The Food Gallery

因為收到langham supper club生日買一位送一位既coupon, 所以約埋都係天秤座既好朋友一齊去食buffet慶祝生日。我從未去過呢度食buffet, 不過見宜家既主題係海鮮，睇食評又話唔差，就抱有少少期待咁啦!黎到差不多6：50，buffet已經開始左。入到去坐底，仲有三分一枱未full, 不過枱同枱set得好埋，唔太舒服! 其實當日booking應該唔full, 最後都有好多位。點解唔安排客人坐得舒服D呢！😭出去攪野食發現，放食物既地方唔太大，甜品更只有入口位既一個小角落。見到咁，已經有少少失望! 不過心諗唔緊要，我都係主力食海鮮，見到海鮮有生蠔（美國及新西蘭）、龍蝦、琵琶蝦、中蝦、青口、翡翠螺、小龍蝦等，好似都幾好喎！當然第一時間自製個海鮮拼盤先啦！😋😋😋點知！😢😢😢 生蠔好似幾好樣，食落口就無咩鮮味，不過就有好少既甘苦味。我食完手頭上既蠔就無再攞啦！😣 到海鮮拼盤，樣樣都無鮮味！龍蝦叫做最好味架啦！仲有少少膏！😢😢😢 我都係無再攞第2round. 對於我黎講，超喜歡食海鮮，但真係無興趣食第2round , 可想而知海鮮既質素有幾大問題！ 放棄左海鮮，飲番碗龍蝦湯

食物：凍盤 - 推介生蠔(美國、紐西蘭)、開邊龍蝦、琵琶蝦、其他凍蝦、青口、龍蝦仔可以skipparma ham同芝士都可一試，刺生就一般野，都係可以skip喜歡food gallery攞蠔唔駛排，想夾幾多就幾多，蠔亦算新鮮，不過開蠔要改善吓，有幾隻開得唔好熱盤 - 比較推介有煎鴨肝、黃金蝦、辣酒煮花螺、蜜糖豆炒花枝、即切西冷同羊脾，其餘啲雞肶、豬呀果啲都係skip話就話「近十款自選鮮魚供客人即叫即蒸，配搭專屬醬汁」，當日只得三四種魚，醬汁亦無得揀，蒸得無上幾次咁好，有啲過火。「即席烹調：蠔仔蟹皇粥、烤焗生蠔、香煎潮州蠔餅海鮮熱盤：即蒸鮮魚、法式焗釀龍蝦、香草蒜蓉牛油焗松葉蟹腳」以上除咗蒸魚外，全部都無，佢網上個menu熱盤有成廿幾三十樣，看似吸引，但我諗佢應該每日輪流出兩三樣，我果日既海鮮熱盤就係得黃金蝦、炒花枝同花螺.......甜品 - 哈記雪糕唔錯，甜品師傅服務好好環境 - 空間ok，唔太迫，不過已經晨早用table map book位，但都編咗坐對正厠所位........

因為farewell準備退休既同事，一班人決定去食buffet，一早做好作戰狀態，留定肚先可以食到盡...我地準時1830去到，入座之後我都習慣會行一圈有咩食先開始第一碟...行完真係花多眼亂，所以我都係以沙律作頭盤，之後就食下芝士呀，ham ham咁，我覺得最值得介紹係佢個燉湯，因為一般buffet都只係會有家庭式既中湯同普通西湯選擇，而呢間仲有埋燉湯tim😋😋😋呢度d海鮮都好多款，連波士頓龍蝦都有，而我地食個晚個主題係大海奇緣所以有埋即揀即蒸既魚食，都好唔錯，熱食有鵝肝做主打，不過我唔太好所以會食豬腩仔肉，超級趣卜卜，正👍🏻👍🏻👍🏻👍🏻甜品仲有埋Haagen dazs雪糕揀仲有8隻味tim，仲有葡撻，同即焗梳乎厘👍🏻👍🏻👍🏻總括黎講，呢間可以再encore 😋😋😋😋

上星期去了吃，比想像中失望。餐廳環境一直感覺有油煙味，選擇的食物比想像中少。朋友都說唯一可取得的是蠔，但本人不吃蠔所以選擇吃蟹腳。可是蟹腳沒有想像中好吃，而且被拿完了遲遲都沒有補充。熱食不吸引，薄餅太硬，甜點只有蔔撻和雪糕吸引，梳芙厘太甜。

生日一班人又行動，今次訂咗The Food Gallery，一入座已經俾海鮮吧吸引，掃完2輪，味道一般酒店水準，但款式多至係最吸引嘅地方，有蠔、龍蝦、龍蝦仔、凍蝦、瀨尿蝦、青口、蟹腳，開心到發哂光。鵝肝多士: 鵝肝多油，多士太硬羊扒: 肉質嫩滑，膻味十足甜品款式少但精，有 Häagen-Dazs 重有8款味道，一口葡撻都係必食之選，物有所值。

揀選了去The Food Gallery吃午餐自助餐主要是它的價錢，七折後連加一都只是$215,以我的食量來計，應該唔會蝕太多！餐廳環境幾靚，設計和用色幾高雅舒服，座位唔算多，入座的客亦沒有滿，所以不用迫或排隊攞食物。我今次主要食的是沙律，因為不想食太多肉類。幸好沙律的選擇頗多，全部切到細細粒，食時很方便。瓜菜都算新鮮，沙律醬都是最基本的那幾樣選擇。海鮮的選擇只有小龍蝦，中蝦，青口和翡翠螺，每樣都吃了一兩件，都算新鮮。最遺憾是沒有生蠔，在網上介紹是有生蠔的，未知是否平日不會供應呢？為了要回本，所以食了數片parma ham加哈蜜瓜，肉質香而煙韌，質素幾好。中湯是我喜愛的冬瓜意米豬骨湯，好夠火侯，略鹹，下火一流。熱盤只食了兩款比較小見的卷，雞肉波菜卷和魚肉卷，兩款都比較淡味，肉質也比較鞋。最失望是甜品，唔明白點解要甘甜，依家仲有人鍾意食超甜嘅甜品嗎？啫喱和蛋糕都過甜， 連小朋友都只食了半杯啫喱！！ 幸好還有數款好味的Haagen daz雪糕幫我下火，仲有熱的木瓜雪耳糖水撫平我的不滿情緒。

真係好耐無食自助餐,因為近年食量不大,食自助餐不太化算又回不了本上一次食自助餐已經係半年前公司Annual Dinner的事.今次都係抽到Cash Coupon先帶同父母一齊試下.The Food Gallery Lunch Buffet分兩段時間11:45-1:45, 2:15-4:15每節只有兩小時用餐星期六 $308+10%我跟父母提早了到達, 打算入餐廳坐直到自助餐開始.但餐廳卻說要夠鐘才可入內. 我本人倒是無問題, 但遇上老人家,行動不方便之人仕此舉就不太friendly.因為酒店lobby的椅子不多, 而且都坐滿了住客.餐廳其實可以考慮先安排食客入座, 到了用餐時間才取食物.這樣小小的安排已經可以讓食客對餐廳印象加分進去後被安排坐近食物bar的附近, 其實取食物是蠻方便的, 不過就跟後面的枱非常近,椅子拉後就會碰到的樣子.後來發現當日用餐的人沒有很多,大概是場內一半也沒有, 所以不知道為何要這樣安排 先說冷盤, 竟然有生蠔, 當天是有人即場開蠔, 我覺得蠔蠻新鮮的,有淡淡的海水味, 而且蠔的Size也不算小.平常我很少機會食生蠔,當日食了6隻. 食太多就不敢了怕腸胃受不住.

約左幾個舊同事食lunch buffet, 經朋友介紹就推薦朗廷酒店睇d comment都唔錯, 而且hsbc card 仲做緊7折, 咁就試呢間啦 朗廷酒店地段非常方便, 係尖沙咀西鐵站or 地鐵站L5 出口一出上扶手電梯就見到啦 lunch buffet 都有生蠔, 雖然唔係即開, 不過都算新鮮同幾肥! 不過刺身就爭少少, 唔夠鮮味!! 雖然唔算太多選擇, 不過基本既海鮮都有, 熱食都唔錯, 補食物既速度都好快! 甜品之中最正就係迷你葡tat, 食多幾個都唔會有罪惡感 lunch buffet 係1145 - 1345, 2個鐘又食又傾計真係唔係好夠! 不過折左每人都係$264.4, 真係好抵! 絕對可以一試!

星期六同朋友想食自助餐，因為我哋要1點後先至得閒，又唔想餓到3點幾食下午茶自助餐，呢度嘅時間真係幾好，分11:15 - 13:15 或 14:15 - 16:15 兩輪，我哋選擇咗14:15。食物方面真係唔錯，自助午餐都有肥美生蠔不斷供應，仲有廚師即煮~味道濃郁嘅海鮮龍蝦湯，魚生款式唔多，但三文魚刺身極度肥美，甜品，生果及雪糕都好好味，尤其雪糕筒十分鬆脆。以酒店自助午餐折實二百幾唔使三百元而言，有咁嘅質素，認真扺食。

看到了openrice出現了自助餐72折優惠券，而且看見食評也不差，於是陪伴女友到此一賞美食。環境吾錯。首先是海鮮篇:龍蝦只能夠說一般;長腳蟹肉質麻麻地;最期待的壕，有美國有新西蘭，同樣地失望，睇落去吾錯，食落去好腥，而且好多殼。肉類篇:牛排正常;其他不太深刻。壽司篇:刺身還算正常，不過芥辣沒有芥麻辣味。小食篇:鵝肝面包味道吾錯，包很翠。甜品篇:蕉糖綠茶蛋，好味道，綠茶味好香，蛋滑，不過可能放得太耐，表面溶著;雪糕有小小冰;蛋撻拍得住kfc。最後，總結而且沒有一樣食物特別深刻。只是普普通通的自助餐。如果性價比而言，我不會再去一次。是此埋單10xx左右。服務態度正常。不過好似人手不足，舉手很耐都沒有人理會，有待改進。

是我的不幸？還是上天對我的考驗？今晚吃了一道，試練我耐性的晚餐絕對是食材大屠殺，人類史上浪費食物的一刻魚生只得四款，閉上眼睛是吃不出分別非常統一的只有雪藏味沙律吧的選擇少得可憐，罐頭粟米成主力，中菜是攪笑的嗎燒肉的存在，像恥笑大中華數百年歷史似的，香口膠一般的神韻。高手又一次於印度區遇見油浸香口膠薄（厚）餅，所有串燒有如牛肉乾的質感。吃過雞腿後，我不禁要站起來向上校伯伯敬禮！而這裡發揮了團隊的精神，連茶水部都可以展現出一樣的水準，非常難得。帶溫的Iced mocha，酸酸的給我跳脫嶄新的感覺。只此一次。

剌身很新鮮和每位每次都可分到5-6片，每片都幾厚另外點心和雪糕都不錯唯一是冬陰公的味道每次不同，他每碗獨立翻熱，保證一定有一隻蝦，原本是好的，但味道卻會有差別，第一碗味道不錯，故翻要多一碗，第二碗卻很咸，而且不夠之前一碗辣，有點失望

說起來，朗廷酒店來了不知多少次，既試過朋友的婚宴、又試過跟朋友下午茶，當然又有同太太來Fine Dining慶祝結婚周年，但很奇怪，就是從未造訪過The Food Gallery。近日就跟朋友來了一個飯聚，想不到不論食物質素或是種類，都有意想不到的驚喜，也許即將來臨的母親節及父親節，都是一個上佳選擇。生蠔共有澳洲及美國生蠔兩款，全屬時令貨，前者肉質爽口，海水味較重，而後者近年size已漸細，又不如早年的creamy，反而更討好。Seafood Station在生蠔位旁邊是海鮮吧。大量波士頓龍蝦及buffet罕見的琵琶蝦整齊排列任人魚肉，肉質鮮嫩，實在是一大賣點，要回本話咁易。就連波士頓龍蝦蚶、阿拉斯加長腳蟹、冰島翡翠螺、澳洲小龍蝦、太平洋凍蝦及紐西蘭青口，此刻都成了配角，每樣都有試過，絲毫沒有討厭的雪味，肉質保持應有的彈性或柔韌，在海鮮吧走一轉已經飽了一半。刺身及壽司壽司是預先整好，賣相絕不會甩頭甩骨，但要留肚，唯有放棄。反而刺身類試了三文魚、吞拿魚及八爪魚，肉質柔軟，吃得出的新鮮，酒店貨果然有一定水準。Carving Station有燒西冷牛扒及西班牙烤乳豬，牛扒來了一份薄切，肉味不

就因為泰國潑水節的關係，突然掀起了一股泰式潮流，不少自助餐都推出了泰式風味的主題，有很多地道的泰國美食，位於朗廷酒店內的The Food Gallery也推出了泰式主題。琳琅滿目的海鮮一向是賣點所在，排列得整整齊齊，有波士頓龍蝦、琵琶蝦、阿拉斯加蟹腳、翡翠螺及青口等等，當然還有肥美鮮甜的美國及澳洲生蠔，這兒是兵家必爭之地。旁邊還有刺身及壽司，不過主題是泰式食物，海鮮、刺身及壽司的好像沒有關係，不要緊，因為沙律吧有著泰式柚子沙律，酸酸甜甜，十分之開胃。同樣地，餐廳更有廚師即席烹調泰式木瓜沙律，更帶不少泰式小食供應。此自助餐除了海鮮是賣點外，即煎鴨肝也是受歡迎的項目，廚師將肥美豐腴的鴨肝煎得外脆內軟，實在誘人。同時，大蝦也煎得很好，鮮甜爽口又彈牙。泰式食品始終以熱食為主，款式相當多，有泰式香燒鴨胸肉、烤焗蕉葉咖哩魚、班蘭葉包雞、豬肉沙嗲及香辣魷魚鬚等等，每款都滲入了泰式元素，實在「泰」滋味了。不過，自助餐供應蒸魚並不奇怪，可是供應即叫即蒸的就絕無僅有，還可選擇魚類，除了中式蒸法外，還增加了泰式蒸法，如泰式蒸烏頭，酸酸辣辣，很有明火魚爐的感覺。我喜歡自助餐的原因就是為了燒牛肉，不同地方有不同

每年四月中，都是泰國新年，即是潑水節(Songkran)的日子，身邊有些朋友好熱愛這節日，總會準時到曼谷玩一番。我對此向來興趣不大，但泰國菜從來都是我的喜愛菜色中的三甲之內。剛剛在潑水節期間，我跟去了尖沙咀朗廷酒店的The Food Gallery，吃了「泰式風味自助餐」。這主題自助晚餐供應至5月底，Openrice文末有優惠卷連結，大家都可以用七折去食餐飽。(七折後每人大約$300幾蚊)這次的泰式風味自助晩餐，由頭盤、冷熱主菜、甜品等各主要類別，都有加插泰國食品。頭盤和前菜方面，有熟悉到不得了的 「泰式青木瓜沙律」，味道清新，酸甜度都好貼近傳統泰國特色。還有泰式魚餅香燒烤物一列排開，有泰式香辣大蝦、泰式烤雞、泰式燒香辣豬頸肉、烤豬排骨、沙嗲串燒等。其中泰式烤雞大大隻厚肉雞髀，香料份量也充足。又有泰式的炒粉麵飯，例如鮮蝦炒金邊粉、蟹肉炒麵、肉碎炒飯、菠蘿炒飯咖喱方面，則有南泰式咖喱海鱸魚、香燒蕉葉咖喱魚、青咖喱雞、紅咖喱鴨等，個人推介紅咖喱鴨，十分香濃入味。The Food Gallery一向都設有鮮魚檔，有不同魚類選擇，這天就有黃花、烏頭、石斑、鱸魚等，點了魚然後即叫即蒸，雖然加入了