The JEJU

营业中

休息中

環境超正岩石燒，成個環境都好似入咗個山洞咁，真係好特別，週年個鐵板都好似岩石咁，我叫咗個2人套餐，B Set The Jeju Hangari Pork Belly Set，入面有豬腩仔，泡菜，雞髀菇，石盤炒飯，叫咗兩杯嘢飲漢拿峰百香果冰沙，芒果奇異果冰沙，如果計二人份量真係太多了，首先滿滿嘅豬腩，仲有人手幫你燒，燒得啱啱好超級好食，最緊要係泡菜我從來都唔食泡菜㗎，原來燒完嘅泡菜係咁好食，好似食緊炒嘅辣菜一樣，仲有石盤炒飯，炒咗個心心出嚟即刻要影相，味道好好，飲品冰沙兩杯都酸酸甜咁幾好味，呢間值得再嚟。

平民價錢，高級享受！B set $376二人份罈子五花肉 450g + 炒炸醬拉麵五花肉質量上乘，份量十足，肉質爽彈，肉味濃郁。餐廳提供專人燒烤，無需自己動手。多款沾醬選擇，第一啖推薦搭配岩鹽，第二啖可以試試Wasabi，第三啖則推薦芥末籽醬，還有包飯醬及各種韓式配料，每一口都有不同的風味，體驗非常不錯。炒炸醬拉麵加蛋同芝士對於蛋和芝士稍感失望，因為蛋是煎蛋而芝士是片裝的，需額外加$20。我們選擇了辣味炸醬炒麵，確實相當辣，建議不喜歡辣的朋友慎重挑戰。整體來說，炒麵味道很好，但辣度真的很高。經過推薦一試！

如果想食燒肉，又想有專人幫你燒埋，極力推薦你黎試吓呢間啦‼️ 主打韓式岩石板燒肉嘅餐廳，環境舒適，同朋友聚會傾計嘅好地方👍🏻岩石板燒 Set B(2-3人用) 🥩好特別嘅係用罈子裝住啲五花肉 ，份量足450g ，每人有6宮格調味醬汁，可愛哈哈笑圖案調味。因個人口味，夾住五花肉沾醬一齊食。除咗五花肉之外，仲有泡菜、杏鮑菇、菠蘿及蒜片，五花肉肥瘦相稱，職員代燒嘅時候，已經聞到陣真香味。套餐包咗炒飯或炸醬拉麵，我哋就揀咗炸醬拉麵，職員會放喺岩石板度炒勻，每人一碗份量啱啱好，炒麵汁香濃。芝士大醬湯飯🍲湯底濃厚帶少少辣味，裡面有飯粒，撈埋湯一齊食，味道唔錯👍🏻韓式特飲～士多啤梨米酒🍓米酒香醇，入口嘅味道冇燒酒咁濃烈，加咗士多啤梨醬，飲落酸酸甜甜。

「The JEJU」主打由濟州島直送嘅招牌黑毛豬🇰🇷以及韓國火山石烤盤同埋濟州直送食材🪨.⚠️此餐廳收取10%服務費💰.B Set The Jeju Hangari Pork Belly Set🥩套餐$376💰.罈子五花肉450g🐖套餐包含💰濟州黑毛豬經過168小時低溫熟成🔥燒至金黃微脆✨肉味香濃，嫩滑多汁🤤豐富油脂😬.石板炸醬拉麵🍜套餐包含💰辣雞麵加入炸醬後，味道變得甜辣😋.罈子豬頸肉150g🐷單點$138💰油花分布均勻😍肉質肥瘦相間，口感鮮嫩爽彈😆.涼拌蔥絲🥢單點$25💰香辣惹味🌶️.配菜🍽️免費💰有泡菜、菠蘿🍍雞脾菇🍄‍🟫蒜頭🧄濟州鳳尾魚醬🐟.前菜及調味醬料🍱免費💰有鹽麻油醬🧂包飯醬、魷魚泡菜🦑沙律🥗醃漬洋蔥汁🧅粉紅色岩鹽🩷芥末、法式芥末籽醬🇫🇷.漢拿峰梳打🥤單點$48💰漢拿峰係韓國濟州名產嘅橘子🍊.金桔百香果梳打🫧單點$48💰

新開濟州島主題燒肉店，裝潢以濟州島標誌性的玄武岩地貌為主題，深灰色石牆，營造出濟州島地質公園的氛圍。主打168小時低溫熟成濟州黑毛豬，提供五花肉、豬肩肉和豬頸肉等部位，較一般豬肉更加鮮甜，肉質Q彈且多汁，脂香十足。採用韓國定製火山石烤盤，烤炙時亦會散發獨特礦物香氣。石鍋炒飯熱騰騰，香氣撲鼻，加上芝士及煎蛋一起炒，增添嫩滑口感，砌出心型圖案，很有心思。飲品方面，好多選擇，芒果及奇異果絕對是消暑解渴之選口感清涼，維他命豐富。接骨木花清新爽口，帶有柚子酸甜味，配合梳打水，有助解膩。

Jeju set menu B 罈子五花肉 450g + 炸醬拉麵 2-3人 $376 餐廳選用濟州島空運直送嘅五花肉，佢哋會由生嘅肉開始烤。佢哋嘅五花肉食落去肉質特別紮實，肉感細嫩，而且油花亦都好均勻。每一位都會有專人幫你去烤肉，火候掌握得非常好。煎完之後嘅肉會變得Q彈多汁，簡直滿足我大啖食慾嘅願望。非常推薦，大家食肉嘅時候點埋濟州鳳尾魚醬、包飯醬和鹽麻油醬。地道嘅濟州人食烤肉嘅時候都會配襯呢一個醬嚟一齊食。涼拌魷魚亦都非常之好味，有魷魚嘅獨特鹹香配埋韓國辣醬一齊食。鮮甜之餘又有辛辣嘅感覺。蕎麥冷麵$88 冰涼嘅蕎麥冷麵係夏天消暑嘅必食之物！蕎麥麵Q彈有嚼勁，因為啲麵會有薯仔澱粉做，所以咬落去會有「咬」勁。餐廳都好地道韓國人做法地送餐時比埋較剪比我去方便剪斷啲麵 。酸酸甜甜嘅湯底令人一食開胃，鹹鹹地嘅拌冷麵汁又帶黎另一種風味。 接骨木花梳打$30 接骨木花有一種獨有嘅芬香，而且淡淡嘅甜味飲落去清新怡人。冰凍嘅梳打氣泡感十足，輕微嘅酸味可以解一解燒肉嘅油膩。青檸百香果梳打$48百香果熱帶水果嘅甜味，唔會太膩，反而幾開胃。梳打水嘅氣泡感整體感覺係酸酸甜甜、清爽解渴，令人飲完想再飲一啖。

新開無耐嘅濟州主題韓燒店，成間舖頭黑麻麻似山洞咁，坐低就聞到陣陣烤肉香！店員九成係韓國人，由落單到燒肉都係韓文同簡單英文溝通，真係有啲去咗韓國嘅感覺🇰🇷 重點係全程有專人幫手燒肉，我哋淨係負責食就得，懶人最愛！ 🔥 必食推介 🔥 【B Set $396】 ▪️ 罈子五花肉450g 厚切到呢！肥瘦分明，燒到外皮脆卜卜，咬落去啲肉汁多到瀉出嚟💦▪️ 石盤炒飯 (+$20升級芝士煎蛋) 用返燒完肉嘅石盤炒，飯粒吸盡肉香！加埋芝士煎蛋撈勻，邪惡到一個點😈 【追加小食】 ▪️ 年糕&芝士 $40 店員教我哋用年糕捲住芝士再包五花肉食，三重口感超夾！年糕煙韌芝士濃郁，呢個食法真心推薦👍 ▪️ 韓式芝士蒸蛋 $68 脹卜卜好似梳乎厘咁，一啖落去芝士味爆出嚟🧀 蒸蛋滑到呢～ ▪️ 芝士大醬湯飯 $58 大醬湯夠濃郁，入面仲有豆腐、翠玉瓜等配料，底下嘅飯吸晒湯汁，暖胃之選❄️➡️🔥 【特飲】 ▪️ 漢拿峰百香果沙冰 $48 ▪️ 芒果奇異果沙冰 $48 兩杯都真材實料，生果味天然唔假甜，解膩一流！特別係百香果嗰杯，咬到粒粒籽好過癮～ 💸 人均$350左右 ⏰ 建議預早book位，平日

呢一間係由濟州嚟嘅韓國燒烤，開喺朗豪坊嘅位置，人流固然多，星期六夜晚去食，等咗一個幾鐘先入到，都比想像中快。同行四個人，叫咗個四人燒肉set。有專人負責燒肉俾我哋食，五花肉都算幾好食，不過有舊橙放咗喺度，又冇人同我哋講係咪食得，我哋完全唔知應該點。見到隔籬枱自己切嚟食，但係我哋又唔知係咪需要配合啲乜嘢嚟食。泡菜亦都比較酸，唔夠辣。最後我哋加多咗個炒炸醬麵，滿心期待，因為喺韓國食過係好好食，點知佢今次呢個炒麵，味道好淡，份量亦都好少。有啲失望。新開嘅餐廳，但係抽風系統好差，一入到去已經好大陣味，出到嚟都成身味。服務員嘅人數唔夠，成日都冇人幫手燒肉，有問題想問都好難搵到服務員。雖然價錢唔算貴，但係食物嘅種類唔多，食物質素亦都普通，所以下次應該會選擇其他燒烤店。

最近發現朗豪坊有間韓國新餐廳 - The Jeju🇰🇷，店內店外嘅裝潢都令人有置身於濟州島洞穴裡嘅感覺🤩，充滿自然又神秘嘅氛圍🗿🪨～罈子五花肉450g + 炸醬炒麵($376)🐷🍜🇰🇷💁🏻‍♂️韓國Oppa店員親手為我哋烤五花肉🐖，每片五花肉都烤得岩岩好，外脆內嫩，juicy有鮮味👍店員仲幫我哋烤埋配菜：泡菜、蒜粒、雞髀菇等，服務一流☺️炸醬炒麵味道濃郁，麵條Q彈，充滿韓國風味～韓式芝士煎蛋 ($68)🍳用石鍋上菜嘅韓式芝士煎蛋非常保溫，每啖都熱到出煙😆，融化嘅芝士配上口感滑順嘅煎蛋，邪惡又飽肚🧀年糕&芝士 ($40)🇰🇷🧀跟著枱上指引去烤芝士年糕，年糕烤完變得軟軟糯糯，芝士亦有拉絲效果，大人細路都會鍾意食😋漢拿峰梳打 ($48)🇰🇷🍊食烤肉配一杯清甜橙香嘅爽口梳打，中和烤肉嘅油膩感～漢拿峰米酒 ($48)🇰🇷🍊充滿橙香嘅米酒口感溫和，甜度適中，對於喜愛韓國飲品的人來說，這是一個不錯的選擇。濟州爺爺黑芝麻慕絲甜品 ($70)🇰🇷🗿賣相非常可愛，入口係黑芝麻嘅香氣濃郁，裡面仲有濟州柑橘蓉🍊，旁邊仲有oreo碎同雪糕🍦🤩想感受一下🇰🇷濟州島嘅美食同韓國💁🏻‍♂️Oppa嘅親切烤肉服務，記得要bo

今日就同朋友去左The Jeju 食lunch, 餐廳全場以岩石為主題岩石板燒 Set B包括450g罈子五花肉，一大盆泡菜同菇，五花肉肉質肥瘦相間，店員會幫手將外層烤至金黃焦香，再剪到細細舊，入口油而不膩石盤炒飯石板嘅餘溫令炒飯粒粒分明石盤炸醬拉麵炸醬拉麵Q彈入味，醬香濃郁接骨木花柚子梳打酸甜解膩，同烤肉搭配恰到好處漢拿峰梳打以柑橘調製既梳打，清甜解渴Jeju Yeah Yeah 用芝麻mousse整成岩石佛像，內餡係柑橘果泥，配搭雪糕同朱古力碎，令口感更清新

朗豪坊角落頭開咗一間濟州島風味既韓式餐廳裝修好似俾啲石包圍好似一個洞穴咁好有feel上網睇先知原來佢係用火山岩洞做主題題好有心思入到去叫咗個燒肉set之後就上左石板同六格前菜🐖罈子五花肉 Set B $376🐖呢間主打168小時低溫熟成嘅濟州島黑毛豬一開始擺落去見到好似好多肥膏但食落係爽口同脆多過油膩感覺 好驚喜配埋前菜嘅醃蘿蔔食超級清新 😌石板上面除咗有黑毛豬仲有好多泡菜同埋🍍菠蘿泡菜夾埋黑毛豬解膩啱啱好好意想不到嘅就係塊石板都真係幾勁擺咗喺個石板上面一陣佢就會燒到金黃焦脆連個菠蘿都會有一層焦香仲要勁多汁🍸接骨木柚子梳打 $48 🍸🍹漢拿峰百香果沙冰 $48🍹天氣勁熱所以叫咗兩杯嘢飲 一邊食一邊同朋友傾吓偈想講佢個沙冰真係今日嘅highlight🥹入面有勁多橙汁 勁清新 正過天仁嘅香橙綠茶接骨木梳打都唔錯唔會太甜想飲有汽嘅就一定要揀🍜蕎麥冷麵$88🍜個面唔會太腍煙煙韌韌都彈牙嘅佢同平時嘅水冷麵唔同佢加咗少少辣醬食落唔覺得辣不過就惹味好多～

今日同朋友去朗豪坊試咗呢間店嘅岩石板燒，黑暗色系的環境同店名好夾！我哋叫咗個2-3人份嘅Set B，最正係佢哋嘅罈子五花肉，足足有450g咁多。服務員幫手放在岩石板上燒，啲五花肉肥瘦均勻，擺落熱辣辣嘅岩石板度燒，仲有配菜泡菜、菠蘿和大菇！加熱好快，陣陣烤肉香味飄來！燒到外皮微微焦脆，入口油脂香濃但完全唔會膩，配埋菠蘿和泡菜，有酸甜辣，好開胃。大菇吸收晒啲肉汁，咬落去鮮嫩多汁，成個配搭好完美！石板炸醬拉麵喺熱辣辣嘅石板上面，炸醬味道香濃得嚟唔會太鹹，帶住微微甜味，撈勻之後每條麵都掛滿醬汁！韓式芝士蒸蛋，蛋蒸得超滑溜，上面仲有芝士，一啖入口蛋香同芝士味完美融合，仲有少少拉絲效果！前菜有好多款韓式小食可以refill，我特別鍾意佢哋嘅醃蘿蔔，爽脆清甜，同燒肉一齊食可以平衡油膩感！飲品方面，芒果奇異果沙冰打得夠綿滑，果味天然清新，同燒肉好夾。金橘百香果梳打就酸甜醒神，飲完好解膩，夏天飲就最啱！

石板燒很有儀式感，但要有不斷比豬油彈既心理準備，包括彈上面同手臂，🤡一行四人，四個都彈均，加上塊野又熱，坐喺隔離成個火爐咁。好岩啲曖昧既人一齊去，因為近石板果位會愈縮愈開，縮向果朋友度，我就係果個不斷坐開既人🤡睇落真係得果樣無啲實際，因為職員一開波就會夾泡菜上石板燒，無油我預感泡菜一定會燒燶，燒左陣拎碗夾起，有啲泡菜已經痴底。真係普通鐵板燒都無咁煩。放碗既位置係石板下方，你要彎腰拎，燈光黑到呢，其實根本睇唔到有無碗，有摸空過，結果拎隔離檯（已走）職員係唔會主動拎碗比人。有客行出黎問拎碗，果職員同我地煎緊，係我地張檯石板下拎比佢，我地先知下面有碗，要自己拎，拎果陣果石板一陣熱氣噴住，對我啲頭髮好危險咁。兩款五花肉都試左，一樣有豬騷味，我就唔係好識欣賞，我以為濟州出名黑毛豬，係會無豬騷味，點知係重勁。最好食係豬頸肉，豬騷味不大，爽口。之前係田浦食肉食過蒸蛋，有驚喜，所以專登叫，結果好失望，好鬼咸😑。咁既價錢真係無下次，佢既肉對唔得住佢既價錢🙂‍↔️🙂‍↔️

📍The Jeju // Mong Kok, Hong Kong自從上年去過濟州之後就一直心心念念 好掛住風景同美食🥹🥹今日去朗豪坊見到呢間新開主打濟州烤肉嘅餐廳就二話不說即刻去試！🤤🤤.Food & Drink Ordered:Set B ($376)* 五花肉 450g 🥩* 炸醬拉麵 🍜醬油蟹 2pcs ($420) 🦀漢拿峰梳打 ($48) 🍊芒果奇異果沙冰 ($48) 🥭🥝.Kuku食評:首先一定要講餐廳services好好！staff大部分都係韓國人，會幫手燒肉，又會好細心同我哋講點樣食最好食🤤🫶🏻 set B 除咗五花肉，仲配有大量kimchi，仲有半份焦糖漢拿峰做飯後甜品，超juicy+解膩！鍾意食醬油蟹嘅都好推薦食喔😭🧡 食材好新鮮，蟹膏滿滿，撈紫菜飯食超滿足🙂‍↕️🙂‍↕️🤰🏻.

一踏入The Jeju就被震撼到了！朗豪坊這家韓國岩洞烤肉店簡直是視覺盛宴✨ 全黑系的岩洞裝修配上暖黃燈光，氛圍感直接拉滿～由韓國人主理的濟州島風格烤肉店，服務態度好到讓人想哭😭我們點了岩石板燒Set B，450g的罈子五花肉在黑色岩石板上滋滋作響，油脂香氣撲鼻而來🤤 搭配的石板炸醬拉麵Q彈有嚼勁，醬料濃郁得剛剛好～最驚豔的是韓式特飲！接骨木花柚子梳打清新解膩，士多啤梨米酒甜而不膩，少女心爆發💖全程都有店員幫忙烤肉，完全不用自己動手～這家絕對是我吃過最地道的韓國烤肉之一，已經想二刷了！