The Salted Pig (新城市廣場一期)

营业中

休息中

一家人慶祝媽媽生日之前朋友推介過the salted pig媽媽又喜歡食肉一於帶佢嚟食比個驚喜她最終大家都好滿意主角都食得好開心Book左6:30pm限時90分鐘今日重陽節，可能紅月日關係，全場爆滿侍應都有禮貌還主動推薦左幾款食物我地最後食到超時都冇催我地侍應還幫我們拍生日照值得一讚Pork Tomahawk $252斧頭豬扒配有蜜桃汁 厚厚的斧頭扒 無諗過咁厚都可以夠軟熟 配有薯條 BBQ Ribs $288慢煮豬筋骨，肉質夠淋 醬汁好好味配有粟米 沙律 薯條 正Knuckle$308招牌德國咸豬手皮好鬆脆，肉身嫩滑 配芥末籽忌廉汁 超級推介有驚喜sea bass Whole$328煎海鱸魚柳海鮮燴魚煎香脆 伴有蜆，蝦仁，魷魚 海鮮汁不錯Prawn Piggy $162牛油果香芒大蝦沙律推介大蝦爽口 沙津汁酸甜帶辣 配搭一流Lava cake $88熔岩朱古力蛋糕，不過不失Pink Piggy $62飮品叫左小甜 好飲Tango $62📸環境指數🌕🌕🌕🌕🌑🤵🏻‍♀️服務指數🌕🌕🌕🌕🌕👅味道指數🌕🌕🌕🌕🌕💰抵食指數🌕🌕🌕🌗🌑⭐️推介指數🌕🌕🌕🌕🌗

今次有機會試吓呢間只提供豬嘅食店，上網睇食評都話唔錯，重要係如果生日點選甜品會係碟上寫上happy birthday等字眼。今晚係我哋嘅週年紀念，先生一早去等，不過原來要人齊先可以入座。當晚點咗有食店自家生啤、沙律同豬手…果然唔錯，唔怪之得咁多人等位，不過之後想點個甜品希望可以寫少少字就問侍應，佢都好有禮貌咁話可以幫我寫俾廚房，但唔知廚房會唔會寫，一個唔肯定嘅回答，令人感覺有少少被騙，我就係係食評度睇到有，先至揀呢間食店，雖然係有啲失望，不過食物係唔錯嘅。

The Salted Pig (Shatin) -位於沙田新城市廣場嘅The Salted Pig，地點方便，今日嚟到沙田新城市行街🛍 經過見到Salted Pig出咗新餐牌，又有lunch set, 當然要試吓！Set Lunch Lunch set除咗主食，亦會包是日餐湯/沙拉 🥗、餐飲；亦可+$20 是日甜品🍴🔍 Breaded crispy Pork Parmigiana (脆焗芝士豬扒）$158脆焗芝士豬扒咬落外皮脆口，外皮夠薄，唔會食到滿口炸漿，入面肉質鮮嫩，而且上面配有芝士同埋茄汁，夠晒滋味，再配搭薯條同埋沙律🔍 Grilled ribeye steak (燒精選肉眼扒）$238肉眼扒厚度適中，今次叫medium, 生熟程度剛剛好，加上新鮮即炸嘅薯條，係滿足豐富嘅lunch😋🔍 朱古力心太軟 $88係好突出嘅亮點位🤩 朱古力心太軟外脆內軟，外面薄薄嘅一層，絕對唔會係太厚蛋糕，加上入面嘅流心做得好出色，想要影相打卡嘅效果絕對冇難度，睇得又食得😍 配搭雲呢拿雪糕，冰火交融嘅口感令人眼前一亮，而且配搭亦中和返朱古力心太軟嘅甜度，就算食完主食再加甜品都唔會覺得太膩，絕對推薦一定要

女友人WK之前約我食生日飯,由於佢因腳患暫時住喺沙田,而且約我喺沙田食,所以我揀前日(9-9-2022 Fri)食晏,佢哥哥話半年前嚟過呢間食,覺得唔錯,於是我哋揀呢間.我預先book咗位,而我哋係遲到嘅,不過唔緊要,因為佢重有大把位,但WK嘅電子針咭已冇效,唔可以堂食,女店主話出面有位置可以坐喺嗰喥食,但由於嗰個位熱,所以我哋唔坐得.幸好商場內有啲位俾人坐,於是坐喺嗰喥,我哋就買外賣,我哋睇完menu,決定要同樣$158.00嘅脆焗芝士豬扒,羅勒,番茄醬,雜菜沙律同薯條;同紅咖哩油封鴨腿配脆麵,但後者係外賣唔到,於是轉要$98.00嘅手撕燒烤豬肉漢堡,椰菜沙律同薯條.由於礙於環境,我哋唔叫餐廳自己做嘅飲品,因為佢哋冇外賣嘅杯,所以我哋要汽水,同埋唔加$20.00要甜品喇.而呢日嘅餐湯好似係白椰菜花忌廉湯?個湯係半個紙碗咁多,飲落,味道同普通白湯好唔同,質地好杰.味道:2.8分打開睇兩個主菜.嘩!有好多薯條,影完相,我哋就share兩隻豬.我嘅豬扒厚道適中,口感彈牙,但味道就幾淡,就連芝士都唔鹹.味道:3分薯條係有調過味,唔係只係落鹽.雜菜沙律正常冇問題.薯條:味道:4分, 雜菜沙律:

the salted pig不嬲都係肥雞最鍾意去嘅西餐廳之一,新城市廣場嘅分店就因為地方就腳同埋環境衛生都唔錯，所以肥雞都好鍾意去 。肥雞今次就嗌咗佢嘅厚切豬髀 ,佢嘅小菜肥雞非常之欣賞，用牛油煎得香脆嘅露筍配上香甜嘅紅蘿蔔仔 ，再加上一啲迷迭香嘅香味，配上啖啖肉汁香濃嘅豬髀肉，實屬唔錯 。而佢嘅fish and chips都非常之出色，用啤酒調嘅炸粉漿，配上深海嘅魚柳，魚肉香味非常之龍，香脆可口嘅炸衣，嫩滑嘅魚肉，配埋他他醬食真係好好味。最後都嗌咗佢嘅小食拼盤，入面有佢嘅burger，炸豬皮，炸魷魚等小食,用一份價錢就享受到唔同嘅美食，啱曬肥雞。

每個月，我地一定要黎沙田食一次德國豬手🐷試過無數咁多間之後，依然係覺得呢間係最好味😋😋沙田分店最正既地方係，隔離就係snoopy land，小朋友係隔離喪跑放電一個鐘，就肯乖乖坐定定食飯，唔洗追住黎餵🥰脆皮烤咸豬手 🍖🐷 係餐廳最最最推介嘅經典菜式，份量超級多‼️豬手皮脆肉嫩，個皮好酥脆，一啲都唔會硬。豬手上面仲有一層邪惡肥膏，入口即溶🥹啲肉仲係好Juicy，鹹鹹香香咁。調味岩岩好，唔會死鹹，好難得🤩配菜有酸菜，食多幾舊肉都唔會膩🥰烤斧頭豬扒🪓🐷食肉獸必點‼️豬扒係非常非常厚切，但佢仍然可以做到岩岩好熟，外皮焦脆，但肉質仲好冧身同好多肉汁，唔會韌。呢個調味較淡，但配埋旁邊酸酸地帶果香嘅醬，鮮味十足😋

環境比較迫，但都算welcome帶小朋友去食嘅餐廳！食物質素唔錯，都算多種類可以選擇，但係價錢偏貴！我最鍾意嘅就係佢呢間餐廳唔洗點等位，服務態度都算唔錯，都算食得開心

早幾日約咗朋友去咗沙田新城市廣場嘅”The Salted Pig”食dinner🙌 記得去之前要book位啊，如果唔係就要排隊🙈佢嘅裝修好有格調，而且座位好舒服，店員仲好有禮貌添👍🏻首先order咗佢嘅✨Sharing Snack Platter✨$278佢有八種唔同嘅小食，份量好多，超抵食！迷你牛肉漢堡嘅肉身好厚，而且配合埋茄汁同酸瓜，夠晒開胃～ 香料雞翼夠晒入味，同豬皮脆片一樣，十分香脆👍🏻 而佢嘅蕃茄芝士肉丸好juicy，加埋蕃茄醬，味道好突出～另外拼盤仲有脆豬肋骨，酥脆魷魚圈，薯條&酸麵包多士🤩主菜叫咗廚師推介嘅Seafood Paella $228🐙西班牙海鮮飯鋪滿不同嘅海鮮，有蝦、大蜆、青口、魷魚、魚柳、辣肉腸、煙雞肉，十分之豐富🤤 飯嘅口感好煙韌，乾身之餘吸收左海鮮嘅精華同埋湯汁，真係忍唔住食多幾啖👍🏻最後叫咗個甜品New York Cheesecake 🧀 $72因為有朋友生日，餐廳超好，幫我寫生日字同準備埋蠟燭🎂 佢嘅cheese cake軟硬程度啱啱好，好滑身嘅濃厚芝士味配合埋士多啤梨同藍莓，絕配😋

我已經係salted pig既fans，佢既豬真係食完返唔到轉頭。沙田店環境非常舒服，服務亦好有禮貌，會主動問我需唔需要牙籤，亦見到店員問其他客人食物滿意嗎，十分貼心。Crispy pork knuckle （＄308）1kg for 2 persons超級推薦，脆皮，嫩滑，多汁，點埋店家既特製細汁，更加帶領豬手到另一層次。Grilled pork tomahawk （＄252）大大塊烤斧頭豬排，白肉更多，滿滿既蛋白質，好食。Elderflower highball （＄78）Whisky味比較強，帶點花香，甜度中等，餸肉一流。

[ The Salted Pig 豬門店 ]放假去沙田食嘢，見到店名都估到呢間西餐廳提供以豬為主題嘅菜色，而牆上&餐具都有大量豬仔圖案，突出咗餐廳嘅賣點。✿ 招牌德國鹹豬手、烤薯、酸菜、芥末籽忌廉汁 🐖🇩🇪$308豬手約一公斤，適合二人享用。豬手已預先拆骨並切好上碟，方便進食。豬手含有豐富膠質，外皮超脆，內裡充滿肉汁，豬肉入味又嫩滑。整體上豬手嘅鹹度可接受，覺得太鹹可以配芥末籽忌廉汁中和下，而酸菜非常開胃👍🏻✿ 招牌手撕燒烤豬肉三文治、薯條 🐷🍟$178 三文治嘅兩片大麵包烤至微暖而香脆，豬肉去骨後撕成條狀，醬汁係煙熏味燒烤醬，味道帶少少甜。✿ Refreshing splash 🍹$62✿ Passion apple 🍎$68餐廳有多款酒精/非酒精飲品選擇，啱哂送豬手食。呢兩款mocktails配搭清新嘅果肉，解膩一流。總結🫦餐廳用唔同嘅烹煮方式做出多種以🐷肉為主題嘅菜色，上菜速度都幾快，用餐時間得90分鐘都唔覺食得趕，但建議上佢地嘅網站book定枱先😼✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿The Salted Pig 豬門店地址：沙田沙田正街18號新城市廣場一期7樓

再訪𝚃𝚑𝚎 𝚂𝚊𝚕𝚝𝚎𝚍 𝙿𝚒𝚐🐖真係每次都唔會令我失望😉·<𝗦𝗽𝗮𝗻𝗶𝘀𝗵 𝗚𝗮𝗿𝗹𝗶𝗰 & 𝗖𝗵𝗶𝗹𝗹𝗶 𝗣𝗿𝗮𝘄𝗻𝘀｜西班牙香辣蒜片蝦、辣肉腸、多士> ʜᴋᴅ 142爆香蒜片同辣椒後加埋蝦烹製，辣度都真係唔惹小🌶大蝦雖然係凍貨，但都非常實在爽口🦐仲有唔少辣肉腸好惹味😝·<𝗦𝗹𝗼𝘄-𝗰𝗼𝗼𝗸𝗲𝗱 𝗕𝗕𝗤 𝗕𝗮𝗯𝘆 𝗕𝗮𝗰𝗸 𝗥𝗶𝗯𝘀｜慢煮醬燒豬肋骨、椰菜沙律、粟米> ʜᴋᴅ 252之前食過好滿意所以又要翻撻🤪豬肋骨經慢煮後好軟腍，可以輕鬆切開同咬😋再掃一層經典美式bbq醬喺表面，個人覺得可以再比多啲醬，咁切開咗之後都可以再蘸啲😜薯條鋪咗喺底所以有啲腍咗🍟·<𝗖𝗿𝗶𝘀𝗽𝘆 𝗣𝗼𝗿𝗸 𝗞𝗻𝘂𝗰𝗸𝗹𝗲｜招牌德國鹹豬手、烤薯、酸菜、芥末籽忌廉汁> ʜᴋᴅ 308一公斤嘅豬手足夠兩個人食，已經切好上碟，唔洗自己做豬肉切割員🤭唔介意儀態嘅話仲可以拎起舊骨慢慢吮🤓外皮炸得香脆，肉質一啲都唔柴😙芥末籽忌廉汁唔係好覺芥末味，自行蘸咗茄汁覺得更加配😂·<𝗦𝗲𝗮𝗳𝗼𝗼𝗱 𝗣𝗮𝗲𝗹𝗹𝗮｜西班牙海鮮飯> ʜᴋᴅ 228連埋鑄鐵鍋熱辣辣上枱，除咗

沙田新城市廣場the salted pig , 知有 Vegan 純素及 vegetarian 素食 食物， 於是朋友幫襯此食店。點知入坐後話只有1）🍔 impossible burger , 另一 2）純素 🌮cheesy omni pork nachos 墨西哥芝士新豬肉薄脆冇再出。 純素意粉又冇， 咁你叫 純素食者有咩食呀， 點解要選擇你餐廳呢？ok, 我只點 vegan 之 impossible burger ， 走醬。burger 包面好油， 漢堡扒唔熱， 薯條又唔脆熱， 唔係即炸咩？ 唔脆唔熱。burger 又唔熱， 你想點呢？ 仲要收$168. 會否過份， 收勁貴。另一朋友不是素食者， 點了午餐紙包焗魚蔬菜 $148魚冇味， 蔬菜唔鮮又冇味， 魚似是煎左放入牛油紙之蔬菜內， 扮焗。請問是否忘記加鹽， 糖， 胡椒粉, 芥末。等調味料呢？？可以完全冇味， 冇調味， 好野。侍應上菜問都唔問此餐是誰， 就咁放在枱邊就走左去， 咩事呀？！ 咁樣服務態度既總評： 3分1）食物質素。 3分＜未試過食到一肚氣。＞食物唔熱， 冇味， 質素好差， 價錢又超貴。burger

🥢 如果想同朋友或者另一半慶祝下特別日子，想食啲有格調啲嘅西餐的話，今次為大家介紹同推介沙田新城市廣場7樓嘅 The Salted Pig🐖 👍🏻 裝修好有特色，有一幅豬豬牆配合自家主題，燈光暗暗地好舒服好有情調，店員都好nice好好服務，多次提醒我地個鐵板好熱，亦會主動fill清水 ✨ 小食拼盤分享 $278裏面總共8種小食，啱曬貪心想每樣食啲嘅朋友仔，番茄芝士肉丸做得幾好，咬落去唔乾身好濕潤，而且番茄醬味道好突出，微微帶點芝士再香啲，係幾特別，豬肉脆片，類似炸蝦片味道，好香口而且份量幾多，脆豬肋骨，外皮好脆而內裡唔會太硬，烤得都入味，迷你牛肉漢堡，有驚喜，牛肉好厚，生熟程度控制得好好，好多肉汁，配合茄汁同酸瓜好開胃，香料雞翼，香料味道好有東南亞特色，微微帶辣同避風塘口味，就連裏面嘅肉都好入味，酥脆魷魚圈，唔會過鹹都做得唔錯，薯條溫度脆度適中，酸麵包多士，麵包可以食得出烤盤烤過嘅味道，留有陣陣烤過嘅油脂味道 ✨ Seafood Paella $228海鮮飯用鐵盤裝盤keep住溫度，賣相好靚份量兩個人share都足夠，飯粒粒粒分明，各種海鮮都好新鮮，青口同蜆都好鮮甜，蝦都幾大隻，辣肉

The Salted Pig食品質素一向好好，因為相約朋友gathering ，今次就決定去沙田新城市廣場分店品嚐。依度好有氣氛，環境優雅而且裝修精緻，最緊要員工服務周到好到位。今次order左番茄肉丸意粉、烤斧頭豬扒配煙肉椰菜仔及薯條、招牌手撕燒烤豬肉三文治配薯條，因為餐廳食豬聞名，所以3個dishes都有豬肉。番茄肉丸意粉用新鮮番茄及茄醬做汁，撈意粉食口感一流，加埋新鮮可口肉丸食，好有農場田園感覺。烤斧頭豬扒超級厚身，但用刀切落肉質柔軟，點埋甜桃蓉放入口食好fresh，好有層次味道，放配煙肉椰菜仔及薯條食，係好完美嘅一個main course。招牌手撕燒烤豬肉三文治配薯條好值得推介，手撕豬肉用秘製醬汁醃過好入味，兼且肉質柔軟，三文治烘過後夠香，加上配菜薯條一齊食，每一啖都有吾同口感。

今日嚟到沙田探朋友，順便試吓呢間西式Fusion 菜併盤有蘇格蘭溏心炸雞蛋、迷你牛肉漢堡、豬皮脆片、蟹餅、脆豬肋骨，秘製香料醃製的香烤雞翼，太正喇煙肉芝士焗通心粉香濃好味肉眼配薯條冇得輸