The Story Cafe and Bakery (已搬遷) 新店位置

話有間親子餐廳響觀塘，諗住嚟試下，小朋友可以響playground任玩，寫到咁咪嚟試下，但去到原來只可以玩5分鐘，BB櫈少量，食物係大家樂質素，服務太度差，上哂檔，各位爸爸媽媽唔好帶少朋友嚟

我好少寫食評，但呢間野太伏，唔寫唔得！是日返公司OT，泊好車見到呢間餐廳係停車場隔離，就行入去試下行到入去冇人理，又唔知係自己搵位定帶位，左望右望成兩分鐘先有人show我（但唔係忙的，得幾檯人）叫左個68蚊既all day breakfast，cappuccino....個waitress問我係咪要朱古力，我當場呆左！佢攪清楚後話飲品要正價，我反問唔包飲品嗎？佢話冇的，咁是旦啦！杯咖啡黎到，原本杯係幾靚，可惜杯邊、把手同匙既金邊都甩哂，睇落感覺已打哂折扣個餐黎到。。。佢個薯蓉原本有做型既，但煎完上碟已甩皮甩骨，食慾大減，味道就更麻麻其他野唔評論了，但第一次食sausage要加鹽食，因為係冇味的！個足球包就嘉頓衛星包都好食過佢呢間野唔會有下次。。。

星期天, 過了觀塘搵食, 好幾間樓上餐廳都唔開星期日. 後來醒起呢度, 望吓餐牌, 望吓入面都幾好, 就揀了! 其實最主要係我搵食搵到超肚餓了😜坐下來, 分別揀了南瓜汁雞柳扁意粉, 同埋黑松露雜菌天使麵, 兩個都係餐包一杯嘢飲... 南瓜汁扁意粉到先, 賣相不錯! 跟住另一個到埋, 煮法就覺得一般呢! 似烚熟跟住放一小堆黑松露醬係面就算... 點知一食, 得一點味道, 總係覺得無落調味🙄 跟住女友食埋個松露天使麵... 一樣! 唉! 終於要自己調味! 都唔知係忘了落調味定係煮成咁🙄🙄餐要熱咖啡... 叫餐飲時, 那個侍應...唔相做唔好做啦...唔想應我之餘, 仲黑口黑面咁. 其實帶位個個都已經無笑容㗎喇, 雖然無加一啫, 都唔洗咁卦🙄🙄🙄後記- 食完無耐我就肚痛了, 都唔知關唔關事. 點都好, 食物無味, 服務態度差, 已經給一個大交叉! 不會再來!

觀塘本身就有很多所大大少少的咖啡廳，這一次的，是一所位於美食廣場正旁邊的小咖啡廳。位置不多，幸好人不太多，不難找位置。午餐咖啡廳提供幾款中午套餐。前菜可選餐湯或者是沙拉，我選了前者。湯比較淡，需要外加一些胡椒調調味主菜是鱈魚、鮭魚卷拼薯條。魚很嫩，加上芥末醬汁很醒胃。份量方面就有點少，男士們應該會不夠飽。最後點了個熱可可總結整個午餐。好食飽又要上班咯

自從上次有位同事生日, 大家食過係呢間店的朱古力蛋糕後, 個個都念念不忙. 幾日後話咁快又到另一位同事生日啦, 我地當然第一首選都係黎返“The Story”買蛋糕慶祝啦. 都係一樣, 蛋糕櫃內的所有蛋糕都依然係冇名牌 ==” 真係希望可以盡快改善下啦! >< 不過今次有冇名牌對我地都唔係大影響, 因為我地都係一致目標會揀返朱古力蛋糕~上次果款朱古力蛋糕就買唔返啦, 今日換左另外的款式朱古力蛋糕. 而店員都係好似上次一樣, 即時幫我地寫名加左個生日牌.今次呢個蛋糕外型就比較華麗少少. 因為除了有紅苺, 藍苺, 黑苺 和 草苺做裝飾外, 蛋糕面仲貼上好多金萡, 十分吸睛.蛋糕上所有的苺都係採用新鮮水果, 而且粒粒都係甜的, 不會酸. 切開蛋糕, 裡面是黑白相間的朱古力慕絲 和 牛奶海棉蛋糕底. 朱古力慕絲一樣食落都係好滑, 古力味好濃郁. 但今次的朱古力慕絲就比較實, 而且甜左啲. 所以只可以淺嘗, 食多幾啖真係會膩, 令人想要配返杯濃茶去一去甜膩感. 真係有少少失望.果然 “第一次永遠都是最好的”呢句話係永遠都啱的.

同事生日, 我地去左公司附近的Cafe 買左蛋糕同佢慶祝.呢間店好似每天都只係出三款大蛋糕啫, 賣完就冇. 而且每天的款式都好似係不定的, 經常行過見到都係唔同的款式. 但有一樣好奇怪的, 就係蛋糕櫃內的所有蛋糕都係冇名牌的, 呢樣就真係唔方便啦, 希望可以改善一下啦. 所以我地唯有在店員的推介和解釋下買左一個一磅裝的朱古力蛋糕. 而店員知道我地係買黎慶祝生日的, 佢都好貼心地問我地要唔要加個生日牌, 而且仲係即時寫上名字加上圖案的朱古力生日牌~蛋糕外型簡簡單單沒有太多繁複的裝飾. 外圍四周貼上朱古力片, 而蛋糕面只係有一粒士多啤梨 和 灑上橙黃漸變色的閃粉, 但都已經十分吸睛.一切開蛋糕, 裡面沖滿著朱古力的內涵. 軟軟的朱古力外層包住裡面一層層的朱古力慕絲 和 朱古力味蛋糕底. 一啖食落真係好鬆好軟好順滑, 而且朱古力味十分濃鬱. 最重要係甜度適中, 不會死甜!個人最害怕就係又實又硬, 食落又死甜嘅朱古力蛋糕. 所以呢個蛋糕在我心目中的分數都幾高, 值得再encore!

我又黎 The Story利申：本人並非和它有什麼關係，只是喜歡便寫，請勿以小人之心去唸多左。其實寫下喜歡的食物從來是一件簡單不過的事，亦無壓力。如果有一天我感覺到因為寫食評而帶給我壓力，我想我會選擇收筆。我只會在午飯時問來買麵包，襯今日吾係太多客人，夠時間讓我快閃影幾張相。第二次買「菠菜粟米包」記得上次吃時有點狼狽，因為餡多無流曬出黎。今次又點呢？我先將它切開明顯見到千島醬和粟米粒也明顯地小，就算咬下去應該也沒有流出來的效果。千島醬酸咪咪簡單又好味。全店的麵包也用上日本製麵粉以保持麵包水準。菠菜包的質感是傾向脆口的品種，咪睇佢細細個其實都挺飽肚的。「香蕉合桃muffin 」我每次來也會和好nice 的店員傾二句。因為她知道我喜歡綠茶食物，她會給我推介有什麼新品種，感覺好窩心。我曾經吃過紅豆綠茶muffin 亦是唯一最愛的muffin 。香蕉合桃 muffin 比較常見細細個但有份量，顏色偏向深。質感乾身。如果要求吃正宗muffin 這個並非你杯茶。合挑粒粒較少可能咬二啖先見到一小粒合桃，香蕉味道可以嚐到，只可惜有點　overcooked 有輕微苦味。吃得開心寫下，就是如此簡單，Why

久不久來到The Story 逛一圈就會發現好東西, 每次來也充滿新鮮感今天給我發現了新品就是令我眼前一亮的抹茶酥 $18 在長方形酥皮條上搽上杏仁粒再焗香, 脆口程度不俗 酥皮富牛油香, 但鬆化度略遜。抹茶餡是我的至愛, 雖然不太清楚抹茶出處, 但抹茶味道甘香不苦澀 , 以它製成鮮吉士忌廉也不太甜不膩。性價比高, 值得一試。

一向都好喜歡用綠茶（抹茶）製成的食物的我，今日經過這間bakery感覺好有日本feel，食完午餐就入去逛逛！麵包種類不是很多，但全部都幾日本style，適合我的口味，一見到一袋有五個抹茶紅豆包，就唔理咁多行去俾錢。最可愛係每個size都好似奶黃包一樣。 咬落去麵包不是軟綿綿而是煙煙靭靭，麵包皮有淡淡的綠茶清香味「小小甘」，大大粒紅豆，有香紅豆味又不太甜，口感與味覺都一流。除咗有麵包之外，收銀處旁還有一個雪櫃，放了幾款甜品，好似甜品做緊promotion，下次會試下。

試過幾次 The Story 出品的麵包，雖然它賣相很精美，但水準只是平平, 所以沒有為它寫下食評。雖然如此，但我呢個師奶仔見到The Story 切餅有八折時，又會貪便宜買來試下。反正唔好食都係無左廿蚊。法式檸檬批 $25八折後 $20　超抵呀！賣相不花巧但見心思裝飾，以白朱古力粒，紅黑梅等點綴，視覺上加分。一個小小的檸檬批我倒是不存期望，加上第一口的感覺是曲奇撻皮較實淨，欠牛油香。但原來比較出色之處是在幼滑的檸檬吉土內藏著一層紅莓醬，酸甜度很平均，味道頓時變得更富層次，吸引度大增。令人另眼相看。配埋泥剷形匙羹, 好得意呀信心只須一秒建立，期待下一款八折甜品。

無意中經過中海日升中心, 見到地下開左一間幾令ge面包店, 就即刻入去買番個做早餐面包店細細間, 但就有好多款面包, 而且款式都幾特別除左面包, 仲有批同cake賣, d cake睇落好精緻下次一定要試下最後Vi買左一個綠茶紅豆muffin($15), 呢個味平時比較少見面包店外面有間coffee, 原來都係屬於The Story ge綠茶紅豆鬆餅聞落幾香綠茶味, cut開入面都有好多紅豆粒, 鬆餅幾鬆軟, 濕度適中, 幾濃綠茶味不過鬆餅有d咸唔係咁夾, 同埋質地好鬆散, 不過整體都係個幾好食ge muffin 

話說近幾個月，我們看到這大廈的落成，我們期待著新店的進駐，可以唔洗行咁遠之餘又有新選擇。星期一見到又有新店開了，係一所較為别緻的麵包店。店内無論麵包擺放同客人行既路都寬敞，麵包都唔少而且款式都吸引。諗左一陣，都係選呢個榛子吉士酥店內亦有售買果醬，呢隻果醬有點面善，下次去望清楚先。榛子吉士醬絕對不甜，有柔和感，軟滑而超能融入到酥內，而酥係超脆而不會有任何硬既感覺，酥面上灑上幼細既糖分同杏仁片，加倍滋味。咁正的麵包店開展在觀塘，為這裏蹄造了一個新故事～