The Promenade餐廳

营业中

休息中

自助餐中最好咪的Tiramisu, 我選呢度.呢個酒店集團咁多間以呢間及火車站那間最好味.食品款式好多. 又有Haggan Daz 雪糕.壽司魚生很好味, 新鮮.

Have lunch buffet there will colleagues, 有三文魚、吞拿魚、八爪魚同赤貝刺身，看上去都算新鮮, but actually not so delicious, 八爪魚軺超級\'un\', 咬唔開.....Ice Lemon tea - worse than normal 茶餐\廳有蒼蠅飛來飛去

昨晚食完. 人又多, 又無乜野食, 收碟收得慢, 真係有d 失望.2條友total = HK$547.20 (COMPASS VISA 有85% OFF) 失望1 = 無生豪食, 只有焗豪, 二百幾蚊位DINNER BUFFET 無生豪, 有無攪錯, 我行左好多次, 真係無, 只有蝦, 青口, 螺, 蟹腳. 失望2 = 魚生麻麻地, 失望3 = CAKE 得好少款, 只得一款CHEESE CAKE, 好失望….失望4 = 熱盤唔得, 羊扒好“穌”, 咖喱唔熱, 個人認為朗豪酒店的LUNCH BUFFET 多野食過佢, 好似係HK$178 + 10%

食物款式都幾多選擇, 但味道一般.海鮮方面: 特別是長腳蟹每次Refill都好少, 所以好快比人攞哂...有位駐場印度藉廚師即叫整油酥餅, 好食之外, 仲好好睇, 因為佢猜麵粉猜到好薄, 猜猜下仲向上拋到好高.有4款Haagen-Dazs雪糕: 比利時朱古力, 忌廉曲奇, 雲喱拿& 士多啤梨. 其他甜品真係好一般, 唔好抱咁大期望...服務唔得! 食左兩轉, D碟疊左幾層都唔收, 又唔加水, 埋單超慢.

整體唔錯，環境好好，我地book左window seat，野食都算多選擇原價$288，另加一。任飲紅酒、汽水、果汁每位另加$65。海鮮盤有：生蠔、蟹腳、龍蝦仔、翡翠螺、中型蝦、青口(唔算話超新鮮，肉算結實有甜味)凍盤有：大約6款如煙魚肉、雜肉、火腿等，仲有幾兜調左味既野食但無留意係乜(煙燻魚都有3款，幾好食)沙律吧：十幾款料(無食過所以唔多清楚)日式：剌身6款左右，三文魚、吞拿魚、油金魚、北寄貝、赤貝等，壽司10款左右(剌身係切比你，食左三文魚and油金魚only，壽司自己夾，無食到)熱盤有：蒸魚(好似係斑)、羊扒、豬仔脾、鎮江排骨、炸蝦餅、雜菌卷、牛利、小籠包、燒牛肉、印度油酥餅、2款湯、幾款芝士、避風塘炒蟹、賴尿蝦等等(試左10款左右，無乜邊樣唔好食！仲有個印藉人士即整油酥餅)咖喱counter：幾款好正宗既咖喱(羊、雞、豬等)，配油飯、白飯、薄餅(非常好食！！)甜品：4款哈根大屎雪糕、榴連/芒果pancake、朱古力噴泉、杏仁茶、煎堆仔、cake好多款(仲有其他都記唔到咁多~~ 食過既buffet之中呢到d甜品係最多選擇同最好食)相只係影到自己食果d同衝出去影左部份甜品，其他co

為左慶祝一個特別的日子，男朋友帶左我黎呢到食buffet。呢到d 台排得唔算太密，而且都算大張，坐得幾舒服。雖然book 唔到window seat，但因為全場落地玻璃，所以都望到海景，個view 真係唔錯。食物方面，日食有三文魚、吞拿魚、北寄貝同赤貝刺身，仲有數款壽司、反卷。看上去都算新鮮。冷盤有BB龍蝦仔(冇鮮味)、大海蝦(另一敗筆，完全無味)、翡翠螺(冇試，不過一出就好快俾人攞晒)、青口(幾鮮味)、阿拉斯加長蟹腳(呢個係全晚至愛，廚師幫你剪開d殼，很方便; 而且味道十分清甜，但又不會過咸，令人十分回味; 不過又係一出就好多人去攞)。隔離有一個細沙律巴，好似都幾受歡迎。熱食方面有白飯(哈哈，第一次食buffet 有白飯)、炒飯、炸蟹仔、避風塘炒蟹、椒鹽瀨尿蝦、辣酒煮螺、煎堆、小籠包、煮青口、炒河、薄餅、數款芝士和麵包、燒牛肉、羊扒、炸子雞、清蒸海班斑、南瓜湯、椰子煲雞等等。大部份食物都唔錯，可惜d魚蒸到過左火，唔滑。甜品方面有大桶裝ge Haagen Dazs、chocolate fountain、十數款cake 同甜品、仲有水果(菠蘿、西瓜、蜜瓜、哈蜜瓜)。服務方面，收碟速度一般

補記7月6日星期四, 我同我的同事一行11人到紅磡海逸酒店食dinner buffet. 其實今次計起來已經是我2006年第3次在這兒食dinner buffet了, 但點解無人寫食評既?其實, 我最鍾意呢度既甜品, 其次就是阿拉斯加蟹腳同翡翠螺, 再其次是頂級肉眼扒.湯: 今日好唔掂, 西湯是番茄湯, 如果我系鬼佬可能會鍾意多啲, 太杰. 中湯是紅蘿蔔青蘿蔔雪耳, 一般, 上次是魚翅湯, 好得多.沙律: 沙律完全無食, sorry no comment剌身: 有專人即切, 我同事話整體上都好新鮮, 但我食三文魚個碟就比較瘦, 有啲UN冷盆: 阿拉斯加蟹腳都幾鮮, 唔咸, 但20:30pm便無再refill. 翡翠螺好大隻, 不過成日無, 我都糸食咗1次咋.生蠔我地個個都無食, 唔知道糸唔糸驚肚痛呢? 其它大蝦, 青口, 凍蟹, OK 啦!熱盤: 東星班, 勁正! 但我同事話糸雪藏貨, 但我真系覺得好好味, 重有好多鬼佬鍾意添. 蝦球時菜個蝦球勁大, 成日一出就一群人圍住, 最後我出到去只餘時菜囉. 羊架我吾鍾意, 但我同事話”正”頂級肉眼扒有人即切, 好淋, 我食咗2次, 有羊脾,

男朋友的朋友是這家餐廳的staff所以有discount，雖然食物並不是每一樣都很好食，或好特別，但整體的感覺不錯。我自己覺得不錯的食物有：生蠔，不是大大隻好肥o個隻，係好有蠔味，食完再飲水都仲覺得口裡有蠔味的那種。羊架：不會太生或太熟，好多香料，加上mint sauce就prefect!南瓜湯：好濃南瓜味!有"吃緊掉"雪糕﹗有紅白酒、soft drinks and juices 任飲package又是因為staff訂位，不用加錢。有點失望的是chocolate fountain好細呀﹗最後埋單每人只係$160, 真係抵到不得了﹗

上星期四個男仔去食之前上網search睇極都攪唔清楚究竟個buffet既主題係東南亞定避風塘?結果原來兩個都係不過其實都只係佔一小角落可能我地七點半先到算係遲啦appetizers大部分空空如也青口,凍蝦都得返幾隻唔明點解連cesar salad都勁耐唔refill避風塘方面可能放既地點不起眼好多炒野都凍左但係泥鯭粥其實幾好食記得叫師傅過黎整東南亞美食就係各種咖喱但係又係refill得好慢其餘羊扒配露斯碼莉汁最出色條魚亦蒸得好靚反而無咩人欣賞甜品ok款式亦算多但無特別令人驚喜既整體黎講服務不俗收碟好快但除左落地玻璃無敵海景同埋食客都好elegant(靚女不少)之外睇唔出點解值呢個價位我鐘意朗豪buffet多d

呢期係十週年promo, 同男友去食個dinner buffet, $328一位, 預早book定個window seat, 可能因為係週五啦, 人唔太多, 只係六成滿, 咁都好, 無咁多人搶食.呢度個view就真係好無敵啦, 對住個北角view, 好鬼正, 幾romantic其實呢度個buffet枱唔算話勁多野食, 但係都幾有特色, salad方面除左一般已有的鬼佬salad之外, 呢度有好多泰式salad, 青木瓜個d緊有啦, 有d好似泰式杧果辣雞salad都好正, 辣而香啊, 另生蠔就都ok啦, 不大不少啦, 阿拉斯加蟹腳都有但係好瘦下, 對我無咩吸引力. 熱食方面, 有一張枱set左好多好多款咖哩, 有紅咖哩, 青咖哩, 黃咖哩, 印度咖哩等, 個個都有個細爐明火熱住佢, 咖哩雞同什菜都好好味, 咖哩鴨無咩肉, 咖哩羊肉比較un, 即場重有印度師傅即製naun bread, 可以選加生果入去做, 咁當場係原味係最good啦. 另有一個師傅炸天婦羅, 種類都係一般蕃薯, 蘿蔔, 蝦個d啦, 但係勝在即叫即炸, 好新鮮啊!!有個磨菇湯就好鬼正, encore左2次, 忌廉夠滑磨菇又

舊曆生日,我媽請我食buffet都係做緊大長今自助餐,款式同上次差唔多,不過有d上次冇今次有,有韓式炒粉絲,好食,不過唔夠多料,韓國街果d好食d~果d韓式糯米飯好好食,我食左兩舊有個芒果配千島海鮮,海鮮唔新鮮,但係d芒果好鬼甜~仲有巴馬芝士配哈密瓜,都好好食,不過生蠔同魚生唔好食,唔新鮮...甜品方面呢,有西米布甸同麵包布甸,超好味~另外haagen dazs既雪糕超易畢,我食左5球~

呢度做緊大長今自助餐,多左好多韓國野食~我前幾日去交deposit見到有一班小朋友唔知係度拍d乜野,今晚係成班人慶祝母親節好多人,我地都要坐出面...野食有好多都好好食,生蠔夠鮮,青口好食,推介有果d青色既騾肉,好鮮甜又大隻,我食左好多~d刺身已經比返人客自己夾喇,咁反而有d小朋友係度攪攪震...仲有韓國泡菜,掩籮白,魚仔蝦仔果d,全部都整得非常好~熱野方面,多左有人參雞湯同胡麻全鴨湯,兩個都幾好飲,果d京蔥牛肉,炆牛肋骨都整得唔錯,而d燒牛肉我舅父話太熟唔好食甜品我覺得係最好食,chocolate mousse cake,tiramisu都整得唔錯,杏汁燉燕窩好香,haagen dazs既雪糕好難畢,果度既chef好好人,見d小朋友畢唔到就主動過去幫佢地今餐食到我好飽...

有coupon食tea buffet,買一送一.食過兩次,感覺差不多.Tea buffet 都幾多人,差唔多爆滿.拎野食成日排長龍,但refill幾快. 食物算幾好,熱盤包括有即煮海鮮米粉,豬頸肉,炸蝦球,炒菜,炒伊麵,點心等等......亦有壽司(但款少),沙律及冷麵,甜品方面有芝士蛋糕,tiramisu,楊枝金露,Haagen Diaz 雪糕,即製Pancake, 即焗waffle同souffle......甜品質素好好.Promenade 環境幾好,坐椅夠大,有落地玻璃望維港海景,有露台,食完buffet後出露台吹吹風,輕鬆舒服!

早幾日夜晚去左食自助餐，原本聽朋友講話都唔錯，所以都抱住好大期望去食,但結果係好後悔囉。首先，果日勁多人,我諗差唔多爆滿，去親拎野食都勁多人。最唔得係刺身個counter，師傅得一個，但勁多人排隊，每次只拎到3小片刺身，仲要等佢切喎。好心咁多人排就應該師傅切好，放在碟上任人拎啦，攪到好次係街市咁，排隊拿刺身排到出門口咁滯。五星級酒店黎架嘛，要人排咁長龍去拎野食，我覺得好難睇。而且大約9點開始，個師傅唔知去左邊，又無切定d魚生，即係叫人唔好食姐。但個buffet一d都唔平，折左都要二百六十幾蚊一位，連魚生都食得咁少，我覺得一d都唔抵。另外，個buffet d 款式唔得囉，居然以中菜為主，話明係多國buffet，無理由會咁。例如：西檸雞、炒青菜、蜜糖豆炒蝦、黑椒牛仔粒、燒味。如果我係食中菜，我不如去d更出名0既酒家度食。d壽司款司又少，用料又唔係好新鮮，果日咁多人，好快就唔夠分。佢每款都係得2-3件，好似敷衍人咁囉。甜品就最差啦，連芝士蛋糕都無，仲要唔好食，橙餅好酸，好難食，tiramisu麻麻，最好食已經係芒果拿破崙。我未食過咁難食0既楊枝金露囉，用料最多0既竟然係花奶，連芒果汁都唔覺有

二佰多一位，五星級對說算平，但野食比較少，好似無都會海逸咁好味和多．．．．但係生蠔三文魚都幾新鮮，熱盤就麻麻，都係東南亞的食物如串燒和黃薑飯，還有四十多元一位就可任飲生啤／汽水（不過都飲唔落，因自助餐實在太雜，飲埋好似過份無益）．．．．如果訂位記住要海景位，個景不俗．．．．