The 5B Private Corner

营业中

休息中

5b private corner嘅位置比較偏僻，西鐵站行過去都要10分鐘，如果唔係朋友介紹我都唔會發現到。cafe裝修幾骨子，座位唔算迫，啱晒三五知己食飯傾計。今次lunch去有假日午市套餐揀，包湯包嘢飲，不二之選。今次我地揀咗太太最愛既黑松露什意同埋自家手打牛肉芝士漢堡。意粉有濃郁嘅黑松露味，睇落好似細細碟咁，但其實佢隻碟都幾深，夠哂食。自家手打牛肉芝士漢堡既牛肉味香濃，加埋菠蘿嘅鮮甜，令到個漢堡變得更juicy。特別一提既係佢既凍奶茶係用玻璃樽原枝雪凍，冇落冰既，可以保持到奶茶既香濃 ，鐘意飲奶茶既記住一試

想同朋友靜靜地共享晚餐，我相信呢間係唔錯嘅選擇，雖然地理位置相對上較偏僻，但勝在空間大又望到海，望海的話夜晚冇咁靚，建議日頭黎，感覺較舒服，個人亦都好放鬆。自家手打牛肉芝士漢堡，牛肉質感厚實， 中間有塊菠蘿，醬汁酸酸甜甜，食落唔油膩，加埋薯角夠曬飽。龍蝦汁燴意大利海鮮飯，鮮味十足，飯嘅質感較軟，蝦肉爽口彈牙，青口鮮甜。跟餐仲有湯，麵包同沙律，一個set都幾多嘢食架。黃金廣島蠔，蠔味好香，飽滿多汁，好好食🤤蜜糖雞鎚，雞肉嫩滑，外脆內嫩，鹹甜適中，調味得好好食。 朱古力心太軟，外皮香脆，內裡流心，屬於中上品質。

喺閒日百忙於所面對的繁重工作🙇🏻‍♂️不經不覺到了終於可以休息一刻既大假週☺️除左同朋友或另一伴四處遊走散心之餘😆尋找一個角落好讓自己放鬆心境☺️享受一個寧靜的下午時光亦至好不過☺️位於荃灣柴灣角街有一個工廠區5B私人角落⛔️🙉雖然距離地鐵站比較遠🙇🏻‍♂️但趁放假行下散下心☺️🚶🏻‍♂️從荃灣站A出口行愉景新城慢慢行過黎亦可到達的😆雖然聽落個名好似私人重地閒人勿進🙊⛔️但只要本性善良想尋找一個角落進駐靜靜☺️善心的5B角落主人都必會讓你進入👨🏻‍🍳讓你感受角落中的不角落☺️📘☕️而且相比舊年過黎都多左好多善心人進駐呢☺️😆All Day Breakfast 以雞肉腸、滑嫩炒蛋、薯餅、煙肉、茄汁豆牛角包以及田園沙律既配合🤤🥗🍳成為一份豐富既角落全日早餐😋🍴而配合奶香口感滑嫩既奶滑炒蛋更是一絕🤤🍳Cappuccino用Double espresso做啡底☕️😆濃郁咖啡配合多重香滑奶泡有著兩重味覺☺

今日接朋友仔收工，所以想係附近搵地方食晚餐，搵左5B private corner ,由於係工廠大廈內，所以好闊落，裝修以自然木系裝修，感覺舒服自然，近窗一排全部望海，所以好開揚又好坐。晚餐都係118蚊起，我地叫左龍蝦汁燴意大利海鮮飯，都好香龍蝦味，虎蝦好大隻又多，感覺唔錯，蝦爽身，意大利又唔太濕，幾好食。另一個餐叫左自家手打牛肉芝士漢堡，漢堡扒好厚身，約有吋半厚，加上一整片菠蘿片，加上厚厚嘅蕃茄片及酸瓜，所以好開胃，塊菠蘿可以解牛肉嘅膩感。薯條好大條又夠香。凡惠顧晚餐可加38蚊配小食，我地加左兩份炸廣島蠔，呢個廣島蠔意外驚喜地好好食，炸得好香脆，外脆內軟，好食到我地再叫多一客另外叫左個小食炸雞腿（$48) 同樣出色好味，炸到皮香脆又唔濃，好食最後加18蚊叫左咖啡雪糕Affagato 咖啡好香濃，超抵食好好飲。甜品叫左心太軟配雪糕（$38），一樣外層脆裡面暖，合格好好味。

星期日去食個all day breakfast, 真係好滿足。個牛角包好香，仲有薯餅，腸仔，煙肉，同炒蛋。真係超級豐富，可以滿足全日。另外，杯咖啡真係好香。係一個環境咁靚既地方慢慢食個早餐，飲杯咖啡，係好好既享受。

炎熱o既假日午後，獨個兒去o左間文青café 度消磨一番。呢間位於荃灣工廈o既樓上餐廳，用上木檯木地板，亦種o左唔少真o既植物盆栽，鋪頭播住《I can’t help falling in love with you》，情調唔錯。我見到有情侶o係度領下計，亦有人帶埋notebook o黎做野。飯日午餐先有一客餐湯，係蕃茄忌廉湯。上檯o既時候，侍應話係o岩o岩煲好，竟然即叫即整，有d surprised，通常出面大部份餐廳都係一早煲好一大煲。佢飲落幾creamy，比飲開o既蕃茄湯或者羅宋湯味甜。主菜我揀o左蒜香辣椒海鮮意粉($108 未加一)，配上紐西蘭青口同埋虎蝦。d 蝦肉尤其好食，虎蝦會比普通蝦o既鮮味更重，佢肉質結實彈牙，一碟有成三大隻可以慢慢品嚐。再加上兩隻青口，$100 頭成個套餐，感覺尚算抵食。意粉係我喜歡o既硬身口感，加入香蒜片去煮，辣度我俾微辣高一點，配上白肉海鮮剛剛好。餐飲點o左一杯凍flat white (半價加$15。如果叫一般奶茶咖啡唔使加錢)，比latte 奶泡會較少，質感幼滑。不鏽鋼飲管o係揸住o既時候雖然都真係會幾凍，不過望住餐廳裝飾d 花花草草，又諗番頭先

有朋友推薦過呢間餐廳，今次同朋友聚一聚就決定黎食下呢間工廈中的小天地。店內裝潢設計比人一種好溫馨同小小家庭感，令人感覺好放鬆自在！睇得出裝修同擺設都有用心安排，細節都好到位，再加上場內有提供多款broad game，好適合同朋友一齊聚會 係工廈開餐廳同埋keep到生意其實非常困難，由客人口碑丶食物質素到環境都需要做得令人滿意，先可以突圍而出。呢間餐廳既食物水準比到我驚喜，味道同水準都好高令我最滿意係呢個法式香草烤雞，超好味！皮好脆肉好嫩本來餐廳話要等40mins，但最後大約半個鐘內就黎左，即叫即烤熱辣辣呢個係自家手打牛肉芝士漢堡，味道同賣相都好不錯，塊牛肉食落岩岩好，吾會太濕或者太乾，薯條亦都保持到水準呢間既龍蝦汁燴意大利飯都好食，同好多同類型餐廳比，都絕對吾輸其他餐廳。我個人就覺得d飯剛剛好，但朋友個人口味就覺得有dd硬，但整體而言都令人滿意！

我嗌左個dinner set 店員推薦香煎慢煮西班牙黑毛豬，話好多人都會揀呢個，配既自家製蘋果醬幾特別，所以好快就聽佢推介揀呢個set😋 落完order好快就上沙律、包、餐湯！包唔特別，但湯都幾濃郁👍🏾黑毛豬八成熟，肉質軟稔同時有彈性👍🏾 重要又大塊又厚，油脂位比例岩岩好，令個口感有少少油嫩但又唔會嫌佢肥😋 佢個蘋果醬都好味 有一粒粒既蘋果蓉 估唔到甜甜地襯落個🐖度會好食😋佢好大塊，意粉份量都好多，所以其實係好多好飽🤣🤣呢個dinner set真係超級豐富！有餐湯、餐包、沙律、餐飲、主食、最後仲有甜品！柚子cheesecake 唔會太甜 芝士味濃郁 有粒粒柚子皮 好食！🍞🥗🍲🥩🍝🍰☕️ 一個人食咁多真係好飽有broadgame玩🤣

今朝喺荃灣工廠大廈區嗰邊開完會，我哋唔想食茶餐廳，之後咁都搵到一間樓上隱世cafe!入面裝修簡單，有好多書同board Game 比人玩慢煮西班牙黑毛豬配手工蘋果醬～唔韌有豬味～個芥末汁同蘋果醬值得一讚！同黑毛豬豬好夾，食起上嚟，甜甜的，冇咁肥膩蒜香辣椒海鮮意粉～蒜香汁做得幾好，香而不太辣～不過海鮮唔夠多，只有兩隻蝦兩隻青口同埋少少蜆日式燒汁手撕雞飯配糖心蛋～好中式～味道都唔錯，燒汁唔太咸～雞有啲鞋All day breakfast - Go Green~ 正常冇咩特別～蛋幾滑Hot Mocha ～咖啡同奶嘅比例剛剛好，唔錯！總括嚟講，如果有多啲時間呢度適合同朋友玩下遊戲，傾吓計，過一個悠閒嘅下午

去過好多Cafe都係旺角，通常都好多人或者要book定，今次比我發現咗一間係工廈區嘅高質cafe，非常高興！要分享下先講食物，假日套餐有超級多選擇，我都睇咗5分鐘先決定到叫咩食間餐廳有啲啲隱世，難得去到，梗係要食啲平時比較少食嘅嘢！所以點左個特別啲嘅自家手打牛肉芝士漢堡哇⋯⋯聽到個名都覺得吸引，自家手打喎！set包埋湯，個湯都唔錯呀！主角心心眼左！好大份！我哋兩個人食，餐廳好貼心咁幫我地分左兩份，唔使自己切到論論盡盡！重點係，個漢堡真係好高質！每一層都做得好出色！包個層又脆又鬆軟，牛肉嗰層同其他料都配合得天衣無縫，好juicy，食到舔舔脷啊唔怪得賣呢個價錢（個人覺得如果一個人食嘅話下午茶黎講唔算平），真係一分錢一分貨，係我暫時食過最好食嘅burger（無之一xd），好值得一試。除左呢個，仲點左兩個甜品，都係平時比較少食嘅：冧酒煮車厘子配雪糕！好好味呀，唔會酒味過濃，仲有好多大大粒車厘子！食食下啲色變到好夢幻好靚，好鍾意呢隻紫色xdd：另一個甜品係Affogato，之前都有係其他地方食過，不過通常都貴好多，今次因為跟餐加$28就食到，正！咖啡味好濃，我就麻麻地嘅，怕苦但配返啲雪糕啱啱好！

返咗6日工，終於有假放，決定逃離一下節奏急促嘅市中心，但又懶得去郊區⋯⋯所以決定黎工廠大廈搵下啲大啲嘅餐廳食個唔會有趕住埋單壓力嘅private corner. 之前聽朋友講呢度可以留好耐，有好多棋玩，係荃灣呢個鬧市嘅一個休閒好選擇。可能因為係工業大廈，所以係入口果度都搵咗一陣哈哈！我哋到步嘅時候已經係下午四點幾，但餐廳都仲有幾多人，仲有一台係貴婦與狗的聚會🤣🤣菜單上都有唔同嘅選擇，睇上去好吸引，不過今日好可惜冇我地想食嘅漢堡💔，不過我地都嗌咗其他嘢食，帶子同埋慢煮黑毛豬同埋蜜糖雞鎚。雞鎚係即叫即炸嘅，好香口。呢度除咗文青裝飾外，仲提供咗唔同嘅書籍，同埋board games。我地都玩咗好耐。呢度都不失為同朋友hea時間嘅一個好地方。

荃灣餐廳好多啦，但可以提供一個舒適嘅環境嘅餐廳真係唔係咁多，成日都要排好耐隊，等好耐位，食完就要好快走，無辦法啦，始終香港地鋪租真係好貴。知道喺荃灣西站附近嘅工廠區有一間裝修好文青嘅咖啡店，係朋友食過覺得幾好hea嘅一個地方，今日同朋友就去咗嗰度試吓，傾左好耐計，驚喜嘅係佢嘅食物質素真係幾優質。裝修係好文青好多裝飾既地方，擺咗好多桌遊同棋，我哋玩左好多鋪波子棋。叫咗兩個假日午餐，香煎帶子沙律，帶子煎得好香，好新鮮，啲菜唔係好似有一啲咖啡店咁樣只係得羅馬生菜，佢有好多火箭菜同沙律菠菜，好清新，最緊要係佢用咗日式嘅胡麻醬，成件事就好開胃。朋友叫果個套餐慢煮西班牙黑豚肉，侍應同我地解釋八成熟係最好食，上菜嘅時候都好驚訝，因為份量真係好足，我哋叫咗配意粉，有樣嘢好值得讚，就係呢間咖啡店唔會煮到啲嘢好濃味，夾硬迫啲顧客叫嘢飲，個意粉用橄欖油同香草炒香，跟埋慢煮黑豚肉同佢配嘅蘋果蓉及芥末。真係好好味。最後我哋玩左幾鋪波子棋hea咗成兩個鐘先走。下次叫成班朋友嚟先。

最近成日想搵間舒服嘅Cafe chill下 終於俾我揾到呢一間觀塘既Cafe叫左個香煎北海道刺身級帶子天使麵 $138佢嘅前菜最吸引既就係個蒜蓉多士 焗得好跪 啲蒜蓉啱啱好 之後個刺身級帶子首先好鮮啦 而且兩邊煎完 入面會好嫩 唔會乾 而且好鐘意佢可以自己加配醬 我加左tabasco 好昇華呀 而且麵唔會食左一陣就乾 另外每張枱都會有番茄醬 芝士粉 黑胡椒 真係好細心 為客人提供最適合佢自己嘅服務 最後配埋個花茶 真係人生享受 睇下書 食個蛋糕仔

放假同朋友嚟到荃灣想搵一間舒服、寧靜的Cafe，傾吓計，玩下board game !上網就搵到呢間The 5b private corner !private corner 即係解秘密角落！覺得幾有意思！就嚟試吓呢間cafe !由西鐵站行過嚟大概要10分鐘！由於係位於工廠大廈裏邊！有啲難搵！估唔到工廠大廈裏邊都會有一間咁靚嘅Cafe！cafe 的裝修擺設很別致！很喜歡他的木擺設！用木來做傢俬...好有家的感覺！俾人感覺好warm!我跟朋友兩個女仔share食！叫了一個set dinner 再加左兩個小食！套餐包括餐湯、沙律、主菜、飲品和甜品！都幾抵食！小食我哋叫咗薯角同雞鎚！主菜就叫左黑松露雜菌意粉！甜品食咗抹茶芝士蛋糕！所有食物都好有質素！比起好多Cafe仲要好食好多！仲要有好多board game可以玩！絕對係一個休閒的消遣熱點！服務員態度良好！值得推介！

平時好少入荃灣，難得朋友約我入荃灣睇戲,我地睇完戲就決定搵個cafe坐下，吹下水。於是我地就搵到呢間用5B課室做主題既工廈cafe 呢間餐廳既裝潢設計感覺好舒服 頓時變得慢活起來我點了主廚推介既香煎慢煮西班牙黑毛豬配自家製蘋果醬 好大份 平時好少食慢煮烹調既食物 感覺真係同平時就甘煎好大分別 肉質十分軟腍嫩滑 👍🏻另外值得推介既係佢自家製既蘋果醬同芥末子醬酸酸甜甜 十分醒胃 食甘多肉都唔怕溜另外我地仲叫左北海道帶子蒜香天使麵雖然呢道菜無咩特別 但勝在夠爽唔油膩 算唔錯成餐飯黎講份量算大 加埋前菜，餐湯，蒜茸包，甜品 成個set真係好抵食 餓底朋友可以試下