The Place

今日即興2pm打電話book左食下午茶自助餐，𠥔豐信用卡有75折，平均一個人230，好抵食bb餐具都幾靚，連張bb椅都唔係一般膠椅，唔錯丫，小朋友坐得舒服最重要。飲品有大概3種選擇，飲晒會轉另一口味，有西柚，菠蘿，紅莓汁.....另有果茶都幾好飲。值得一讚係每個飲品筒都有大量冰座住。咖喱雞，雞軟滑，咖喱唔太辣，淺嚐一下還可以。仲有粉麵，食送可揀溏心蛋，竹筍，芽菜。抱住小朋友揀送時，廚房姨姨好細心提醒唔好俾小朋友食竹筍，好細心。三文魚厚切，十分肥美，而且頗為新鮮。👍🏻👍🏻日式茄子沙律個汁好開胃，作為starter很好！叉燒蛋飯一般，屋企附近燒味檔更好味，叉燒好韌。蛋糕我無試到，但場內選擇算多，下午茶黎講已很好。同小朋友玩左綿花糖噴泉，個汁係藍苺味，但個色好似士多啤梨小朋友食得好開心，係一個開心既復活節，仲用刀叉切綿花糖。西多士好難食，又乾又硬。奶油脆豬同餐廳果啲一樣啦。豆腐花幼滑且有豆香，我食左3碗呢Movenpick雪糕有4種口味，每隻都咁好味，可以包窩夫，甜筒。總括黎講，庇鄰旺角朗豪坊，位置極佳，且多選擇，性價比高。服務不錯，收碟速度快。不過，有時太快，碟仲有一半食野，侍應已經收左。