Texas Burger (已結業)

放工約左男朋友去旺角，想搵個環境舒服又清靜d既西餐，於是決定食Texas burger，係好靚係天幕底下，同鍾意既人共晉晚餐，零舍開心，加上餐廳得幾張檯，唔算滿座，店員安排左我地坐好靚既圓拱型卡位，好似有自己既空間咁，可以靜靜地兩個人傾下計。之前黎試過，覺得好多選擇，今次仲多左新野，見到個Lego burger好吸引，一於試下佢！Brick cheese burger$88創意度：⭐️⭐️⭐️⭐️⭐️賣相：⭐️⭐️⭐️⭐️⭐️味道：⭐️⭐️⭐️⭐️塊包好軟綿綿，加左超juicy既beef pattie，2塊薄薄又咸香既pastrami，配埋cheddar cheese同生菜，層次分明，恰到好處。Tex-Mex mini crab cakes$88/3pc賣相：⭐️⭐️⭐️⭐️味道：⭐️⭐️⭐️⭐️⭐️蟹肉同芒果原來可以配合得天衣無縫，蟹肉本身有d乾、加左芒果即刻juicy左，好好味！Chef daily pasta$118賣相：⭐️⭐️⭐️味道：⭐️⭐️⭐️⭐️烤雞肉其實好好味，有蜜糖味，又燒得個皮脆脆地，芝士意粉都好味既，但略嫌有少少膩，好快會好飽。飲品揀左黑牛同普通的凍檸茶。如果想係個舒適既環境食野，又鍾意食burger既，好推介黎呢度一試

今日同朋友運動後在旺角行街，行到朗豪坊12樓感覺有點餓，朗豪坊中西美食應有盡有，我們剛好經過Texas burger，門面真的好吸引我，裝潢格局好有美國酒吧感覺，環境舒適，雖然唔算大，但光線光猛，我們選坐前面一排三個梳化卡位，佈置好優雅呀最啱打卡，坐位又非常寬躺滿有私人空間好適合聊天，抬頭望上去玻璃天花又如身在玻璃花房好靚。打開餐牌是美式食品，美式漢堡最具餐廳代表，有十多款不同口味，另有墨西哥風夾餅、甜品和飲品。我們叫了個燒龍蝦芝士牛肉漢堡+薯條，一上枱相機食先 ，Burger夠曬大分大，賣相誘人層層分明餡料十足，麵包烘得十分香口，牛肉漢堡厚身好重牛香味又juicy不油膩。炸薯條即叫即炸上桌時仍然熱辣辣，炸得外脆內軟又香。香煎牛腹扒沙律面放了香香的牛腹扒，下面是新鮮沙律菜配上酸酸甜甜黑醋醬汁好清爽開胃。再來一杯洋甘菊淡淡的凊甜味入喉回甘，聞一聞心情放鬆。總結來說餐廳地點方便，環境優美，服務親切，餐廳亦好貼心有素食供應，食物分量大大件，真的好抵食。

好耐冇食burger，上網一search原來朗豪坊有間burger shop幾正，趁住weekend同朋友試一試先餐廳位於朗豪坊頂樓，去到雖然已經三點，但仲要等一陣位硏究左menu一陣，見到有個燒溶岩芝士牛肉漢堡($168)，寫住限量供應wor，聽落已經流哂口水，點都要試試堅好食！！！大大舊龍蝦肉夾係漢堡入面，食落飽滿鮮嫩多汁芝士味又香，係我今年食過最惹味既burger, 同朋友一齊share 我一向情迷墨西哥野食，今次見到menu都有，點黎試試先，要左手撕雞Quesadila, 份量遍細, 完全適合一個人食哂，不過比起一般墨西哥野呢份Quesadila唔會太heavy原本想叫鹹蛋黃薯條，可惜賣哂，唯有要份黑松露薯條補番，熱辣辣既小食令人份外滿足要左兩杯咖啡消消食

家姐介紹我試呢間朗豪坊嘅漢堡店《Texas Burger》，果然無介紹錯！Texas Burger喺正朗豪坊天幕sky bar底下，食嘢好有feel🥰店面唔算好大，但係係開放式，所以空間感會相對高。菜式走美國style，有好多墨西哥菜🇲🇽依家啲漢堡包郁啲就過百蚊，呢到唔使不特止，仲好味又飽肚，而且仲好啱打卡添👍先到收銀處點餐俾錢，店員會送餐到你枱～磚塊芝士漢堡 ($88)Brick cheese burger- Beef patty, cheddar cheese, pastrami, lettuce一入嚟就俾佢嘅磚塊芝士漢堡吸引咗。Lego形狀嘅burger好特別，啱晒打卡。尤其是佢個舖位正正就係對住間lego store，食嗰時更加有feel haha原來brick burger嘅顏色係不能自選嘅，而呢日嘅指定顏色就係橙色。做法唔複雜，上下各一片麵包多士，用麵包切成四個圓形，用沙律醬痴喺面頭多士上面，就做到lego嘅外形喇🧱成個漢堡嘅配搭幾豐富，有漢堡扒、cheddar cheese、熏牛肉、生菜。牛肉漢堡扒多汁易咬；熏牛肉牛味重，又鹹鹹地；再加上溶化咗嘅車打芝士，三者配合埋一齊，

同屋企人去旺角食晚飯，我地去左朗豪坊頂樓食美式漢堡，環境舒服之餘，漢堡亦都好好食！呢度既漢堡有好多選擇，除左傳統既口味之外，仲有一啲好邪惡既選擇！我地就揀左呢個極邪惡既煙燻鴨肝牛肉漢堡，鴨肝好creamy，牛肉漢堡好juicy，用烤到香脆既包夾啲料，再一大啖咁咬落去，好幸福啊！我地仲加左36蚊轉套餐，有薯條、酸青瓜同埋飲品。另外，我地仲叫左個軟殼蟹牛油果醬牛肉漢堡，軟殼蟹烤到好香脆，而且好多肉，加埋creamy既牛油果醬，正啊！

分別係天后、荔枝角同旺角都有分店既Texas Burger質素不嬲都唔錯，今次去到係朗豪坊頂層既旺角分店食晚餐😆每人揀左款Burger再加埋做套餐，另外仲叫左個小食添😜真係食到好飽🤣軟殼蟹牛油果醬牛肉漢堡 $108漢堡包先搽上牛油再烘到暖笠笠，中間夾有原隻軟殼蟹、溶化既車打芝士同埋細細塊既牛肉漢堡，上面再搽上滿滿既牛油果醬😜，一切落去已經咇哂出黎😂味道幾清新；而軟殼蟹既蟹味都幾出。另外配搭左千島醬較惹味。德州燒烤牛肉漢堡 $88呢款漢堡難怪係佢地既招牌漢堡😛份量十足邪惡度都十足🤣，中間夾住炸洋蔥圈、煙肉、芝士、軟嫩既牛肉漢堡同生菜，所以成份漢堡好厚身，再加入燒烤醬，好有美式風味。跟餐可以有三款選擇，分別係加$36、$56同$66，三款都會跟炸粗身連皮薯條、酸瓜，分別就在於$36會配一般飲品好似檸茶、伯爵茶呢啲；$56會配啤酒、黑牛/白牛，至於$66就會配精選奶昔/瑪格麗特。墨西哥咖哩酥角配薄荷乳酪醬 $48/5隻

時常都是晚上來光顧，今次就襯放假來吃個日光午餐。原來日間時候的Texas Burger感覺完全不一樣，開揚清新，感覺醒神。桌上有餐廳推介，看似有趣，所以各點了一樣試試。《磚塊芝士漢堡 $88》此款漢堡以麵包代替傳統漢堡包，更是隨機取色，顏色吸睛。之餘還以lego造型夠特別。麵包厚身而且焗得兩邊微脆，牛肉味香，肉平中拌了洋蔥增加香甜和口感。另外還有玉香薰牛肉，嫩身不韌，邊位有黑椒調味；車打芝士半溶狀態香口惹味，當中還夾著少許生菜。「升級套餐+$36」薯條+酸青瓜 - 粗身美式薯條連皮特別香脆，而酸瓜就很醒胃。《凍cappuccino +$12》《墨西哥芝士燉牛肉醬配玉米薄脆 $118》燉牛肉醬汁夠香濃，可選配特色飯或脆片。牛肉入味不韌，連汁下飯一流，而配脆片的話就有香脆微辣的惹味口感。《招牌芋香奶昔拼窩夫 $98》紫色迷人，賣相吸引，沿邊有朱古力碎粒，再放上兩片加上了忌廉和雜果的窩夫，當餐後甜品也不錯。

悠閑中午, 上左黎朗豪坊Texas burger靜靜地嘆下! 而且有個露天環境有自然光, 坐落非常舒服😌burger種類好多, 另外仲有唔同既sidedish同小食而burger可以跟套餐, 會有薯條同飲品, 非常抵食, 我都揀左杯特色奶昔👍🏻德州燒烤牛肉漢堡! 非常之厚, 而且中間既漢堡扒好厚身! 仲有芝士、煙肉、同炸薯圈! 材料非常豐富👍🏻食落非常juicy, 而且佢加左醬汁, 甜得黎充滿三色椒既香，加上蕃茄同生菜, 非常清爽佢既薯條同酸瓜都好正, 薯條粗身炸得外脆內軟; 青瓜爽甜得黎微微帶酸👍🏻飲品+12蚊點左杯berry love係一杯雜莓奶昔! 味道好似士多啤梨味既瑞士糖😂加左忌廉入口超滑, 而且唔太甜, 超正!

坐都喺朗豪坊最頂層，一上扶手電梯就見到呢間餐廳。座位唔太多，不過唔太需要等位。叫左德州燒烤牛肉漢堡加$66轉左套餐。有薯條同奶昔。個burger都幾大件，一切個牛肉，就勁多肉汁別出嚟，勁juicy。配埋洋蔥圈嗰啲一齊食好好味！之後叫咗墨西哥芝士夾餅同埋水牛城炸雞翼。個tacos好多餡料，有我最鍾意嘅牛油果醬，個皮揀咗脆既好食！另外其實個雞翼就咁唔點任何汁食，都已經好食因為好入味。有Tabasco同千島醬可以點。

餐廳位於朗豪坊頂層open area, 客人有較大嘅空間感，對住MINISO X MARVEL Store, 可以一邊用餐，一邊欣賞Hero嘅身影。水牛城香辣炸雞芝士漢堡炸雞大塊香脆，內裏肉質唔會太乾，爽口青瓜同兩大塊芝士， 用水牛城辣醬點緻，味道甚佳。金黃鹹蛋黃薯條配雜莓酸甜醬鹹香熱潮捲起，連薯條都可以有咸蛋黃味。薯條炸得好金黃，薯味都十足，但每條沾上咸蛋黃粉可以更多。 如果覺得太膩，可以點上雜莓酸甜醬，會更為開胃。墨西哥芝士夾餅叫咗軟嘅芝士餅，夾上幼嫩嘅香炒豬肉，配上生菜蕃茄，入口軟綿多汁，極力推介。Green Tea Waffle Milk Shake想飲嘢但又想食甜品，可以揀呢個窩夫綠茶奶昔。綠色甜得嚟帶D苦澀，飲落帶有綿綿嘅感覺，係我最愛嘅口感。Waffle 有兩大舊，咬落香軟可口。最重要係造型夠哂靚，啱哂打卡。

都有一段時間沒食過美式漢堡了，好掛念漢堡排的味道，咁啱今日係朗豪坊行開街，就去了呢度最頂層呢間TEXAS BURGER食晚餐！餐廳坐位係開放式，空間比較開揚。黎得呢度梗要食漢堡啦，於是叫了德州燒烤牛肉漢堡，仲升級變成套餐添，有是日精選奶昔、薯條同酸青瓜。另外還叫了墨西哥風味的烤焗芝士粟米脆片配香辣肉醬和招牌芋香奶昔拼窩夫，今晚食一個美式feel的晚餐啦。今日啲奶昔好快到，呢杯係是日精選raspberry奶昔，顏色粉粉嫩嫩，仲有一隻蝴蝶係cream上面做裝飾，好靚好有少女feel，口感好smooth，味道酸酸甜甜充滿raspberry味。而呢杯咁靚係招牌芋香奶昔拼窩夫，迷人的粉紫色頂上加上草莓同吱滿cream的窩夫，認真夠氣勢，淨係影相都值回票價啦。窩夫香脆加上香甜的草莓同cream都幾好食，而奶昔口感好滑又有好香濃的芋頭味，好味，真係睇得又食得。呢個係鐵pan上的烤焗芝士粟米脆片配香辣肉醬。脆卜卜的粟米片上沾滿熱到溶晒的芝士，再配上辣辣地既香濃又惹味的肉醬，認真好食。而且仲加上牛油果醬、蕃茄洋蔥粒同酸忌廉，令整體外觀及味道上變得更吸引更fresh。最後係今晚的主菜有幾寸咁高的德州燒烤牛

今天去購物，肚餓，就來到一直想試的TEXAS burger try 下個芝士流心漢堡跟家人分享一個，剛剛好，很好吃，比例剛好可以加多點菜，番茄奶昔也沒有選擇，不點，自己回家整

Texas Burger 每次經過朗豪坊最高層都想去食，一直講到依家終於去食啦！佢就係LEGO 店對面，一上電梯就見到，位置十分方便。水牛城炸雞翼及棒棒雞 $58有2隻雞翼同2隻雞腿🍗，經過油炸又變得香口，咬落入面仲有啲肉汁，唔會太乾。仲有2種醬汁可以點，各有風味。德國燒烤牛肉漢堡 $88+套餐$36加咗套餐就會有多一杯飲品、一個薯條🍟同一條酸瓜。佢入面有炸洋蔥圈、成寸厚既牛肉漢堡、煙肉同芝士。食落有好濃郁嘅燒烤味，漢堡包🍔皮軟身，易於入口。煙燻英國車打芝士牛肉漢堡 $78以為同德國燒烤牛肉漢堡既味道相似就錯了，雖然餡料有相似之處，但呢個車打芝士味絕對吸引，更加可以食到牛肉漢堡嘅味道。芋香窩夫奶昔 $98呢個係夏季限定，見到有抹茶同芋香，就揀咗芋香。窩夫有質感較硬身，而奶昔都幾入味，飲落啖啖芋香味。

喺附近做完運動，上朗豪坊搵嘢食。搭長電梯去到最頂，見到呢間burger店，成日夜晚都好多人食，所以就來排隊試試。-燒龍蝦熔岩芝士牛肉漢堡成大大嚿龍蝦，真材實料，唔會好似外面剁碎哂，真係食到龍蝦嘅鮮甜味。再配合juicy既牛肉，厚度又啱啱好，加上我係一個芝士控，真係無得輸！加$36升級左套餐，有嘢飲薯條同埋酸瓜薯條熱辣辣，外脆內軟！-另外叫咗一個帶子青辣椒意粉青辣椒汁嘅意粉好少見，食落都幾辣，不過辣得來又幾好食幾惹味！-見到隔離枱叫左啤酒，下次happy hour都可以嚟飲杯嘢🍔

朗豪坊12樓呢度有間好chill嘅美國菜。🇺🇸 另外亦都有賣少少墨西哥菜。⁣⁣⁣🇲🇽⁣⁣⁣磚塊芝士漢堡⁣⁣ ($88) ⁣⁣⁣⁣⁣⁣⁣⁣⁣⁣⁣呢個漢堡包個賣相非常特別。🍔 而且有趣在於有三款唔同嘅顏色可以揀，個麵包嘅外型就好似啲lego咁。🧱 入面除咗夾住多汁嘅漢堡扒，車打芝士，同埋生菜，仲有一大塊烤牛肉，好啱食肉獸。⁣⁣⁣😙⁣⁣⁣墨西哥芝士夾餅 - 軟皮 ($53) ⁣⁣⁣⁣⁣⁣⁣⁣⁣⁣⁣呢個芝士軟餅入面，夾住大量嘅芝士同埋蘑菇。🍄 一拉就有好多拉絲，超滿足。⁣⁣⁣🧀⁣⁣⁣德州燒烤牛肉漢堡 ($97) ⁣⁣⁣⁣⁣⁣⁣⁣⁣⁣⁣漢堡包入面同樣都係夾住漢堡扒等等嘅配料，另外更加有埋煙肉，係一個好經典嘅食法。😆 雖然都幾有都幾有罪惡感，但係跟咗套餐，配菜除咗有薯條之外，仲有呢個原條酸青瓜，更加正宗。⁣👍🏻⁣