The Point - Pizza & Pasta (如心廣場) (已結業)

位於荃灣如心廣場二期嘅新餐廳The point， 環境非常舒適、地方寬敞，每枱之間相隔非常遠。　最適宜而家疫情高峰期進餐。而且而家有優惠㗎，全日都有八折。今晚約咗朋友聚一聚，飲番杯啤酒傾吓計，享用晚餐美好時光。先叫咗生啤 Chill 一 chill，好耐冇試過出嚟抖下氣。叫咗個套餐好抵食，包餐湯同沙律，主菜叫咗一個Pizza同一份牛扒值得一讚嘅係我哋要求medium rare，呢間餐廳真係做到，絕對合乎我哋要求。牛扒嘅炭燒香氣，嫩滑粉紅嘅肉質，絕對係我杯茶！Pizza亦都覺得非常之香脆，佢係介乎厚批與薄批之間，餡料亦都相當豐富。另外呢個松露什菌意大利飯，煮得非常出色。個汁香濃大有松露氣味，飯的軟硬適中。

疫情持續，巳待在家中好長時間，大人細路都悶到七彩，仲要一日煮足三餐。快要爆炸了！要求老公帶我地出去食餐好嘢。老公細心地選了荃灣一間新的餐廳，鐘意佢人流唔多，又乾淨清潔。The Point 是在各區有幾間分店的新餐廳。好開心餐廳嘅間隔非常好，同其他人嘅接觸空間距離非常遠，食得較為安心。我哋叫咗一個二人餐，阿囝揀了一個黑松露意大利飯，真識食！個黑松露意大利飯好香芝士味，阿囝食到舔舔脷。二人餐包餐湯或沙律我哋叫咗一個Pizza，一份澳洲M5和牛牛扒，仲包兩杯特色飲品。個Pizza 焗得香脆可口，上面嘅餡料又多又豐富。M5牛扒肉質不錯，夠晒油份及牛香四百幾蚊的套餐認真抵食，埋單先知抗疫優惠全單有八折，真係開心抗疫餐。

荃灣西鐵站上蓋開咗新商場，同事住在附近，介紹呢間環境舒適的西餐廳，一入門口地方頗大，店員安排我們坐在近窗口的卡位，望住綠草如茵的環境進餐，感覺十分舒服，這裏的午市和晚市套餐也有八折優惠先來個龍蝦湯，橙黃色的龍蝦湯, 面層灑上綠綠的香草，顏色已經很吸引，飲落味道不濃不淡，淡淡的龍蝦香味，內裏帶着龍蝦肉，飲落更有層次感就點個招牌菜龍蝦薄餅，龍蝦頭同身分別放在pizza 面，賣相一流，龍蝦內釀了食料，而龍蝦肉就放在薄餅上，薄餅咬落皮層一點也不厚，鬆脆香口，只是簡單的芝士番茄和龍蝦肉，巳很美味，亦可將釀在龍蝦肉的蝦和菇放在薄餅上一起吃，又有另一番滋味白酒煮蜆， 見到隻隻蜆到大大隻又脹卜卜，忍唔住立即放入口，用白酒煮過的蜆份外鮮甜，加上高湯和香料還有蒜頭，混在一起吃，更加甜美可口，蜆的份量也不少，足夠三人一起吃

喺商場兜咗個圈，見呢間意大利餐廳環境幾大幾舒服，就決定入去坐低喇。我地點咗個二人set dinner。頭盤係洋蔥湯或沙律，我地各要一個。洋蔥湯唔係太多餐廳有，好少飲得到。充滿香甜嘅洋蔥味，唔錯。沙律好簡單，新鮮沙律菜加上黑醋汁，清新開胃。食肉獸燒烤醬pizza上，有肉腸火腿，再加上我最愛嘅墨西哥辣椒，真係啱晒胃口。pizza餅底唔會太硬，而且材料同醬汁都好夠，啖啖都好滿足！主菜係紅酒燴羊膝(+$48)，羊肉燴得好腍，d肉好容易離骨，好易切開，肉味好濃。個人覺得pizza比較岀色。另外見到呢度嘅drink menu有好多特色cocktails，同朋友食飯再慢慢飲杯嘢，呢度都係一個唔錯嘅選擇。

行過門口見到堂食八折，就諗住入去試下。叫左一個黑松露薯條，白酒大蜆意粉，同m5澳牛。首先係薯條，軟淋淋完全無口感，一啲都唔脆，黑松露薯條無黑松露味，失敗。白酒大蜆意粉上菜個時我仲以為我去左薩利亞，睇樣已經知唔掂，食落去更加唔掂。啲蜆好多沙粒，意粉無味，啲汁好似水咁，猶如食湯撈麵。最後係塊m5牛，簡直係暴殄天物，比我煎都唔會煎到舊炭咁啦😅一塊令牛就咁就變左塊黑炭。

今晚約咗朋友喺荃灣食飯，主要想搵間坐得舒服嘅餐廳食下野傾下計，上網見呢間喺如心廣場嘅意大利餐廳環境唔錯，就揀咗呢度。由於兩個女仔又唔太餓，就點咗一個Mac同一個甜品share。兩款野食都岀乎意料地好味Four Cheese Mac加入四種不同芝士嘅焗通粉，非常邪惡。可以同時食到唔同味道，唔同質感嘅香濃芝士美味。每一口每一粒貝殼粉都沾滿芝士，非常滿足。而且呢度菜係用pan上，食到最後仍然keep warm，值得一讚。Brownie in a Pan甜品控，朱古力控必點！朱古力brownie，烤香蕉，合桃，再配上雲呢拿雪糕，好喜歡呢個配搭，冷熱交融，呢個組合嘅味道真係好正。但呢個甜品真係要趁早食，因為雪糕會溶得好快。今晚食得好開心，下次要再黎試下其他野食！

血拼完激安真係要搵個地方食野休息，友人好想食pizza，就係附近搵到間餐廳叫The Point，二話不說就拎住一袋二袋去餐廳。見到餐牌推介龍蝦pizza，好吸引，又見到龍蝦芝士通粉午餐套餐，有龍蝦湯又有杯凍飲，又好吸引，又見到白酒煮蜆，又好好吸引，最後…………咪真係叫晒d好吸引嘅野食囉！龍蝦湯 - 湯頭裡帶有龍蝦肉。龍蝦薄餅 - 成隻龍蝦頭連身擺設，原本以為只係裝飾，原來事情並唔係咁簡單，廚師起晒d龍蝦肉放晒係Pizza，再釀番d忌廉蘑菇入去個頭和身入面，所以成件事係好豐富。白酒煮蜆 - 蒜蓉白酒煮大蜆，最傳統簡單煮法就係最好味，d 蜆肥美又夠鮮，好食。必食！！龍蝦芝士焗通粉 - 又係成隻龍蝦蚶放上去，啖啖肉，芝士通粉裡頭另加咗蝦粒，正！水蜜桃冰茶 - 好香水蜜桃味，又不會掩蓋茶味，好配。好飽，真的好飽!! 個午市龍蝦通粉套餐好抵食！！

訂了4人桌，店長很貼心的安排到窗戶旁邊的好位子🙏🏻，店內環境很好很舒服。點了乾菠蘿意大利火腿披薩，肉丸蕃茄長通粉，牛肉蜆型粉（this is super good), 火箭菜梨子合桃沙拉，味道都不錯，用料很足，也新鮮，只是上菜的順序有點奇怪， 主菜到來差不多吃完，沙拉和前菜還沒到，還有冷氣有點超冷，菜很快就涼了⋯⋯甜點和coffee 也很好，友聚good choice

今日入到嚟6:30左右，所以舖面當時仲未算多人😗。現場環境都唔錯，好鍾意櫃上面整齊咁擺放嘅樽🍾，好有風格。話說而家嚟the point食嘢原來仲有8折，十分抵話說而家啲西餐廳都好鍾意整啲會籍叫人入會，但係又真係幾抵，$500入會，仲有得送6張$100嘅coupons，生日月份仲送一個singature嘅龍蝦pizza🦞!嘢飲方面就叫咗呢杯feature嘅pomegranate with lemon🍋 ，朋友就叫咗杯peach with mint，兩杯嘢飲嘅果味都好重，絕對唔係平時飲到嘅嗰啲糖水味呢個明太子軟殻蟹櫻花蝦扁意粉，一食就已經食到停唔到，明太子醬嘅美味，再加埋軟殻蟹嘅口感，perfect match之後仲有呢個The Point Favourite嘅Smoked Salmon Pizza😋，個pizza底係真係放入火爐好似平時喺意大利食到嘅嗰種pizza皮咁，面頭就放咗煙三文魚、三文魚子、溫泉蛋、忌廉芝士醬咁。最初食第一塊都覺得幾好味，又幾有口感，而且煙三文魚都係大大塊咁上，但係食多塊就覺得都真係幾鹹！溫泉蛋嘅時間控制得宜最後梗係唔少得甜品嘅環節啦！呢個Banana Heave

星期六四點到達人不多可能地方大任揀位，靠𥦬口位有景觀，大女未到我＆老公食住等，叫左水牛芝士薄餅＆pan fried barramudi with spaghetti eggplant puttanesca,另加$24叫左松露薯條幾好食，先來洋葱湯淡如水（不用太多只要一小杯好味的就夠了）薄餅一般水牛芝士不及往曰係銅鑼灣的好味,煎魚意粉魚有腥味茄汁醬汁稀未能掛汁！大女到叫左大蜆扁意粉最好食（散叫不是套餐），蜆鮮甜大隻意粉味道好，老公杯美式咖啡濃香我杯complimentary drink冇諗到甘好飲，見到工作人員＆廚房大佬一排人用餐，有一位男服務員捧著水壺服務完客人叫左佢埋黎傾兩句表達一下今次用餐問題，我地覺得不復當年銅鑼灣店水準有點失望，反而飲品一流後來俾左咭片我地（bar manager tyco yu甘勤力出埋黎幫手），尼個後生仔樂意聆聽客人意見有前途（有些服務員比較一般）。

海之戀啲餐廳都比我食晒咁滯，咁今日同閨蜜行完donki就去如心廣場食啦！📍龍蝦芝士焗通粉（lunch set $138 - 有龍蝦湯+ 龍蝦芝士焗通粉+指定特飲）龍蝦湯同特飲都好正🤤，但主菜更正😋濃郁芝士配上彈牙通粉，芝士控真係難以抗拒，必叫！龍蝦鮮甜肉厚🦞，好想叫多幾份！😋📍Green Neptune pizza🍕 (lunch set $98- 有洋蔥湯+ 9‘’pizza+ 指定特飲) 個Pizza 條邊夠脆卜卜，調味主調係青醬，餡料好豐富，好多海鮮！好味！📍迷你凱撒沙律🥗（追加$12）新鮮爽脆，清新解膩！📍棒棒雞翼（追加$24）一客3隻，原來係成隻雞鎚咁嘅雞翼，食得好方便！讚！

The Point一直都喺我嘅wish list, 見餐廳進駐荃灣新商場, 就即刻約埋住附近嘅姊妹試下! 可能平日關係, lunch time並唔多人, 但店員安排每位客人坐窗邊卡位, 同其他客人分隔, 好細心。午市套餐配餐湯及指定飲品, 而主菜分別叫咗同意粉。意大利香草海龍皇pizza嘅用料豐富, 有4款不同海鮮。由於醃安鰽魚比較鹹, 加入檸檬汁後除咗有中和嘅作用, 更將整體味道昇華鮮露荀野菌黑松露卡邦拿拉意粉: 有別於一般Carbonara以煙肉做配料, 而係加入不同菌類, 適合素食者之餘, 風味亦清新, 減低罪惡感, 但建議餐廳加入更多露荀。由於疫症關係, 餐廳全店做緊8折, 令本身價錢合理嘅午市套餐更物有所值!

裝修時尚簡約， 落地大玻璃 十分開揚， 窗外翠綠樹木花園，景色怡人， 座位寬敞舒適， 環境一流。香蒜辣椒白酒煮大蜆$118大蜆肥美肉厚，肉質挺身， 浸泡在白酒中， 帶啖啖蒜香和酒香，大口咬下去，鮮味在口中爆發， 蜆肉鮮甜滑溜，咀嚼時沁出微辣， 又不會奪去鮮味， 更加惹味， 色香味俱全， 令人停不了口。煙三文魚魚露芛刁草忌廉汁天使麵$128天使麵相當幼身， 入口煙煙靭靭 ， 軟硬適中，每條麵條都掛滿刁草忌廉汁 ，香味瀰漫口腔， 煙三文魚十分鮮味、滑溜， 夾合埋新鮮爽甜蘆芛，口感豐富、多層次，每口都細膩誘人， 令人再三回味。Honey Latte$38鮮奶咖啡 ， 入口滑溜、順喉 ， 配上蜂蜜 ，添加額外蜜甜，十分甜思思。

尖沙咀大熱的意式餐廳< The Point>，終於在荃灣開分店了。環境舒適、寛敞，落地玻璃窗，採光度高，還可以欣賞綠油油的花園景色。餐廳七成的位置都是卡位，可以與友人享受用餐的美好時光。我們點了Lobster Lunch Set，額外跟配頭盤、小食和甜品，令人大快朵頤! 龍蝦芝士通粉 $138通粉被濃濃芝士醬包裹著，可以拉出長長拉絲，令人食指大動。龍蝦鉗一早已被敲碎，用叉慢慢挖出龍蝦肉，肉質肥美、厚彈，芝士酥香配上惹味香蔥，好吃到舔舔脷。通粉入口濕潤，帶濃郁的龍蝦汁香，還夾雜大量龍蝦肉，鮮味迫人，每口都是幸福的感覺!Lobster Lunch Set跟配龍蝦湯，質感濃稠，龍蝦鮮味突出，入口順滑，鮮中帶甜，湯中有幾顆彈牙龍蝦肉，特別滋味。頭盤：迷你凱撒沙律 (Lunch set +$12)翠綠的沙律菜上，灑滿芝士塊和脆脆麵包粒，加上沙律dressing，口感輕盈，是今餐的清新開端。芒果汁 (Lunch set升級 +$14)芒果汁蜜甜香郁，口感像smoothie般濃滑，十分誘人。 棒棒雞翼 (Lunch set +$24)雞翼外皮酥脆可口，咬下去“吱嚓吱嚓”聲，內裡嫰滑多

上星期慶祝朋友在荃灣入伙，和他一起到他屋苑樓下覓食，看到這間西餐廳在尖沙咀頗有名氣，一直沒有機會嘗試的我便和朋友進去一試當日和朋友六點左右入座，人數不算太多，但大概七點離開時已幾乎全場滿座棒棒雞翼配蜜糖燒烤醬，聽從店員介紹嘗試這道餐前小食，有驚喜，雞翼炸得非常酥脆，另外炸粉是屬於比較薄，並不會帶有任何多餘油份，非常香口龍蝦香草意大利飯，本人點了這一道主菜，每一粒米飯都沾滿龍蝦醬汁，非常濃郁，另外拆開的龍蝦肉分量亦不少，而且飯粒口感剛好，不會出現坊間餐廳意大利飯過濕過軟的情況，值得推薦