The 5B Private Corner

营业中

休息中

一行10幾人有大有細, 需要搵一個坐得舒適又唔需要限時嘅地方, 就選擇咗響荃灣工業區有線大樓附近工廠大廈內嘅cafe~ 西鐵站行過去其實都要15分鐘以上, 建議搭巴士響附近落車行入去會方便d. 套餐選擇都幾多, 乜都有, 照顧到唔同人既口味. 價錢非常優惠 ($118 $228 加一), 已經有餐湯沙律麵包main course仲有甜品餐飲。 今晚基本上大家都係主要嗌"春雞"同黑毛豬"呢d 大路野, 每樣食物水準我覺得都比一般cafe 為高, 比如期中既味道好好多呀. 我地亦都有加錢嗌小食同特飲, 淨係D花茶/果茶個賣相都夠吸引. 甜品仲可以幫你響上面寫字, 非常適合慶祝生日.用心經營嘅小店絕對值得再次光顧! 值得一提, 估唔到工廈都有泊車優惠  店內有HIGH CHAIR, 仍有一隻小木馬可以俾小朋友玩. 

早前出了一篇ok評給5b，因為包場的Team lunch教人失望，是日同兩位同事再食一次，看看有無進步先。十二點來到，只有兩三枱客，快快下了個set lunch就等食了。是日餐湯今日款式係意式雜菜湯，酸酸甜甜都幾好飲，可惜不太夠熱，個人喜歡熱湯。日式手撕雞飯配溏心蛋（$78）見到日式仲諗住有珍珠米食，點知都係絲苗米。上面手撕雞是凍食的，醬汁太多好甜，而飯也是半溫吞，有點生骨欠飯香。溏心蛋很流心，但不是味付玉子，本身無乜味。份量偏少，食完完全無飽嘅感覺，是我太大食加選錯餐了吧…失望。即磨咖啡咖啡很香，奶是溫過才上的，很貼心，總算是挽回不少分數。食物質素一般，店員態度傲慢，此幢大廈開了不少新餐廳，若要站穩陣腳真的要加把勁才行啦。

Was planning a re-union for uni mates and came across this cafe on the Internet so decided to give it a tryDecorations are nice and cosy creating a relaxed and chilled environment for people to enjoy and catch up with.Apparently they took a huge delivery order prior to our arrival so their kitchen was closed for whatever reason until 16:30 although their tea menu says food is served 14:30 till around 6.Apart from common coffee items such as latte and chocolate, the cafe also offers hand drip cof

因為有半價優惠所以特別去試下位置都有少少遠連住荃灣嘅朋友都覺得遠😅我就覺得還可以啦～不過第一次去真係要google map好早晚飯所以未有其他人，包左場揀左對窗嘅高櫈靜靜地～喺主餐牌度揀叫左黑毛豬扒同薯蓉焗大啡菇黑毛豬扒好好味呀～有得揀生熟度唔好全熟，只要8成就唔會太乾太鞋啦～加埋個蘋果醬好好味呀！絕對驚喜！大啡菇就偏鹹左少少薯蓉好好味～真係好開心！半價夠抵，但質素完全係超班值得再黎！仲見到其他人食餐牌無嘅生蠔添！我都好想食呀～

再一次透過半價優惠黎又係叫返黑毛豬扒配意粉今次另叫了一個burger黑毛豬扒今次食就無咁驚豔了～不過都好味嘅Burger就合格嘅～食食下，侍應不停過黎問我地飲唔飲野😅😅唔能我地因爲用優惠淨食唔飲唔得？！當然唔係啦～原來同我地介紹嘅係佢地嘅咖啡師黎佢好有心，同我地介紹左好多特別嘅咖啡飲品但我同男朋友都係唔飲㗎😛😛😛不過佢都好好心，照請我地食佢地新研發嘅brownie原味，朱古力，同咖啡味咖啡真係好香，而且唔太甜，超讚呀！小小的，剛剛好，為晚餐下個完美句號😊一定會再黎㗎我！

在永遠都cut唔到的cable有線旁的工廠大廈內，五樓B室。看著藍巴勒海峽的magic hour，賞心悅目。5B開業三年，儲有一班熟客。陳設文藝得來也親民，好些西餐書。靈感一發店東看來也是單車友。有本地藝術畫作，也有招牌打卡狗頭。座無虛席，越夜越旺。蕃茄湯很濃，配麵包一流。晚市$150左右一個餐，加$3X追加前菜小食。紐西蘭青口，忌廉香草汁極濃，送到幾碗飯。黑松露意粉，味道濃郁。漢堡，超飽肚之選烤雞配香蒜意粉，難忘那蒜白濃烈的意粉及那果醬汁。素食之選，焗波菜派+大啡菇，酥皮香脆，薯蓉綿滑。可加錢配CAFE特飲見微知著，用不鏽鋼飲管，大大力支持環保，大大力加分。連甜品也很優秀，cheese cake甜而不膩。

生日吃飯, 選擇屋企附近西餐廳, 此餐廳隱身於工廈裡, 但其黑毛豬, 口感鬆軟, 肉汁美味, 煮到剛剛好, 嘩, 美味無窮. 另外漢堡包, 是手打牛肉, 好juicy, 入囗即溶，正。還有菠菜餅，鬆脆好味。可自攜紅酒。正菠菜餅

今日生日, 同老公黎反哩度食! 之前黎過2次都覺得唔錯! 環境舒服所以反兜一下~頭盤有湯同沙律!另外叫左個白酒忌廉煮紐西蘭青口(5件)味道都唔錯! 但老公話有小小腥味! 主菜今次我地就叫左個牛扒同埋意粉!紐西蘭特級肉眼扒配牛燒汁配薯角!其實好重牛味! 食落去唔錯的!但店員就冇問到我地要幾成熟! 我自己覺得生左小小..都OK既! 而且勁多著角~ 正呀!另外係意大利黑松露什菌意粉好濃既黑松露味! 食落有啲漏! 最啱鐘意食濃味既人!最後仲有cheese cake做甜品!好滿足!...

為朋友慶生，幾個人嚟到朋友介紹的一間工廈西餐廳。一坐低逼覺得有兩對眼𥄫住我🤣假期都有lunch menu我地叫咗5個餐，餐配有一人一碗雜菜湯，都算好多新鮮雜菜粒。D黑松露什菌意粉-好香黑松露味，好味G蕃茄辣椒海鮮意粉-我覺得完全無辣味，無乜特別H白酒忌廉煮青口配法包-可惜青口有d韌I法式香草烤雞-雞有某d位煮得太熟，唔夠滑J香煮西班牙黑毛豬-黑毛豬有驚喜肉有咬口，配咗芥末醬，好好味！午餐配特飲可以半價，叫咗香橙薄荷梳打，檸檬蘋果梳打，同海鹽焦糖咖啡。呢間餐廳環境、食物、飲品都算ok，只係地點比較隔涉記得book位會比較好，假期都滿座的！

今日又偷懶唔煮飯，揀咗嚟隔離大廈嘅5樓，朝早已經打咗嚟留位，雖然我哋lunch 放12點半，比其他人早少少，不過都係留定位好d，如果唔係就有可能要坐窗邊高櫈位。雖然朝早喺facebook已經知有咩set lunch，不過佢係無寫明係咩餐湯。甘筍忌廉湯其實我唔太鍾意呢度d湯，每次都係乜乜忌廉湯。印象中只有一次係雜菜湯！黑松露醬油汁豬肉眼扒飯齋睇塊扒就知煎扒技術，有好大進步空間啦！個黑松露醬汁都算幾香，撈飯係唔錯!香煎鷄扒拌意大利蕃茄汁意粉呢個意粉個賣相就差d d ，個蕃茄汁個味又差少少鹹味！

年尾team lunch有成36人，次次都係去茶樓飲茶無乜新意，今年就搞左樓上cafe食西餐。預早book定枱落定單，上到去就坐低等食啦。先送上餐湯及沙律，南瓜湯味道清甜，沙律菜爽口新鮮（忘了拍照）。一枱十二人送上二十個蟹肉忌廉酥盒，喜歡的人可多吃一個。烘得香脆，味道不過不失，應該不是自家制，因為賣相味道都熟口熟面。接著是十件圈圈蝦春卷，這個份量也是比得很奇怪，因為不夠分就沒吃了。厚切牛脷印尼汁配白飯（$78）自己點了午餐C，厚厚的牛脷好軟腍，印度式咖哩汁好香口，有著椰香同花生香，味道其實買不錯，只可惜牛脷、醬汁、白飯都是凍的，實在不知在廚房預備多久了。香煎黑毛豬配香草忌廉汁（$118）同事的午餐E，即叫即煎可是等了40分鐘才有得吃，雖然薯仔醬汁都是凍的，但至少塊豬扒熱，煎得幾香口，旁邊的脂肪位好甘香。熱朱古力咖啡餐飲也是預先落好單，店員不停乎叫誰叫了那款飲品，場面搞笑。朋友的朱啡還可以，只是不太熱。熱伯爵菜拿鐵自己點了這杯，一睇顏色就知茶味不多，喝一口，果然只有奶味，而且也是凍的，為什麼呢？明明見著店員即沖的呀？最後還有甜品七件蛋糕，又是一個很奇怪的數量，十二個人自己分著吃吧，試了一

抱著一個想搵間坐得舒服又有嘢食有咖啡飲嘅地方，雖然呢間舖係就係偏僻啲，但志在舖內環境靚，亦有齊我想要嘅條件。此店位於工業大廈裡面，要搵的確唔容易。捐窿捐喇都總算搵到，即使大廈比較荒廢同簡陋，入到去裡面即刻耳目一新，又有窗望到海邊望到陽光，環境滿分。我哋喺四點九左右入座，點完餐之後上餐速度都尚算合理，食物質素都不過不失。之後見隔離枱啲嘢都到齊，我哋亦都食完，兩杯嘢飲都仲未到，覺得唔對路，問一問佢先再問返我哋叫咗咩飲品，心諗應該係漏單。不過佢一句sorry都冇，純粹即刻整返俾我哋，咁OK，算啦。我杯嘢飲最後五點四十五分先到，好肯定，因為我電話影相有顯示時間。換言之我哋用咗一個鐘先有飲品上枱。咁我係為咗有個地方坐吓做吓嘢，佢又有俾table water我哋，咁都算啦。放低咗杯咖啡冇耐，轉個頭就同我哋講「我哋六點做晚市㗎，唔係order晚市嘅就要離開喇」。咁其實妳哋係expect我十五分鐘飲完杯咖啡要起身走？特別係 杯咖啡又唔係特別好飲。話剛說完，開始乒拎嘭冷咁收嘢，我杯水都未飲就俾佢一嘢收走埋，好似要趕住清場咁，全間舖啲客見佢咁趕忙，都唔好意思繼續坐。我哋都不得已唯有離開，又要搵地方繼續做嘢

陪男友做完野突然想食個All day breakfast ,又身處荃灣工厦區, 就即刻上Openrice search下附近有無樓上cafe。揾到呢間見環境同食物賣相都吾錯,就立即決定去試試。雖然工厦位置不太就腳, 又正值星期六下午茶時間,但cafe仍然有六七成入座律,可見支持客不少。既然為All day breakfast 而黎,當然呢樣係必點。最開心係有我最愛的牛角飽,包微暖又香脆, 抵讚👍。炒蛋炒得很滑,質素屬於中上之作。因為不太肚餓,二人另外只多點了ㄧ份南瓜餅。驚喜係幾有南瓜味,吾會好厚粉,食落無肥膩感,不錯😋唯ㄧ敗筆係伯爵茶latte, 賣相好靚但味道極淡, 有點奶溝水的感覺😣Cafe環境佈置令人感覺好舒服,坐吧枱望住無敵大海景, ㄧ流!整體感覺非常良好,會再訪,不過下次飲品要試下咖啡,希望吾會再失望。

今早諸事不順，要去的物料店又未開，隨手按下電話找下hea 下的地方。原來在街尾就係 cafe 的所在。上到去8:00am 多當然係冇人啦! 加上店內做了一個大窗望海，所以也讓人豁然開朗。我點了 黑椒牛肉芥辣農夫包加一杯Latte 。包包上檯時是熱的，加上芥辣有點酸味味的調味，食起上來是很清新的。杯Latte 我雖然用了脫脂奶，不過唔落糖都很夠味;除了夠味就是很細綿。而不得不提是場內的佈置，其實景隨心致，有咁好的環境，食咩都是一種享受。

荃灣區人多車多食肆多但相對小店也很多，今次試下位於柴灣角街 工廈5B ( 5 樓 B室)簡潔的佈置，光線由窗外透入來，另人感很舒服。有很多適合大，小朋友既遊戲玩具今日叫左兩個set lunch,先來一個濃濃磨菇湯主菜係牛肉漢堡，上菜前已細心地分了一半。薯條甜甜的，看似很炸，内裡軟軟的，恰到好處。另外，也叫了一個黑毛豬，肉地鬆軟，也是配了甜薯條。飲品是即磨咖啡。這個牛牛奶器皿也夠吸晴呀！題外話， 雖然店内只有一，至兩名店員，但因為走cafe路線，除左基本餐具外，其他東西擺放在近窗邊，自已動手的。