The Place

由於本人正日生日嗰日Oppa有嘢要做，抽唔到時間一齊慶祝，所以我們一家四口提早喺今晚去旺角香港康得思酒店嘅「The Place」自助晚餐慶祝！他們今期嘅主題係「味遊巴斯克」，所以主要以西班牙同法國嘅菜式為主！頭盤類：西班牙凍湯生蠔嘅生蠔唔算係好大隻，但都好肥美，再配上香辣嘅西班牙凍湯，味道都幾特別！海鮮類有：生蠔、青口、小龍蝦同西班牙羊奶芝士焗龍蝦等等等等⋯⋯當中嘅西班牙羊奶芝士焗龍蝦嘅肉質好爽甜彈牙，羊奶芝士嘅味道比較清香，唔會好濃郁，所以就算食多幾隻都唔會有好膩同好滯嘅感覺！刺身壽司嘅款式種類都算多，味道相當鮮味，唔會吸收到雪櫃嘅雪氣味！養生燉湯係茶樹菇燉鷄燉得火候十足，湯底嘅味道相當鮮味濃郁！麵包係媽咪其中一樣最鍾意嘅，而且有幾款選擇，每一款我們都試過，當中我們覺得最好味嘅係黑糖包，包質非常軟熟，黑糖嘅味道香甜！由於喺預訂嗰陣店員話他們無做送生日蛋糕優惠，祇有一個寫咗名嘅朱古力生日名牌，之後自己去甜品區選擇想要嘅甜品！店員攞咗個朱古力名牌畀Oppa之後，Oppa就親自去選擇咗我平日最鍾意食嘅甜品推砌好，再插上附送嘅蠟燭，雖然唔係好似一個生日蛋糕，但係由Oppa親自去製作出嚟送畀我

現今仍有提供生蠔的自助餐不是太多，這是其中一間。但今次我並沒有食生蠔，因為此行的主要目的是食我最愛的小龍蝦Crayfish。雖然有說小龍蝦在污水中靠食腐肉為生是很穢的食物，但它獨特的味道是沒有其他海鮮能取代的。小龍蝦其實不是龍蝦而是螯蝦科生物，生長在咸淡水交界，故肉內含有淡淡的天然海水味。它味道令人一試難忘，愛它的人一定會明白。除了小龍蝦外，這裡的煙三文魚亦值得一贊，很肥美又不會過咸，不自覺又食多了幾片。同行者力薦印度籍廚師主理的咖哩雜菜，味香帶辛，當然是要配著薄餅來吃。雪榚是Mövenpick，有八款選擇：特濃咖啡、焦糖燉蛋、椰子榛子、雲尼拿、朱古力、士多啤梨、青檸雪巴（忘了其中一款味道）。豆腐花有驚喜，感覺它不是用熟石膏粉來造的，因少了一份啖啖的酸臭味；大膽估計也許是用葡萄糖酸內脂埋的，口感嫩滑有豆香，吃得出是用心撞出來的豆腐花。生蠔是一般自助餐貨色就不要抱太大期望，同行者說生蠔開得乾淨沒有蠔殼，size雖小但有蠔味，尚算爽脆。魚生一般，沒有驚喜。芝士焗龍蝦有點過熟，鵝肝亦屬一般。餐飲cappuccino不錯。這裡的客人質素偏低，食客眾多要排隊是常識吧！可是很多食客不排隊，當我在夾

Everything is fine and delicious. Wide range of variety to taste.Worth it ! Highly recommended.

這裡是我最愛之一，因為除了生蠔，刺身，還有很多名貴熟食，好像西冷牛扒，不同芝士，薄餅，多款咖哩，烤原條魚，清蒸大東星，串燒牛，豬。 泰式，中式，西式，日式都有齊，場內很多長輩，小孩來吃，因為食物大眾化，而且水準很好，不用爭食物，換得很快，生蠔都無限添加，長腳蟹任食，花螺仔。海鮮類芝士，餅，烤魚，黃金蝦，凍肉，壽司……龍蝦湯，好濃，偏咸，但好香。三文魚刺身，甜蝦刺身蕃茄西西里焗青口，串燒甜品除了M字牌子雪糕，有麵包布甸，滑滑豆腐花，多款蛋糕，草餅，啫喱。生果有:西瓜和菠蘿。有粉紅色朱古力噴泉，雖然很癢眼但不敢試，相信小朋友最喜歡。重點大家記得點餐茶，特別凍檸茶，係非常好飲，又靚又大杯，多檸檬片，茶夠茶味，糖水自加，正！現在匯豐信用卡有75折添

未食過這餐廳，但為了慶祝生日，也很久沒有食過自助餐，因為實在很多地方的自助餐，不是太貴唔抵食，就是根本不好吃、食物質素很差，環境也很差，個個食客都好像是搶食一般，但食完這裡，家人也很滿意，食物豐富之餘，質素也很好，家人食了很多鮮味長腳蟹，當日食客都守秩序，不會亂來，甜品也非常不錯，推薦大家試試啤酒啫喱，很特別，太太吃了朱古力蛋糕很好味，而且也有MOVEPICK雪糕提供，美中不足的，只是龍蝦湯太濃有點苦，及沒有自助飲品提供（只包1杯普通飲品，任飲要加錢）

為左同太太慶生及結婚周年, 特意上openrice搵下有咩好推介, 見到呢度食評都唔錯, 縱使價錢稍高但仍然一試。結果亦無令我失望, 無論環境及食品質素都相當有水準, 唯一美中不足係海鮮類無我至愛熟蝦供應。訂位時希望酒店方面提供一塊生日牌, 佢地好貼心已經準備好哂, 到我奉上蛋糕及生日牌同太太慶祝時, 太太都感到有驚喜。總結係非常滿意啦！

5月1日，無無聊聊揾野食，揾了以前朗豪坊酒店既自助餐，上網訂位就有，下午種類不多，但因為有小朋友，坐得舒服，服務不錯，甜品雪糕都好好味道。海鮮沒有，但下午茶黎講都可以接受，有义燒蛋飯，烏冬，刺身。還有，會有畫紙及蠟筆提供，可以令小朋友油顏色，這個我覺得不錯。

今日係我女友生日，我早两個星期訂座，服務員都盡力滿足我既要求。先唔講食野，淨係服務質素10分都有7.5分。可以話幾有效率。食物方面，生蠔係自助餐中 The Place既新鮮同質素都有中上，我同女友都係咁認為，其他食物有龍蝦，羊肉，刺身，都新鮮，唯獨鵝肝我可能唔太識欣賞，整體而言10分，我會俾7分。

踏入The Place, 看著這架單車, 一切感覺, 很法國風. 其實The Place這次以巴斯克為主題的晚市自助餐, 就是主打西班牙及法國的菜式.頭盤部份已經有主打, 就是西班牙火腿拼蜜瓜, 跟西班牙凍湯配生蠔. 我當然愛吃西班牙火腿, 配蜜瓜, 鹹與甜的糾纏. 西班牙凍湯本身辣辣的, 配搭生蠔, 很搶味. 沙律就由CEO去吃吧, 還有芝士跟挪威煙三文魚等頭盤, 任君選擇.吃過沙律, 喝口湯才是正道, 暖暖胃嘛. 既然是夏天了, 冬瓜薏米燉鴨就有消暑的作用. 湯水, 有誰會抗拒, 特別是女孩子.如果晚市自助餐沒有海鮮吃, 不少人會柴台呢. The Place當然有海鮮吃, 蟹腳, 青口, 響螺, 小龍蝦, 美國太平洋石蠔, 跟紐西蘭生蠔, 都算包含了不同範疇的海鮮, 如蟹腳是鮮甜的, 兩款生蠔也供應源源不絕. 另外, 刺身跟壽司也是不少朋友的回本位. The Place當然有供應.進入主菜的部份, 又是海鮮出場, 說的是西班牙羊奶芝士焗龍蝦. 西班牙羊奶芝士味很香濃, 以此去焗龍蝦, 惹味是必然的. 相比起吃凍海鮮, 這客焗龍蝦就更合意. 還有烤西班牙豬腩肉, 很香口, 難得在自助

巴斯克, 位處西班牙北部及法國西南部的地區. The Place新近推出的味遊巴斯克, 就是把西班牙及法國兩地的菜式也包含其中, 一次過吃盡兩地的美食, 挺吸引的陣容, 是晚就跟文迪及小晴晴再訪這裡.頭盤: 8.5分, 先看看頭盤有甚麼吃. 西班牙凍湯配生蠔, 以鮮爽的生蠔, 配上辣勁不俗的西班牙凍湯, 很有個性. 西班牙火腿拼蜜瓜, 就是鹹香突出的西班牙火腿, 配上清甜的蜜瓜.當然要吃沙律, 除了自助沙律吧之外, 還有凱撒沙律, 煙肉薯仔沙律, 以及日式茄子沙律等等, 吃沙律, 健康一些, 也好. 芝士有三款, Emmental, Danish Blue, 以及Edam, 再加上挪威煙三文魚以及雜錦凍肉盤, 挺豐富的頭盤陣容.海鮮: 8分, 來到海鮮的部份, 選擇有響螺, 小龍蝦, 青口, 以及蟹腳, 全部皆是新鮮的貨色, 而更得我心的是兩款生蠔, 美國太平洋石蠔, 以及紐西蘭生蠔, 前者比較平易近人, 清新一點, 海水味輕柔.湯品: 8.5分, 能夠在外喝到有水準的燉湯, 永遠不會錯過. 是晚The Place的養生燉湯是冬瓜薏米燉鴨, 味道淳厚, 帶老鴨的清香, 要連喝兩盅才覺滿

自助餐 食過好多間 呢度絕對係自己喜愛其中之一 自從裝修後 都無黎 過入正題 生蠔 即 開即食 絕對新鮮 供應不絕 刺身 種類不算多 要講既係壽司 種類多之餘 重有手卷可供選擇 鵝肝 配多士 眼見廚師 將一件件肥味既鵝肝 係 平底獲上煎香 放在多士上 入口 即溶 味道濃郁 正 其他 美食包括 燒牛肉 燒得剛好 西班牙 燒豬腩肉 入口即溶 要說說養生燉湯 相當唔錯 用料十足 飲了三盅雪糕方面 最愛的 movenpick 飲品加了$69任飲 啤酒 紅白 酒及可樂 相當滿足 有好多美食及甜品無食到 實在大飽了地方 感人舒服惑覺 光線柔和 讓人多待一㑹傾下計

上次錯過了The Place的漫味英倫主題自助餐, 一直都覺得很可惜, 最近它又有新主題-「味遊巴斯克」, 看畢介紹好像挺吸引, 於是決定一試。即興的於同日下午預約晚市自助餐。印象中它之前的芝士主題很不錯, 所以今次我對新主題也抱有很高期待。準時6時半進場, 走了一圈, 發覺有部分令人熟悉的菜式, 例如香煎鵝肝, 叉燒, 咖喱, 芝士白汁龍蝦, 烤牛肉和炒西蘭花等等....當然, 也少不得特別主題的食物。推介葡式香煎牛扒肉質不錯且富牛肉味, 調味亦剛好, 不過建議挑牛扒邊位位置會比較焾法式焗鮮蝦忌廉汁好香, 青瓜, 菇類和蝦都非常美味西班牙烤薯仔薯仔夠焾, 加上少許香草等, 淡淡的不錯!芝士白汁焗龍蝦味道不錯, 龍蝦肉不會太韌, 不過多吃會較膩香煎鵝肝多士即煎熱辣辣, 鵝肝肥美, 配上脆多士和果醬, 香口不油膩中規中矩之選咖喱牛腩今次的咖喱不夠惹味，整體普普通通吧！壽司壽司飯有點硬, 味道不過不失, 整體一般吧！刺身是晚有3到4款選擇，個人只吃三文魚, 今次師傅刀功不夠俐落, 每片刺身夾起來都互相連住。味道方面, 勉強能吃到魚生的鮮味, 一般吧！中伏之選西班牙雞肉飯很creamy, 但

今日即興2pm打電話book左食下午茶自助餐，𠥔豐信用卡有75折，平均一個人230，好抵食bb餐具都幾靚，連張bb椅都唔係一般膠椅，唔錯丫，小朋友坐得舒服最重要。飲品有大概3種選擇，飲晒會轉另一口味，有西柚，菠蘿，紅莓汁.....另有果茶都幾好飲。值得一讚係每個飲品筒都有大量冰座住。咖喱雞，雞軟滑，咖喱唔太辣，淺嚐一下還可以。仲有粉麵，食送可揀溏心蛋，竹筍，芽菜。抱住小朋友揀送時，廚房姨姨好細心提醒唔好俾小朋友食竹筍，好細心。三文魚厚切，十分肥美，而且頗為新鮮。👍🏻👍🏻日式茄子沙律個汁好開胃，作為starter很好！叉燒蛋飯一般，屋企附近燒味檔更好味，叉燒好韌。蛋糕我無試到，但場內選擇算多，下午茶黎講已很好。同小朋友玩左綿花糖噴泉，個汁係藍苺味，但個色好似士多啤梨小朋友食得好開心，係一個開心既復活節，仲用刀叉切綿花糖。西多士好難食，又乾又硬。奶油脆豬同餐廳果啲一樣啦。豆腐花幼滑且有豆香，我食左3碗呢Movenpick雪糕有4種口味，每隻都咁好味，可以包窩夫，甜筒。總括黎講，庇鄰旺角朗豪坊，位置極佳，且多選擇，性價比高。服務不錯，收碟速度快。不過，有時太快，碟仲有一半食野，侍應已經收左。

好中意食鵝肝，有fd食過呢度話啲鵝肝好好味，今次一大班人嚟食dinner buffet，仲叫埋酒，食得好開心！同時咁啱又做梗優惠，成張單之後又有75折，所以好抵食。

一家五人晚餐價錢都算ok,食物質量都合格但款式唔算多，服務方便都可以。地點係不錯選擇，如熱食多些款式更好，中湯甜品最好水準，扒類及壽司一般選擇少，座位尚算舒適及能夠有時間慢慢享受一番。用餐大多港人家庭親子...內地旅行團唔算多，衛生環境再有優惠時值得大家回頭‼️