TC Bistro (已結業)

成日去新蒲崗，竟然冇留意到呢度有間隱世西餐廳: TC Bistro餐廳唔係好大但係好滿座，記得要訂位。龍蝦湯（$68）香濃有蝦味，隨湯附送的麵包都好好食。牛油果帶子沙律（$118）牛油果帶子沙律都幾大碟，沙律菜好新鮮，加咗油醋汁嘅沙律新鮮爽甜，牛油果好足料，仲有煎帶子，呢個沙律好健康。接下落嚟就係今晚嘅主角，威靈頓牛扒。正常份量係四人size，但如果想食少啲可以預訂一人份（$298）。呢個係一個英國名菜，將牛扒搽上鴨肝醬，再加酥皮焗烤而成。酥皮充滿牛油香，牛柳夠淋，仲有伴碟蔬菜，味道唔錯。

講起威靈頓牛排，相信好多人都諗起一位好出名既英國廚師同埋佢呢排係香港新開既店，但其實係香港呢個美食天堂，只要大家用心發掘，就會發覺坊間會有唔少既選擇，而且抵食同埋幾高質。今次我同朋友行埋商場走去試左呢間餐廳。店入面裝修幾精美，D杯碟同埋MENU既設計都幾精緻，可以係個碟到睇到牛既不同部位既肉係點分法。我地叫左威靈頓牛排($298)加$50可轉套餐，配沙律、湯和飲品同埋加拿大海膽龍蝦忌廉意粉($162)。呢到威靈頓牛排符合左我心目中既三個標準，第一係酥皮夠脆，第二係牛肉係medium well，第三係牛肉係用靚既菲力牛排，咁樣呢個威靈頓牛排食落就會多汁，當汁入左酥皮入面就會成道菜變得好協調，而且唔會有渣同埋咬唔開，令人食完再想食。加拿大海膽龍蝦忌廉意粉雖然份量睇上去不多，但勝在煮得好同埋用料好，意粉不會overcooked有D咬口，而海膽係用加拿大既，鮮味十足，配上Creamy實在高質。下次可以再黎試埋其他，例如肉眼排同埋龍蝦。

威靈頓牛柳聽就聽得多但係從來都冇食過因為唔係好多餐廳有得食無意之中發現到呢間餐廳威靈頓牛柳有好多好評所以今日就約埋男朋友黎試吓餐廳位置喺Mikiki商場隔離好容易就搵得到雖然佔咗兩個鋪位但係都好滿座所以大家記得提前訂位仲要記得預留威靈頓牛柳如果唔係賣晒嘅話就冇得食㗎啦龍蝦忌廉汁海鮮意大利飯兩隻蝦大隻新鮮得黎又爽口但入面仲有帶子，蜆肉，魷魚🦑龍蝦味夠香濃而且啲飯食囉夠煙銀所以好有口感吉列炸魚薯條🍟其實本身冇諗住叫小食但係見到隔離枱叫咗炸魚薯條賣相非常之吸引所以最後忍唔住都叫返一個炸魚薯條份量好大份價錢亦都唔貴只不過係$78呢個份量再加呢個質素可以話係好抵炸魚薯條即叫即炸食落熱辣辣脆卜卜薯條食落真係有薯仔唔會得空氣吉列魚柳外層炸得非常鬆脆亦都唔會炸到又乾又硬再加埋沙律醬真係好好食威靈頓牛柳 一人份呢個係我期待已久嘅主菜果然冇令我失望除咗顏值，味道都一樣攞滿分💯切開嘅時候已經感覺得到外層有幾咁鬆脆然後入面嘅肉質慢慢流出嚟要做到呢個效果真係唔容易最重要係食落口嘅時候外層鬆脆，內層鬆軟從來都冇食過咁鬆軟嘅牛柳雖然牛柳睇落好似好生但識落一啲血腥味都冇而且牛柳同埋酥皮之間落咗大量蘑菇蓉所以食嘅時候食

I came to the newly opened mall Mikiki and right across the street is this steakhouse. We had 4 people and came in on a weekday for dinner. It was slightly early and there were already 2 tables of people dining. The host got us a table and bought a jar of lemon water. We ordered their signature Beef Wellington, a Ribeye, Roasted Chicken, pasta, and risotto. The Beef Wellington was perfectly made- covered in a pastry and the steak was so juicy and tender. We ordered a medium well done Ribey

提起威靈頓牛扒，肯定唔會聯想到新蒲崗，今日寫既餐廳正是位於這個傳統舊區之上。驟眼睇，似是一個麵包而己，實際上它是威靈頓牛扒，外層有一層香脆酥皮，一咬下去還感受到Juicy的牛柳。d肉嫩滑多汁，所以今餐實行多肉少菜。配有洋蔥圈，咬下十足，香脆可口而且色澤都好吸引，唔見有燶，處理得唔錯！黑椒薯條，薯條即炸，新鮮熱辣我覺得唔加茄汁已經可以入口，免得蓋過薯條原有既味道。食完咁多熱氣野，最後叫多個沙律中和返。

mikiki 附近既餐廳～平時只覺得多麵店🤣原來有好野食都唔知～門面幾靚仔，但不算好大，容易走留眼🤩入面裝修型格，位之間闊落。主菜加$50 轉套餐有湯、沙律同飲品友人提前一日已經預訂左一人份量嘅威靈頓牛柳吉列牛油果🥑牛油果愛好者，未食過點樣可以吉列法，上枱分量十足～炸到每條都金金黃甘～即叫即炸小心熱🤭入口香脆，口感勁似食炸蠔，好有驚喜，值得一誠。白酒煮青口，撞正特價$88，青口嫩嫩的，而白酒汁很惹味，再配上法包食一流。牛油果🥑沙冰大大一杯～非常大方，好香牛油果🥑牛奶味，兩者配合得好好，好柔滑，又唔會太甜。是日沙律沙律菜好新鮮，醬汁好味👍🏼是日餐湯南瓜湯也不錯威靈頓牛柳明明係一人份🤩太大件喇！足夠2個人食，酥皮好鬆化，好香牛油味，外型好靚仔切開唔會熟透，7成熟得岩岩好，入口牛柳軟腍腍😱😱又一驚喜，夾埋酥皮食真係好味道。伴碟嘅有薯仔粒、炸洋蔥圈、粟米等...非常豐富。 最後送甜品！焦糖燉蛋💓甜甜的焦糖燒得薄脆，燉蛋質感幼滑，食埋甜品🍮好滿足！

之前一直都想試威靈頓牛柳，竟然搵到屋企附近有間TC Bistro有一人份量嘅威靈頓牛柳，餐廳燈光暗暗地，雖然唔係好大，但氣氛relax，坐得幾舒服。 我地叫左：-牛油果帶子沙律🥗-加拿大海膽龍蝦忌廉汁意粉🍝-威靈頓牛柳/1人🥩 ▫牛油果帶子沙律🥗牛油果&帶子都係我地好鐘意食嘅野，🥑牛油果順滑香濃，帶子大粒鮮甜，不過得3粒少左啲，沙律酸酸甜甜好開胃⠀▫加拿大海膽龍蝦忌廉汁意粉🍝海膽鮮甜💛每條意粉掛有龍蝦味 不過作為重口味嘅我地表示可以再濃郁啲😆⠀▫威靈頓牛柳（一人份）🥩重頭戲黎喇！一人份量都唔細，🥐外層酥皮好鬆脆，好香牛油味，切開係好軟腍嘅牛柳，熟得平均大部分都仲係粉紅色💕，而酥皮同牛柳中間有一層磨菇蓉🍄，增加香味。

今日收工去咗新蒲崗約咗朋友，攞啲嘢俾佢，順便餐飯傾吓計，朋友想食牛扒，我哋就上網search下新蒲崗邊度有牛扒食。search 到呢間，d相都幾吸引，價錢就唔算十分平，不過一餐半餐，OK啦！所以我哋就去啦⋯⋯係時候叫嘢食啦，睇睇個餐牌先。。。我哋叫咗兩個套餐，加咗$50有餐湯，麵包，沙律，嘢飲。沙律有無花果，同埋個汁酸酸甜甜，非常開胃。今日餐湯係西蘭花忌廉湯，淡淡的西蘭花味，而且一啲都唔膩。美國安格斯肉眼扒12安士 $278我哋叫七成熟，果然黎度真係七成熟，有時好多餐廳叫七成熟，塊扒想上枱係好熟嘅，肉質變咗好硬，但呢間OK喎，真係足七成，而且肉質非常鮮嫩，好味呀！加拿大海膽龍蝦忌廉汁意粉 $162海膽味好濃，而且有好多塊海膽，你都幾足料！最後黎個甜品，焦糖燉蛋，唔係好大杯，不過幾好味，夠哂甜！估唔到新蒲崗都有一間咁出色嘅扒店，媲美尖沙咀，中環區一啲貴價嘅扒店，呢間值得推薦！

很喜歡吃 Beef Wellington，奈何這道菜很考功夫，不是有很多餐廳提供。看到報導新蒲崗這間新開的西餐廳有這道菜式，所以就訂位來解解饞，想吃威靈頓牛柳要訂位時預先說明哦～主菜加$50可轉套餐，有沙律、湯和飲品。加了果醋的沙律菜新鮮爽甜，吞拿魚的外層微微炙過將香氣迫岀，使得人胃口大增呢是日餐湯是西蘭花忌廉湯，濃郁暖胃，充滿西蘭花的香甜，很好喝也可以用香草包沾來吃～主角威靈頓牛柳來了～～好期待的說。這裡有四至六人份量和一人份量可以選擇，很貼心呢酥皮上佈滿美麗交錯的格子紋切開斷面是一層酥皮、一層鵝肝醬和碎菇菌醬、一層牛柳，最裡邊是誘人的紅色軟心，視覺效果滿分，令人食指大動！牛柳充滿肉汁，入口軟嫩非常，配合酥皮菇菌醬來吃，口感十足，一次滿足多個願望，不愧為英式經典名菜伴碟的食材也份量十足，有炸洋蔥圈、薯蓉、粟米、西蘭花和烤焗蒜頭花。蒜粒又大又柔軟又芳香另外點了一客北海道帶子香草醬意大利飯，帶子很厚肉結實，輕煎後呈半生熟狀態吸飽醬汁的意大利飯非常creamy，米飯很有咬口，點綴的三文魚籽增添多點鮮味跟餐加配了牛油果沙冰🥑 幼滑的沙冰充滿牛油果清香和奶香，味道原汁原味飽吃一頓之後還有甜品呢

呢晚朋友帶咗我嚟呢間喺新蒲崗嘅西餐廳，一入鋪已經覺得呢到裝修得好靚，好classic坐低望一望menu，真係有啲驚訝呢到連Main Course有都成16款！價錢由$152至$398，基本上豬牛羊雞海鮮什至素食都有，盡量符合晒各人口味！我同朋友研究咗餐牌一輪，決定揀一份牛扒同埋一個意粉，另外再加咗一份小食香辣雞翼配薯條~其中一個餐轉咗Set (加$50 有沙律、餐湯、同埋普通餐飲)我哋見啲特飲都幾吸引就另外加咗$20 轉咗特飲，呢度啲沙律亦係值得一食，佢既味道令我回想番之前喺西班牙旅行嘅回憶，好有當地嘅味道！另外我覺得有趣既係啲蕃茄乾，口感好似肉咁，再加上佢有啲咸味，就令到個沙律多一種既層次👍🏻👍🏻呢個海膽龍蝦汁忌廉意粉最令我驚喜係佢既龍蝦忌廉汁，真係一聞都已經充滿龍蝦🦞味，而佢sauce可以好完美咁掛喺佢個意粉上面😳，個味又啱啱好，好食到唔駛一陣，碟意粉已經消失得無影無蹤了😆🤤呢份US特級西冷有10安士重，叫咗五成熟，餐廳擺盤好有心思！可以就咁點海鹽食，側邊仲有芥末、左上角又有啲燒汁，配菜都好正，第一次食呢個焗大蒜，個味好特別，甜甜哋，完全估唔到係呢個味！呢杯特飲蜜桃柚子沙冰果然冇令

男朋友話好耐無二人世界，所以就去左朋友推薦嘅新餐廳。火腿牛油果沙律。火腿砌成玫瑰花嘅形狀，除左有沙律菜之外仲有牛油果同無花果，睇落好豐富。沙律係套餐嘅前菜，上枱嘅時候都嚇親，份量好多。火腿微鹹，沙律醬小小酸。食落好開胃。南瓜湯。南瓜湯顔色金黃色好吸引，入口南瓜味唔突出，唔太好南瓜嘅我就覺得好好湯。個湯唔會太稀，濃度岩岩好。香辣雞翼配薯條。雞翼醃得好入味，個辣味唔會話好搶，唔食得辣嘅人都適合，個辣度就好似等於BB辣。雞肉肉質好嫩。海鮮龍蝦汁意大利飯。意大利飯嘅配料有大蝦、魷魚圈、蜆等等。飯粒軟硬適中，個汁有好濃嘅龍蝦味，好好食。威靈頓牛扒。皮好酥脆，一切開啲肉汁已經滲哂出黎。廚師控制火候嘅功夫非常到家，入面塊扒仲好鮮嫩。味道唔錯，同埋呢款菜係出面都比較少見，即使有都好貴。呢道菜絕對值得一試。

平時去新蒲崗都係工作為主，今次就例外，今晚係客人請食飯，所以今晚嚟到新蒲崗體驗一下佢既另外一面！今晚客人帶我嚟呢間叫Tc Bistro既餐廳，外面裝修得好似美式餐廳，感覺唔錯！入面既裝修都幾有美式餐廳既風味，大大個霓紅燈招牌，樓底頗高，坐位舒適！ 餐廳主打高質素牛肉，龍蝦等肉食，亦有唔少晚餐選擇，價錢非常合理！首先送到嚟既係份量幾大既醬燒豬肋骨，香噴噴既醬汁味，熱辣辣送到檯上，賣相固然吸引，香味更係另我食慾大增，加上香甜既燒菠蘿，擺落口一咬，菠蘿汁即時出晒嚟！豬肋骨除左賣相吸引之餘，淡淡既焦香同酸酸辣辣既醬汁，香味同味道都係高質，肉汁都keep得到，一切就離骨，口感十足！跟住出場既係另一驚喜既美食，同樣做到色香哋俱全既寶雲酥羊架！ 份量都幾大，有4 條骨，賣相都好吸引，焗到金黃色既香脆既外皮，焗蒜帶出嚟既香味，令整個菜更香，更惹味！5成熟既羊肉，外脆內嫩，肉汁豐富，仲見到一點點既紅，唔會over cook! 羊肉嫩滑啖啖肉，真心推介！不過製作需時，真係要早d落單，再俾少少耐性等一陣！ 不過一切都係值得！今晚兩個主菜，份量真係大，比好多大餐更抵食！飯後飲品除左奶茶咖啡外，仲有一系列特色沙

因在附近工作，之前也有留意這餐廳，就在大型商場的對面馬路，裝潢也十分漂亮，是區內少有的可以鋸扒的西餐廳。店內最出名的就是威靈頓牛柳，供4位用的$1,080，最好一天前預訂。其實也有一人份量 ($298) 的威靈頓牛柳，但未必每天也有供應，剛好今天有就有機會試試。最原始的威靈頓牛柳是用鵝肝塗在牛柳上，外面再包上一層酥皮。但現在都鼓吹不要叫鵝肝，所以都以磨菇蓉代替了。酥皮是平常飲的酥皮湯的酥皮。中間的牛柳約5成熟，呈紫紅色。鋸開牛扒時，酥皮跟肉會比較易散開，如果一起身就會有幾種層次的口感。加拿大海胆龍蝦忌廉汁意粉 ($162)，意粉較有口感，整碟都育滿了龍蝦味的忌廉汁，上面有3片加拿大海胆，約超市買的一小格海胆的數量。小食點了香辣雞翼配薯條，雞翼及薯條都是剛烤好，很脆，小心燙口。均勻地灑了咖哩粉在雞翼外，微辣但很香。

在新蒲崗的角落，因為實在離地鐵站太遠，所以人真的不多。原來除了譽港灣的餐廳之外，還有一些被忽略的小店，比如這間tc bistro，就在旁邊的街，但價錢就便宜很多！2個人都點套餐的話會有一大盤沙律，意想不到竟然用料那麼新鮮，超甜的無花果跟入口即溶的牛油果，也還真的是完全沒誇張的描述！湯品是番茄忌廉湯，濃度高且夠酸夠開胃，也是值得一讚。主菜我點了西冷，邊位非常肥美，脂肪跟肉的比例應該有3:7比吧？油脂非常香濃也豐富，而且件頭很大，這裡連牛脂最少也有14oz吧！怎會只有10oZ？而廚師對五分熟的掌握相當不俗，有肉汁的粉紅色正是五分熟的重點！伴碟是非常簡單的灼西蘭花，味濃且帶奶香的奶油忌廉，加上原個焗黑蒜跟炸洋蔥圈，簡單而又不喧賓奪主，值得一吃。至於三文魚的熟度略高，外皮焦脆，肉是7成熟，不過可以更生一點，就會更好吃。伴碟也是一樣一整晚侍應忙個不停，但都保持笑容，很值得讚揚一下。

話說朋友之前一直想試威靈頓牛柳但又怕好大份量，食完試唔到其他嘢上網見人介紹呢間餐廳有一人份量嘅威靈頓牛柳正合我地心意，於是即刻打去訂位同預留一份一直都覺得新蒲崗有點唔就腳，但原來呢間餐廳好近mikiki都幾方便餐廳環境幾舒服幾有格調，岩哂飲番杯据下扒我們點了小食，意大利飯同埋威靈頓牛柳“焗大啡菇配蟹肉忌廉” 一碟有兩件大啡菇，大啡菇唔算勁厚肉，但就焗得剛剛好，仲keep到juicy，蟹肉份量都唔少，啖啖鮮甜嘅蟹肉配上juicy嘅大啡菇，沒有不好吃的理由😋而旁邊的沙律🥗頗新鮮，配上適量嘅醋好醒胃“龍蝦忌廉汁海鮮意大利飯” 睇落份量好似唔係好多，但就估唔到咁足料，有大蝦，蜆，魷魚，三文魚，面頭嘅大蝦燒得剛好，香得黎不會過火，其他海鮮嘅熟度亦剛好，keep到肉質不會變老，龍蝦忌廉汁不過咸過濃，而意大利飯口感不錯“威靈頓牛柳”雖說一人份，其實兩個人食都夠，面頭嘅酥皮都算鬆化，帶點牛油香，中間夾著嘅蘑菇碎都幾香，然後正中間就是嫩紅色的牛柳，一切下去肉汁滲出，牛味頗濃，帶點咬口，而旁邊嘅薯蓉很不錯，有少少薯仔粒😊