SuperNormal (淘大商場2期)

营业中

休息中

約朋友梗係要食好啲，於是揀咗淘大難得氣氛比較好嘅Supernormal👍 貪佢有二人餐樣樣都有🥰✨前菜日本櫻花蝦蟹肉沙律，味道幾清新，櫻花蝦同蟹肉都足料🥺唔錯唔錯✨餐湯蒜蓉包，個包勁好食👍😋😋✨日本池魚仔，雖然只係小食但係都好大份🤩✨主菜A揀咗香草薄荷汁焗法式燒羊架，啖啖肉不得了，個薄荷汁好正🥰 連配菜都有蒜香味抵讃✨主菜B叫咗俄羅斯汁烤雞焗飯，本身擔心焗飯會好滯，但原來個汁係蕃茄蓉再加入芝士，食落好開胃😋

🍴三重芝士安格斯牛肉漢堡 HK$106呢排食得多牛肉漢堡，想試下餐廳推介嘅明太子原隻軟殼蟹漢堡，但六點幾咁早已經賣晒，可能未補貨，唯有繼續食牛。安格斯牛肉肉味有保證，上面仲有塊煙肉，三重芝士只食得出車打芝士同水牛芝士，另一種芝士成謎。薯條連皮，脆得多點層次。🍴香煎鵝肝露筍牛肝菌意大利飯 HK$136鵝肝煎得幾香，唔算肥，所以唔油膩。牛肝菌獨特香氣非常濃郁，醬汁好滋味，不過多左d，飯粒亦偏硬，如果煮耐少少收返d汁同埋飯粒煮得更煙韌，會更合我口味。🍴藍芝士水牛城雞翼 HK$72雞翼外脆內嫩，醬汁酸辣惹味。🍴日本阿波酢橘雞心 HK$32、茄子 HK$18雞心結實甘香，茄子夠甜但唔夠腍。📍SuperNormal九龍灣牛頭角道77號淘大商場2期地下196-199號舖

今晚又接媽媽收工食西餐🍴搵間好食嘅餐廳間中陪下媽媽食飯，媽媽就已經開心到見牙唔見眼👀我地選擇左食二人套餐$498 & 另收加一。前菜選擇左日本櫻花蝦蟹肉沙律，沙律菜非常失望，不太新鮮，唯一一道菜我同媽媽都無食曬，但蟹肉又估唔到唔錯，新鮮唔腥有蟹味😗湯本身兩個都係是日餐湯，我就加左$28試下佢嘅法式鮮蠔湯，鮮蠔湯真係超鮮超濃味，仲食到佢打碎左嘅蠔粒🤤蒜蓉包沒有驚喜，夠香脆，如果唔係咁乾，我會更喜歡😗日本池魚仔夠酥脆，適合作下酒小食🙈安格斯牛肉漢堡牛肉味夠重，中間仲係微pink💕薯條即炸，佢個番茄醬超濃郁，點少少都夠味😆燒美國頂級肉眼牛排配松露汁，一食落有啲驚喜，係軟淋嘅，點上松露汁更加好食，肉味更突出🤤整體：員工服務都係親切友善，住附近同朋友黎食下西餐飲下酒係唔錯選擇，希望餐廳沙律菜可以改善下，嘢食全部都唔錯，全部扣分係曬啲唔太新鮮嘅沙律菜拌碟上🥺

今日約左個朋友去食好西🤩我地揀左比較近佢公司嘅餐廳呢間西餐廳成日都好多人好似好正咁😌😌今日終於有機會試下😛-我地叫左一個黑雜菌蘑菇湯個湯好香黑松露味，好正🤤質地都夠晒creamy口感豐富😋仲有送一個蒜蓉包添 真係好抵👍🏻前菜仲叫多左個芝士蟹肉大啡菇😋啡菇上面嵌左啲蟹肉同芝士但又唔會太鹹 個啡菇好新鮮好厚肉值得推介😋餐前食有啲蔬菜墊下肚健康啲👍🏻黎到主食 我地就叫左個佢地推介嘅柚子德國鹹豬手黎到真係嚇一跳 因為佢係超！大！份！仲切得好靚方便食嗰陣保持優雅唔洗咁狼狽☺️個豬手肉質夠唸、仲有豐富骨膠原😎啱晒女士食個豬手嘅皮都燒得好脆 唔會唸晒或者硬晒係我最愛嘅脆卜卜😋個mustard好似係溝左柚子醬😳😳好特別、同埋令到舊肉無咁膩同fresh啲易入口啲一唔小心就食晒成碟😏朋友仲叫左個肉眼扒 叫左五成🥩佢係用左美國等級最高嘅US PRIME肉眼去做佢啲肉肥瘦相間 入口都夠唸唔會overcook不過佢就落左好多調味 例如黑椒同香草啱返啲重口味人士食架😋😋😋飲品方面就叫左白桃四季春茶同埋西柚檸檬四季春茶我比較鍾意西柚檸檬口味 酸酸甜甜咁好開胃～🥰

淘大真係超級多餐廳，呢間其實有點隱蔽，但好彩我地揀左呢間。真心好食又多選擇。餐牌唔算好厚，但種類好多，有日、德、意、法、英、美。連手工啤酒同港式花茶都有。但出奇地感覺又唔係好雜。牛似沙律：個汁好特別，除左用了正常嘅沙律醋，仲有少許wasabi 味，而且非常夾，配上粉紅牛肉真係好好食，好開胃，連菜都無食淨大蜆煲：用左日式器皿，個湯有清酒味，帶點和風同時又有法包伴上，內脆內軟，索晒湯汁勁正呀，而且蜆肉勁多呀，粒粒漲卜卜又滑呀，連湯中嘅魷魚圈都係好淋唔痴牙芝士煙肉大啡菇：之前擔心好細唔夠食，點知入面勁多煙肉，又落重芝士，夠飽肚，但又唔洗食澱粉質，啱晒keto 朋友。重點是煙肉嘅肥係預先切走晒架，好細心。

朋友聚餐 三個人食supernormal 食午餐店舖唔大 餐廳嘅色調較暗 但非常舒適☺️係無人排隊嘅情況下我地食加傾計大概坐左2個鐘🤡店員都唔會趕我地走 👍🏻令我地整個用餐過程過得幾愉快🙈-入番正題講啲食物 我地叫左3個lunch set 不過因為淨係影低左2個 所以就講呢兩個餐🤣-肉眼扒 $106牛扒賣相唔錯 份量係正常嘅8鞍士 我地叫嘅係五成熟 一切開見到肉係粉紅而仲有少少血水 的確係煎到啱啱好五成 火喉控制得幾好👍🏻牛扒嘅厚薄適中 食落去牛肉味都香 ☺️不過好可惜 唔知係本身呢間餐廳牛扒嘅質素一向係咁 定係咁啱我嗰日食嘅牛扒質素麻麻🧐牛扒本身肉質偏「鞋」仲有都頗多筋 食落去有好硬同咬唔斷嘅感覺😢呢樣真係好可惜 但見佢煎得咁靚 而且價錢不貴 所以我哋都係會比4星評分🙈-煎龍脷柳意粉 $76兩塊龍脷柳都偏大塊 有足夠嘅厚度 好重嘅魚味食落肉質不錯🙉意粉嘅軟硬度適中 不過調味少少單寡 本身意粉無乜香味 需要靠淋上龍脷柳嘅汁配搭 但佢個汁酸酸甜甜 冇乜得特別 我覺得一般般🤓-總括黎講雖然呢間餐廳嘅食物質素未去到算高但因為食物價位同份量合理 經過嘅話亦都可以不妨一試🖖🏻

在九龍灣考完韓文試，要好好放鬆一下。選擇了OP最多好評的Supernormal位置對於唔熟路的我有點難找幸好不用等位（星期日中午）餐廳播放著輕快的英文歌裝修是remixed的有一些邊是日本風另一邊則像是美國country風掛著一些溫暖人心的句子以環境而言是挺令人放鬆的午餐餐牌選項挺多而且不貴初嘗試所以選了個中價位的澳洲肉眼份量不少女孩子吃完會挺飽不過我叫的是5成熟這塊明顯是overcooked好靭😓😓😓😓比較難咬得開食完胃會有點辛苦不過配菜很好吃椰菜花有很香的奶油味附帶一個很特別的奶油薯餅外脆內軟前菜的薯條也很大份而且很香脆有薯味👍🏻食物方面：我見其他枱的漢堡意粉之類其實不錯不過澳洲肉眼我不推薦服務方面麻麻地叫檸檬茶送了咖啡想要暖水也得提了兩次🤔整體來講午餐性價比不錯（如果叫其他食物）下次再來試試🤔🤔🤔🤔

假日都有set lunch選擇都多餐湯上枱時係微暖偏咸 有啲西蘭花味嘅湯冇咩香味 好稀 唔creamy唔喜歡西班牙牛肉漢堡上枱睇落都大個 個外型都幾靚仔溫度都係唔夠熱少少暖咁樣個包有少少脆冇咩芝士味肉亦都冇咩肉味咁你睇到啦，係欠缺肉汁唔算出眾👌🏻不過不失啦跟餐個薯條熱辣辣、脆卜卜呢啲咁簡單嘅嘢其實新鮮就已經贏咗一大半飲品揀咗凍檸茶 ，冇茶味又冇檸檬味好特別意粉等咗好耐先上菜好彩等得來係值得嘅意粉煮到啱啱好唔會太軟太淋個汁唔多唔少夠掛晒喺啲意粉上面夠濃嘅新鮮茄味有微微嘅辣味、有香料味又有啲芝士味非常好食😋啲蝦夠新鮮，會彈牙蜆都唔會有腥味呢個比好高分餐廳嘅服務態度都算幾好但係可能人手不足啦，所以冇乜人會收碟而且啲座位同枱都好迫好窄但係食物黎講係唔錯嘅完全對得著呢個價錢！絕對係合格嘅😎

放工唔想煮，又因為6點後無得堂食，唯有靠外賣醫肚，經過super normal俾佢充滿聖誕節🎄氣氛既佈置吸引，就一於買佢返去食！一入到去就俾佢播既linkin park歌曲感染到，好熱血好似返去讀書時期咁，亦好岩西餐既環境～香煎露荀鵝肝牛肝菌意大利飯 $137估唔到佢俾既份量咁多，拎返去後有特登拎自己餐具🍴同碗碟去擺佢，再輕輕加熱佢，成個廳即刻充斥住鵝肝既香味😋 油脂香，配住意大利飯一齊食係絕配，露荀又脆口解膩，太大碟女仔一個人食唔曬🤪，估唔到一個飯都食唔完，好彩無另叫小食～等疫情好返，去幫襯堂食一定仲好食，享受埋個氣氛🥳

今晚收工收夜咗，咁就係九龍灣呢附近度揾嘢食， 咁見到呢間Supernormal， 其實之前同朋友都試過 咁今次就再試下。野菌蘑菇湯: 呢個蘑菇湯最特別嘅地方 就係野菌味濃沃， 都有好多mushroom嘅碎碎粒， 就唔算太creamy，如果creamy啲就好啲。不過呢D都係個人喜好。香煎蘆筍鵝肝牛肝菌意大利飯： 其實呢個意大利飯都整得幾有風味，咁佢就唔算係太乾身嘅，就比較油性少少，另外咁佢個鵝肝我覺得就整到恰到好處 ，鵝肝味都幾濃， 亦都有好香嘅鵝肝味令到成個飯都好香，不過我覺得就比較水咗少少，如果再整乾身啲會好少少，Anyway,呢啲都係personal preference 。柚子德國咸豬手: 呢個德國咸豬手我覺得係主角因為佢都有好香嘅柚子味， 不過就係好輕微嘅柚子味，唔會搶咗鹹豬手嗰啲鹹豬手味，應該就有八成嘅鹹豬手味兩成嘅柚子味所以我自己都好鍾意。 另一個賣點就當然係佢豬手個皮，豬手個皮都幾香同幾脆，啱曬送啤酒。 不過始終都係嗰句， 堂食一定會畀外賣好， 因為皮會更加脆 。不過冇辦法啦 ，呢個疫情咁嚴重唯有食住外賣先囉。 始終都要食得安心啲。

好耐無食supernormal啦，今日難得嚟到淘大，即使係禁堂食都難阻我食好西的心。西班牙海鮮燴飯$128一諗起呢個西班牙海鮮燴飯就流晒口水🤤🤤，味道好正，份量夠大，仲有好多新鮮青口，非常美味！香煎蘆筍鵝肝牛肝菌意大利飯$136每一啖飯都充滿鵝肝的味道，又唔會太膩，聞落好香🤤🤤🤤，仲有大大塊鵝肝係表面，非常吸引！軟殼蟹漢堡包配薯條🍟$108原來呢一間嘅burger都好好食，軟殼蟹揸到好香脆，再配上沙律醬、蕃茄、蝦肉等等，食落口感層次豐富。餐廳非常有情調，可惜不能堂食，下次嚟到淘大一定會再encore。

早2晚屋企人掛住打麻雀，晚上無煮飯，打算叫外賣，係淘大門口見到呢間野個排，見幾抵試一試～～～～～～叫左個二人餐姐，份量剛剛好櫻花蝦蟹肉沙律磨姑湯👍👍👍👍👍👍蠔湯👍👍👍👍👍👍👍👍👍👍👍👍😍😍兩個湯都好正，估唔到咁濃味，特別個蠔湯似打碎左，有粒粒蠔肉 正This is heaven~~~~~~~😍😍😍😍😍燒油甘魚飯團帶子意大利飯，個味都幾好,要叮番熱否則涼左會硬左雖然未能堂食襯熱，味道都唔錯想食西式晚餐 要將就將就大家加油

今日去咗九龍灣淘大買少少野，行經見到呢間西餐廳，望到個menu就已經好想食，於是買咗外賣返屋企食☺️蒜片大蜆扁意粉 ($118)- 蜆肉幾足料，每啖都食到，非常滿足，蒜片嘅出現將成個意粉昇華左一個層次，蒜味香濃，帶出蜆肉嘅鮮味，風味十足- 意粉煮到啱啱好，軟硬適中，唔會太過軟身香辣茄蓉大蝦扁意粉 ($126)- 大蝦大隻得嚟好好有鮮味，咬落爽口彈牙，好有質素- 意粉醬汁香香香辣辣，好惹味，連埋茄蓉嘅酸酸甜甜，呢個配搭好夾，食到舔舔脷黑醋鵝肝安格斯牛肉漢堡 ($148)- 安格斯牛肉好大件，超級厚身，食落好重牛味，鵝肝都大大件，食到好滿足- 漢堡配料都好多元化，有蕃茄片、粟米脆片、菜，夾埋一齊食口感層次好豐富整體食物質素都幾唔錯，尤其是意粉，惹味得來又好食，食得好滋味😋

經常係淘大商場行街覓食，曾經見到Supernormal 話想試下有幾平凡，今次終於有機會，但食完覺得一d都唔平凡。而且十分高質，試出驚喜。值得推介，每樣都好好味。叫左前菜 芥末燒牛肉沙律，新鮮沙律菜青瓜車厘茄，牛肉簿片撒上黑椒,半生熟，口感柔軟，配上芥末醬，比意料中的好味開胃。另外叫左串燒，最愛厚切牛舌心，其實好想試其他各式各樣的串燒，非一般厚口感十足，讚👍🏻！主菜叫左明太子原隻軟殼蟹漢堡配薯條，薯條炸得好香脆，一條接一條，好大隻的軟殼蟹，比飽更大，突出蟹腳，咬落香脆，再配上我的最愛明太子牆，蟹子蝦仁🍤，滿足。還有西班牙海鮮燴飯，這個燴飯同我平時食開既黃色好唔同，飯粒被醬汁包住非常入味。飲水叫左白桃四季春，清新好味唔甜，希望下次來試下佢既手工啤加柚子麥啤德國鹹豬手。

幫襯過幾次呢間餐廳，見佢做緊外賣自取八折決定食多次。今次試吓佢哋$398嘅二人餐。.🥧法式牛肉批本身以為係quiche，原來係酥皮包住冇腸衣嘅牛肉sausage。sausage煙熏味重，口感爽彈。酥皮keep到完整算唔錯。但如果有個淡味/清新嘅sauce中和下鹹味會更好。.🐟日本池魚仔油炸池魚比想像中好食。脆口可連骨進食，魚味頗濃又冇魚腥味。.🥣是日餐湯 + 蒜蓉包蘑菇湯又濃又creamy。之前食過幾次都係飲bisque，估唔到是日餐湯仲正。蒜蓉包外脆內軟。.🍙燒刺身級油甘魚配飯團油甘魚用嚟燒冇得輸，火候時間控制得宜自然皮脆有油香。飯團夠多飯素，只係飯太少唔夠食🤭。.🍔夏威夷安格斯牛肉漢堡牛肉好juicy，芝士溶晒。夏威夷果然係菠蘿🍍，中和咗油膩感。可惜今次啲薯條鹹咗啲。.🍴SuperNormal (九龍灣)九龍灣牛頭角道77號淘大商場2期地下196-199號舖