TIT*F (已結業)

食過綠茶南瓜包，緑茶紅豆包，紅豆肉鬆酥，好正！ｄ南瓜蓉真係勁正，好新鮮，唔似加糖落去打，食得出好原味，而且ｄ南瓜蓉好足料，正！ｄ綠荼包好軟熟，有淡淡既綠茶香，正正！個紅豆肉鬆酥細細隻，根似＄３隻，咸咸地既肉鬆加止甜甜地既紅豆蓉/粒，可以balance番個甜，唔會咁膩，個味又match架喎～我一定會再特登去買架，因為實在太好食喇~~~

4月12日, 10am-11am, 第二次幫襯, 今次買左另外三款麵包試!南瓜芝士麥包($10) 總括兩次所食既麵包當中, 呢個麵包係我最鍾意既, 麵包係麥包, 好有麥味同有少少粗糙既口感, 餡料非常豐富, 係真材實料以南瓜肉製成蓉, 味道亦係南瓜既原味, (平時有煮開南瓜食, 所以知道南瓜蓉和南瓜味係點), 成個餡都係金黃色, 只見到南瓜, 見唔到芝士, 但係味道就食到有少少cream cheese味, 雖然芝士唔多, 但我覺得好好, 如果芝士太多, 可能會令麵包失色! 另外, d南瓜蓉餡又好多, 細細咬開第一啖, 已經見到有南瓜, 一路食到最後一啖都有南瓜, 用料十足!日式朱古力芝士包($15) 呢個麵包同日式朱古力包差唔多, 但size就大好多, 朱古力顏色既麵包, 入面有好多朱古力醬, 而朱古力醬中就夾有好少好少既cream cheese, 我係食到中間先見到有少少, 近乎冇, 不過都冇影響麵包既味道, 一樣係啖啖朱古力, 麵包上面仲有幾條奶白色既東西, 我食唔到係咩味, 因為已經被朱古力味蓋過! 呢個麵包對我黎講太過朱古力, 如果你係鍾意食朱古力既人, 就一定唔好放過呢個麵包

呢排差唔多每隔一個星期就會拜訪呢間小小日式麵包店. 除左每次必買o既緑茶紅豆包外, 今次亦買左個芝士奶皇包食. 個包大大個, 不過就好輕身. 裡面o既奶皇餡好滑, 但係就食唔到芝士味. 雖然"名不副實", 卻好好味!

4月3日, 下午3:00- 4:00第一次去, 原來唔難搵, 店舖門口對正中央圖書館停車場出入口, 都唔係好隱蔽!芒果芝士包($6) 呢個包既餡料係cream cheese 和芒果肉, 份量都幾多, 係cream cheese 好多, 而芒果肉就好少, 我食左半個包都只係得cream cheese, 唔見有芒果, 已經唔再食, 過左一陣之後, 諗住唔好浪費, 所以食埋佢, 食到最後三分一, 終於見到有幾片芒果肉, 份量比例好唔得!另一方面, 唔講d餡, 只講個麵包, 麵包都幾軟熟, 但我覺得唔太好食, 呢個包並冇標明無添蛋(有某幾款包會標明無添蛋)可能咁啱我揀呢個麵包既雞蛋份量比較多, 所以麵包既顏色都比較蛋黃色, 味道都帶有少少蛋味, 而質感就令我唔多鍾意, 因為口感好濕淋, 除此之外, 麵包既上面部份, 有少少酥皮既感覺, 係好少好薄, 雖然係少, 但我唔太鍾意酥既野, 如果只係一個普通既麵包, 我會比較喜歡!洛克藍莓包($8) 見佢個中文名, 覺得幾特別, 「洛克」係咩呢? 係未地方名? 再睇下英文名, 叫blueberry cheese bread, 原來係藍莓芝士包, 佢同芒

there is many kinds of healthy bread......really very delicious!.......go and try.....highly recommend@@@@@@@@@@@@@@@@everyday i will go and buy...at least spend $30-80 for two big bags..and the japanese owner is nice

I am really impressed with the variety of the bread and the shop has a home-bakery feel. I want ot try all the bread, finally I bought bread loaf with herbs, green tea pumpkin bun and walnut raisin bread. I love the pumpkin bun as I can taste the real pumpkin paste in every bite but it's better to add more green tea in it. The bread loaf is full of the scent of herbs, the smell is so good and I like it too. I am a little disappointed with the walnut bread, the size is large but only tiny tiny

yesterday go TIT*F buy the bread again~~saw a young lady who is talk in japanese with me,is she老闆娘?i bought one tomato bread and one health bread.um..the taste...tomato bread>> not gd taste..health bread ok le~i wanna buy the green tea南瓜again...really gd.and also see the blueberry bread...seems gd..but maybe to heavy for me..coz' it's jam on the top...maybe next time try the france bread~

Yeah!!!!搵到la!!!原來咁近ka ja?等我上次仲行到gum遠.....wa...open 廚房wo..and many many breads~~~!~and the size are big...healthy...some of bread nott added eggs ka本來wanna buy the 芝士南瓜麥飽...but the size is too big...and 好重手..hahaso i buy the "green tea bread with pumkin"fresh and many pumkin inside~not so sweet,seems got butter tasteand also buy the healthly 麥飽~tomorrow eat香草包seems good too bor...but next time try~i think i will go here many many times ka la~haha

再次光顧呢間麵包店時, 終於見到佢地o既日藉老闆娘啦! 原來佢o既中文講得好好嫁! 今次又試唔同款式o既包包, 包括-- 1) 湯種紅豆包-- 好得意, o係麵包同紅豆中間有一層白色layer,質感似西米糕, 略帶甜味, 夾埋麵包同紅豆蓉食, 別有一番滋味.2) 日式芝士朱古力包-- 係一個家庭裝大圓包, 面頭有忌廉芝士條條作裝飾, 黑色朱古力麵包裹住黑朱古力chunk同忌廉芝士, 焗熱黎食中間餡料呈半溶狀態, 好好味! 不過不宜一次食得太多, 否則會過漏.

Finally I tried this bakery shop. I bought green tea bread with pumkin, 意大利香草飽, 高湯紅豆飽, blueberry cheese bread (can"t remember the exact name). Breads are very soft.green tea bread with pumkin -- 濃郁的green tea 味, pumkin 唔太甜.意大利香草飽-- too spicy. Personally, I don't like it.高湯紅豆飽-- 紅豆蓉唔太甜, OK 啦!blueberry cheese bread -- 未食, no comment.個人覺得, 麵包的而且確好軟熟, 但就覺得麻麻地, 可以一試, 但唔會刻意再去買.

尋日放工專登行過去銅鑼灣呢度買麵包,買左個芝士南瓜麥飽$9---好軟熟,幾香cheese味麥味,南瓜蓉吾駛講十分正!本來想買埋綠茶方飽,但呢個南瓜麥飽已經好大個,下次啦!如果未試過墨汁飽$3既朋友,可以黎呢度試,但偏硬.另外,見有低糖kaya(咖央)醬$9--- 都ok,吾甜,但有d苦,我自己加左honey,不妨一試!

某日去中央圖書館借書，特登去搵呢間飽飽舖，因為見到好多網友話好，於是抱住一試無妨既心態去喇！由於我去既時間係早上十點幾，唔係太多人，亦唔係太多飽，可能未出晒爐，結果我要左一個日式朱古力飽。第一啖食落去覺得冇乜特別，但第二啖就不得了喇，因為我開始咬到d朱古力，唔...好好味呀！d朱古力一d都冇欺場，份量好夠，真係食過番尋味。於是到左傍晚，我又特登走番去買多幾個飽，留黎明天食，我買左南瓜芝士飽，合桃飽同埋印尼飽（我係一個可以三餐到食飽，而覺得滿足快樂既人）。呢三個加埋真係好鬼重，唔似得向美x或者聖x娜買幾個飽都係輕飄飄，一d重量都冇。第二日，我同老公分享左呢幾個飽。首先，南瓜芝士飽，我就最鍾意，因為d南瓜好諗，好香，不過老公唔鍾意胡口野，所以就覺得唔好食。個印尼飽好香芝士味，但食落就唔係太特別。而個合桃飽真係好足合桃，d合桃係整粒上，好足料。我鍾意呢間飽飽舖製作認真，唔會呃係個幾蚊，就算要我行遠d入去，我都製...HIGHLY RECOMMENDED!!!

之前幫襯過一次,成日都想再黎買過,但係實在有點遠,要特登行過去.琴日見有d時間就過左去買,一連買左3個包,日式朱古力包,芒果芝士包同綠茶紅豆包.老闆娘好好人,俾人感覺好開心好舒服.當時間舖都幾多人幫襯,有d"登"佢開心,我第時都開到間咁gei麵包店就好啦,成間舖俾人gei感覺都好舒服,真係一間好有心gei麵包店咁.講返d包,第一次食芒果芝士包,感覺好得意,好似真係食緊cheesecake咁...好新鮮...不過我都係唔係咁慣...感覺好似怪怪咁......日式朱古力包已經第二次買,一樣咁好食,好多朱古力,無整熱,整熱應該會更好食...!!綠茶紅豆都好正!3蚊都幾抵...!!真係幾鍾意呢間舖頭,不過真係偏僻左少少,如果第時會開分店就好la...實在好難成日都行過去買...um... 可惜...

尋日放假，見有時間，特登走返黎買包食！不過今次既選擇冇上次咁多，可以係時間唔岩．再買o左綠茶紅豆包同埋日式朱古力包，綠茶紅豆包一樣咁充滿綠茶味，正！而朱古力包今朝叮翻熱食既時候，都好軟，中間仲有好多朱古力漿，就好似a la maison個Warm Chocolate pudding咁，但當然冇流出黎啦，不過都好香，好味！

呢度d 綠茶方包$10同綠茶南瓜包$7最正!緑茶極其濃!不像坊間一般面飽店只是得d色水,而且飽身頗軟熟;唯墨汁飽$10較硬身,老闆娘也十分nice!