Top Blade Steak Lab (梭椏道)

营业中

休息中

今日同男友兩週年，佢話想試下呢間，就黎咗呢到。可能時間尚早，未算好多人，安排入座後，店員見我地好多嘢，就俾咗個箱仔我地放嘢，之後就開始推介了，我地叫咗兩份share，好好食！好有牛味！薯條仲可以任食🤤有少少黑松露味，又熱又脆！停唔到口🙈我地都覺得呢間好值得推介，下次有時間會再黎過！

上一次經過這小巷，見到這店已經覺得很吸引，就是想光顧一下了！剛好有朋友從台灣回港，她很想念西餐廳的牛扒，我就和她試試看！裝潢設計很有特色！滿滿的工業風，加上門外有張長長的椅子，的確令客人未進餐廳，就有種猶如置身於韓國台灣街頭之中，環境舒服，胃口大開。我們看到此店有不少肉類款式選擇，看得到下了不少心思，而食物很多元化，最後選擇了西班牙粟飼豬𩣑扒和客席主廚平鐵牛扒。餐前有熱湯和藜麥沙律，值得一提的是仼食的薯條，真是大滿足！至於客席主廚平鐵牛扒，份量較少，但有葡萄酒煮成的汁就推介，另外西班牙粟飼豬𩣑扒的水份很足夠，如果配菜多一點就更好了。最後，甜品很有驚喜，酸酸甜甜的熱情果撻，大愛！二人光顧了$500左右，很飽肚。

自小已經好鍾意鋸扒，喜歡過種口感無得解釋，特別係特別部位例如牛肩較軟，街市肉檔搶手貨，琴日朋友帶我去左梭椏道一間西餐廳，主打牛扒精選，一早去到無乜人，服務員詳細推薦廚師特色菜，最特別原來套餐巳包任吃薯條，呢啲夠晒體貼，未食餐叫左飲料傾下計先，兩杯雞尾酒都清新開胃，virgin mojito和duty lemonade都用上新鮮檸檬配合，女士特別喜愛，而任吃薯條外面 炸得很脆又入味，過餐湯就比較淡味，好在有道開胃先鋒藜麥沙律，滿是粒粒健康藜麥混合少許甜薯和吞拿肉碎。終極漢堡就大大個份量十足，裡面牛肉塊好厚又夠牛肉味，有口感，唔止還有香氣芝士和洋蔥蕃茄生菜，令人回味。跟住上牛扒主菜flat iron steak,肉質外層煎得香脆，口感腍而多汁，味濃甚香。精華限量prime flat iron係特級牛肩位，肉質軟腍，牛味甚濃，要細味咀嚼，全天然飼養方法才令肉質如此特別。最後還有豬鞍架，煎得面香脆肉滑又唔騷且充滿肉汁，美味。總結，美味頂級牛扒，回味無窮，下次再吃

以前細個去鋸扒，餐廳祇記得叫花X,而家好多選擇，但品質就好參差，昨晚同屋企人去自由道一帶睇狗順便晚餐，係梳椏道見有間招牌牛排屋巳經早早有食客鋸緊扒，呢間小店佈置格局好跳脫，用格空磚做屏風，燈光微暗，座位寬鬆舒服，年輕服務員好細心介紹餐廳吃牛推介，當然想試多幾款，最後品嚐到店家最高級別prime flat iron，除左牛還有豬鞍，又不致單調，滿足埋其他食客品味傾左一陣服務員送上配菜組合沙律薯條，薯條原來跟餐係任吃，我比較喜歡藜麥沙律，鋪滿新鮮菜面和配合少少甜薯和吞拿，真的賣相吸引特色飲料唔差喎，清新開胃嘅virgin mojito混合青檸汁薄荷葉梳打水，而醒神dirty lemonade用上鲜檸檬加rosemary syrup味道獨特，而義大利品牌menabrea啤酒入口醇美無 苦澀味，女性至愛終極漢堡餐真的很驚訝，份量很足大大個皮脆包軟，夾住好大件嘅牛肉，配上芝士洋葱炸蒜和蕃茄生菜，賣相十分吸引未食牛先吃豬，西班牙豬鞍架煎得好香，面脆肉嫩豐厚，口感脆爽，充滿肉汁，香而不騷食完豬到佢主打flat iron steak,用慢煮方式，五成左右熟，外層香脆，肉質腍且多汁，骨味甚香，最後係全晚

前日親戚介紹我黎食呢間平價高質牛扒。呢間係我鐘意食嘅肉質稔身，但重牛味嘅！呢度嘅店員好好，我問佢有咩推介，佢好詳盡咁講解每一款菜式的味道同質感美國390日prime flat iron ，medium rare呢個係有品牌的牛扒，果個品牌係唔打抗生素的，食物安全保障 flat iron本身就肉質稔少少，唔會好韌，而呢塊prime級數油花仲靚，真係好似食緊好重牛味的日本和牛咁呀！係完全唔韌！碟上撒上海鹽，點牛食 就更突出牛的味道。 另外有點驚喜係呢度用朱古力做source,用黎點牛食， 味道又唔衝突喎！值得一試！ 薯蓉好香，有少少顆粒感，係我鐘意的客席主廚flat iron , medium熟度剛好！ 切開顏色好靚會揀呢個嘅原因係想試吓slow cook。 呢個牛味好出， 但油脂當然唔夠prime果塊咁平均咁靚啦。西班牙栗飼豬鞍架平時啲豬一定要全熟，但係呢塊係素食豬而且高級D，所以呢廚師就煮到9.5成熟，令肉質啱啱好。呢塊豬炭香味好重，幾香口， 而且就算咁厚都熟度剛好呢度薯條係任食！ 店員見我冇晒就自動幫我加，好貼心！唔洗怕唔好意思啦我重點係次次都好脆同熱藜麥沙律同甘筍湯，味道普通英國手

同朋友食升職午餐，緊係要食好D，但又唔想太貴之下就響openrice 度做左D功課，揾到間叫Top Blade Steak Lab，地點旺中帶靜，我哋由旺角彌敦道，沿住亞皆老街行入去，不出十分鐘就到。餐牌只有兩張，主要食牛，全靠侍應講解得好，我同朋友好快就揀到自己嘅配搭。朋友要左每日限定嘅美國390日谷飼prime 級平底牛扒$248，前菜係任食炸薯條，份薯條炸得脆keep得熱，食落仲有份松露香，咁好食嘅仼食炸薯條，我哋都無叫第二份，因為本身已經好大碟👍🏼講返主角份谷飼牛扒，侍應推介五成熟，及介紹個朱古力醬，非常專業，值得一讚，侍應話個醬係用公司代理嘅朱古力，攞咗兩年朱古力大賽冠軍，提醒先食牛嘅原味，才點自製朱古力醬，真係各有各好味😋我就叫左藜麥沙律做前菜，有藜麥、吞拿魚、車厘茄、甜薯角、幾種新鮮沙律菜等等，分量足👍🏼主菜西班牙栗飼豬鞍架 $150，廚師控制烹調時間啱啱好，外焦脆內肉嫩，少少豬膏令豬味更香👍🏼邊食邊配紅酒及handcrafted cocktail mojito （有rum, soda, fresh rosemary, lime及 peppermint )，將享受推至高峰

見到食評便去試一試，叫了廚師推介hanger steak, 同埋湯加沙律；之後湯同沙律秒速上，沙律仍可以但湯是微溫，我對湯沒大要求，味道也可以，照飲；點知吾夠五分鐘個扒已經到；大佬知你系多人排隊都吾駛咁吖。都算，點知塊排又系微溫，我糸人世間第一次食到微溫既牛排，味道更普通過普通，一肚火食完，個waiter問我點，我當然同佢講出我嘅不滿，點知佢同一般餐廳一樣講返一堆講咗等於冇講嘅嘢，例如塊排煎完要攤（都唔使放到凍哂呀嘛，同埋我7:16 入去，塊排7:30已經到我枱，你攤條毛呀？）；咁我都費事再理佢啦，唯有喺呢度同大家講聲下次去呢間野點返佢平時有嘅嘢好啦，廚師推介千祈唔好嗌，否則你會後悔莫及。個人會black list 呢間餐廳。

無肉不歡嘅我又去搵牛扒食喇，上網見到介紹跟住食，嚟到呢間位於何文田嘅扒房舖面已經睇到簡潔嘅餐牌～七點幾鐘嚟度都要等一陣位先有得食，舖頭唔算好大，但都坐得舒服嘅先嚟左個餐湯，係自家製嘅蕃茄湯，食落好thick絕對真材實料唔係罐頭湯我地一人叫左一份牛扒，分別係flat iron steak同埋guest chef’s flat iron 兩份都好有牛味，都跟足我地要求嘅medium rare呢個任食薯條除左免費之外，最值得推介係夠新鮮，廚房煮好一批就會由侍應拎出嚟逐枱添，熱辣辣好好味

因為係呢到的街坊，所以呢間餐廳一開就黎捧場，食左好多次。一開始佢地好用心解釋同服務好好，睇得出佢地對餐廳有要求。但今日再去，佢地話得60分鐘用餐，唔緊要我地都只係黎食野又唔係聚餐，諗住食完就走。我地被安排去到卡位，點了餐，食左一半，有個人同我地講要我去轉枱，話出面有4個人等緊！我地同佢講我地食到一半喎，佢就再問我地轉唔轉得。請問一間只可食60分鐘的餐廳，我地又一到一半，我地真係咁左住你做生意？我地表示拒絕轉枱就想收我地未食完的碟！ 這是什麼的服務態度呢？如果你想咁想食牛扒又唔介意比人趕又差服務的話，咁你就黎試下啦！

被廣告吸引咗去試下，驚好多人等所以喺旺角東行過去途中用OpenRice App攞定位先😛因為第一次去食，所以職員都有介紹下menu。平鐵牛扒叫咗medium，上碟已經切好一片片方便食用。食落冇乜牛味，有幾片有筋咬唔開，廣告又話會人手起走啲筋😐豬鞍有驚喜，九成熟啱啱好，肉質好嫩，有少少脂肪，配埋墊底嘅椒絲同洋蔥好好味😋沙律比想像中大份，新鮮蔬菜，蕃薯，藜麥，吞拿魚加埋黑醋汁好開胃。是日餐湯蘑菇忌廉湯，滿滿嘅蘑茹，湯底濃厚，個人好鐘意哩種濃湯😂薯條任食，有淡淡嘅松露香，而且每次都係新鮮炸出嚟😋Staff好殷勤咁問我哋要唔要加薯條🤣唔好嘅地方就係座位太逼，同埋限時一個鐘，慶祝或聚會就未必咁適合。

自從 Top Blade 响 lunch time 做 ultimate burger 50% off 之後, 同屋企人試左一次, 覺得牛肉漢堡好厚, 肉汁也豐富。真心喜歡, 於是即時在 facebook share 比朋友, 也介紹朋友去! 個個食完都係話用料出色又新鮮, 有蕃茄, 生菜, 紅酒煮洋蔥, 芝士, 等等, 而沒有因為 50% off 而將貨就價, 牛肉是幾 cm 厚的, 半價無得彈啦!偶爾再次獨自去到食 lunch, 原來餐廳已經將它們妁 ultimate burger 放進 lunch menu 中, $90 連薯條 or salad, 再跟支裝 soft drink or hot tea, 不貴啊。這次到訪同樣有驚喜, 層次同味道依然豐富, 絕對對得住呢個價錢!不過只限平日星期一至五 lunch time, 如果 lunch time 有時間, 是一個不錯的選擇。

呢間扒房好多人食，之前未有電視雜誌介紹之前已經想試，好多人都話好食同抵食。160蚊一塊扒其實唔算貴，但出街食飯，食得牛扒真係唔係為左平同大件先叫好。先講薯條，加左黑松露鹽，可能任食關係，真係一直幫客refill，上得快，所以薯條質素好好，夠熱，炸得透，好食！叫左兩款扒，menu提議要食medium，其中一款係慢煮。塊扒望落唔錯，食落真係好失望，上到枱係接近全熟，已經鞋口了，冇咩肉汁，慢煮果款牛味相比較重一點。呢兩塊扒響煮到過曬火，塊扒嘅品質好一般。medium嘅扒唔洗煎好耐，rest塊扒一陣就唔會過熟。慢煮牛餐廳地方唔大，有好多客等位，只可提供1小時用餐時間，真係唔好因為要應付人流而忽略食物質素。食一次就夠了。

希望支持小店，於是在網上找到這出名吃牛扒的地方。打電話去不能訂位，說要在網上訂，於是便在網上訂了今晚晚餐。要齊人才可以入座，一入座便告訴我們只得一小時用餐時間，讓我們有很大壓力！牛扒不太差而不如網上的說好，很普通的。我們點的 iron steak 部分處理得有點乾，要花點氣力𡁻！免費薯條是賣點吧！吃到50分鐘店員便走來告訴我們 60 分鐘便要交枱，那時還有三份一的扒未吃完，大家真的很有壓力的，只得一路吃連說話也不夠膽傾，怕未能如期吃完交枱。60分鐘後準時交枱，我們只可以走到隔離的店再喝東西與傾計。如果說真的很好吃，我覺得還甘心，而這樣平凡的牛扒，只讓我們有一個鐘頭時間吃，之後又要轉去另一個地方，我就覺得不值得！可能是他們實在太好生意，根本不會顧及客人感受，如果說有一個半鐘頭用餐時間我還可以接受！餐廳收費的價錢，要我們吃得像快餐店一樣，真的說不過！我們每人要付 $260 給這1小時的用餐，還要再到其他地方吃下半場

放工約六點半到，唔駛排隊直入，店空間不算大，店近大馬路，都算易去。一坐底，店員便很熱心的介紹餐牌裏不同牛扒的分別，店員介紹今日有餐牌沒有的Hanger Steak,部位是牛肚接近內臟的部分所以肉味較濃。點了一客Hanger steak 和香草Flat Iron。薯條新鮮熱辣好好味，帶有松露香味更覺惹味，我們吃不停口，不停添加薯條。香草Flat Iron, 七成熟，食落感覺似食炙吞拿魚刺身，牛味不濃，但很香滑。蒜頭是烤過的，沒有了原有的辛辣味，今原來不吃蒜的我也吃了一整個。這個特飲Dirty Lemonade,味道帶點咸,味道似咸檸檬飲料，清新可口。這個是罕有的Hanger Steak, 肉質軟滑很易切開，有濃厚牛肉味，配以紅酒汁更添鮮味。

呢次係我第二次黎食。 之前同父母, 今次同男朋友。上次係半年前嘅事, 同一個服務員, 上次態度好好, 今次完全一個睇唔起人嘅樣。莫講話專程中午上門訂位嘅時候比一個我阻佢做生意嘅樣我睇 (明明就冇咩客) 夜晚黎更係差中之差。比咗位我之後就講最重要嘅一句: 你得兩個人一陣要轉位。話黎介紹, 帶咗3,4張檯再回頭介紹埋都冇番過黎。 問要水都要3,4次。落單時店員又冇提有special menu 薯條又添得慢 (冇人手) 四個人只有d女仔好少少。 我著得普通, 個樣細啫, 但都係個打工仔。比得起錢嘅。 你呢度真心唔係好平, 我本來都係覺得質量加服務過得去先番轉頭, 但而家咁就一定冇下次囉如果一間餐廳係睇人個樣比服務人嘅, 咁恕我唔會去囉