The Hwaduk (已結業)

下雨天讓人特別想喝一杯，對我們這些韓迷來說，說起酒就當然是炸雞。不過同行友人說今天想吃得健康一點，我就想起了朋友曾推薦這家韓國人開的正宗烤雞店。幸好有預約，8點到場時全場已爆滿，當中不少都是韓國人。作為芝士狂迷，我們先點了一個韓國Gorgonzola Pizza。早已聽聞這裡除了烤雞一流，Pizza也很出色，果不其然，批底厚薄適中，Blue Cheese如此濃烈的味道都不會蓋過批底的麵粉香。鹹香的芝士味配上蜜糖，鹹鹹甜甜這種魔力實在讓人停不下來，這就是為什麼我特別愛吃Gorgonzola Pizza。烤雞方面點了蒜香蔬菜烤雞，烤得金黃的雞件上面鋪上滿滿的蒜蓉和蔬菜。吃下了第一口，終於知道這裡的烤雞為何這麼吸引人！香脆的外皮，肉質卻不會十分乾身，配上甜甜的蔬菜和蒜蓉，吃到停不下來。本來看這客雞份量太多，我們都覺得兩個女生會吃不完的，結果實在太好吃了，最後吃清光。(連Pizza也只吃剩一件)飲品方面叫了韓國品牌Hite，在韓國時已經常常喝這個牌子的啤酒，所以在香港一見到就必叫，再味一下韓國的味道。另外還叫了一杯西柚味燒酒，賣相極佳，滿足了我們的少女心哈哈。西柚味濃，不會太甜，同時不會太重酒

中午又過左去銅鑼灣lunch，今日黎到位於開平道Cubus 21樓既The Hwaduk食韓國炸雞！餐廳裝潢型格，位處於21樓既高層所以可以俯瞰銅鑼灣景色，好適合晚上同朋友或另一半來哦餐牌裡的菜式以烤雞為主，亦有其它韓式料理。我地點左兩個菜式先黎既係韓式什錦魚蛋湯湯底幾清甜！熱鍋裡滿載大量韓式什錦魚蛋，有魚糕、魚蛋、獅子狗等等，好彈牙，好好味！加左蔥花好香口👍🏻裡面仲有好多雜菜同洋蔥，感覺健康蒜蓉蔬菜烤雞一上枱已經有香噴噴的蒜香，雞件烤得金黃色，裹滿蒜蓉汁同炒得香口的雜菜雞件大小適中，份量多！雞皮烤得香香，內裡的雞肉都幾厚實，每一口都帶蒜香在旁的沙律菜也不容錯過的啊，夠哂fresh又爽脆，減去左雞既油膩感飲品方面點左檸檬梳打水同檸檬茶，夠晒冰凍解渴

韓風盛行，一眾女士們都被oppa迷倒熱愛韓國旅遊的我不時也會到處試試韓國菜，一解鄉愁說起韓國美食，一定少不了炸雞烤雞(韓劇中毒太深)!前一天看了韓劇女主在吃烤雞，讓我也想吃，第二天馬上約朋友下班來吃烤雞食物選擇蠻多的，是較新派的韓菜，有烤雞、炸蝦、炸八爪魚、海鮮烏冬、魚糕湯、連pizza都有，每樣都想吃但我們胃只得兩個哈哈哈想了好一陣子，叫了烤雞配年糕($208)及辣海鮮湯烏冬($178)食物很快上桌了!烤雞看到賣相已經很吸引，看看那色澤年糕有先炸過一下下，外脆內軟，令人一口接一口!烤雞是用火山岩焗爐焗的，沒有了炸雞的油膩感及熱氣，保留了雞肉的肉汁，外皮也會烤得脆脆的，加上甜甜辣辣的醬汁，叫我如何不愛喜愛麵食的我當然還要一試辣海鮮湯烏冬，韓國人一般搬家會吃辣海鮮湯麵，用烏冬口感更煙韌，海鮮也有不少，有蝦、青口、魚肉、蜆等等，十分足料，令到湯味道很鮮，配上辣辣的湯非常過癮!兩人很快就完食了因為明天都要上班，今天就不喝酒了，來試試他們的non alcohol drink吧!和朋友分別點了荔枝凍茶及西柚梳打(各$48)!賣相非常吸引朋友說荔枝味很香，我的西柚梳打也有不少西柚果肉，甜甜的，配上

從前男友總愛到酒吧談談心, 人大了卻覺得有點無聊, 有點浪費金錢, 所以建議跟隨韓國人, 一邊食炸雞, 一邊飲酒談心!但不幸地, 當天我喉嚨有點痛, 所以炸雞就免了, 轉做烤雞吧!乖乖地做了資料搜集, 發現銅鑼灣的The Hwaduk完全達到我想要的, 不但有烤雞, 更有大量酒類!蒜香烤雞 ($198)其實原本有打算點COMBO SET的, 但因為COMBO SET只有原味烤雞, 但男友想試香蒜味, 所以就分開點了~蒜香烤雞超大隻, 不但有兩隻雞脾, 更有兩隻雞全翼跟大量雞件, 兩人根本食不完蒜香味不會太濃, 不會食完口會有異味。醬汁濃淡度適中, 咸咸甜甜的, 不錯!但略厭烤雞不夠滑, 如果肉質再嫩一點就完美了!另外值得一讚的是, 點烤雞會送一小碟酸蘿蔔, 解膩一流燒八爪魚拼薯角 ($198)於網上看食評時見其他人說八爪魚燒得有點乾, 原來打算不點的....但男友真的很想食, 要我從炸魷魚跟燒八爪魚中二選一, 自覺炸魷魚不太特別, 所以試試燒八爪魚吧!上菜時, 發現真的很大! 店員餐我們拍照後, 再將八爪魚剪成一小件一小件的, 很貼心持著不會好味的心態食了一口, 發現我錯了!!!一點也

我地o既暑假接近尾聲了，下星期開始有新挑戰，今日就叫老公陪我去食個休閒韓式午餐先因為放假，當然要避開多人既午飯時間，訂左兩點鐘，坐在落地玻璃傍在自然光下享受午餐過左繁忙既午飯時間，可以掙靜地食午餐今日叫左個韓式芝士磨菇pizza🍕,熱辣辣既芝士錢舖滿批面但一d都唔膩，配以蘑菇，可以好好平衡一下，減少罪惡感另一樣就係炸蝦🍤拼薯角，無諗到會係黃金蝦，有驚喜，好脆，晤油，又有咸蛋味道😋，蝦唔會太細隻，肉質都彈牙爽口，夠新鮮另外拼盤仲有配薯角，啖啖薯仔咁😋明明成盤都係炸，但廚師煮到一點都唔油，唔會過份脆〇，一點熱氣感覺都無（自我欺騙中🤦🏼‍♀️）我就點了一杯荔枝米酒，下午飲住酒，曬住自然光咁食住野，感覺好chill，為老公個暑假畫上完美句號（我就仲可以輕鬆多三日🤭）講番個酒，酒成份唔太濃，又有鮮甜荔枝味餐廳仲有同網上外賣平台合作，想食外賣都好方便堂食就有斯文有禮的韓藉店員幫你添

朋友咁岩去銅鑼灣進修 所以我就過去搵佢食飯佢話想食韓式炸雞但我粒飛滋仲未好番 佢竟然同我講話有一間韓式烤雞餐廳烤雞聽落好似冇炸雞咁熱氣🤣環境都幾好而且店員安排左我地坐係窗邊既位置同其他既韓式炸雞餐廳一樣比個桶你去放骨我地叫左一個招牌烤雞同埋炸八爪魚配薯角share呢度既食物係用”火山岩焗爐”烹調而成，可以保留番食物本身既味道招牌烤雞食落去外面好脆，但入面既雞肉好嫩滑，肉汁鎖住係裏面當然仲有韓式腌蘿蔔，不過佢比既份量有啲少 可能怕唔係人人都鐘意食會浪費不過食晒店員都好樂意幫你refill佢仲配有三個醬汁比你點：Honey mustard, cream sauce同埋甜酸醬朋友同我都最鐘意honey mustard 不過其寶唔點都已經好好食呢個炸八爪魚配薯角都好好味 ajima仲好好人會比你影左相先 岩晒我地呢啲相機食先既人影完相之後佢就會幫你剪開佢方便食八爪魚好彈牙而且配埋佢個醬簡正無得彈飲品方面我地就叫左檸檬燒酒，都好大支而且都容易入口，酸酸地咁都幾開胃原來食韓國既烤/炸雞除左配啤酒都有其他既選擇既

肥髀小學畢業典禮後，約了幾個同學仔一齊午餐，先打電話去訂位，英文人店員有禮，訂好位準時到！呢一橦大廈都係餐廳為主，一層一間餐廳，店內無乜客人，西餐廳格局，桌椅唔迫，人客少所以唔嘈雜（最嘈我哋）餐牌圖文並茂，揀好落單好快到Mushroom Salad($118)簡單汁煮新鮮蘑菇，淡淡調味，無搶走蘑菇味道，濕濕地唔會好乾！好味！Gorgonzola Pizza($128)薄薄的薄餅，批底脆，簡單芝士做主角，無其他材料搶鏡，芝士彈牙好味！配有另上嘅蜜糖，我無落蜜糖都好味Garlic Chicken($198)蒜茸醬汁煮雞翼，皮嫩滑，醬有啲漿口，蒜茸味幾香，雞肉嫩滑，好味，跟有酸蘿蔔粒，酸味清爽解膩，好味！Squid Fry($178)店員會在我哋面前剪開魷魚🦑，炸得香脆，魷魚有咬口彈牙，鹹香好味，炸薯角薯味重！灑上香草碎！好味！Assorted fishcake Tang($178)一鍋魚蛋湯，魚蛋款式多，有韓國人魚蛋片，有糯米餡嘅魚蛋，胡椒味重嘅，款款不同，湯底清，唔會搶咗魚蛋，Pink Sangria No-alcohol($169/Large)無酒精，好多水果片賣相靚，西柚味唔強，似似

放工同男朋友拍拖拖，搵到一間樓上韓式炸雞店食下韓國菜。店鋪位置近南華會，靜中帶旺。老闆同老闆娘都係韓國人，正呀，今次有正宗韓式炸雞食了。其實正確來說，應該是烤雞，非炸的，餐牌上說個雞係用意大利岩石焗爐來烤，更能保持雞的原汁原味。今次我們點了蒜香味，炸雞上外面每一口都淋上蒜香汁，個汁甜甜酸酸的，蒜蓉融入了汁入面，蒜味唔算濃烈，而細細品嚐才感覺到有蒜蓉味。烤雞嫩滑，肉汁還能鎖在雞肉內，份量是一整隻雞，但因為非油炸，兩個人食也不算膩。三五知己會可以試到更多味道。再來一個辣汁海螺撈冷麵，老闆娘會親自幫客人撈，老闆娘很溫柔的呵，辣汁帶酸，除了有海螺，還有大量的椰菜配合冷麵一齊食，增加爽口感。對我來說，個麵有點辣，不過男朋友係完全無問題的。飲品其實有太多選擇，但我最近要戒凍飲，所以我點了柚子生果茶，男朋友就會了韓國soju,柚子茶味道人工化了一點，烤雞配soju 係一流，我奉陪一杯後，其他就由男朋友自己在獨飲，注要呢支soju 都成17.5%酒精，容易入口但濃度都幾高。整體來說，餐廳的食物水準一流，特別是烤雞，肉汁鎖住，蒜蓉汁甜美可口，烤雞可以一口接一口地吃。是次二人消費530元。

今晚聚舊，搵個舒服d嘅餐廳relax 一下，旺中帶靜嘅開平道原來好多好野食，今晚就試下炸雞啦！上到嚟，雖然地方唔係好多，不過樓底高，感覺都十分開揚。仲有窗口位，不過俾人book 左。 餐廳內的職員全部都是韓國人，韓國餐廳成日都要請返韓國人？有無人知點解？我就點一份炸雞 combo，有雞又有炸八爪魚，仲有沙律、紫菜飯團、薯條做配菜，一開頭仲話唔夠再叫，最後係食唔曬d 薯條！韓國雞係無得輸，係比其他炸雞更香嫩更多肉汁！Hwaduk 炸雞更特別有香料味道，很入味 👍🏻仲有 mustard source 跟住，好滋味！炸八爪魚，兩條肥肥大大的， 阿豬媽仲會細心幫你剪好，點一下自家海鮮汁，好鮮味，煙煙銀銀。紫菜飯團，三粒，如果可以再多一點紫菜就好啦！不過點海鮮汁都好味。當然要解解熱氣，藍梅梳打、荔枝梳打，簡單解渴。

在香港可以找到大大小小的韓國菜，通常以傳統正宗的韓國料理為主，可是The Hwaduk卻是製作創新的韓式料理，可說是比較少見，所以今天特意到來一試。The Hwaduk位於銅鑼灣商業大廈的二十一樓，店員細心地安排窗邊位置給我們，坐在落地大玻璃旁，空間感大，一點都沒有壓迫的感覺。外面天氣炎熱，我們挑了兩款桑格利亞來消一消暑。桑格利亞源於西班牙地區，以酒及水果製成清涼特飲。無酒藍梅桑格利亞和無酒西柚桑格利亞均加入了不同的水果粒，味道香甜，非常透心涼，而特飲裡的水果粒都是可以吃的*無酒西柚桑格利亞 $98**無酒藍梅桑格利亞 $88*主食方面我們挑了韓式什錦魚蛋湯。湯頭沒有味精和多餘的調味，但卻很清甜。各款的韓式魚蛋QQ彈彈，很有嚼勁。店員還很細心的幫我們把魚蛋串剪開如果想嘗試清淡鮮味的韓式食物，什錦魚蛋湯是不錯的選擇。*韓式什錦魚蛋湯 $178*The Hwaduk特別之處是沿用火山岩焗爐，以三百至四百度高溫烤焗烤雞及薄餅，令食材能夠平均熟透而不流失天然的味道。加上薄餅及烤雞多以水果及蔬菜入饌，每樣創意料理都具有吸引之處。最後我們選擇了蒜蓉蔬菜烤雞，烤雞表面香滑，內裡肉質亦保持嫩滑，肉汁緊

畢業季開始要出動搵工啦，今日出銅鑼灣見完工，搵左間韓國餐廳食個午餐。呢間叫做the hwaduk既韓國餐廳又要烤雞又有小豬手食，正!餐廳環境好寬敞，好舒服最適合約埋三五知己一齊黎聚下嘆翻個好時光蒜香烤雞望落都好吸引啊! 好香蒜味，一d都唔油膩，鹹味適中。 辣汁烤小豬手，勁多汁，骨膠原勁多，岩曬貪靚既朋友，呢個烤小豬手都好香，有少少辣。最好叫翻杯野飲，呢度既野飲都好有特色嘎，好似呢杯蜜桃水果茶甘，好清涼~

星期日放工想搵個地方輕鬆下突然好想食韓式料理於是同同事去左呢間韓式烤雞打開餐牌見到介紹火山岩烤雞烤爐選用意大利火山岩用大約300度高溫烤焗不經油炸比較健康我們一坐低點了兩大杯飲品一杯荔枝啤酒一杯荔枝燒酒兩杯都很重荔枝味而且味道不太甜仲要配啤酒同韓國燒酒都咁好飲味道不錯配烤雞不錯之選食物方面，我們兩人決定點一個chicken combo炸雞八爪魚拼盤一上檯份量比預期中大足以夠3人食🤗個拼盤一到已經聞到好香烤雞味我們選了BBQ烤雞烤雞外皮香脆烤焗炮製肉質嫰滑超好食真心推介個combo 仲有跟紫菜飯團,八瓜魚同薯角大大隻原隻八爪魚Waiter好細心等我地拍照完幫我地剪開一粒粒八爪魚肉質夠彈牙再配合醬汁好好食而且仲可以配個紫菜飯團不錯整體來說食物味道不錯價錢合理而且環境舒適適合同朋友食飯傾計

相約朋友食晚飯，想搵間就腳又想食韓國野，於是就揀左依間餐廳～～～因為我地兩個都唔算大食，簡單揀左兩個a la carte menu 既野食同叫左兩杯野飲。依道野食有唔少既選擇，有韓式炸雞，pizza，烏冬，炸物拼盤etc. 野飲就要另叫，有勁多選擇，特別系有酒精既野飲。我地叫左一個烤雞pizza，再黎個炸蝦拼盤(其實就系有炸蝦同埋薯角)，野飲我地兩個都叫左fruit soda, 一杯peach 一杯blueberry. 叫野食同d 野食黎既時候發現原來兩位服務我地既都系韓國人黎既可以順便練下韓文哈哈😄 先黎野飲，個人覺得blueberry 超水準，比peach 更好味。至於 pizza, pizza 熱度幾好，好味得黎唔油膩，唔會覺得好易瀉。至於個炸蝦拼盤，蝦有蝦味，薯角中規中矩，有茄汁同沙律醬點。加上餐廳位於高層，環境舒適，整體我覺得系聚會好地方

I ordered the deep fried shrimps with potato fries which was well cooked and sizzling hot. The fried shrimps tasted fresh and well seasoned but the potatoes were in my opinion, not salty enough. Thankfully, it came with two sauces: mayonnaise and ketchup to choose from.The real star was the blueberry soda, which tasted far better than any store bought grape sodas and was well complemented with a lemon slice.

今日約咗朋友去銅鑼灣行街，上網睇餐廳好評都好多，於是book左八點鐘食飯。同我朋友7:50已經到餐廳，餐廳入面都好多位但已經有好多客人，好彩我哋有book位，仲安排我哋坐窗口位。餐廳入面座位好闊落，食飯傾計都好舒服。同朋友叫咗兩杯1664，假期當然要chill下，飲住啤酒食下烤雞1664 blanc味道有少少酸，同平時飲開果種有啲唔同，但容易入口等左一陣就上左烤雞炸魷魚拼盤，仲有埋沙律同薯角職員仲好好，等我地影咗相先幫我地剪開魷魚。炸雞都好多（有6件），大大啖肉，雞胸肉口感好軟嫩除開每人$200幾，因為我地食左下午茶，所以一個拼盤加杯啤酒已經好飽整體感覺：食物質素好，環境舒適，適合同朋友聚會