TIT*F (已結業)

同意之前面包精的評語, 有機豆漿蛋糕, 勁ART錢!尋日下午行過, 入去買左個有機豆漿蛋糕, 又無豆味, 又貴, 跟本就係一個普遍到極的蛋白蛋糕, 又細條, 重要賣6蚊, 自己焗一底都唔洗6蚊, 分做5~6份都得啦! 佢好軟, 是真的, 不過有鬼用咩! 上個星期六早上試了朱古力包, 藍梅包及甜桶包朱古力包- 外型及口感都是朱古力波蘿包, 好"溜", 裡面有流質朱古力, 找多一個人SHARE會好D!藍梅包- 普通遮!甜桶包- 上面是什麼我忘記了, 沒有什麼特別! 個甜桶裡面入滿芝士忌廉, 勁"溜", 我食左幾啖就不要了. $10蚊一個超貴總括來說... 價錢太貴, 味道普通, 姐姐又唔肯幫我切開D包.

今次評的是有機豆漿旦糕. 我覺得這個旦糕麻麻地. 吃不到豆漿味, 反而吃到香蕉味.而旦糕雖然軟熟, 但質感好像床褥的海綿那樣, 嫌佢密度太高了. 我都係喜歡聖安娜那個豆腐蒸旦糕, 有好香的豆漿味, 又鬆軟, 所以常常都好快售罄!

幾欣賞那個三蚊的綠茶紅豆包. 面粉混和綠茶粉一起搓, 是好香濃的綠茶味, 麵包的質感煙煙韌韌, 有點mo-chi(日式草餅)feel. 而裡面的紅豆餡一點都不馬虎, 食到粒粒紅豆的紅豆蓉不會太甜, 好健康. 雖然包仔細細, 但餡料的份量都幾多, 充滿著整個包. 包上面有個cream cheese的唧花, 真係花心思!以上是我第一次吃這個包的感想! 昨天我又o-ka-wa-ri(encore), 但咬第一口時, 感覺唔到紅豆蓉的存在, 連第二三口都吃不到, 心想,是不是這個忘了加餡料呢?之後, 都是忍不住揭開個包一看. 啊, 紅豆蓉是有, 但只有一個五毛子的份量, 少得可憐啊!說真的, 都幾失望呀!希望這只是我偶然的不好彩, 又或者是他們偶一為之的失手, 而不是質素有變的原因吧!

幾年前來過這裡，買了一個德國布丁，從此念念不忘。這天雖跟家人在"小白屋"吃過lunch 了，但仍要特意走過去，買一個再回味。家人一看見德國布丁，也異口齊聲說要買來吃吃看~ ^ ^這裡的麵包款式很特別也很多，讓人目不暇給，每樣都想買回去每樣都想咬一口。德國布丁$6 ─餅乾餅皮不酥脆，也不鬆化，是很結實的那種餅乾餅皮，蠻不錯。布丁內餡不會太甜，有淡淡的蛋香，軟軟的，很好吃。這不像葡撻般那麼甜膩，嗜甜的人可能不會滿足，但我卻覺得很不錯。另外，那朱古力菠蘿甜筒麵包，好可愛的樣子，但不知好不好吃呢？那裡的師傅和員工都很friendly，跟他們談了一陣子，很開心~

3月28日途經,買:1)綠茶紅豆包-無加蛋做法-size細細個-質感軟,但好似有陣提子乾的甜味,所以不大喜歡2)全麥南瓜包-無加蛋做法-亦是軟身,表面有d穀物粒,口感不俗。南瓜蓉無嘜甜味,應無點加糖-可以3)有機豆漿蛋糕-呈長條形-質感好軟綿,幼滑,有d似日式芝士蛋糕隻,但無嘜豆漿味,唔太甜,適中-4個之中最喜歡4)黑糖蛋糕--呈長條形,深啡色,有白芝麻鋪面-蛋糕軟,夠濕潤,1d都唔乾身,甜度適中-有種可能是黑糖/穀物味,ok-基本上麵包同蛋糕全部好軟熟,不遜於xxxxxx mermaid或ceres boulxxxxxxx,唔太甜,看得出無點加糖。其他麵包有不少唔加蛋的做法。所以這店都幾注重健康天然食材-不過個人覺得甜味麵包不太討好,可能鹹包會好d-另外還有賣造型可愛的cream cake,有長毛狗仔啦,豬頭,青蛙等,唔知好唔好食喇

一直知道這間麵包店的存在, 但只可惜不是太就腳, 所以都未試過.最近終於路過那兒, 就走進去看看有冇合心水的面包, 買個來試試. 嘩, 一進去,雖然舖仔細細, 但擺放了好多款式新穎的麵包(或者當時正值面包出爐的時間), 目不暇給, 簡直好像發現新大陸!當時簡直樣樣都想買來吃. 但最後就買了吞拿魚包(普通size的, 不是大大個的吞拿魚麥包)和綠茶高鈣南瓜包(其實只打算買一個包返公司吃, 但最後都係忍唔住買多個細細的南瓜包).綠茶高鈣南瓜包細細個, 4蚊. 包的質地好軟熟好香, 必定是用了上佳的麵粉. 裡面的南瓜蓉不甜, 足料, 或者是細細個, 所以又唔係好漏.以前看有些食評, 話唔鐘意南瓜蓉, 鐘意粒粒南瓜, 但我吃了許多間的面包店的南瓜包都是蓉的, even DONQ 都係呀! 我覺得冇問題呀!吞拿魚包又好好味, 餡料的魚好足, 又唔多沙律醬, 個人覺得它的吞拿魚餡製法是最好的!這間店賣的面包的日式款式, 但價格相宜. 質素跟DONQ, Panash, Little Mermaid有得揮, 但就便宜多了!

完全同意之前個食家咁講，香草奶皇包真係.......好唔掂囉...奶皇真係冇味嫁..都未食過咁既奶皇，香草同奶皇真係完全唔夾，好唔得囉！個呍呢拿旦糕就唔錯，好鬆軟，仲有個中東包就普通啦..其實幫襯過呢度都五六次，真係覺得呢間野d包係差左架，不過依然覺得呢間係一日有誠意既小店，依然想試下其他包

全麥南瓜包: 啲南瓜唔係食友講既一舊舊, 係南瓜蓉, 佢應該無加糖, 所以好天然, 而且好多餡, 但係食晒成個真係好膩有機豆漿蛋糕: 呢個幾好味, 個質感好似食緊伊滕家既芝士蛋糕咁, 但係就變左少少既豆漿味, 唔太甜, 可以試下朱古力包: 個包好有朱古力味, 啲饀都好足, 但係集中埋一齊, 變左有啲位食個時會好甜, 有啲就得個包, 但係整體都好味芝士條: 呢個唔得, 雖然好有芝士味, 但係咬落去好似過疏左風既餅乾咁, 完全唔得有好多款式都好特別, 有排試, 但係個sales就好似唔係好好禮貌咁, 多謝都唔聲....

一直係此店的fans,就算水準是比初光顧時退步了少少，仍舊光顧．　但昨天的經驗實在可怕：咬了一口香草奶皇包，奶皇無味，但與香草（一向喜歡此店的香草包）一起，即成怪味，更久久不散．　Mix and Match 成如此，倒不如......難聽喲講，是否把當日用剩的材料亂拼?!(哭臉only for 香草奶皇包, still like their other products.)

此店的位置不太方便, 縱然挺喜歡他的麵包, 尤其是洛克藍莓包, 但都只有每次到中央圖書館才會順道光顧. 昨天吃了午飯後到圖書館借東京旅遊書, 本來也沒有打算買麵包, 但也是按捺不住過來"參觀"一下. 一段時間沒來, 多了很多新款麵包蛋糕, 尤其是緑茶口味的產品. 在櫉窗見到很吸引的抺茶紅豆忌廉蛋糕卷, 大大件才$9. 本想下次才買, 但想著今天踫到這件蛋糕都算是"縁份"吧! 才踏出了門口就折返買了他. 已經滿頭大汗的店員非常周到的把蛋糕放入膠盒還附上叉子, 真的可嘉!回到公司, 下午就當下午茶解決了這蛋糕卷. 蛋糕抺茶味道很濃, 但可惜紅豆及忌廉太少, 而且忌廉不夠鬆, 像是來貨. 當然, $9不能期望太多, 但還是覺得此店的麵包較為出色.

有機豆漿蛋糕$7去到見佢好似新鮮出爐咁, 而且樣好靚好純, 本來想買麵包我, 就忍唔住要買呢個有機豆漿蛋糕啦!不負所望, 個蛋糕真係好好好鬆軟呀!!!雖然無咩豆漿味, 但就好清好舒服lor!食完真係再想食多個呀!好正!!!店內所賣麵包, 其實來來去去都係燕麥,全麥,綠茶,芝士,南瓜,朱古力等mix & match 配合出多款麵包,咁呢幾隻都係我最喜愛味道, 所以幾乎呢度賣包我無一唔想試囉!呢間麵包店以賣健康麵包為主, 我食咁多次,品質同水準都keep 得好好...可以話係我至愛麵包店呀佢有d麵包牌上面係寫埋日文ga...唔知呢間店老闆係咪日本人呢?

買左２個包（名唔係太記得）１）綠茶cream 芝士$10半個,size係半圓形大大個又好重身,中間夾住cream芝士,面層好墨西哥咁,顏色好鮮,有綠,啡,黃,因為個色咁靚所以買佢,雖然唔太甜都ok好食,但唔會再買,因為實在太溜喇,d cream芝士好厚～　２）綠茶包$3,圓形細細個,面既o個層又係好似之前個包面咁,好似墨西哥,但只係得綠色既,ｄ綠色漩渦形咁,好一般!著住白色麫包師父suit既女仔勁nice,唔明問佢時,佢極樂意為你解答（雖然ｄ音唔係好聽得明）,又好好笑容，服務俾足五分!

上兩個星期去到，大約４點零倒，但係就已經無咩包款，見倒有一ｄ好ｍｉｎｉ既包仔，之前未見過所以試下，叫做中東包，一個圓圓地既ｐｉｚｚａ形白色包仔，$2/個，個包食落有ｄ濕潤，食落咸咸地，無咩特別，試一次就夠ｌｕ！　

試左大大個既藍莓朱古力醬包,超好味!!同埋個包好重!! 好足料!!

食過佢地四四方方既蛋糕,都幾大舊架,分別有:有機豆漿蛋糕, $7紅豆綠茶蛋糕, $7香蕉蛋糕, $5全部都好鬆軟,唔太甜,清清地,勝在夠light!