The Hunt Coffee & Roastery

营业中

休息中

🍄🍄又黎到觀塘搵好野食！之前睇過文章介紹呢間餐廳，所以好想黎會一會！就觀塘來說，位於地鋪藍色風格設計，外觀很清新。入到裡面，其實都幾大。座位除左一般既二人、四人枱，還有梳化和長bar 枱位。午飯時間12:30前walk in 還是有位，但前一日打電話預訂就說沒位了！先說環境，無論燈飾、牆身設計、座位、餐具都很有風格！感覺幾relax!餐牌全是英文，因為🍄🍄第一次黎，所以就問下服務員有什麼推介。感覺有部份服務員很cool, 當時應該不太繁忙吧！想吃龍蝦的…但當天沒有龍蝦🤦🏻‍♀️最後揀左Sea Urchin & Foie gras Linguine（海膽和鵝肝的配搭感覺很新鮮）紅色的飛魚子不像日本的有醎味🤔，意粉上來時就感覺很有藝術感。其實味道偏淡，但吃著吃著就全部吃掉了😅免費餐飲選了hot honey lime, 第一口覺得味道好正喎，原來蜜糖和青檸好夾！甜品選了The pink pyramid, 唔會太甜，加埋雪糕，一個人都吃得到！但唔會有太驚喜既感覺。和友人談著身邊既事，應該坐了差不多兩個多小時，沒有叫埋單，服務生就把賬單放在枱面，也不知什麼原因。因為當時還有很多空位，也沒有說明有限

假日同朋友去觀塘行街，順便食啲特色嘢，搵到嚟呢間西餐廳，藍黑色門面好易認樓底高空間感大，同埋啲座位唔密都坐得幾舒服Tuna Risotto$158-紅紅哋嘅吞拿配上綠油油菠菜汁飯色彩鮮艷，吞拿冇腥味，而啲飯粒硬度適中Hunt Signature Tiramisu$68-lady finger吸收咗咖啡香，加埋啲cream口感軟綿，甜度啱啱好German Cheese Cake$58-香滑芝士蛋糕入口即溶，配上酸甜dark cherry自家製雪糕中和返個味道，唔錯

今日LUNCH經開鴻圖道順便試下呢間餐廳, 睇到餐牌LUNCH SET價錢都偏貴, 可能係地舖關係, 比同區工廈區餐廳都貴少少, 不過個人覺得最緊要係食物質素同賣相同價錢合唔合理TUNA RISOTTO (Salmon Rice, Mango, Fresh Spinach Seuce) - 第一次見青色既意大利飯, 味道係酸酸甜甜咁, 可以飯面有芒果粒, 吞拿魚都好新鮮, 兩片感覺好似少咗啲GRILLED SEA BASS (Sweet Potatoes, Pumpkin Puree, Salmon Roe) - 賣相好吸引, 魚皮脆肉質非常嫩口, 值得一讚, 再掂上底層南瓜蓉食一流, 紫薯都好新鮮好甜Cappuccino - 呢款畫花每次飲間間餐廳都係同款, 如果畫啲其他款打卡應該仲靚Honey Lime Soda - 賣相都好靚, 味道係檸檬梳打味總結 : 呢到值得一試, 雖然價錢係偏貴, 仲要收加一服務, LUNCH埋單都要二百, 咁既價其實食夜晚好似抵啲, 但食物質素真係唔差, 間唔中食一次都可以, 加上環境都好舒適又唔嘈, 三五知己傾下偈都可以

行過呢間The Hunt好多次，次次都係lunch time經過，勁多人等一位難求。是日下午兩點經過見人潮已散，橫掂約左人未夠鐘，入去嘆個靚lunch都好喎。點了Hunt breakfast & Hot latte，賣相勁正，唔係唔打卡呀！？點午餐加latte有優惠價，唔轉嘅話平日午餐都有餐飲送，不過唔係款款午餐都有噃。講番杯啡，當然係完全無失望啦，啡味香濃，不加糖都無問題，厚厚的奶泡，仲有個靚靚拉花添。招牌全日早餐，好豐富嘛～沙律菜，炒蛋，火腿片，菠蘿，腸仔，蕃茄，麵包，下面仲有被遮住嘅茄汁豆。顏色勁吸引，圓形擺盤，唔知點解好有聖誕花圈嘅感覺，可能紅紅綠綠啦。沙律菜新鮮爽脆，除了一般生菜，還有火箭菜同綠荳芽等，味道更清新豐富。醬汁有兩種，黃黃的帶甜味，唔……芒果？橙？熱情果？不太食得出來。另一種是紅色的雜莓醬，這個非常酸，正好刺激味蕾。蛋非常嫩滑，少許黑松露醬提升香氣，豬肉腸皮脆，麵包有香草香，仲有鹹香嘅巴馬火腿勁正呀。欣賞完個早餐，再點份Hunt signature tiramisu。賣相超靚，上次經過見人食已經想試㗎啦～開頭以為包著手指餅，但切落去係淋的，口感似蛋糕，軟綿綿空氣感

地方寬敞。有格調• Prawn 🦐 Linguine $158以這價錢來說，食物的質素是是水準之中 🍟Hunter Fries $48一般。• Hunt signature Tiramisu $68 與page common 能媲美，很不錯！不過以環境•價錢•外觀 page common 還是my favourite tiramisu 𓌈˒˒在觀塘附近下班 約飯的 值得一吃𓍸 • 𓎇 The Hunt Coffee & Roastery (觀塘)觀塘鴻圖道75號KOHO地下A及B號舖

呢間Coffee Shop喺官塘開咗好耐，之前同朋友食過一次之後都冇再嚟過，見今日屋企冇飯食，靜靜地一個人過嚟試吓網上勁推介嘅Tiramisu!餐廳勝在樓底非常之高，仲有向街嘅落地玻璃，感覺相當闊落。原意想試佢嘅龍蝦扁意粉，不過店員話賣晒，推介左大蝦扁意粉，都係用龍蝦汁烹調，就take佢advice!大蝦有兩隻交叠放在意粉頂端，Presentation夠靚又能夠突出蝦嘅size ！龍蝦汁均勻沾滿麵條，散發著鮮甜同香濃嘅味道。大蝦夠厚又彈牙，意粉al dente，而且份量都好足。專誠嚟捧場緊tiramisu果然冇令我失望，手指餅濕潤，有蛋糕嘅口感，Mascarpone cheese 豐盈軟滑，面頭仲有可可粉同埋薄薄杏仁脆片，咖啡同酒嘅平衡做得非常之好，係近期食過最好嘅甜品！

放工時段嘅觀塘，大街係人來人往，內街就冷冷清清，人影都唔多隻，有人群恐懼症嘅香港人，嚟呢處食個晚餐靜吓都唔錯今次可以話係大胃食過咁多碟墨汁意粉之中，最好食嘅一碟，豐富墨汁味但毫無一絲腥臭，堅過石堅！帶子勁巨，咬落唔使問，煎得又嫩又香仲有啲Parma Ham乾吊吊味，仲有紅桑莓汁加持，班底超級強勁Tiramisu又係未食先喺外表攞晒分，厚厚嘅cream唔係虛有其表，不膩不虛，係100分嘅質感，加上綿綿嘅手指餅條，同又脆又清甜嘅橙乾，教胃如何不愛它？食住美食，呷住薄荷mocha，拉花靚，飲起嚟自然加晒分，清幽嘅薄荷香融入咖啡之中，寧神指數係double陸續都有啲知音人入座，大胃係時候離座喇

家姐之前喺觀塘見到間餐廳好吸引一直叫我陪佢去食，難得大家都放假，決定陪佢去試下！Hunter Breakfast $138:材料非常豐富！有蕃茄仔、清甜無渣嘅燒菠蘿條、兩塊烘到好香脆嘅多士、黑松露嫩滑炒蛋、煙肉、大啡菇、腸仔同Parma ham仲有爽脆沙律菜，配上酸甜清爽嘅沙律醬同柚子肉，感覺很清新👍🏻Hail to King Burger $168:鬆脆嘅包入面有酸瓜、洋蔥、煙肉、煎蛋、芝士、蕃茄仔、菜同埋用香草、洋蔥、牛肉整成嘅漢堡扒，漢堡扒勁厚同埋肉汁非常豐富，配埋熱辣辣新鮮出爐灑上辣粉嘅惹味薯條，份量大到食完真係好有罪惡感🤤Hunt Signature Tiramisu $68:賣相一流味道亦都唔錯，酒味滲透曬入手指餅口感軟綿，每啖都有淡淡嘅酒香同咖啡香！配上幼滑嘅cream同灑上脆脆朱古力片仲有酸甜香橙乾令味道同口感更添層次😍

以往我鐘意揀樓上cafe幫襯，算係支持小店，但自從疫情出現，我覺得街鋪既食店更加難做~今日就同bff嚟到觀塘既 The Hunt Coffee & Roastery食嘢，呢間餐廳俾我既感覺，就好似係鴻圖道既綠洲，被石屎森林包住一樣~Menu既選擇好多，main course星期六日唔包飲品，餐湯亦要另加收費~US Beef Shank牛小腿煮得好淋滑，一d都唔粗鞋，口感同慢煮牛腩好相似，牛肉味好濃郁，仲有少少牛脂味，越食越甘香，最特別係配糯米飯，入面加咗芋頭粒、柚子、蘑菇粒，口感豐富，層次感重，好好味~ Flat White聽講呢喥既咖啡係由而家炒豆沖製，真心期待，果然無令我失望，雖然我點Flat White，牛奶份量會較咖啡多，但都掩蓋唔到咖啡既濃醇香味，牛奶香滑，好順喉，飲完成個人都好似叉足電，成個醒晒~The Hunt Coffee & Roastery觀塘鴻圖道75號KOHO地下A及B號舖

朋友仔話友人介紹觀塘工廠區有間有heart西餐食物質素唔錯，趁住仲有晚市開放，Happy Friday 同朋友仔聚下。好彩有訂位，入去見到有啲walk in客需要在外等位。睇完menu就決左試佢嘅prime rib eye。上枱速度好快，牛扒叫咗七成熟，上枱熟到亦都剛好，仲要夠晒Juicy一啲都唔乾。Rib eye 混合着香烤嘅肉味同埋Rosemary嘅香草味，未食已經流口水。最鍾意佢有原隻焗蒜頭，唔係間間西餐都有架，配埋牛扒食味道更上一層樓！Side dish 係炸薯條，用小鐵筒裝住，望落夠晒別緻，食落香脆而且薯味夠重，簡單配搭要杯橙汁，感覺已經非常完美，朋友果然冇介紹錯！

觀塘一向都係好多隱世小店，今次就搵咗呢一間cafe,佢係喺觀塘嘅一對工廠大廈嘅地舖當你一行到去呢條街，就會俾佢餐廳嘅顏色吸引住，都好顯眼入到呢間餐廳，入面裝修都好靚，樓底超高，環境好闊落食物方面主要有幾款佢嘅signature Menu：有牛扒、魚、risotto,意粉,burger;當然唔少得嘅就係有咖啡啦，見佢嗰個咖啡bar 不停喺度沖咖啡, 好香咖啡味我同朋友各自叫左US prime rib eye 同grilled sea bass: 牛扒好正，外面煎封左，入面岩岩5成熟，咬落仲有肉汁，薯條都夠香脆，好高質；呢個魚都好好味，同樣外皮煎得好香脆，魚肉好嫩，仲有兩大塊，一定要沾佢既南瓜醬，加埋佢既紫薯，同樣好正最後仲叫左個tiramisu, 真係畫上個完美句號如果想食餐好既，同埋過一個悠閑既下午，呢間餐廳一定冇揀錯

The Hunt Coffee & Roastery主打西餐，餐廳內環境精美，而且食物優質，係觀塘唔錯嘅選擇！Affogato $56Esspreso嘅微苦帶酸，與餐廳自家製嘅綿密甜美雲尼拿雪糕相融合！冰火交融，同時間係飲品又係甜品，好正呀！Spanish Pork Belly $158燒西班牙五花肉肥瘦相間，油脂豐腴，外脆內化，再配上檸檬乳酪醬，味道濃香，好邪惡！Sea Urchin & Foie gras Linguine $188賣相吸引！鵝肝外層煎至香脆，內裡軟滑充滿油香！扁意粉配海膽汁及蛋黃汁，整體味道唔錯！

喺觀塘鴻圖道，有一間以藍綠色為主調的餐廳，相當搶眼！餐廳內有唔同嘅Feature Walls，而且食物質素都有返咁上下，仲有大量型男店員為你服務同埋沖咖啡，怪難會成為打卡的名店！Apple Cider $48來自法國的品牌，比起周街都有嘅Somexxxx，蘋果味和果香均濃厚數倍，令人愛不釋手，飲過真係返唔到轉頭！Sea Urchin & Foie gras Linguine $188賣相漂亮的海膽鵝肝扁意粉，海膽肥大肉厚，而且份量相當多，一塊疊一塊！鵝肝油份充足，煎至香脆可口，一咬油香滿溢，十分滿足！扁意粉軟硬適中，配濃郁的海膽汁，再加一點微酸的野莓汁作平衡，真係唔錯！

呢間cafe以藍色作為主調✨工業風既裝修，空間感都幾大坐得舒服🥰Tea Time黎到主要食甜品/Salad🥗🍰店員服務態度都好好呀🙆🏻‍♀️ 觀塘返工既朋友去支持💛.Tiramisu $68幾乎係每枱必點的😝賣相好靚👍🏻用自家沖制既Espresso加酒浸手指餅食既時候啖啖都食得出酒香同咖啡香😌Mascarpone cheese入口仲好軟綿☺️.Forbidden Lover $68擺盤精美👅係加左Baileys酒芝士蛋糕🧀野莓醬勁多😂 中和左cheese cake食落好開胃😋 鍾意食酸野嘅人啱晒🤓旁邊係清酒+橙味雪糕仲有雪耳片(?)好創新既配搭🤣 食落蛋糕同雪糕都好順滑🤩.Flat White $48 | Latte $48咖啡同奶既比例剛好，而且飲落綿滑香醇☕️拉花靚😍Menu:

去開駱駝漆睇波鞋，記得之前見過朋友喺The Hunt Coffee啲相啲野食賣相幾靚仔好似幾好食咁，就順便黎試下。餐廳入面有好多壁畫，幾啱打卡。定價走中檔路線，唔算特別平，不過野食賣相同味道都唔差。Black Country($168) - 墨汁意粉上面有兩大粒帶子，帶子輕煎到半生熟，彈口之餘仲保keep倒帶子嘅鮮甜味，意粉唔會太腍，墨汁杰度啱啱好，唔會太水汪汪食到滿頭滿面都係。Hunt Signature Tiramisu($68) - 哩個Tiramisu係哩度嘅招牌菜，見好多枱都有點，點都要試下。佢賣相同平時食開嘅有啲唔同，咖啡味都幾濃，但酒味唔會好重，口感好鬆軟，味道都唔錯。總結，野食睇得之餘味道亦唔差，絕對唔係得個樣，最近疲情開始反覆，而家晚市堂食真係唔係必然，有機會都值得一試。