THE COFFEE ACADEMÏCS (朗豪坊)

营业中

休息中

呢間coffee shop除咗咖啡好飲，其實佢啲嘢食都幾好食。平時都有去開coffee academic ，今次就嚟咗朗豪坊呢間分店。地點就喺正樓底最高嘅樓層，所以感覺好似坐戶外咁樣，感覺都好開陽，啱晒午後過嚟慢慢嘆個午餐。今日食佢其中一個signature係蟹肉沙律，沙律有好新鮮嘅火箭菜、生菜之外，仲有牛油果同埋底層嘅蟹肉蓉。蟹肉蓉嘅味道好濃，搭配其他蔬菜就成為咗佢嘅醬汁。所以呢一款沙律唔係酸唔係甜係蟹肉味。另外我仲飲咗佢哋嘅Cold Brew, 係罐裝上，特別佢係有汽。感覺上特別清新，咖啡嘅花香味都好夠。

平時都有飲開The Coffee Academics 嘅咖啡，今次經過門市，唔飲咖啡，入去嘆返杯燕麥奶焙茶，再試過喇沙椰香虎蝦意粉。店鋪裝修時尚又具文青風，一個人嚟享受下放鬆下，或者約朋友聚下都好唔錯。轉頭我個喇沙椰香虎蝦意粉就準備好。係我預期以外嘅好味，原本對咖啡店嘅意粉心中都打左少少折扣，點知意粉煮得恰到好處，有彈性又有少少嚼勁。椰香味濃郁的喇沙汁醬，夾雜香茅、辣椒同椰奶的香氣，調味適中又香味十足，開胃又唔會膩。加上虎蝦夠新鮮，肉質緊實，食落鮮甜。至於我杯燕麥奶焙茶，同樣咁得我心。焙茶香味濃郁，有佢獨有嘅茶香味，用燕麥奶沖製，飲落更柔滑同香甜。燕麥奶又有營養價值，口感，味道亦較豐富。耐唔耐放假，善待下自己，放鬆下心情，愉快嘅一餐！

the coffee academics🍵日本燕麦奶焙茶燕麦奶减轻负担，焙茶香醇丝滑，新晋我的饮品榜单🍨Affogato 特浓咖啡配意大利雪糕遇到餐单里有我都会点一个，推荐给能接受/喜欢苦咖啡的！浓缩的咖啡液融入雪糕里，苦和甜中和，很特别的组合🥚班尼迪蛋会流心的蛋真的很懂事！搭配腌三文鱼和烘烤过的法棍切片，好绝🍰麻薯芝士蛋糕巴斯克里装着软糯的麻薯！#香港探店 #全球吃喝小分队

今日去朗豪坊自己食晚餐，想坐低食意粉，咁岩喺food court戈層見到coffee academics嘅意粉好似都幾吸引。見佢晚市做緊有個set dinner，性價比幾高咁。不過今次我自己一個人我覺得食唔晒，所以我就單點左一份日本海帶三文魚意粉，另外加咗煙三文魚同埋雞蛋。嚟到嘅時候先發現原來係兩隻煎流心蛋，仲有啲沙律菜添。意粉好足料，海帶，洋蔥，三文魚係煙三文魚嗰隻，再配埋我額外加嘅煙三文魚，超正。香草亦都好新鮮，香草味好突出。全部意粉都係即叫即整，食物嘅溫度同埋質素都幾好，但係夜晚唔係好敢飲咖啡，有機會再嚟試佢個set dinner同埋飲coffee。

見Starbucks冇位 行到過去準備入座，完全冇任何Staff招呼。跟住直接入去搵位，其中兩位屋企人搵到搭枱位置時，先有一個Staff施施然喺櫃位行過嚟問我幾多位，我話三位，跟住佢用一個好無奈嘅眼神話冇位。跟住我就指住我兩個屋企人已經搵到客人願意搭枱，個Staff用差不多反白👁️嘅態度同我講:呢度唔准搭枱！ 跟住直接離開究竟係有幾唔想做生意？😂

呢間西式cafe有室內同室外天氣好的時候可以坐喺室外睇風景都幾chill☀️🌞🕶️室內環境有好多植物 好似置身係大自然之中食物方面 頭盤 沙律🥗 全日早餐 意粉🍝 一應俱全嘢飲選擇特別多 淨係講咖啡都有好多款鍾意飲咖啡的朋友就岩哂😉.🫧牛油果慢煮雞肉蛋白酸種多士 $148酸種麵包呢期係我最愛😍牛油果🥑好creamy 配搭慢煮雞肉加埋炒蛋白 營養豐富又健康咁多樣食物一齊食 清新又滿足 口感層次好豐富😗😗🫧鮮橙汁 $38鮮橙汁以新鮮甜橙榨製而成甜橙🍊天然甜味酸味 口感清爽而且富含維他命C 真係解渴又有益健康絕對是夏日的清爽選擇😙😙

不仅超级提神，而且真的好利尿💦Flat white 咖啡味超级的馥郁香浓，而且喝着没有什么酸味，入嘴就是绵密而又丝滑的香醇，最后还在嘴里留下悠远的回味🌪️☕️杯子很小，而且只有一种size，但是每一口都觉得物有所值

飲得多Starbucks，經過旺角朗豪坊，見到呢間咖啡店，同事話試下，咁就買杯試下囉，話晒開係朗豪坊，又係連鎖店，應該冇伏。買杯外賣latte，$45，價錢算貴，見到隻杯咁細杯，諗住好飲，都冇咩所謂，點知拎到返公司，打開一睇，見到得2/3杯滿，少到咁第一次見，再飲落口，嘩！又苦又澀，完全係伏。同事果杯份量正常少少，但同starbucks比都係衰！真心麥當勞都好飲過佢，而且人地價錢公道！避雷咖啡，有圖有真相！絕對冇下次！

又到咗開心嘅一人晚餐時間 (I人在此🙋😂)成日行朗豪坊經過呢間，今日終於一試結論係 超推薦呢個vegetarian all day breakfast!色彩繽紛好豐富，而且唔油膩，唔太鹹，分量足😆 ✿ 健康綠色全日早餐 $158  (另有vegan version)其實我麻麻地香腸、煙肉🤣 所以素食版就好啱我😍牛油果軟綿新鮮；炒蛋白分量多而唔油!! 配泡菜好夾酸種麵包搽咗青醬，加埋halluomi cheese一齊食勁好味乳酪配granola兼任甜品角色，酸甜之餘，質地好正😳帶點黏性(?，gelato嗰種感覺🤣最吸睛嘅西柚，表面有焦糖，果肉超juicy😍😍 +慢煮雞胸 $25齋睇價錢份量，已經抵過7仔嘅即食雞胸🤣 特別最近我細食咗，食到勁飽😂上枱時暖暖地，切嘅時候見到肉汁😋不過留意，攤凍咗就會有啲乾啦，要快啲食蜜汁調味(?) 甜甜地，值得加配埋!

喺旺角附近拎完月餅，一個人想食簡單嘅晚餐，嚟到嘅朗豪坊嘅 THE COFFEE ACADEMÏCS，除咗有精品咖啡，仲有多款主菜同小食。店內提供晚市套餐同下午茶套餐，下午茶經過可以嚟食份甜品 chill 下😎今日我就叫咗一份 三星蔥油蒜意粉加煙三文魚🍝 同一杯 dirty 😚 店員一送上咖啡，就聞到濃烈嘅咖啡香氣，其實 Dirty 係以冰凍嘅鮮奶混合濃縮咖啡，當啲咖啡融入冰凍嘅牛奶嘅時候，就會係玻璃杯中呈現花紋圖案，充滿視覺嘅享受，而入口一冷一熱嘅口感，同樣令人回味，飲嘅時候記得唔好手多多mix埋呀～而主食嘅意粉沾滿蔥油同橄欖油嘅香味，超惹味呀，意粉充滿咬口之餘，仲有蒜香味😋 加埋煙三文魚，嫩滑又帶有少少煙薰味，口感濃郁，而且份量啱啱好。下次過嚟可以捉埋朋友一齊試埋佢哋嘅西多班戟同牛角包三文治先🤤

在繁忙的朗豪坊入面，有個隱世Cafe店可以俾我唞啖氣！同朋友想搵個地方坐吓，傾吓偈！見到呢間Cafe店環境又幾好，於是決定入去坐下傾吓偈！ 我哋就叫咗小食同嘢飲！可以一邊傾偈一邊食吓嘢咁～都幾寫意（＾◇＾）Curly fries $78:呢個扭扭薯條一上枱熱辣辣，出晒煙，一睇就知係即炸即上枱，食落鹹味剛剛好，又唔會太鹹或者唔夠味，配埋個芝士醬，簡直一流！好食過出面好多倍！嘢飲方面，我哋叫咗兩杯！ 分別係pink lemonade and thyme $48同埋sipping chocolate by KAV iced $58，兩杯嘢飲各有特色，如果要我揀邊杯好飲啲，我會鍾意朱古力多啲，朱古力唔會太甜，味道剛剛好！推薦指數：7/10🔥

哩間cafe係朗豪中庭, 旺中帶靜, 一個人食野或者同朋友飲杯野傾下計都好唔錯。原來除左cake同light food之外, 都仲有好多野食, 有單點之外仲有套餐添。估唔到係度食個fusion既韓式牛肉炒意粉又整得幾好食, 帶有醬油味, 炒得夠乾身夠哂香, 牛肉味道新鮮有存在感。餐湯係好濃郁既蕃茄湯, 味道好新鮮完全唔係茄膏撈出黎個種, 仲有鮮茄係入面。夜晚唔飲咖啡叫左杯Pink Lemonade, 賣相好靚, 味道亦都好refresh。 晚飯時段唔算多人, 自己一個係度慢慢食享受下me time感覺都幾舒服。

今日放工係朗豪坊等人諗住坐低飲杯咖啡，就黎左依間The Coffee Academics，環境都幾舒適好開揚又唔算好多人，見到隔離嗌左大蝦包好吸引心思思又叫埋一份哈哈，咸食好味咖啡都好好飲，chill住等frd✨Jumbo Prawn Roll 大蝦包 $168大蝦包外皮香脆，烘得啱啱好。入面嘅大蝦新鮮爽口，肉質彈牙，配埋少少牛油果，洋蔥絲，同特製沙律醬，味道層次分明。每啖都可以感受到大蝦鮮甜嘅味道，配合香脆嘅包皮，口感豐富，值得推薦！✨Latte 鮮奶咖啡 $45鮮奶咖啡香氣撲鼻，咖啡嘅濃郁味道同鮮奶嘅順滑質感完美融合，入口順滑而不苦澀。散發住天然奶香，非常滿足。

之前經過幾次都見到幾多人食lunch，今日收工要等frd 所以就諗住搵間Cafe 坐下餐廳位於朗豪坊中庭廣場，所以都比較多人經過，不過餐廳有些位置私隱度較高也比較無咁嘈。餐廳既Coffee 比較出名，就算dinner 我都嗌左杯試下鐘意飲凍飲既我就揀左- ✨紐西蘭麥盧卡蜂蜜鮮奶咖啡當咖啡遇上蜂蜜🍯，甜度適中比起飲caramel 和 mocha 都無咁甜，係天然清甜味道幾夾😛咖啡豆都好香 兩者之間取得平衡👍🏻✨日本海帶三文魚意粉主食我就揀咗新款既海帶三文魚意粉，價錢中位但賣相就平常，味道食材正常水準，沒有太大驚喜。餐廳都有唔少甜品供應，我見都幾多人嗌，不過我就飽食唔落。

平時一個人多數茶記/譚仔, 但間唔中都想食得精緻D, 揀左左朗豪哩間cafe, 雖然係半開放式, 但都唔會太開揚, 依然可以靜靜地坐埋一邊享受晚餐。Dinner set有唔同combination, 豐富D可以要哂4 course, 簡單D我就要左個main only, 已經有餐湯同埋茶飲。daily soup蕃茄蔬菜湯, 香甜滿滿蔬菜既味道。脆皮比目魚煎得好, 魚皮位薄又脆, 魚肉鮮嫩juicy, 簡單用鹽調味食番原味已經足夠, 或者吱D檸檬汁, 成個味道更加清新。伴菜都烤香左, 薯仔有D焦焦地幾好味。餐後一杯breakfast tea, 都幾enjoy~