Texas Burger (已結業)

Texas Burger 每次經過朗豪坊最高層都想去食，一直講到依家終於去食啦！佢就係LEGO 店對面，一上電梯就見到，位置十分方便。水牛城炸雞翼及棒棒雞 $58有2隻雞翼同2隻雞腿🍗，經過油炸又變得香口，咬落入面仲有啲肉汁，唔會太乾。仲有2種醬汁可以點，各有風味。德國燒烤牛肉漢堡 $88+套餐$36加咗套餐就會有多一杯飲品、一個薯條🍟同一條酸瓜。佢入面有炸洋蔥圈、成寸厚既牛肉漢堡、煙肉同芝士。食落有好濃郁嘅燒烤味，漢堡包🍔皮軟身，易於入口。煙燻英國車打芝士牛肉漢堡 $78以為同德國燒烤牛肉漢堡既味道相似就錯了，雖然餡料有相似之處，但呢個車打芝士味絕對吸引，更加可以食到牛肉漢堡嘅味道。芋香窩夫奶昔 $98呢個係夏季限定，見到有抹茶同芋香，就揀咗芋香。窩夫有質感較硬身，而奶昔都幾入味，飲落啖啖芋香味。