個好耐冇見嘅朋友食飯，對呢間餐廳印象深刻嘅原因就係因為等咗個幾鐘位😂可想而知有幾受歡迎。餐廳主要食flat iron，店內空間唔大但幾乎用盡每個角落，同埋白橙色嘅配搭簡潔舒服✅Black Jack Flat Iron Steak首先要讚下個薯條，薯條新鮮炸起同任點，而且係用迷你pan裝幾有特色。調味用咗白松露鹽，唔使點茄汁都好好食。牛扒先煎封表面鎖住肉汁再慢慢煎至合適熟度，肉質結實有口感，而伴碟嘅蜜桃肉都先經過燒烤，好有誠意

-✨ Top Blade Steak Lab📍 銅鑼灣希慎道2-4號地舖———Herbly flat iron steak 香草平鐵牛扒 $150Truffle Fries 黑松露薯條 (All you can eat!)Dirty lemonade $45Whisky Dirty Lemonade $75(發生咗一件小插曲，大家記住睇到最尾！)呢間舖頭真係人氣店，都幾多人係出面排隊，我地book左8點半，但係去walkin攞飛好似仲快少少😂黑松露薯條係即炸，有淡淡黑松露嘅香味，幾香脆，自己落黑椒落去會更加好食！隔離亦都有茄汁點，不過我就鍾意黑椒多啲❤️自己同朋友都分別添左一至兩兜薯條食😂我叫左五成熟，塊牛扒只係好簡單用咗鹽，黑胡椒，同埋香草調味，塊牛扒幾嫩🥰幾有牛肉味同有肉汁，唔會難咬。隔離仲會有一舊焗蒜，一啲都唔辣好好食，配埋牛扒幾好！不過會有啲筋比較難切，同埋份量比較少，建議可以加$50增量，或者食多啲薯條😂Dirty lemonade覺得同平時嘅lemonade唔同，俾平時飲嗰啲lemonade酸啲，檸檬味重啲，仲有rosemary syrup，幾有層次感。喺呢度發生咗一件小插曲

平日繁忙時間大排長龍的人氣牛扒小店，Menu上的選擇不多，專門吃Flat Iron。難得時間尚早可即入座，又牛癮大發，立刻去吃個Quick Dinner！是日特別版招牌平鐵牛扒 Today’s Guest Chef Flat Iron $238每日限定的Daily Special，今次是3小時Slow Cooked Finest Steak，店員建議要Medium熟度。肉質軟淋粉嫩，慢煮方式完美鎖住肉汁。只有一點點岩鹽調味點綴，沒有伴隨醬汁，吃得出濃郁的牛味，吃慣Medium Rare的我也對它很滿意。配菜走簡單風格，有烤香過的蘆筍和粟米，比起蕃茄或薯蓉更合我心意！Free Throw的黑松露薯條香脆熱辣辣，夠薯味亦有Truffle味，而且補給爽快，剛好能補充這一餐的澱粉質。Dirty Lemonade $45Dirty之處在於比一般的Lemonade多了一層檸檬焦糖醬，頗新奇特別，正好在吃完牛扒後Refresh一下味蕾。

等位時職員係門外介紹餐牌 好有禮貌解釋詳細首先會每人1碟黑松露薯條 可無限refill （無影相）係m記款薯條 正常叫左1個平鐵牛扒 $150 加$50 增量50% 叫左5成熟 美國牛 牛味濃無根無渣真係好好食 配埋烤蒜更好味 我覺得5成岩岩好 如果再生d牛味就無咁香濃另外再叫左個-是日限定 當日係慢煮美國牛都係好好食 好林 外層再煎香所以外層會再熟小小 但慢煮既味就係唔同就咁煎 完全不一樣既味道野飲叫左佢地推介既dirty lemon tea 糖醬係自家製檸檬焦糖 好正 成餐飯非常滿意

唉，因為武漢肺…..(明喇)，搞到全香港人無得去旅行，我哋又掛住英國嘅Flat Iron牛扒，上網一search，嘩！都幾多人推介唔同嘅扒房，最後我哋選擇咗 @topbladesteaklab 去一試！今次我哋一步到位，叫咗USDA Prime 390-day grain fed flat iron ($268)。今次件牛係穀飼，所以我哋預期肉質會相對幼嫩，而且做得flat iron一定會進行去筋程序，口感相對嫩滑。上到枱，一切，見到個熟度係按我哋嘅要求，rare (呢個值得一讚，因為好多餐廳因為食品安全問題而唔夠膽整得太生俾客人，怕出事)。食落口，肉味香濃，有少許焦香。個人唔建議落醬汁食，只須落少少海鹽於牛扒上就足夠，用海鹽帶出牛扒嘅原始風味。不過，如果可以有得揀dry age過嘅，和價錢平番少少就更加好喇🥺而任食嘅黑松露薯條，就不過不失啦，正正常常。ED小分享 ：牛扒可以分穀飼和草飼，顧名思義即係隻牛食咩大，食穀大嘅，會肥啲，marble多啲(即係”雪花”呀)；食草大嘅，通常係天然放牧，牛牛自己周圍行搵草食，所以會相對精瘦，脂肪含量較少，對身健康會較好。

之前食過兩次，好欣賞牛既質素，平靚正，煮法又講究，飲品都好有特色。但最近去，book咗位，佢地個system唔知做乜，一日send咗成十個message叫我確認，極滋擾，確認完又繼續狂send嚟叫我確認。去到食，先知只得75分鐘用餐時間，結果食到好趕。薯條冇之前咁熱辣辣，亦冇好似之前咁主動問要唔要re-fill（呢個係佢地之前既其中一個賣點）。味道keep到，有松露香味，但唔夠熱真係差好遠。牛扒我同朋友揀咗是日特別推介，侍應話係比較嫩滑既部位。食落口感唔錯，但都一樣係唔夠熱，比起之前遜色不少。食到一半，侍應話我地剩返十分鐘，見出面極多人等緊，我地都唔好意思，所以快手食埋就算。鋸扒鋸到咁趕時間，真係人生第一次，完全冇辦法慢慢品嚐。朋友都話食完好辛苦，因為太趕。其實上菜唔係特別快，憑咩限75分鐘咁少。總結就係，以後唔會再幫襯。

好耐之前已經黎過呢間食肉!今日同食肉獸朋友,緊係推介佢黎呢到食高汁肉啦！因為無book位,出面都有人等位加上入面都幾full下,我地等左大約半個鐘..薯條任食,呢到的薯條帶點點黑松露味,有薯味好好食,真係可以食晒一盤!大家都叫同一樣野食!平鐵牛已經好出色,順帶一提,之前食過豬鞍都唔錯!牛扒一上碟伴焗蒜,蒜粒非常淋身唔辣口,平時唔食蒜都可以一試!夾埋d牛肉一齊食,勁香口!我本身叫左5成熟,但同朋友個個7成混亂左,5成熟真係世界級!5會乾身Dirty lemonade野食比野飲吸引,或者太多冰 唔係好飲到咩黎

今日寫吓 我鍾意嘅平民價鋸扒之選💸呢間扒房用咗second cut嘅牛肉Flat iron 平鐵牛扒佢位於牛三角肩對上嘅部位 肉芯中藏着粗牛筋 要細心處理掉才會找到它的肉質鮮嫩Flat iron $150點咗medium rare牛扒簡單以香草、鹽、胡椒調味肉質入口軟嫩 但較乾身 多啲肉汁更佳而且份量比較少 男仔就建議加底～不得不提 佢嘅炸薯條!!! 薯條即炸即上 但唔會過分油膩 滿滿薯仔最重要係用咗松露鹽 真係好容易食上癮無限量任你Refill (我都食咗三盤…)美國30日穀飼Prime級平鐵牛扒 $268比較起嚟 呢款肉味再濃啲伴碟嘅薯蓉味道偏淡 牛油味重啲會更好整體性價比：🦖🦖🦖🦖

早期Top Blade被稱為港版Flat Iron，英國Flat Iron係當地真係算好抵食，Top Blade既定價係香港黎講都算進取，因為佢嘅薯條係任食！仲要係好食！平時食得唔多黎到Top Blade都唔小心食多左🤣聽完店員介紹之後，今次叫左兩款唔同扒：🔪美國390日穀飼Prime級平鐵牛扒(建議medium rare) $268🔪是日特別版招牌平鐵牛扒(慢煮3小時，熟度固定) $238🥤dirty檸檬特飲 $45首先係美國390日穀飼Prime級平鐵牛扒，medium rare肉色超粉嫩🤤熟度控制得宜，唔會因為生而變得難咬(我本身都中意食medium rare，但試得太多次餐廳處理得唔好會難切又難咬，所以我會叫medium去避免呢個情況)，如店員介紹，呢款係牛味會重啲，沾鹽食係最好，我覺得個醬唔係太match。至於另一款限量供應既慢煮牛，肉質比較軟稔，但就爭咁啲肉味，如果冇比較啲話呢款都ok，但有得揀會揀Prime級。薯條我地encore左一次，松露+幼薯真係無懈可撃😍dirty檸檬特飲好特別，唔係一般lemonade，佢係用檸檬煮焦糖去做左個醬，飲落陣味有啲熟悉，飲多兩啖諗到係

依間店的裝潢好舒服同樸素，好岩傾計。💁🏻‍♀️是日清單如下:usda prime 390-day grain fed flat iron, served with mashed potato美國390日穀飼Prime級平鐵牛扒 $268🐻‍❄️🐮叫咗三成熟，岩岩好，好淋同好有肉味。終極漢堡| Ultimate Burger$160🍔好juicy，而且職員仲好細心，因為我地兩個人SHARE，佢地上碟的時候已經幫我地分開兩份。另外，必定要試的係~~😍黑松露薯條😍~因為真係好好食，即叫即炸，黑松露油好香。我叫咗3rd round🤤🤤佢係屬於果種較乾身同幼身嘅薯條可以見到有幾咁好食。當日，我已經破曬戒🤣🤣follow my ig@ foodaily.pet

Lunch 食咗burger set. 啲薯條同個burger都係超鹹。咁既價錢食麥記好得多😓埋單加埋加一要$96，比$100仲博唔找錢🤬我第一次去，唔會有下次😏

一開始拎完飛店員同我地講等大約10分鐘，最後等左超過30分鐘都算，其間見兩枱客無取飛同個staff講兩句就我地更早入内。優先比朋友食無問題，但就吾好比個錯既等候時間浪費其他食客時間之後我地兩個人叫左一份牛扒一份薯條。薯條太乾比以前退步左，牛扒都keep到水準。重點係個店員喺我地食緊先提醒我地要叫兩份主食。我地雖然好飽都叫多咗一份。埋單時比返意見餐廳，要喺介紹 menu時提醒返客人要每人叫一份主食，吾係每位客人都會留意餐牌底下嘅條款。店員無表示抱歉，更回應依樣係食客既common sense，非常無禮貌。唔尊重食客既餐廳一定吾會再光顧

安排座位超級混亂😊1908拎了飛諗住冇咁快到去對面涼下冷氣之後1920左右叫到132號即刻番番餐廳門口個顯示器仲系132既去到show 張飛比店員睇比佢比手勢等等之後一直入台一直都入訂座同好前既號碼明明話叫過5張吾會補飛都算 叫叫下跳左去134問個店員132號要等幾耐佢問返我轉頭做咩過左號碼唔同佢講咁門口個顯示器系用黎做乜？☺️最後好谷氣 就算等左成粒鐘都決定吾食

呢間餐廳主大食Flat Iron，所以Menu選擇得幾個，重質不重量👍🏾 Flat Iron依個部位要花時間同心機去筋，食落牛味濃厚，但肉質嫩滑！今日同朋友慶祝生日，我一早就去放低個蛋糕🎂，店員都好幫得手，較啱時間拆盒上碟上蛋糕，點埋蠟燭，成功製造驚喜😍(試個有間餐廳係生日朋友面前問我: 想問蛋糕number 係咪450🙄🤣) .落完單之後，店員主動送上📌黑松露薯條🍟(ALL YOU CAN EAT😍) 幼薯有淡淡既黑松露味，但係又唔會蓋過薯條本身嘅薯仔味! 唔使點茄汁都好好食！但雖然係任食，但其實一份已經好多，一兜已經飽哂，所以我哋都冇refill到!.📌蟹肉藜麥沙律🥗+ 南瓜湯 (+$48)味道唔錯，正常發揮! .📌美國390日Prime穀飼牛扒 (medium rare) $268 上到枱，見到牛肉中間係淡紅色，煎到啱啱好，熟到跟足我哋嘅要求 : medium rare！切落，生得嚟唔會出血水，肉質柔軟! 食落牛味好濃好嫩，食到牛肉嘅原味，非常juicy！另外有個醬汁，但個人認為點少少鹽已經好好食。onside既薯蓉🥔都好滑，好香牛油味，好食! 成份牛扒份量唔算多，但食埋薯條一定

尼間半年前已經食過，果陣仲要等左成粒鐘🥲🥲今次再去唔洗等位直接入得，同埋佢有lunch優惠！有興趣都可以留意一下。佢環境都有心思到裝修，服務態度都唔錯👍🏻👍🏻-👅：香草平鐵牛扒$150佢既肉汁好豐富🤤🤤口感都外脆內軟，煎到表面好脆而且大有少少蒜香味🧄👍🏻同埋會另外送上整粒既蒜頭🧄。-👅：avocado egg smashed burger🍔 $85佢尼個漢堡包都唔錯，但勝在肉汁夠多，再配上牛油果成件事勁夾，芝士係半熱溶狀態，尼個價錢值得一試。