The 5B Private Corner

营业中

休息中

已一段時間沒來了，今天來到人山人海，跟我平常一早來到截然不同。有些親子上來，玩玩店內提供的益智遊戲(UNO、波子棋、層層疊等...)回想昔日的童年回憶。有些情侶上來拍拖，談談情說說愛。更有些朋友來到聚舊聊天，細聲講大聲笑。餐廳充斥着歡樂幸福的感覺。餐廳放了一些特色擺設，有梳化、掛畫、益智遊戲等，感覺真的像回到家一樣。餐廳假日都會有套餐供應（餐湯+主菜+飲品）。蕃茄湯足料，每一口都有蕃茄的鮮甜味。法式香草烤雞 - $148法式烤雞出來整整半隻雞，外皮脆薄唔油膩，火喉控制得剛剛好，烤至金黃色，雞肉嫩滑，聞落香味撲鼻。（不過製作需時約30分鐘）烤雞切開仲即時流出肉汁，雞肶肉質嫩滑，回味十足。蘋果醬食落清新香甜，配以香草烤雞一起吃真是如虎添翼。(真想買回家作醬料用)

適逢星期五晚，放假前約朋友嚟到荃灣工業區呢個秘密角落聚一聚。六道菜晚餐好抵食，只係比散叫主菜加多$10，就有齊蒜蓉法包，廚師餐湯，田園沙律，主菜，甜品(蛋糕或雪糕)，同埋餐飲。我哋叫咗兩份晚餐，一個北海道帶子蒜香天使麵，同埋一個香煎西班牙合模豬配薯菜。首先上枱嘅係餐湯，法包同沙律。餐湯係番茄湯，充滿濃郁嘅蕃茄味，最啱配埋香脆嘅法包一齊食。田園沙律嘅沙律醋酸酸甜甜，好開胃！北海道帶子蒜香天使面嘅帶子鮮甜爽口，天使面軟硬適中，食落有公仔麵嘅風味。香煎西班牙黑毛豬煎到八成熟，唔鞋口，配埋自家製蘋果醬及芥末醬一齊食，口感豐富。飲品方面，叫咗一杯凍檸茶，另一杯以半價轉左凍堅果薄荷青檸梳打。凍堅果薄荷青檸梳打有驚喜喎，充滿清新嘅薄荷味，完全唔係平時嗰啲藥水味薄荷飲品。食完法包、沙律、餐湯同埋主菜之後，我哋已經好飽，本來想試嘅蛋糕都放棄左，最後甜品我哋分別叫咗薑汁味同豆腐味雪糕。豆腐味雪糕充滿豆腐香味，好似食緊說凍咗嘅豆腐咁。薑汁味雪糕就辣辣哋，充滿薑嘅香味，仲見到一絲絲嘅薑纖維係雪糕入面，真材實料！食到一半cafe已坐滿人，好彩我哋早到呢！🤭

香港哋好多樓上cafe, 位於荃灣工廈的呢間都唔算難揾。如果是坐落於市區地舖，一定大排長龍！悠閒文青格調，除了有好多唔同種類game可以隨意玩外，仲有好多類別嘅書。餐廳周圍都有唔同嘅擺設，例如單車，坐地燈。。餐湯貌似冬蔭功，原來係蘿宋湯健康沙律，好大粒車厘茄呀！👏🏻🍽香煎低温挪威鮮三文魚柳配香草忌廉汁🍽厚度是一份三文魚扒，不是魚柳咁簡單。皮煎得好脆，唔肥膩，與香草忌廉汁好夾。🍸凍冬薑檸檬蜜🍸甜。酸。辣結集的凍飲，醒神開胃！最後有份甜品，可選蛋糕或雪糕。抹茶雪糕上加cream及碎nuts~ 就是加上呢一點小點綴，便令人感到餐廳的誠意，不是求其hea給的甜品！食飽飽，隨手拎起了scrabble同朋友一齊玩。開心滿足的一餐！

Cafe的盡頭有一排窗，可引入自然光，配上白色牆身及木製椅桌，營造出明亮簡潔的舒暢環境。擺放了綠色植物作佈置，感覺非常悠閒寫意。餐湯有濃厚的蕃茄味，酸酸甜甜，十分開胃。以半價優惠點了海鹽焦糖咖啡，味道不太甜，仍保留咖啡的原始風味。香煎慢煮西班牙黑毛豬配自家製蘋果醬配意粉 ($138)因為是黑毛豬，所以不用全熟。肉味濃郁，肉質鬆軟軟嫩多汁，帶有少許肥膏，使其肉質更香口，非常美味。很喜歡這個自家製蘋果醬，清甜開胃，十分清新，與黑毛豬一起吃有解膩之用。Cafe提供不少遊戲給客人借玩，令人放鬆心情，樂而忘返。真的非常適合在這裡悠閒地度過一個慵懶的週末。

同事見到荃灣工廠區有間cafe，可以望海，環境唔錯，就去試一試☺️👇🏻望出去既view👇🏻餐廳環境地方唔算好大，但都幾骨致4個人叫左三個餐同一份小食1. 北海道帶子蒜香天使麵天使麵蒜香味夠，但帶子仲有少少雪味，略為減分2.香煎西班牙黑毛豬個度職員推薦8成熟！我地問豬肉喎？唔係一定要煮到全熟先食得咩？佢話因爲佢啲豬唔係食飼料，所以無問題喎🙈但個人都係建議食返全熟😂3.香草烤雞呢個真心推介皮脆肉嫩，就算雞胸肉個位都好食4.黃金薯絲蝦外面既薯絲炸得好脆好香，但蝦肉麻麻，唔夠爽口彈牙

今晚放工去左一間喺荃灣工業區嘅樓上cafe。一入到去已經比個環境嘅裝橫吸引住。全部枱枱櫈櫈都係用木造，感覺好似去左大自然咁，身心頓時變得放鬆，正如其名Private Corner，好似一個私人嘅角落，可以放肆一陣。我問咗呢度嘅職員，原來最受歡迎係黑毛豬同埋燒春雞，但燒春雞係較早嘅時候已經賣晒，呢樣野令我有點失望。於是我就試咗呢度嘅自家手打牛肉芝士漢堡餐配薯角同田園沙律，因為呢度嘅漢堡出名都係足料大份，而且好受一般嘅上班一族歡迎。漢堡一上枱，我隻眼球已經不由自主咁望實佢，因為份量大，用料足。漢堡有蕃茄好常見，但佢呢隻漢堡仲有大大塊菠蘿！蕃茄加菠蘿令人更加開胃，食多多牛肉都唔怕啦！漢堡包外脆內軟。牛肉好厚，配上生菜同半溶芝士，好抵食呀！結帳每人$100左右，是非常相宜的晚餐價格。

以前曾經喺荃灣西呢邊上班，朋友同埋上司都曾經推介我食呢間cafe，我發現原來工廠大廈經常有驚喜！呢度嘅食物可以話係超水準高於一班。叫咗呢度比較受歡迎的西班牙黑毛豬配自家製蘋果醬。極力推廌個醬！蘋果醬酸酸甜甜，豬肉點埋醬食，個醬同肉出奇咁match，唔覺意食多左添！豬肉咁晏唔腍，入晒味，非常值得一試，另外可以選配薯角或者意粉。我地點左意粉啦。意粉煮得啱啱好，加上少少香草，唔會太腍又唔會太硬。一個完整嘅dinner set又點少得甜品呢？跟餐送蛋糕或雪糕。一個綠茶紅豆蛋糕食落感覺好似食緊雪凍左嘅豆沙包。紅豆大大粒，軟綿綿嘅蛋糕加上粉粉嘅紅豆，口感更有層次，另外的咖啡蛋糕食落好似雪糕，涼透心的感覺令我難以忘懷，還是最好學一口榛子朱古力鮮奶，香滑的榛子配鮮奶，暖進心匪，很是滿足。

早前放假難得空閒，揀左間隱藏於工廈的cafe，估唔到都幾多客人，每個角落都充滿好奇感，因為周圍都有好多裝飾，別具風格很吸引。等候都可以坐梳化位打卡影相，咸4內有一張大枱，亦有多張2-4人枱，近玻璃窗有數個單人吧枱位，望住海景，黃昏時分更迷人。假日套餐有10款選擇，有湯、主菜、飲品，還可加錢要小食及甜品，散點的食物都多選擇，但套餐感覺抵少少，因為可半價揀其他飲品。我點左全日早餐加精選蛋糕，轉埋半價飲品，好豐富好靚好滿足的假日美食。是日餐湯係蕃茄湯，有濃郁蕃茄味，微酸開胃，飲落帶少少辣，清爽唔膩，仲有好多蕃茄肉。all day breakfast 全日早餐 $98，有炒蛋、煙肉、雞肉腸、茄汁豆、薯餅、田園沙律、牛角包，可惜當日牛角包已售罄，轉了牛油多士。先大讚炒蛋，超級嫩滑，又有蛋香，份量仲幾多，配多士食都好正。煙肉一大塊，唔算油膩亦不太咸，有煙肉香。田園沙律加左醋汁，蔬菜新鮮爽脆好清新，份量再多會更好。雞肉腸有2條好夠食，微煎過，腸皮脆口多肉汁。茄汁豆係常溫，加熱會更吸引。薯餅就熱辣辣好香脆，加茄汁真係食唔停口。整個全日早餐都份量足，食完好full好正。精選蛋糕 +$18，價錢少少偏貴，

位於荃灣工廈區中，不容易找，真是有如其名，"private corner" 非常隱蔽的一家小清新cafe，環境寧靜舒適，佈置精美特色，旁邊有很多擺設、書本、桌上遊戲。周末工廈不會很多人，過來與好友共聚喝杯咖啡應該是不錯的選擇。有小食、沙律、單點主菜，我則點了晚飯套餐，包括前菜、主菜、甜品及餐飲，比較划算。首先前菜有餐湯、牛油法包及田園沙律。一人份量，新鮮的沙律蔬菜，雜菜羅宋湯，酸酸開胃的。北海道帶子蒜香天使麵：香煎帶子厚肉，肉質彈牙微嫩。天使麵麵條硬度剛好，不會糊稠。一向較喜歡蒜香汁，較香口且不太膩，吃到最底沒有浮起一層油，不過如果多點蒜蓉會更香濃惹味。不得不提就是甜品方面，蛋糕／雪糕的選擇，光是蛋糕，已經有數款選擇，忌廉海綿蛋糕、芝士或是抹茶芝士，聽到這裡，身為抹茶及芝士蛋糕愛好者，當然二話不說就鎖定了蛋糕。還以為會是普通味道、小小的蛋糕，怎知味道高質挺有驚喜的，抹茶芝士帶淡淡的抹茶香，濃濃的忌廉芝士。

今日放假去左荃灣，行到6點幾開始覺肚餓，用手機一search發現不遠處有間可以望到海景既cafe，梗係要上去試下😆晚上7:15左右上到去，嘩無諗過假期既工廠區都有咁多人，我想坐既海景長枱已經full左😑，只能坐係收錢旁的bar枱。一坐底就俾佢既六道菜晚餐吸引，除左主菜仲有牛油法包，餐湯，沙律，甜品同餐飲都只係118-228, 所以唔多使考慮下就order左個”煎封北海道刺身級帶子蒜香天使面”套餐。Order完唔使3分鐘就上左法包餐湯同沙律。餐湯係蕃茄湯，非常好飲，食得出係用左好多新鮮蕃茄番煮既。跟住主菜出場，三大隻帶子好吸引呀。帶子兩邊煎到金黃色，入面未全熟，可以食到帶子嘅鮮味😋食完主菜想order甜品，可惜因為太好生意只係剩返雪糕，有啲失望下揀左雲呢拿味，點知又有個小驚喜，除咗雪糕仲加咗啲曲奇碎，好味！餐飲我就加錢點左玫瑰latte，上面有少少玫瑰花瓣，幾靚，不過就稍為甜咗啲。

For me, it’s always difficult to find satisfying food in the industrial area in Tsuen Wan. Luckily, there is a coveted gem inside an industrial building that is walking distance from Tsuen Wan Plaza.I often come here for afternoon tea, sometimes I just grab a coffee, the place can be a little bit busy during lunch and dinner hours, at other times it’s a cosy quiet cafe with scattered customers and you can relax there.They have got like 7-8 afternoon tea sets, which include a main dish and a drin

做完嘢想搵個地方食lunch，係工廈區唔知食乜好，因為星期日好多地方都唔開，咁唯有上OpenRice睇吓，見到附近有間Cafe今日都照常營業，打電話去唔使訂枱，於是就走上去上到去餐廳都幾驚喜，裝修幾靚，原本以為係工廠區應該都唔會搵到呢類型嘅餐廳，更加驚喜嘅係竟然有海景餐廳有套餐供應，但今日唔係太想食意粉或者扒，所以就叫咗個煙三文魚炒滑蛋配牛角包 $52，個蛋真係超級滑，三文魚切左絲，用黎夾落個牛角包度幾好食，牛角包都幾鬆化，唔錯飲品叫左洋甘菊$38，配埋少少蜜糖，菊花味好香，而且一直有蠟燭keep住溫度，抵讚最好就叫咗件蛋糕，每日都會有幾款唔同口味嘅蛋糕，而我就揀咗焦糖布丁蛋糕，唔會太甜，味道都幾好，估唔到工廈區入面會有一間質素咁高嘅cafe

星期日放假係應該hea下，一向鍾意去Cafe既我就揀左 5B Private Corner，西鐵站出黎行一陣就到雖然5B Private Corner位於工廠區，但一入到去完全已經忘記咗自己係工廈餐廳裝修以淺色木為主，加上白色既牆身，簡單得黎又舒服，而我自己都幾鍾意呢種裝潢，餐廳設有吧枱位置，窗口係望到海景㗎望吓餐牌先，假期都有set供應，包括左餐湯，主菜同飲品餐湯係羅宋湯，酸甜度適中，唔錯！而我就揀咗個香蒜辣椒海鮮炒意粉$108意粉係用幼身既意粉，意粉唔會煮到腍哂，海鮮有青同虎蝦仁，份量都幾味，炒得都幾香幾惹味餐飲配左奶茶咖啡，如果想去其他飲品只需要半價，而我就加$15轉左杯Flat White，有心心拉花，個咖啡都幾好另外套餐+28可以配小食一款，而我就配左蜜糖雞鎚，標明左係冇激素㗎，個蜜糖真係蜜糖，唔係普通糖膠，味道都唔錯餐廳仲有供應board game，岩哂一大班朋友放工放假上黎聚聚

聽朋友講，佢係荃灣西個邊嘅工業區度返工，佢成日同我講佢中午食咗一間好好食嘅餐廳，叫做5B private corner。我地叫咗炒帶子天使麵、美國牛排、兩客蛋糕同兩杯嘢飲。入到去個環境同氣氛都好好，因為佢一來夠靜，上得來都係有心來追求享受嘅人，所以望住青衣海景嘅情況下食嘢，感覺真得很不一樣。而且店內除咗食野之外，佈置都好用心，仲有好多書同棋放咗係度，所以都有家長特意帶小朋友來慶祝生日。講返嘢食，個帶子天使麵幾好食，帶子夠鮮味，至於個牛排叫咗七成熟，味道唔錯，有𡁻頭。蛋糕呢，叫咗布丁同抹茶芝士，我較喜歡後者。另外，我仲叫埋杯黑椒薄荷咖啡，感覺好有趣。

我們在網上看到有松葉蟹腳意大利飯便來訂枱，但是來到店員卻說沒有。我們點了一個黑毛豬的午餐和一個全日早餐，全日早餐很快便來到但是黑毛豬等了大約 20分鐘， 黑毛豬有很多筋，很像香口膠，很難咬。全日早餐不過不失 。點了一杯荔枝玫瑰梳打和一杯熱榛子朱古力奶 可惜榛子朱古力鮮奶不夠熱。