THE COFFEE ACADEMÏCS (朗豪坊)

营业中

休息中

同friend去咗旺角The Coffee Academics食晚飯，位於朗豪坊，地理位置方便估唔到咖啡店嘅晚餐都可以咁有驚喜！成間店嘅裝修好有格調，木系傢俬配暖黃燈光，坐低即刻覺得自己文青咗幾個level，勁啱打卡同傾偈。 落單掃QRcode就得**跟餐沙律** 雖然係基本嘢，但佢哋做得幾有誠意。沙律菜新鮮脆口，車厘茄爆多汁，個黑醋汁調得酸酸甜甜好開胃，完全唔係hea做。 重點嚟啦！個**粟米芝士卡邦尼意粉**真係正！意粉煮得剛剛好，煙煙韌韌，個芝士醬濃郁得嚟又唔會膩，加埋啲粟米嘅甜味，口感同味道都好有層次，好岩素食者甜品係**斑蘭蛋糕**，雖然細細件但好精緻！斑蘭味好出，蛋糕質地濕潤，甜度控制得啱啱好，食完意粉再食佢真係完美ending。 飲品叫咗**熱Matcha Latte**，抹茶味夠濃又唔會澀，奶泡打得綿密，飲落好順滑，仲要拉花靚到唔捨得搞亂佢！ 總括嚟講，Cafe 食物質素高，環境又舒服，同朋友傾到閂門都唔會趕客。一定會再encore，下次想試埋佢哋嘅招牌咖啡！

做媽媽都要me time一下，今晚放工來到朗豪坊4樓，一上到去就係The Coffee Academics，雖然周圍人來人往，但餐廳入面算靜私隱度亦算高，裝修簡約燈光柔和，坐得舒服，可以慢食chill一下。性價比最高係套餐組合，有前菜、主菜、小食及甜品，不過今晚唔算太餓就單點意粉同一杯飲品就算，如果肚餓或比較大食建議都係點set穩陣，唔係唔夠飽~三星蔥油蒜香意粉 + 慢煮雞胸 $148意粉口感煙韌，加上蔥油及蒜香炒超惹味，本身唔算餓點知越食越有胃口！不過份量唔算多，好彩我額外加埋慢煮雞胸，肉質嫩滑多汁，高質。宇治燕麥奶抹茶 $48唔飲牛奶但又想試matcha latte可以揀呢款，茶味濃郁，口感順滑，帶陣陣麥香味，好飲。餐廳出名咖啡，見餐牌有款新出澳門葡撻漸層咖啡幾特別，下次可一試。

又到weekend me time時間～今次去左朗豪坊The Coffee Academics食個light breakfast～牛油果慢煮雞肉蛋白酸種多士酸種麵包外脆內軟，牛油果熟度剛好，口感creamy，慢煮雞胸肉肉質嫩滑，炒蛋白簡單用煙燻海鹽點綴，整體清爽又滿足，口感豐富又健康。適合想食light啲既朋友。Signature Cold Brew咖啡香氣醇厚，入口帶有明亮果酸和朱古力尾韻，冰過更加清爽。餐廳環境簡約又不少綠植花花裝飾，環境舒適，適合慢食享受。

今日同朋友一齊叫咗外賣試吓 The Coffee Academics，一間以咖啡品質同專業聞名嘅餐廳，叫咗三款特色飲品，感覺真係令人驚喜！首先係 橙汁咖啡梳打 🍊☕️💦，呢款飲品好有心思，真材實料。橙汁嘅清新同咖啡嘅濃香完美融合，入口先係果香撲鼻，隨後咖啡味慢慢滲出，層次豐富，飲落好 refreshing，特別啱夏天解暑😍！就算係外賣，飲品都keep到質素，冇失望。跟住試咗 Manuka 鮮奶咖啡 🍯🥛☕️，真係好飲！Manuka 蜂蜜嘅獨特風味同鮮奶、咖啡好夾，甜度適中，唔會過膩，口感 smooth 又 creamy，飲完一杯仲想再encore，絕對係我嘅心頭好。外賣包裝都好細心，飲品溫度啱啱好。最後係🍫☕️Mocha Coffee，味道中規中矩。巧克力同咖啡嘅比例平衡，唔算特別出眾，但勝在經典穩陣😌整體而言，The Coffee Academics 第一次飲已經有個好印象，之後一定會再叫外賣試其他 menu item

The Academics Breakfast這份豐盛的早餐色彩繽紛，擺盤精緻，各種食材搭配得宜，令人食指大動。豬肉香腸味道濃郁，肉質鮮嫩，展現了豬肉的醇厚風味。脆皮煙肉外脆內嫩，咬下去瞬間充滿香氣，與其他食材搭配十分美味。蘑菇鮮香滑嫩，增添了早餐的多樣性。番茄酸甜適中，為整體口感增添一絲清新。煙燻三文魚的鮮香與其他食材形成對比，給味蕾帶來驚喜。哈洛米芝士的鹹香與微脆口感，增添了獨特的風味。太陽蛋被改為全熟，更加切合個人喜好的口味。酸種吐司外脆內軟，與其他配料搭配，吸收了各種風味，十分美味。Espresso外觀小巧，濃郁的香氣在空氣中彌漫，帶有輕微的果香和堅果香，令人陶醉。味道濃烈而豐富，令人感受到咖啡豆的深厚風味，帶有微微的苦味和甘甜。口感滑順，咖啡油脂的層次感讓每一口都十分愉悅，餘韻悠長。

晚上在朗豪坊逛街，行得累想補充體力。這家咖啡店位於朗豪坊，位置便利。餐牌上有套餐組合，有前菜、主菜和甜品，價錢合理。不過已經吃過下午茶，所以想點一些輕食。⭐️牛油果香烤雞肉蛋白酵母酸多士配搭很豐富，有牛油果、蛋白、麵包。麵包內裡保持濕潤韌性，咀嚼時能嚐到天然酵母的微酸香氣。蓬鬆滑嫩，近似舒芙蕾的口感，熟成度完美，果肉呈奶油狀，無筋絡或黑點。加配煙三文魚鹹淡適中，突出三文魚原味。低脂卻不寡淡，適合健身人士。

📍THE COFFEE ACADEMÏCS (旺角)旺角亞皆老街8號朗豪坊4樓13號舖👉Truffled Forest Mushroom Cauliflower Rice (V)😋😋😋😋.8/5呢個炒椰菜花飯真係好特別，香滑又冇負擔，配合野 mushrooms，味道豐富。黑松露嘅香氣令整碗飯提升咗唔止一個層次，食落去口感好好，唔會覺得悶，你一定都會愛上呢個選擇，真係健康又好味！👉🏾Scrambled Egg追加25😋😋😋😋。8/5呢個炒蛋真係滑到不得了，口感輕盈，每一口都係柔軟嘅享受。加咗少少鹽同香草，味道更加出色，簡單但又唔失高雅。搭配埋沙律菜好好味👉🏾Sourdough Toast追加25😋😋😋😋。8/5呢個酸種麵包真係好有嚼勁，外脆內軟，非常好食。配上青醬味道更加出色！回頭:yesyesyes!!!佢嘅咖啡同食物我不嬲都好欣賞，所以間唔中都會去獎勵吓自己食餐好嘅💕💕💕💕

朗豪坊呢間cafe一向都唔少人食，佢個set menu都幾吸引，不過今日就主要叫甜品。特濃咖啡牛油Pancake這道菜由三塊厚厚的煎餅組成，甜甜的口感和特別的咖啡牛油搭配得相當不錯，加上杏桃肉粒和開心果碎的點綴。韓國蜜糖牛油吐司高推佢地咖啡義大利雪糕，雪糕的超濃咖啡味道讓人驚喜，搭配蜜糖牛油的香甜，滿足精選蛋糕有草莓乳酪，斑斕蛋糕和wallnut朱古力蛋糕。我選擇了Wallnut朱古力蛋糕。這款蛋糕的朱古力味道濃郁，但口感偏硬，搭配一杯咖啡，係一個下午茶選擇。

今晚約咗朋友喺旺角扮靚加食飯，我哋就喺朗豪坊間食晚餐.1.蒜香肉腸薄餅餡料豐富，成個薄餅充滿住辣肉腸同芝士，份量充足，超重蒜香味，隔成條街都聞到。餅皮脆身夠薄，辣辣地好惹味，值得推介。2. 喇沙椰菜花飯近排我最鍾意食喇沙，一上枱已聞到陣陣喇沙香氣，加上有蝦，魚餅，豆卜等等，吸晒喇沙嘅香味，味道層次豐富。配上近期最Hit嘅椰菜花飯，口感爽脆，低熱量低碳水，高纖幫助消化，適合一啲減肥嘅人，既好味又健康。3. 蟹肉野菜餅外層炸得金黃酥脆，裏面充滿蟹肉，外脆內軟，一咬落去就感受到新鮮多汁嘅蟹肉，再配合埋南瓜及各種蔬菜，Perfect match！！4.彩虹蛋糕色彩繽紛嘅彩虹蛋糕，係每個人都會喜歡,外觀顏色分五層，層次鮮明，夢幻嘅彩色打卡真係一流。鬆軟海綿蛋糕口感一流，配以鮮忌廉，味道香甜.

非常失望雖然曾經我喜歡的其中一個本地精品咖啡品牌，但目前的咖啡價格不低，品質卻非常一般。是不是品牌起來後都會這樣子的呢？罐裝冷萃應該是我喝過最難喝的咖啡之一，完全中伏⋯而且買咖啡的時候沒有問堂食還是外賣，坐下來卻走過來說他們家堂食有最低消費⋯想問一下既然堂食有最低消費，是不是應該在落單的時候就跟客戶說清楚呢？賣這個價格，但是咖啡水準連路邊小店都不如，服務態度也一般。這個品控和服務水平需要好好改善一下。

呢間位於朗豪坊入面，好方便，行完街係度飲返杯咖啡☕️同蛋糕，真系好爽！今日飲左杯限量飲品，🥥椰奶漸層宇治抹茶，好好飲，完全無唸過抹茶latte可以咁好飲，椰奶同抹茶非常夾！圍住杯邊既係蔗糖，飲落去好特別好有口感。🍰斑斕蛋糕都不錯，唔會好甜，有斑斕的香氣。🐔雞翼都好抵食，成5隻，而家每隻上面都有蜜糖🍯同杏桃乾，好味😋🥢THE COFFEE ACADEMÏCS (朗豪坊)🌏旺角亞皆老街8號朗豪坊4樓13號舖

The Café Academics (尖沙咀) 韓國蜂蜜牛油吐司吐司外皮酥脆，內裡柔軟，配上香甜的蜂蜜和濃郁的牛油，口感豐富。每一口都能感受到蜂蜜的自然甜味和牛油的香氣，非常適合搭配咖啡或茶。水牛雞翼雞翼配上特製的水牛醬，味道辛辣而不失平衡。雞翼的分量適中，適合作為小食或主菜。這道菜非常適合喜歡辛辣食物的朋友。煙三文魚煙三文魚片薄而均勻，口感細膩，配上新鮮的蔬菜和特製的醬汁，味道清新。這道菜非常適合作為前菜或輕食，讓人感受到三文魚的自然鮮味。菜式質量上乘，位置方便，岩曬附近行街行到累既朋友。

Prawn and Scallop Laksa PastaThis plate of pasta features prawns and scallops as the main ingredients, with a rich and flavorful laksa sauce that adds a bit of spice, making it very appetizing. The freshness of the prawns and scallops blends perfectly with the laksa, giving it a smooth textureSlow-Cooked Chicken BreastThe slow-cooked chicken breast is seasoned with a hint of red spices, giving it a unique flavor. It’s incredibly tender and the spice blend isn’t overpowering; instead, it adds a n

**📍 THE COFFEE ACADEMïCS（朗豪坊4樓）** 間舖環境幾chill，燈光柔和，裝修走簡約風，坐得幾舒服，啱晒同friend傾偈hea足半日。 **🦐 「帶子大蝦喇沙意粉」** 真心fusion得嚟有驚喜！意粉煮得al dente，掛滿喇沙醬汁，椰香同微辣balance得幾好，唔會一味死辣。帶子煎得嫩滑到識發光，大蝦爽口彈牙，份量夠晒大方，朋友食到lam lam脷，仲話「東南亞同意粉呢pair估唔到咁夾」！ **🐟 「廚師推薦」** 見menu寫「廚師推薦-當季食材」，心諗：「吓，Coffee Shop都有Omakase ？」條魚煎到魚皮脆卜卜，魚肉滑溜到似食緊豆腐，鹹香調味啱啱好。甜薯泥綿密得嚟帶天然甜味，夾埋菜同車厘茄，清新得嚟又唔會寡，食完唔會覺得滯。 **☕ 黑胡椒龍舌蘭拿鐵** 濃縮咖啡同奶比例拿捏得準，龍舌蘭糖漿嘅甜度低調，唔會搶咗咖啡嘅甘香，最正係面頭嗰浸現磨黑胡椒，微微辛香喺喉嚨尾段先滲出嚟，飲完個口暖笠笠。

約咗朋友喺旺角食飯成日都經過朗豪坊今次決定喺朗豪坊度輕食同埋飲咖啡座位都好開揚佢有set Menu,價錢都好合理有幾個唔同份量嘅set ，可以視乎當日想食嘅份量去叫佢都係用code 落單好方便我地叫咗一個set menu ，要咗魚，同埋叫咗一個帶子喇沙意粉帶子喇沙意粉勁香一放落黎已經聞到好香濃嘅喇沙味帶子同蝦都好食咁樣配意粉都好入味，都好有驚喜盲鰽魚雖然個menu set 要加錢佢個魚皮煎得又脆又香魚肉都好滑配埋蕃茄醬汁就好好味黎到coffee shop 當然要飲咖啡唔會令人失望