TC Bistro (已結業)

朋友推介新蒲崗有間情調好好嘅西餐廳， 啱啱有推朋友生日，一行6人去試試。 裝修風格好有特色， 坐得好舒服， 啱曬港女打卡😂 今晚嘅晚餐我哋揀咗牛油果墨西哥餅 ，牛肋骨， 龍蝦米多，新鮮烤魚 ， 黑松露意粉（ 好抵~ 加$50 可轉做餐~ 包括有沙律，湯，飲品） 首先嚟咗個沙律~沙律菜好新鮮，跟住上蘑菇湯~十分濃郁好有蘑菇味同好滑,好想飲多碗 牛油果墨西哥餅~裏面有好多鮮牛油果肉，仲跟三款醬，啱晒最鍾意食醬嘅我 到主菜黎喇 牛肋骨~條骨勁大份量仲有好多配菜， 叫咗5成熟，師傅好勁呀整得啱啱好，肉質又嫩，超好食 龍蝦米多~ 龍蝦起晒肉加埋啲蘑菇洋蔥等等讓返落隻龍蝦度，係出面已經好少食到咁多功夫既食物 新鮮烤魚~聽侍應講係大廚親自去街市買，怪唔之得條魚咁新鮮，仲好好食好滑 黑松露帶子意粉~ 勁足料，一入口就有好濃嘅黑松露味， 另外大大粒帶子，配意粉一齊放入口，味道一流👍👍👍總結：食物一流睇得出廚師好有心機烹調 環境舒服🙆‍♀️一定會再同朋友再戰

今次是第二次黎食,,,因為一行14人人數聚多所以預早1星期先已經訂枱,,今次我地終於預計左BEEF WELLINGTON,,最少要預早兩日訂先有得食,,,環境同服務依然非常之好,,,今次坐左係隔離新位,,地圖牆紙非常靚,,而食物方便依然維持係高水準水平,,,威靈頓牛非常有驚喜,,,肉質非常嫩口,,無花果沙津依然係必叫食物之一,,,白菌湯配包非常好,,下次可以再介紹其他朋友去食其他款式,,

在一個休閒的清晨, 我和朋友二人來到了這間餐廳嘗試一下...首先,我要了個龍蝦湯, 龍蝦湯質感幼滑香濃,還有從湯中微微散發了龍蝦的香味,合適鍾愛龍蝦湯的朋友接著叫了碟凱撒沙律,吉列牛油果, 新鮮的蔬菜一向是凱撒沙律的靈魂所在,這碟沙律的新鮮程度還可以而吉列牛油果聽名字也感覺興奮, 牛油果外脆內軟很好吃,再者對身體也很健康,吃多一點也不要緊另外個醬烤豬肋骨,這是我的最愛,醬汁濃厚,豬肋骨完全入晒味...至於飲品方面,由於和其他餐廳沒有什麼分別,所以就不多說了二人最後也吃飽飽回家,過了一個休閒的時光

相信一間餐廳的野食跟廚師也是有一定的關係好食的東西不怕沒有人 煮一道菜 需要心機 創意一道菜都需要心機 需要一切的策劃 一切的用心 做人跟做菜一樣 對菜負責的人 尊重食物的人必有回報 但相反之 ⋯⋯⋯⋯好人有好報 好菜多人食 好餐廳必有好評 不好的餐廳都會有不好的評論 但食過 並不覺得有多好 環境與食物檔次不一 好的環境 並沒有好的野食 本人食過 但不喜歡 個人意見不知是廚房的廚師水平不夠 還是並不認真 感覺味道普普通通 同出面的餐廳比較 有的環境好過這裡 但價錢都便宜過這裡 希憑良心做生意 試過 不回顧

講真食過一次 唔好食 所有的野食都是用同一款汁😒😒😒 沒有新鮮感 加上味道同價錢不成正比 牛又唔新鮮 有一陣怪味 明明叫七成熟 最後生到連阿媽都唔認得 都不知道廚師究竟有沒有心機煮野食 明明想享受一下一個美好既晚餐 最後真係失望透頂 絕對不會推薦的一間餐廳 本身睇openrice既評論先去 因為見到d人對間餐廳的評價不錯 怎知道 完全兩個世界 都不知道這些好評是怎樣來的 希望檢討下d人既態度 同野食既品質 唔明點解咁既價錢 卻是難以接受既味道 希好好反省

夏日炎炎。好想去有冷氣西餐館食午餐。今日有事剛好要去Mikiki。見到呢間幾西式裝修。於是試試。午餐價錢在新蒲崗算貴，但用料好好。我叫三文魚扒意粉餐。忌廉湯夠濃，但唔夠熱。扣分。但魚扒就好好。忌廉汁好香口。飯後的餐飲咖啡亦都好香濃。我見到好多人叫。一分錢一分貨。想在該區食高質西餐可以考慮。

路過見到門面都唔錯，就隨便入去試試，點知有驚喜！ Order咗份帶子露筍黑松露天使麵，超夠味，絕對無hea整，另加咗$50轉套餐， 個餐湯係甘筍薑忌廉湯，三種材料 個人認為配合得好好味！ 另外散叫咗個龍蝦湯，個味好濃郁，非常推介！(兩個湯都唔記得影相)最後，食埋個幾枱客都有叫嘅<龍蝦米多>,食到飽飽! 一定會再幫襯！

龍蝦米多將龍蝦拆肉釀在龍蝦殻裏，適合懶人。吉列牛油果這道菜第一次吃到，牛油果是健康有營養的食材。巴拿馬鮮果沙律第一次吃沙律有無花果！高級食材。用料新鮮健康。墨西哥餡餅醬汁惹味。寶雲酥羊架羊很肥美。平日有自選意粉提供，由麪條、醬汁、配料，都是客人自選。我這個是蜆肉牛肉果意大利粉。極少餐廳有這項服務，讚！龍蝦汁海鮮意大利飯隻蝦開邊方便食，汁味香濃。所有菜式不用味精，食材新鮮，用料高級。廚師手勢一流，水準穩定。是小花喜愛的西餐廳。

龍蝦湯龍蝦味十分濃郁沙律my favourite, 不錯田螺螺肉質香甜, 汁濃美味, 鮮味十足fruit soda口感清新龍蝦米多蝦肉爽口彈牙燒春雞外脆內軟, 肉質鮮嫩羊架無羶味, 肉質嫩滑烤牛肋骨腍滑, 口感豐富cappuccino味道香濃, 泡沫香滑細緻總結:口感豐富, 味道十足. 座位舒適, 食物有水準, 份量十足. 性價比高, 值得推介!

我個人最鍾意既系意粉可以隨心揀你想食既餸同口味好似自選車仔麵咁有好多口味。配料可以選擇海鮮都好平10蚊1款而牛扒就吾差但較普通環境舒適。乾淨服務好好。友善。主動同細心真系值得1試下星期會再黎食意粉

新開張餐廳，裝修唔錯，試一試佢地方唔算大，不過座位夠空間，坐得好舒服男朋友叫左份羊架，佢忽然食神上身咁，話呢個可能係全世界最好食嘅羊架……有冇咁誇張牙，不過我唔食羊所以冇試到，但賣相真係幾得我叫左份三文魚，煮得啱啱好，side dishes仲有南瓜其餘前菜，麵包，湯都唔錯老闆娘推薦飲mix fruit soda，一jar都係58蚊，夠晒兩個人飲，裡面仲有打碎左嘅新鮮果肉晚餐每人二百幾整體評價: 真材實料，冇埋伏，有誠意，下次會再黎食