TIT*F (已結業)

呢間麵包小店變左我地一家o既新寵, 雖然每次都要山長水遠專登搭車黎買麵包, 但係都心甘情願.今次一買就買左幾十蚊, 除左翻炒迷你緑茶紅豆包, 藍莓洛克包之外, 仲買左緑茶方包同緑茶南瓜包. 前兩者之前同上次食一樣咁正. 至於緑茶方包同緑茶南瓜包個包質都係一樣咁鬆軟, 後者o既南瓜餡真係以南瓜打成蓉, 個人認為店家無額外加糖, 所以甜味較輕清, 亦都較健康!

今日試左藍莓洛克包~果然係好好味~~其他仲有好多款出面少見既面包~好有心思~同埋呢, 收錢既伯伯好好人~見我多野拎仲幫我手~去開中央圖書館既朋友仔, 過條馬路就到, 一定要去試試呀~~

新年期間摸過門釘, 心有不甘, 剛過o既星期日又再次到訪! 今次除左買左兩個迷你緑茶紅豆包外, 仲買左:1)藍莓洛克包-- 構造有d似美心o既酥皮果占包. 用一層略帶鹹味o既酥皮包住非常鬆軟o既麵包, 餡料係藍莓忌廉芝士, 內餡又滑又甜, 似食緊特滑cheesecake咁. 而且包質真係異常鬆軟, 好正! 2)芒果芝士包-- 呢個係家姐食o既, 佢話內餡係兩片芒果同忌廉芝士, 味道一樣係頂呱呱!最衰唔就腳, 如果唔係日日幫趁!

去到銅鑼灣, 特地繞到摩頓台, 欲到TIT*F買好味綠茶包, 可惜舖頭新年休市五日, 要下星期先啟市, 非常失望! 離開時o係後街見到一間士多舖, 售賣多款口味o既糯米, 包括豆沙, 黑芝麻, 芝麻花生, 椰絲花生, 甜芋頭, 甜綠豆, $3.5一個, $10三個. 記起曾幾何時有人推介過o係摩頓台一間街坊士多舖有多款好味糯米, 估計應該就係呢間, 就買左兩個豆沙餡一個甜芋頭餡.夜晚食完晚飯後同家人以此作甜品. 食完每個都對糯米讚口不絶! 糯米皮非常柔軟而富韌性, 傳統中式豆沙餡香滑, 潮式芋頭餡有芋頭粒增加口感, 兩者都甜度適中, 食完唔覺膩! 我地最激讚o既係個糯米皮, 真係好耐無食過咁柔軟o既質感啦! 好後悔只係買左三個, 下次一定要試下最傳統o既芝麻花生!

繼續我o既綠茶紅豆熱. 上星期去Ironwood時記起附近有一間日本人開o既麵包舖, 就去參觀下. 當時已四點幾, 所以剩返o既麵包唔多. o係舖頭o既一角, 俾我發現幾個緑色小圓包, 問看舖o既老伯伯, 佢話係迷你綠茶紅豆包, $3一個, 嘩!正中下懷!即買!小圓包有好香o既綠茶味, 包質鬆軟, 紅豆內餡亦幾香甜. 包頂以cream cheese點綴, 增添美感之餘亦豐富味道. p.s. 除左麵包外, 佢地仲兼賣印尼千層糕. 難不成日本crossover印尼?

呢間舖開o左都一段時間, 不過地點隔涉o左o的, 所以好似冇乜人知~ 講番o的包, 製作好認真, 而且水準幾高~ 首推綠茶南瓜包, 好清好味~ 紅豆包都唔錯~ 老闆娘仲不時會整o的新款包o架! 其實之前《飲食男女》都介紹過呢間舖, 所以我先知佢o既存在。o個篇訪問中老闆娘話佢係用檻欖油同低鹽牛油, 而且用料十足。愛食包者值得一試呀。

開左無幾耐..發現呢度d包水準好高呀...而且好特別~試過"藍莓洛克包"($8)係最好食ga!!起初唔知係mud東東...入面有d cream cheese勁正~仲有"芒果芝士包"都好食...真係有d芒果粒!仲有..綠茶紅豆包!!真係好有茶味!另一推介..合桃芝士提子麥包($9)..好大個ga!!因為去開中央一定會買番個包包食~~仲試過日式朱古力包($6)~香草包($4)~.遲d再試多d!~最抵讚ge係每個包獨立裝~而且收銀ge伯伯或者姐姐都勁好人!!!!