The Platter (悦品度假酒店‧屯門)

营业中

休息中

the Platter Hotel COZi - 南歐風味火腿 • 平日半自助晚餐地址：屯門建豐街4號悦品度假酒店•屯門2樓悅品酒店既半自助晚餐非常抵食😍😍😋依間餐廳一定要同大家推介一吓，COZI酒店可食自助晚餐，亦有半自助，如果係全自助，唔同時段有唔同收費。我今次就係食半自助南歐風味火腿😊，主食係再另外計價錢。餐廳自助吧既食物選擇已經好多，好吸引😆有唔同沙律，亦有少量燒物，燒雞翼，茄子都有，有中湯西湯任飲，仲有海鮮，甜品水果應有盡有，好抵食！仲要全部都好好味，淨係食佢既自助吧都食得好滿足😊！主食方面叫咗龍蝦同埋安格斯牛扒😋😋Pan-fried Boston Lobster with Champagne Cream Sauce and Melted Cheese $408扒波士頓龍蝦配香檳忌廉汁及芝士龍蝦好大份，面頭既芝士烤得好香，口感超正，表皮酥脆多汁，搭配香檳忌廉汁的細緻濃郁，為口感帶來絕妙平衡。😍入口即化的龍蝦與融化的奶酪融合，層次口感豐富，食到停唔到口，雖然可能貴咗啲，但係值得既Sea Salt Grilled U.S Angus Ribeye Steak with Blac

晚上同老公近近地走過來屯門悅品度假酒店 Hotel COZi 的餐廳《 The Platter 》，嘆番隻龍蝦先😋。今晚主題是「南歐風味火腿」，半自助晚餐時段由六點到九點，可以坐在車廂中，悠悠閒閒地品嚐美食😌，雖然不及真正的自助晚餐有那些高級食材豐富，但對比其他餐廳的半自助晚餐來說，確實豐富得多😌餐牌上價錢由最平兩百幾至最貴四百元，享用半自助餐包括自助海鮮及沙律吧，是日餐湯，一道主菜，自助甜品，咖啡或茶。是日海鮮冷盤有蝦，蜆，青口及螺，可惜沒有Alex最想吃的翡翠螺，而沙律配菜更多不聲數。餐湯有中西兩款，又有多款餐包，估唔到連牛角包都有呀！牛油加牛角包再配上南瓜忌廉湯，Yummy😍又可以瘋狂食芝士，今曰啲蜜瓜好甜，跟Ham絕配👍🏻甜品款式多到一枱都係，蛋糕、啫哩、糕點、泡芙、雪糕通通試晒都好好味，今次記得整番個雲呢拿雪糕窩夫啦！😉，最後仲食埋腐竹雞蛋糖水添！真係超滿足呀！😍

假期帶小朋友去Kingdom playhouse 玩，順便過來食埋buffet! 晚上主題係「悅港悅賞食」餐廳原來火車頭做主題。可以坐住火車食野，而且有近一千呎嘅戶外區打卡影相！價錢都好抵。餐廳主打即燒生蠔同芝士龍蝦，生蠔算大隻，而芝士焗龍蝦有膏的，有驚喜。最愛係長腳蟹，好鮮甜，都有其他如翡翠螺、凍蝦、青口同麵包蟹等。推薦避風塘炒蟹，惹味又多肉。三文魚質素都不錯。雪糕有哈根達斯，有曬幾種味，回曬本。自製鷄蛋仔好香，小朋友食的開心♥甜品方面，紅豆果子好食👍食物都好幾集中，容易拎。

屯門悅品酒店最近推出咗「南歐風味火腿半自助晚餐」，真係性價比超高！$259起就可以享用半自助晚餐，可以喺6款主菜之中揀一款，再加上自助吧無限供應嘅餐湯、沙律、冷盤、甜品同埋飲品，絕對滿足到你嘅味蕾！特別係星期一至四喺OpenRice訂座，仲有73折優惠，CP值不錯～.扒波士頓龍蝦配香檳忌廉汁及芝士龍蝦肉質極其細膩，每一啖都可以感受到彈牙的嚼勁，肉質非常緊實但又不失柔軟。當。香濃的香檳忌廉汁滲入到龍蝦肉中，口感變得更為豐富，變得有好層次感，而忌廉汁帶來既奶香同絲滑，同龍蝦鮮甜既肉質完美融合，芝士的加入令龍蝦加為香濃.海鹽烤美國安格斯肉眼配紅酒汁呢款肉眼牛扒嘅熟度啱啱好，外層烤到微焦，內裡仲保持住完美嘅粉嫩。紅酒汁嘅醇厚為牛扒添咗一層深邃嘅風味，而海鹽就恰到好處咁提升咗牛肉嘅鮮味.自助吧嘅選擇都相當豐富，甜品方面有腐竹雞蛋糖水、蘋果金寶等傳統甜品，仲有香脆窩夫、小甜品同埋cocoberry雪糕等。.冷盤方面有東風螺、藍青口、蜆、白蝦，仲有天婦羅南瓜、天婦羅茄子同埋天婦羅蓮藕等。另外，湯品包括黃豆薏米雞腳湯同埋南瓜忌廉湯.總括嚟講，今次嘅半自助晚餐無論係味道定性價比上面都吾錯

甘岩去屯門玩，就順便去呢間餐廳食晚餐自助餐。價錢不貴網上優惠4百就食到，夜晚來講算平。種類其實都不少，長脚蟹好高質，不會咸，因爲出面好多餐廳提供的長脚蟹都好咸。另外有芝士焗龍蝦同燒生蠔，食埋哈根達斯雪糕都回本了！

小朋友放暑假，book左自助餐氹下佢閞心🤗一入門口，小朋友已經十分興奮，因為係大堂門口已經見到一個超級大火車🚅🚆。在餐廳門口也是設計成地鐵入閘位嘅樣子，十分過癮！餐廳內見到一個個火車車卡，無論大人小朋友影相打卡都一流😍鍾意食海鮮嘅朋友唔好錯過，呢度嘅海鮮選擇極多，回本必食嘅當然係芝士焗龍蝦🤩真係全晚都任食👏其次嘅係即燒生蠔， 即場喺烤爐上面焗熟，沒有添加任何調味料，保留原始味道✨冷盤海鮮有田螺、海蝦、青口、長腳蟹腳和蟹❤️每次經過都refill得滿滿的，絕對唔會好似俾人食剩咁樣👍熟食方面，肥美嘅龍蝦鉗用嚟做上湯龍蝦伊麵🤩仲有羊架同埋牛西冷😊避風塘炒蟹當然唔少得🦀仲有美極蝦🦐燒豬仔骨🐷松子魚🐟實在太多不能盡錄🥰炸物有不同種類的天婦羅，蟹柳，番薯，南瓜，全部都新鮮即炸咗熱辣辣👌沙律菜種類十分多，包括有薯仔沙律、螺絲粉沙律、各款新鮮沙律菜🥗🥗湯品有2款👉中湯係青紅蘿蔔豬骨湯，西湯是蕃茄忌廉濃湯，個人比較鍾意中湯👍飲品方面仲有罐裝啤酒，番石榴汁，冬瓜茶，忌廉梳打，芬達橙汁，橙汁，各式咖啡，凍熱檸茶👏甜品方面，可以即場自製雞蛋仔😉大人同小朋友都可以即值發揮下創意，整一個屬於自己嘅雞蛋仔🤗最令我驚喜

老公放假係屯門想食餐舒服嘅，記起悅品酒店 The Platter 環境同食物都好好，仔仔又鍾意車車，一定坐得合作😆 酒店大堂同餐廳都係以火車做主題，一去到仔仔已經好開心，侍應仲安排咗車廂卡仔比我哋坐👏🏻平日係半自助餐形式，主菜由$158起，而Buffet就提供湯品、包點、沙律、小食、甜品、雪糕、糖水同飲品，相當有誠意👍🏻我哋order咗烤加拿大肉眼牛扒配紅酒汁同經典英式啤酒炸魚及薯條配他他汁～肉眼牛扒🥩嫩滑充滿肉汁，配埋特調紅酒汁，帶出肉鮮味，正！而炸魚係即炸，火喉都好好，外脆內嫩，魚肉依然濕潤，外皮好有空氣脆感，仔仔勁鍾意～ Buffet沙津好新鮮，炸物一直有補給，甜品味親都唔錯，性價比好高👍🏻下次一於嚟食埋佢個自助晚餐至得，食飽飽見佢哋嘅兒童樂園而家有消費半價優惠，$45可以玩30分鐘，有迷你電動賽車場同遊樂區玩😻

👧🏻😋👅🍽✨家庭友善自助餐 企鵝火車主題-🐧 屯門悦品酒店離屯門站只需行幾分鐘好方便, The Platter係用火車做主題既餐廳, 連廂房都好似火車車卡; 仲有大量企鵝裝飾, 酒店平台仲有隻6米高企鵝充氣公仔, 呼應返酒店主題客房🐧 全自助晚餐1745至2200食足4個幾鐘7️⃣5️⃣折後只需$441🈹 酒店/餐廳客人可享酒店2,500平方呎兒童樂園5️⃣折優惠, 有室內遊樂場同電動賽車場俾小朋友暢玩!-🇭🇰 😋悦港 • 悦嘗食自助晚餐 4.25小時 $441 (原價$588)-🦞 🥩 肉/海鮮💯焗芝士波士頓龍蝦大大隻好多肉, 芝士白汁焗到焦脆配上彈牙龍蝦肉好出色💯燒和牛西冷牛扒爆多肉汁亦好重肉味; 羊鞍肥肥地唔會太羶肉質好軟滑-🐠 刺身✨三文, 吞拿, 甜蝦, 北寄貝等等好多款式, 二人去拎師傅都好爽手俾晒全部款好大碟-🦀 熟食/冷盤海鮮💯沙田炸乳鴿肥美鹹香, 爐端燒串好燒埋一串兩件細細份好方便💯蟹腳, 麵包蟹, 白蝦, 藍青口等等都好多選擇-🧀 前菜小食✨豬耳千層峰同蒜泥白肉出面自助餐好少見, 濃味唔會太鹹好好食✨Cold cut, 煙三文魚, 芝士拼盤正常發揮都好唔錯-🧇 甜品💯熱辣辣脆卜

經app 有半價優惠，估唔到$200質素食物同服務都好好👍🏻，食物貴精不貴多，推薦燒牛肉同烏冬🤤，雪糕有H 記同M記，同埋有個服務員見我畢雪糕畢得好辛苦都幫我畢3球🥹食咁多次自助餐同放題都係第一次遇到！之後會繼續encore❤️😀

山長水遠，嚟到屯門，同Lisboy跑跑跳跳成為運動英雄放完電，即刻搵一間親子酒店自助午餐醫下肚仔🍽😎今期自助午餐以韓國、日式食物為主題😋有牛扒🥩、魚🐟、Pasta🍝同雞🐥揀！仲有即切魚生冷麵等前菜、少量海鮮、野飲同甜品等都可以任拎任食😝串燒同唔同類型嘅韓式野飲，好多選擇，而冷凍海鮮不過不失🥳最特別係竟然有哈根大師同Movenpick雪糕，仲有好多味道🍨我同Lisba每人食咗一隻味👍🏻都即刻回本😋呢間酒店之前嚟過staycation，係一間親子度假酒店以火車站🚂為主題？叫得Resort都有吾少打卡位！仲有個親子玩樂室俾大人小朋友玩！喺度食自助餐可以用半價玩佢哋嘅PlayHouse🚗有得揸車好開心㗎，而呢度啲主題房仲好得意😍佢哋嘅主題房有企鵝🐧、希臘🇬🇷、日本🇯🇵同非洲的主題😂上次就住過佢哋嘅主題企鵝房，正正子～岩晒一家大細來玩💓嚟緊就讀企鵝班啦真係好有緣☺️

見OPENRICE有優惠，便book枱同家人黎食個酒店半自助餐，二百幾蚊包埋服務費，仲係任何一款主菜都可以點，抵食🤤只限星期一至四的南歐風味火腿半自助晚餐，有六款主菜可選，仲有一款啱口味。落完單即刻去自助區睇下有咩食先，勁多沙律🤤仲有火腿芝士等，感覺衞生乾淨唔錯呀。⭐扒波士頓龍蝦配香檳忌廉汁及芝士等左一陣主菜便到了，上枱時好香呀，龍蝦肉鮮味彈牙🤤好食。⭐海鹽烤美國安格斯肉眼配黑松露汁另一樣點了牛扒五成熟，大大塊有肉香，個黑松露汁好好味，拎黎點下薯條唔好晒😆食完主菜又去食下沙律同冷盤海鮮，有蝦、青口、螺等，都好鮮味呀。當然唔少得甜品，蛋糕仔全部都好好味，其中檸檬慕斯蛋糕最驚喜酸甜軟綿勁正。仲有多款口味雪糕任食，同埋中式腐竹糖水，食左好多好滿足呀。飲杯熱檸茶清清喉，呵呵呵，家人食得好滿意。酒店仲有唔少打卡位，影埋張靚相先走啦。

今次來到屯門 Hotel COZi - The Platter 的和風•韓流•滋味之旅自助午餐，整個酒店餐廳均以🚂火車為主題設計，裝飾充滿懷舊同異國情調，尤其係我哋所在嘅🚂火車車箱式用餐區域，可謂別具特色，大人和小朋友同樣興奮。😍餐飲方面非常豐富，開胃冷盤區有各式沙律及海鮮，新鮮開胃。😋主菜區有多種中西合壁嘅熱菜選擇，例如美味可口美式豬肋骨、西冷牛扒、和牛壽喜燒烏冬麵、燒沖繩島脆皮黑糖雞、 韓式海鮮煎餅……最引人注目要數日式料理區，有精緻美味的迷你壽司拼盤、刺生同爽口蕎麥冷麵。😋最後的甜品吧更是讓人讓人目不暇給，Movenpick、Haagen Dazs、CocoBerry 雪糕、蛋糕、慕斯、泡芙等……當中仲有我至愛的 Movenpick 薄荷碎朱古力雪糕，令我一添再添。😆下次要來試埋自助晚餐，小朋友仲可以去迷你電動賽車場及遊樂區玩。🥰

【屯門•Hotel Cozi悅品洒店自助餐】𝓭𝓮𝓵𝓲𝓬𝓲𝓸𝓲𝓾𝓼暑假開始一直都好想帶Jamie去食自助餐～上個星期佢表現好！所以媽咪決定今個星期約埋朋友仔霏霏一齊去到屯門Hotel Cozi 食下午自助餐大堂外圍都好多打卡位～兩位小朋友見到企鵝仔好興奮 打卡打到唔捨得走 今次自助餐主題係香風韓流 原來酒店每隔一段時間就會轉唔同嘅主題㗎！今次食嘅都係以日韓為主！去到第一時間先試吓佢哋嘅刺身 刺身好鮮甜 仲有好多種類可以揀包括有 鯛魚 赤貝 肥美三文魚 八爪魚 吞拿魚等等～全部都係即叫即切！冷盤方面就有麵包蟹，凍蝦，青口！而我同我朋友霏媽都主攻食麵包蟹！真係啖啖肉好Juicy～食完美味嘅冷盤之後 即刻主攻食牛扒 🥩我特別叫師傅厚切俾我 師傅煮到medium well 剛剛好食到牛扒嘅精華！真係超好食最主打嘅梗係要介紹主題菜式 包括有天婦羅 🍤有炸蝦 炸南瓜 炸番薯 全部都熱辣辣好新鮮！另外有一個位置仲有師傅煮日式烏冬 食落去真係好有日本街頭嘅風味 仲可以揀唔同嘅配料添最後梗係要食埋Häagen-Dazs雪糕同埋食唔同嘅甜品做一個happy ending啦！Jamie一口氣食咗三杯唔同口味嘅

今次喺屯門Hotel Cozi 的主題餐廳The Platter食自助午餐🥳🥳餐廳用火車做主題，另外仲有代表Hotel Cozi既企鵝仔歡迎大家用餐🍽️❣️餐廳有提供麵包蟹、青口、凍蝦、海螺🦀🦐🐚刺身、牛扒🥩日式烏冬檔同各款熟食🍤🍲🍝🍟🍕 仲有提供多款味道既Häagen-Dazs同movenpick雪糕🍦Buffet 大人細路都啱食，小朋友就最開心🥳🥳

暑假到啦 💖，🍽上星期五一家人去了屯門悅品酒店吃自助餐廳， 這間餐廳是一間親子餐廳呀 👍店內環裝活潑可愛，生動有趣，用火車頭做主題的 。亦都有近一千呎嘅戶外區打卡影相，亦有小朋友喜愛的食物。 😚食物質素很高的 👍餐廳主打燒生豪，芝士龍蝦。 還有好多嘢食✨️ 熟食有龍蝦伊麵 😋蒸石斑 😋薑蔥雞 ，東風螺，豬肋骨， 天婦羅😌✨️酒店嘅冷盤有長腳蟹，非常鮮甜的，翡翠螺,凍蝦,青口,麵包蟹不斷供應 ✨️魚生區有六款選擇👉八爪魚,元貝,三文魚,希靈魚, 吞拿魚,劍魚腩 💛全部都好肥美呀 ，而且係厚切啖啖肉的✨️甜品方便有小朋友喜愛的雪糕 ，雪糕種類及味道有很多選擇✨️甜品有不同種類嘅蛋糕，啫哩及和果子✨️飲品有果汁 ，茶類， 氣泡水， 熱飲可以選擇 咖啡，奶茶，檸檬茶✨️還有可以自製雞蛋仔及自助沙律吧, 款式齊全新鮮爽脆