The Story Cafe and Bakery (已搬遷) 新店位置

年頭時候，觀塘多咗一個地方食飯，佢好似一個food court形式咁，但係亦都有好多其他食肆餐廳，其中就有譚仔，亦都有龍鳳餐廳，而今次我地就揀咗食其中一間西餐，價錢中等，招呼唔錯~每日都有唔同午餐menu，選擇亦都好多好少餐廳凍飲都用雙層熱杯，呢間就係喇，不過亦都係因為喧嘅關係，所以飲品會比較細杯羅宋湯 - 個湯在於我嚟講，好重要，因為我覺得一間西餐廳羅宋湯做得好，食物都唔會差得去邊，如果飲到個湯係好hea嘅，真係有定少少心理準備，佢啲食物都唔好得去邊，好彩，呢間都叫不過不失黑松露野菌扁意粉 - 個意粉份量都幾少，我本身都係大食之人，都覺得少咗啲，不過佢個汁就做得幾好，好濃厚，非常香黑松露味，好creamy，意粉亦都好爽口

本來一心想食LM cafe ，因睇 open rice 評語不錯。第一次 weekdays 係觀塘食飯。非常擠迫兼長龍。係LM cafe 对面見到The Story 嘅餐牌，好似幾好。點知……一入去已經有位，已心知不妙。上左年紀果位侍應態度愛理不理，完全冇咩反應。2個餐飽，但要share 一個牛油！凍檸茶，凍朱古力都冇味。天使麵好似星洲炒米咁！唔會再幫襯！

作為觀塘的打工仔，每日的早餐必然是最重要的小事。今天來到這間開張了一段時間的面包店，因為未曾試過，所以懷著但試無妨的心態買早餐。店鋪的西式裝潢以木製為主，燈光有點暗，但給人一種很閑適的感覺。早上九時左右，人並不算很多，面包款式亦算多一般應有的西式面包都應有盡有最後買了蘑菇煙肉pizza，, 份量十足，$15亦算正常。材料亦算足。事不宜遲，立即品嚐一下，味道不會太咸，口感一流，美中不足的是太凍了，以致餅底和配料有點硬，如果吃前可放入微波爐加熱會更佳。但整體而言可以再次嚐試。

呢日去開觀塘同行既觀塘地膽話呢間啲麵包幾抵食又多款好多款都大大個 又只係$6我就買左個新出既包 望落幾吸引😛阿華田脆脆($12)放到第二日朝早食變左形 有啲cream黐左落張紙度😅聞落幾香阿華田味面頭有啲cream再灑上阿華田脆脆麵包非常鬆軟阿華田脆脆都真係幾脆 又幾黐口不過略嫌偏甜同埋食落阿華田味又唔係話太出仲以為個包有餡 點知係無既😂😂😂有機會經過觀塘會再幫襯😃朋友話佢啲包唔會好似食緊空氣咁食完都頂到成朝👍

過完新年，全部同事返左黎，女孩子們在過年時整天吃肉，所以同事們話要食得清淡點，不要太多肉！search openrice ,尼間有healthy food 同vegetarian food, 所以就去了。餐湯是薯仔湯，味道尚可。我們有兩人選擇了海鮮龍蝦汁意粉，有兩人吃全素的羅勒蕃茄意粉。龍蝦汁一向不易煮得好，我們都覺得好淡，甚至無味。海鮮有蝦、青口、帶子各一，少量蟹肉。蝦沒有除殼，更加無味！吃羅勒蕃茄意粉的同事，就覺得味道ok。咖啡的杯子很典雅，但不太好喝。

其實經過呢間嘢都好多次今日終於有時間都想試下佢嘅 綠茶 奶見到佢裝修咁靚用嘅杯又幾精緻老闆應該落咗好多心思可能嗰個鐘數真正嘅barista 唔喺度又淨係得佢一個 收銀做樓面所以沖咗一杯唔係好好飲嘅綠茶奶畀我其實我問咗佢我話呢杯 係咪好似latte咁嘅feel跟住佢好似唔係好明我講咩咁然後我就問佢有冇泡架係咪好似cappuccino咁跟住佢話係呀有泡㗎我一飲落口就好想退番畀佢因為根本就唔熱綠茶味係夠濃但係亦都彌補唔到佢 唔夠熱嘅遺憾

之前睇過網上一d分享平台介紹呢間餐廳, 觀塘都好近我地屋企, 所以上星期六就同左小朋友來, 一去到餐廳真係嘩左出去~ 係香港己經好少見咁大大大大的餐廳, 有超多位置, 感覺就好似大學飯堂一樣大~ 位與位之間一d都唔迫, 所以坐得勁舒服。 價錢合理, 大人lunch set最貴都係100蚊多dd, kids set $60就攪掂。 kids set來到係一架車車造型~ 小朋友見到架車己經急不及待要開動啦!! 我偷偷地食過一啖, 味道唔太咸而且粟米肉粒一d都唔慳, 真係好多肉粒, 配埋新鮮生果, 夠晒健康。 配埋杯朱古力~ 嘩~ 發達啦!!小朋友邊食邊叫"好好味啊!!!" 我就食黑毛豬扒, 配薯菜, 豬扒上面有好多雜菌, 我至鐘意, 一上碟己經聞到好香。 本身對親子餐廳做賣點的餐廳食物無乜太高要求, 我點左呢碟黑毛豬, 估唔到非常有驚喜, 肉質特別淋, 好容易咬開, 而且味道好濃郁, 好香豬味, 配埋獨特醬汁一齊食, 真心好味喎, 連埋飲品都係100左右, 其實真係幾抵, 因為如果出返銅鑼灣要食黑毛豬起碼OVER $200先食到。 小朋友最期待當然係呢個賽車場啦~ 玩車地方亦好大, 有足夠

係觀塘番工，實在好耐搵到一間似樣o既麵包鋪，好彩附近有呢間野，我平時成日都會黎呢度買包做早餐，貪佢有多款$6包，平得黎又好味，除左$6平價包，仲有好多其他精緻選擇，價錢當然會相對貴d啦~ 今日星期五，當然要賀一賀佢，買番個望個樣已經勁滿足o既早餐cheer up自己啦抹茶丹麥酥 ($18)作為抹茶控，我真係唔能夠抗拒所有的抹茶製品，係芸芸的選擇入面，我對眼已經俾碧綠的抹茶酥吸住左，唔洗考慮就揀左佢lu~ 抹茶丹麥酥用簡約的紙袋裝住，我好驚D抹茶忌廉會漏左出黎，所以小心翼翼將佢拎番公司丹麥酥脆脆的無變淋，但略嫌無咩牛油香，抹茶忌廉抹茶味好濃，上層有烤脆了的杏仁片呢個早餐為我o既開心星期五揭開了很好的序幕 ~ 美食果然係我主要快樂泉源之一  

朝朝食燒賣腸粉抑或米粉公仔麵，食到好悶。今日走左入去The story 睇睇。 本身對包無興趣，睇了又睇(ㆁωㆁ*),終於見到個麻糬包，就試下佢“Q"唔“Q“先！包包脹脹 ，只看外表已想一啖咬落去。 心急看看裏面係點的，未食就忍唔住分開一半看！原來裏面係年糕，薄薄一層咁。 食落去都幾舒服咁，因為紅豆蓉沙沙的，唔會好“傑”難入口或是有粒狀的，甜度剛好！同個麻糬好夾到！包都好細軟，我唔鍾意食麵包的都揾到食包既樂趣了！

呢間餐廳係正公司樓下，平日都有去飲杯咖啡，食物同價錢都合格的，餐廳內有一個大位置可以比小朋友玩樂，今個星期六要工作，太太帶小朋友來探班，我就帶她們到此餐廳，小朋友見到個停車場已經興奮到不得了。我們單點食物，但餐廳週末會額外有buffet提供。兒童餐健康為主，肉醬意粉加一隻炸蝦，配埋沙律同生果，夠曬健康，營養十足。小朋友急不及待大大啖地食，味道不錯，肉醬夠多，蕃茄味好濃郁，意粉唔會太硬，小朋友容易食。大人就食呢個檸檬大蝦意粉，大蝦爽甜，檸檬汁酸酸甜甜好開胃。餐飲杯子好精緻，味道較清淡，適合小朋友飲。小朋友最開心當然係玩啦，好靚的地板設計，小朋友玩得特別投入。

小學生生活太壓迫了， 對於一向好動活躍的囡囡來說實在有點壓力! 大人就可以襯假期去食下野行下街，小朋友嘛， 去玩就最開心了!就在剛過去的星期天，一家人去了The Story Cafe 。這裡沒有傳統Cafe的裝潢， 是foodcount的感覺。沒關係，這不是重點， 重點在於這個兒童汽車樂園， 有那個小朋友會不喜歡呢!    那怕汽車不是自動的，一樣玩得有速度感，玩得不亦樂乎。餐飲方面，更有兒童餐提供。女孩子的是粉紅色車盤，男孩子的是藍色車盤。有沙律、飯、水果 ， 營養均衡。以白梨襯托薯仔沙律，清甜又爽口。白汁磨菇雞柳粟米飯，味道是偏向淡味的，囡囡比較喜歡吃香口的蟹鉗。配合小朋友飲食， 飲品方面有柚子蜜啊～我的檸檬牛油汁鮮蝦意大利粉， 意想不到的足料，一碟有6大隻爽彈鮮蝦， 雖然是牛油汁，但絕無油膩感， 麵條與醬汁比例剛好， 只略嫌味道淡了一點，大概是我重口味的關係吧～美國一級肉眼扒配薯菜， 外觀比想像中有點出入， 可能是比較薄的關係， 肉眼扒已經全熟了， 影響了口感， 吃慣牛的爸爸，反而最喜歡邊位位置的香口，確實香口才吃出扒味。這裡咖啡都有拉花的啊﹗若再濃郁及順滑一點，口感會更好﹗總

在本地號稱作親子餐廳的地方印象中是有的但好像並不是太多。記起年多前曾光顧過一間，其內裡在用餐area旁便有一個給小朋友閱讀及四處爬的地方，另外隱約記得她的餐牌設計是非常的fancy很能令小朋友吸睛.....不過小友去到後似乎不太感興趣，只是跟我們一同像平時一般坐下來食完飯就走。看來那裡的所謂親子corner對他而言似乎是太"幼稚"了點....但今天來到這觀塘工廈區內的cafe，當他一睇到那汽車樂園時，便馬上連肚餓也忘記的衝了進去，盡興地玩了接近個半小時....用餐區域還真的頗偌大的，是非常的spacious....再走進去一點兒，就睇到那擺放了十多架車車的大跑道了....若在這裡消費吃飯的話，可憑收據可免費玩一個短的時段。若要加碼的話就要付錢了。以三十大洋的價錢換來兩節十分鐘的歡愉，來當作消磨時間倒是頗適合的....坐在看著小友玩時閒著無聊跟侍者吹水，她說這所開了接近一年的餐廳原來包含有三個部份的 ---- Cafe部份是差不多每天都開；另外亦會在平日午飯時份將部份佔地變身成為各上班一族服務的foodcourt；旁邊更有一所由週一營業到週六的bakery shop，聽食友說其水準還不俗

週日家庭樂，早上和細周生上完網球班，下午緊接造訪一間親子餐廳 The Story Cafe and Bakery 午膳。餐廳位處觀塘工業區的商廈內，週六時份少了附近的工商務客，人流比較少。相比附近的餐廳，The Story Cafe 顯得頗有規模，地方光猛。在人流少的時候，餐廳只開放前半部份；人流多的時間，才會開放後半部。至於餐廳的兒童汽車樂園，則設置在最後方。對於要看顧小朋友的家長來說，能夠安座餐廳的後半部當然更方便，餐廳可考慮一下。食品方面，除了一般西式午餐外，亦有兩款兒童餐供應。兒童餐以車型的食具盛載，呼應汽車樂園的主題，喜愛玩車的小朋友特別開心。 雖然筆者沒有認真品嚐這兩份兒童餐，但最受歡迎還是兩件香口炸物吉烈炸蝦及吉烈炸蟹鉗。沙律雖說有兩款，分別是蜜桃日式粟米沙律及洋梨子薯仔沙律，但單從外觀來看基本上一樣。筆者淺嚐了一口，味道以薯仔為主，粟米次之，甚麼洋梨蜜桃卻不太見蹤影。主食方面，有一飯一麵兩選擇。對於肉醬意大利粉老闆們沒有特別評語，反而蘑菇粟米雞柳飯能得到細周生的垂青。飯後果是哈蜜瓜與西瓜拼盤，選材清甜多汁筆者亦予以讚賞。餐飲如作為兒童餐的一部份，通常會跟上果汁等較健康

網上見到呢間cafe都有rainbow latte! 所以專登去飲杯咖啡，又可以滿足到相機食先既喜悅☺️去到果度，覺得個環境同想像中出入好大😳好似係food court飲咖啡咁，遇岩lunch time又多人, 比較嘈。Rainbow latte $35 好飲呀！價錢又平，好抵飲！👍🏼 咖啡師表示lunch time 太忙，剛才兩杯拉花未係幾滿意，所以拉多杯比我地😳 好靚呀！！😍人都好好👍🏼

我第一次寫食評，因為谷住道氣忍唔住。食物質素差都冇緊要，志在有個地方比小朋友玩樂，但我地九點幾出哂去玩，你就好似趕時間收工噤收走哂我地D食物。出面D食物又收得早，甜品取哂第一轉就已經冇refill，以為小朋友有好多嘢玩，咪就係得車車同車囉。好彩團購，試一次都覺瀨嘢。