Top Blade Steak Lab (新城市廣場一期) (已結業)

因為來過一次，上次服務出品都非常出色，所以回頭，點知今日極度失望，一個字形容「差」。服務差：1，先講門口有欄河以為用來排隊，點知原來係要職員㩒飛。2，水喝完要叫才會加水。3，應該人頭上薯條，枱枱一樣，點知侍應只放下一碟。4，侍應不自己放好餐碟，又唔叫我們幫忙，只用眼神要求我們幫手上菜。出品差：1，上次仲話一分錢一分貨，貴嘅一定係好食d，點知今次件貴貨極差，有次幾長又粗嘅筋，件扒又極度嚡口，同上次入口即溶，真係天淵之別。2，兩份牛血水太多，影響口感。店家以上出品同服務若果保持唔到水準，時好時壞，單夠名氣絶對不能久活，希望能夠改善一下。

本來見到其他分店咁多好評所以好期待，不過真係好失望。我哋係晚餐時間去買外賣，點左特價牛肉飯終極漢堡加薯條同兩杯dirty lemonade 只有終極漢堡係熱嘅，不過就最失望，因為個底塊包係完全燶晒！黑晒！硬晒！唔明白點解燶到咁，黑到咁都可以照比客人！換過一塊包有幾難？叫人點食？就算中間舊牛ok，都唔會再去呢間嘢食。個廚師太差了吧？個牛肉飯係凍的，牛肉大部份都好鞋，冇咩味，不過日本米係OK，幾有咬口嘅。盒薯條都係凍嘅，不過食得出係用松露油炸嘅如果熱嘅應該會好食好多。Dirty lemonade 有別於一般嘅lemonade，有種特別嘅味道，隻味應該唔係個個人都鍾意。落單位員工係有禮貌嘅。整體來講，所有嘢都有待改善。

I visited this new outlet at New Town Plaza amid the COVID-19 outbreak. AllDiners are sufficiently spaced to maintain social distance. Ordered the Ultimate Burger, fries and the dirty lemon tea. The beef patty is cooked perfectly at medium-well, served with all those classic toppings and a super-soft brioche bun. The only thing I would pick on is that the bun wasn’t toasted. All in all, it’s great value for money.

今次食嘅係外賣專享的香港加油餐<大阪牛肉飯> $58牛肉係一舊舊嗰D，唔係平時吉野家嗰啲一片片薄牛，牛肉的份量夠多，肉味濃，牛肉飯汁都好入味。飯底使用日本越光米，口感煙韌，有響日本食嘅風味。飯底嘅份量女士一定夠食，男士可能略嫌不足。<Dirty檸檬茶> +$8幾特別，味道清新，又唔駛篤檸檬。留意由於檸檬同茶煲埋一齊，只得一個甜度，無得揀走甜少甜。總括來說，以$58 + 8 呢個外賣價，再用晒環保包裝及餐具，我會講冇得輸，一定會再encore！

揾食時，行過見新開將，所以八吓望吓menu，咁啱店員見到我就向我介紹吓。據店員所講個$58牛肉飯係特別喺疫情下推出嘅外賣項目，牛嘅部份就乜都有。試食精上身一於叫個牛肉飯打包!拎住外賣行咗陣至上樓，過咗半個鐘有多至食。賣相: 好多牛，幾乎舖滿飯面，細葱粒好脆嫩味道: 由於過咗一段時間，所以係唔會熱辣辣啦! 雖然温度降咗，但味道都好ok。牛有牛肉，牛根，全部都唔 un同牛味香濃。汁好味，可以多D就更好，因為食食吓D飯唔夠汁。飯就有黏住外賣紙碗情況，不過用少少力都可以分開。份量: 以為好細，其實又唔係，當日當早+午餐一次過食都有滿足感!值得提提: 1)仲有飲品送!2)外賣餐具都走塑!

見到銅鑼灣和何文田店咁多好評，梗係近近地要去沙田新店試吓，點咗勁多人推介嘅flat iron steak$150，lunch送薯條/沙律/湯一份，我選擇咗薯條，和另加$8香港奶茶（凍），等了幾分鐘第一樣送來嘅竟然係個扒，個扒沒有肉汁，只是微暖，完全唔熱，就算五成熟牛扒面層應該係熱內裡暖，恐怕是一早整定了，幸好個扒係有牛味。跟著凍奶茶送來，恕我直言，杯凍奶茶真係非常難飲，又淡又苦咁唔知點形容，跟著薯條熱辣辣又脆非常好食，不過最好快啲食，幾分鐘後薯條凍咗就冇咁脆，埋單連加一$174，呢度主打係牛扒但咁嘅質素唔算抵食囉！不過我會比多次機會下次試吓burger

沙田新城市廣場，終於有一間CP值高的牛扒店😃✌️！之前想食靚牛扒，只有位於第三期的 Outbxxk, 但價錢相對較貴，我地哩類常常在沙田搵食的上班族，當然希望有更多好選擇😄 Top Blade 逆市開張，我欣賞老闆的勇氣，睇CWB分店食評好多人讚，所以沙田開張，我就即刻去試吓，完全冇令人失望，推介推介我係午飯時間過去，所以可以食Set lunch ：價錢由$78至$160，豐儉由人，我和友人通常都係選取中庸之道，叫咗一個平鉄牛扒和一個終極漢堡.Set Lunch 可以選擇沙律或餐湯或薯條，我哋揀咗沙律同埋餐湯～個湯係蕃茄甘荀湯，開胃又夠熱，好好飲啊！個沙律以為佢係一個小碗，原來分量都幾大，仲唔係齋沙律菜，有藜麥同埋蟹肉喺𥚃面，蔬菜爽口新鮮，雖然係跟餐，但一啲都唔hea平鉄牛扒登登登登！ ！終於嚟到主菜，我最鍾意嘅牛扒，超級推介牛味非常濃郁，半熟剛剛好，一啲都唔韌，份量足（我唔知男仔夠唔夠食）佢個餐牌寫 ’best medium’真的做到了性價比極高，必須要提嘅係配埋佢個烤過嘅半個蒜蓉超級推介!!終極漢堡牛肉漢堡扒好吃，但如果可以更juicy 就更加好，所有材料都配合得恰到好處，質素合乎期