Top Blade Steak Lab (梭椏道)

营业中

休息中

Top Blade Steak Lab 喺何文田往旺角必經嘅梭椏道，靜中帶旺。店內裝修和燈光充滿了味道，新舊交錯但又看得舒服，亦很配合Steak Lab的主題。桌上每人一個Pan，頗有為新潮和具特色！原來店員會捧著一大盤薯條，無限幫我哋Refill，厲害！加$48會有House Soup同埋Super Food Salad。今日嘅House Soup係香草忌廉蘑菇湯，又香又滑，仲要有勁多蘑菇肉，正！Super Food Salad 加入了藜麥和Sustainable Tuna，健康好味之餘，仲唔會破壞生態。Bless Apple Earl Grey $35冷壓蘋果伯爵茶，清爽甘甜，女士啱飲！Frontier Beer $48英國手工啤，散發著淡淡的香味，冰涼清爽！Skirt Wagyu Beef $268早吃晚餐有著數，我哋竟然試到限量嘅Daily Limited Offer！店員推介Medium的和牛Skirt Steak，肉味濃郁，油脂充足，肉質細嫩，正到冇朋友！墊底的薯蓉同樣出色，壓至極度細滑，仲要索咗唔少和牛嘅精華，真係好食到停唔到！USDA Prime 390Days Gra

朋友食過"Top Blade Steak Lab"推介尼間餐廳正，我開頭睇佢menu得個幾樣野食，成個menu得一頁，前幾日就半信半疑去食晚餐，食完先知道乜野係貴精不貴多，餐廳以牛"Steak"為重點，果然係好好味。Menu有三款牛扒，一款豬鞍扒同一款漢堡，我地點左每日限量既Prime級平鐵牛扒，跟薯蓉及配菜，店員建議medium rare 至 medium，因為肉質鮮嫩，但我好少食得敢生，所以最後要medium well。七乘熟既牛扒仍然非常嫰滑，好有牛香味，果然係高質素，另外跟一個醬汁，醬汁味道好濃，有d朱古力味既感覺，牛扒唔需要沾醬汁已經好好味。另外點左一個漢堡，漢堡好大份，漢堡扒又厚又juicy，超級好味，個人推介，伴碟仲有沙律菜，清新好味，可以平衡一下肉味。加$48可跟餐湯同藜麥沙律，是日餐湯係磿菇忌廉湯，好多磿菇湯又濃，一人份量剛剛好。藜麥沙律菜新鮮又好味，最正係個sauce，唔太濃能帶出新鮮感。餐廳另一特色係All you can eat fried，任食即炸薯條，帶點黑松露味既薯條又脆又香，我地都refill左幾次。最後食埋甜品熱情果撻 味道酸酸甜甜，十分好味；而飲品就

我係牛魔王，幸好身邊嘅朋友都係同我一樣喜歡食牛，所以我哋會不停四出搜羅優質靚牛扒。今次我哋喺openrice搵到一間位於旺角梭亞道榮英大廈地下的牛扒餐廳，名為「Top Blade Steak Lab」。餐廳裝修設計以水泥配霓虹燈，別具型格。而餐廳是走非主流路線，餐牌上只有3款牛扒1款豬扒，加1個特別推介以及是日精選，牛扒全是Flat Iron部位，而且薯條任食。我哋先叫了一個$48 嘅side dish combo 沙律，可兩人分享一份，有quinoa、tuna、sweet potato 同mixed vegetables ，食肉前先食蔬菜打打底，沙律很新鮮，既健康又可平衡一下食肉的油膩。至於是日餐湯蘑菇湯都好夠濃郁香味，飲到細細粒蘑菇肉， 夠曬熱又暖胃。扒類方面叫了「 客席主廚平鐵牛扒」英文名叫 guest chef flat iron steak，塗上用葡萄加紅酒烹成的醬汁，味帶點甜。至於Flat iron 入口軟腍，肉質有點像牛柳，但肉味更濃，而且油脂不算多。任食松露味的薯條，薯條比較幼身，有一點點乾身，但總算正正常常。朋友話想食埋個「西班牙栗飼豬鞍 Spain Pork Rac

在旺角火車站行過黎大約十五分鐘，餐廳位置處於旺中帶靜的地點，店面不大，頗有外國小店風味。這店主要食牛扒，薯條是任食的，對於薯條迷黎講係一大樂事。Chef Flat iron (7/10分）招牌菜式，點了medium，生熟程度剛剛好！幾有牛味，配它原來搭配的青醬一起吃，味道更上一層樓。Hanger Steak (8/10分）同樣點了medium,這個部分的牛味比起flat iron更為濃郁！推介！而且有一整個蒜頭搭著，整體很滿意。任食薯條 （7/10分）雖是任食，但其實自己食哂一盤都已經很飽，所以最後都無refill,不過薯條都新鮮熱騰騰，好難唔好食的🤤Dirty Lemonade (6/10分）很refresh的飲品，不過個人不太喜歡grilled lemon的味

牛扒好多人都喜歡食，要搵一間唔貴，但好食既牛扒餐廳唔易，聽友人介紹Top Blade Steak Lab 唔錯，馬上過來試試。此餐廳主力賣Flat Iron平鐵牛扒，此部位香港好少見，據說是牛第二嫩滑的部位。法式慢煮牛扒牛扒要好味，其中一個重點是一定要做到牛肉汁留到在扒入面，而慢煮正正完全是可以做到。原理是慢煮是用一個固定的溫度，將食物慢慢加熱，就不會over cook，食物本身既美味更可以保存在裹面，加上時間既控制，就可以做到你想要既生熟程度。Flat Iron 牛扒一送到來，賣相吸引，表面有光澤，也有陣陣燒焦香味，相信是慢煮完，再用大火燒過才會有既效果，用刀切開一塊送入口中，牛肉鬆軟嫩滑，肉汁豐富而回甘，加上扒汁、海鹽和黑椒作提味，再將美味提升至另一層次黑松露薯條薯條係即炸，食到黑松露味道，加錢跟set 可以任食總結呢間牛扒餐廳係一間好用心經營既餐廳，雖然店面不大，但佢地會定期同唔同既Guest chef 合作做出新菜式，有此能力通常係酒店或者大形餐廳，喜歡食牛者都推薦可以來試一試

Happy Friday! 鋸扒day! 星期五男朋友帶我到何文田這間扒房 這條街道內沒有太多間餐廳 但遠處望過去就知道我們要找的餐廳在這裏 因為得呢間要排隊！受歡迎的程度可想而知～呢度既扒沒有太多選擇 做得夠專 flat iron就係招牌👍🏻所以質素方面大有保證 我哋最後揀選guest chef flat iron steal (medium) 和usda prime390days grain feed flat iron (medium rare) Guest chef 烹調方式時先煎封牛扒再以慢煮烹調 令到即使達半成熟的牛扒 都可以食到外香口 内稔滑的質感 味道好濃郁 每一啖既味道都好均衡 真係太好味😋坦白地說 出黎既肉 望落感覺到微微超過半成熟 但食落口感卻是非一般的嫩滑💯如果呢個未能滿足你 一定要叫usda prime呢款 牛味更濃和持久 肉質更嫩滑亦超多汁 每切一下都見到牛既汁漫漫滲出來😋回味無窮！不過個人就唔太喜歡他的朱古力燒汁 而基本上 靚嘅牛扒唔需要任何汁已經好完美👍🏻這裏的職員非常友善 主動向你介紹餐單來各款扒的烹調手法 而免費嘅黑松露薯條 佢哋亦都頻頻黎添加😋另外

喺何文田從亞皆老街見到蜆殻油站之後行入去梭椏道就直到呢間西餐廳。餐廳面積唔大，但老闆胸𦡞濶大，響呢度叫左炸薯條食，食完可以再食，無錯，喺任食炸薯條，仲要係黑松露炸薯條，因為即炸，所以脆卜卜，唔知佢地係用邊度買嘅薯條呢，脆卜卜得嚟又煙煙勒勒，特別得嚟又好食。又叫左個美國390日谷飼prime級嘅牛扒食，要求熟嘅程度喺medium rare ，上檯時仲好特別咁見到配上朱古力醬，唔好話從來未試過朱古力醬配牛扒食，真的連諗都未諗過，不過入口確實味道又唔錯喎，最欣賞喺牛扒碟上灑滿雪花幼鹽，切一塊靚牛扒再加上小小鹽，味道一絶，冇得輸。甜品要左熱情果芒果tart ，兩種生果冇話邊個搶左邊個嘅味道，同一時間口腔中有熱情果同埋芒果味，正呀！

新嘅一年又開始啦，剛過去嘅聖誕節朋友試過話有間好好食嘅牛扒餐廳，介紹我去食，今晚經開旺角東，梗係約埋朋友一齊去試吓啦！店員好熱情咁解釋一下各款牛扒嘅分別。朋友話有一款牛扒係配朱古力幾特別，我就一於試下啦！原來系Flat Iron，menu介紹話系第二嫩滑啲牛扒，在等候大廚整牛扒啲時候，新鮮剛炸起既薯條就上碟，好正，仲不停 refill，等左無耐，美國390日谷飼Prime級平鐵牛扒有得食啦！牛扒係來自美國加州brandt家族用上谷飼的牛。香噴噴，未吃已俾賣相吸引住，相機食先～先試一口原味没有點朱古力的，牛扒係medium rare岩岩好紅紅地色，原汁原味係腔內左右徘徊，廚師高超的煮法，令肉完全發揮它應有的素材，不被浪費，唔好講咁多食先，朋友果然無介紹錯！ 之後試埋朱古力sauce Z-chocolate 系列，估唔到幾夾隻味，聖誕節情人節帶女朋友黎鍾意。再配手工啤酒一流。我地仲點左平鐵牛扒，原件上更juicy, set 跟藜麥沙律&蘑菇湯，可以2 人叫一set, 2 樣都叫晒沙律都得，夠flexible~超飽之製，最後都係食埋是日甜品：熱情果pie，兩人份量都唔錯，酸酸地幾醒胃，又唔太

諗起食優質的牛扒，一定會去中環或尖沙咀等的地方，今晚朋友帶我去到何文田梭椏道（Top Blade Steak Lab ）餐廳門口已經排曬隊，餐廳地方不算太大，但好有特色，坐下來店員會介紹牛唔同的等級及煮法，令到我們認識到牛的各種部位及特質。磨菇忌廉湯，滿滿的蘑菇，濃郁的忌廉湯，十分美味。另外新鮮又香脆可口的松露薯條可以無限添加。吞拿魚藜麥沙律，沙律清新鮮甜，分別有新鮮蔬菜、番薯、藜麥、吞拿魚等，將黑醋汁拌勻食，十分醒胃。Spain Pork Rack$150， 西班牙栗飼豬鞍架，煎至九成熟，肉質都不会老，仲好鮮嫩，肉質豐盛，再配上半個炸蒜頭、洋蔥絲、椒絲等配菜，非常惹味。USDA prime 390日谷飼flat iron $248 ，賣相十分精美吸引，用左 超級牛肩位，肉質粉嫩，食落好軟腍，牛味甚濃，真係要每一口都要細嚼品嚐，果然是頂級。飯後甜品，芒果熱情果撻，味道酸酸的，但越酸就越想食。

呢度出名Flat Iron 平鐵牛扒，據說呢個位有人硏究過，係第二嫩滑，所以好想嚐嚐呢種牛扒客席主廚平鐵牛扒係慢煮既，慢煮既平鐵牛扒，入口鬆軟嫩滑，牛的肉汁特別多，特別juicy，同平日煎既牛扒係唔同d西班牙栗飼豬鞍架好大份，連骨既豬鞍好似斧頭咁，豬鞍脂肪和豬肉一層一層咁，咬落甘香多汁，又滑又嫩，好好味南瓜湯好鮮，沙律菜配上藜麥，味道清新，薯條免費添加，口感香脆冷壓蘋果伯爵茶好飲，伯爵茶濃而帶陣陣蘋果香意大利手工啤酒好濃味！熱情果撻好鮮熱情果味，撻底鬆軟，好味

放工又係搵好野食既時間，係旺角東站往何文田方向行10分鐘左右就搵到呢間係小街入面既隱世扒房，晚市時間都等左一陣位先入得。menu 選擇唔多，除左牛扒仲有豬鞍同burger 可以揀。呢間扒房係主打食牛肩膀位置 (flat iron) 同朋友叫左一份 guest chef，一份每日限量供應既谷伺 Prime 級 flat iron。原來呢度既薯條係免費任食，聞落同食落都有香濃既松露味，認真揼本。跟餐加48蚊有個沙律同餐湯。guest chef flat iron (medium)，肉質非常嫩滑多汁，但肉味較淡。Prime 級既 flat iron (medium rare)，食落除左有guest chef 既嫩滑多汁之餘仲好有濃既肉味，個人比較鐘意呢個。

奄尖友人介紹黎食，佢介紹得都有保證，之前食過，隔左排又再黎食過。薯條都係依舊任食，有黑松露鹽，食到停唔到。今次叫啲上次無食過嘅扒，畢竟選擇不多，每塊扒嘅分別除左部位唔同，煮法都好唔一樣。加左個藜麥沙律同甘荀湯，營養滿分。呢個USDA Prime 390日谷飼flat iron係每日限量供應，好在今晚叫到！呢個部位係成隻牛第2滑嘅位置，廚師set好左medium rare，食落果然好正，好滑之餘牛味好重!食完成個口都有陣濃濃牛氣，配菜薯蓉都好好味！！呢個係Hanger Steak，係今日嘅special，見未食過又叫黎試下，相對flat iron會有咬口啲，都好食，不過flat iron會好食啲。最後試埋個甜品，今日係芒果熱情果撻，好酸好酸，唔驚會滯！

第一次黎食，間店原來都幾近屋企，步程先15分鐘，唔係朋友介紹都真係唔知有間隱世扒房，餐廳7點半已經滿場，但呢日輪休放假係平日，所以6點半已就坐開餐了。Waiter好nice，會主動介紹flat iron呢個餐係咩部位介紹咗唔同嘅煮法唔同嘅等級等會有咩唔同口感我地大包圍，每人點一款食物選擇種類唔多，但咁樣先做得專做得出色，反而餐牌太多樣化，會集中唔到功力吞拿魚黎麥沙律，沙律加咗藜麥食落感覺冇咁DRY，味道酸酸甜甜，蔬菜量幾多，口感唔錯亦好新鮮，菜蔬好脆，呢個沙律我地都異口同聲認為好味喺等塊扒嘅時候，除左有SALAD仲有南瓜湯甜甜地，南瓜湯每啖都好濃稠，非常足料食緊野期間，仲有侍應會不斷過唻自動幫你fill薯條，食到有黑松露味，好香口，薯條好脆口雖然係任食，不過味道絕不馬虎！熱辣辣，脆而不油，味道夠鹹香，非常好食！點左 「 美國390日谷飼Prime級平鐵牛扒 」，全熟都好食口感好，非常有層次！配上焗左嘅蒜食會甜甜地非常非常juicy，D肉汁係口到浪下浪下西班牙豬鞍架  我地要既豬鞍出場最後出場, 即時上枱果下極香，份量亦非常大，脂肪比例平均， 真係好正食落完全吾覺得肥膩,又多汁,好正呀!

今晚同朋友出開何文田，朋友介绍依間叫top blade steak lab的食店。結果真係無介绍錯。店內環境装修舒適，冷氣充足，坐得好舒服。店員友善又有禮貌，很熱誠地推介了一些食物给我們。看完餐牌之後，款式十分多，又有任食的黑松露炸薯條，炸得夠新鲜又夠熱，一食再食。正呀。首先叫咗個牛肉漢堡，好好味，肉汁又多，牛肉好鮮味，芝士又多，生莱十分新鲜。牛肉足足有幾豪米厚。真係好回味。至於前菜沙津份量十足，蔬菜及配料好新鲜。至於牛扒，肉質鮮美，又有口感，唔算韌，個人認為7至8成熟是最適合的。另外，薯蓉都好正，好入味道。最後食埋個芒果批，熱情果味道好濃烈。飲品好咗杯泡沫咖啡，同樣有質素，又滑又香。綜合各方面，依間扒房絕對值得推介。

這間餐廳提供了任食薯條，首先吸引了我們這些薯條愛好者薯條新鮮炸的，不時有人拿出來問你要不要熱辣辣的，特別脆口薯仔切條，好有薯仔味道南瓜湯味道鮮甜少少杰身，不會太痴口藜麥沙律好有益，沙律新鮮翠綠藜麥又對身體好，細細粒，口感特別美國390日谷飼prime 級平鐵牛扒，是無抗生素，又無賀爾蒙，入口牛肉味道重，而且這個平鐵部位，是牛肉中特別嫩的部分，入口鮮嫰淋身，口感一流配合朱古力味的醬汁，入口甜甜而帶咸，令肉味更清新而封梅柳亦是牛的部分特別少有的，圓圓的一條封梅柳，好有肉味，而且好林好嫩身，牛肉汁多到充滿整個口配合手工製的mojito 及 英國手工啤酒，好正熱情果tart 甜而不漏，好好味