SuperNormal (淘大商場2期)

营业中

休息中

呢一間餐廳超多笑面，經驗話我知都係得啖笑啦，決定試一試，然後話比大家知是龍是蟲。香煎法式鵝肝多士($148)︰鵝肝都算厚，不過多士唔夠脆，中環蘭桂劫/SOHO價錢。白酒忌廉煮法國藍青口配蒜蓉包($108)︰個汁做得好好，法國藍青口的Size比較細，價錢合理。刺身級帶子牛油果沙律($88)︰帶子都夠大粒，牛油果沙律配埋個汁都好Fresh，不過如果可以多多一粒帶會開心D。西班牙海鮮燴飯($128)︰都好食，不過以尖沙咀/中環價錢在九龍灣食，似乎份量細咗D，唔係好值咁啦。

住左付近咁耐，居然未試過呢間😅直到有次老公叫左呢個外賣- 香煎露荀鵝肝牛肝菌意大利飯俾我，真係一試好中意。外賣個擺盤都係差唔多，始終無餐廳咁靚。但一打開真係好香好吸引，口水都流曬出黎。 見到塊鵝肝真係好大塊，煎得好靚，口感食落入口即溶…😍鵝肝上面係garlic ，不過唔會搶曬鵝肝味，而且仲好夾。 反而露荀比較少😅成個飯都係牛肝菌味，露荀就無掂企🤣唯一要改善既係，飯真係有點硬，未熟透，外賣自取到屋企好難叫佢地再煮耐D。

星期日的下午茶下午3:30，lunch 都未食，路過見到有lunch menu 頗為吸引友人要牛肉漢堡（+$10）轉安格斯我叫了肉眼5成熟二人都選了沙律做頭盆沙律嘅汁不多不少，菜新鮮，擺盆精美，但魚形碗Size 太細，要就住𢳂，否則會跌晒出嚟。安格斯牛肉漢堡好騷，好重牛味，試了一啖，好在不是我叫的，我好怕牛羊太騷。澳洲肉眼就啱我，剛好medium，澳洲牛一般比美國牛味淡，尤其是穀飼牛。牛排好味，完全不用點醬汁，只用了些芥末。仲有件類似炸芝士的東西，但我沒有吃。4:30 左右落場，要埋單走人。總結：食物可以，價錢可以，服務有點慢，一杯水要叫三次，飲品亦都要追單先至有，環境比較殘夠，尚算清潔企理，性價比算高。

行完 ikea想在附近食晚餐，就找到這樣高評價的西餐廳，那就試試吧！有個兩人餐的組合不錯，份量剛剛好。沙律加湯，兩個主菜，最後還有餐飲！🍖香草薄荷汁焗法式燒羊架羊肉不膻，肉身偏厚，八成熟剛好，有肉汁。配上薄荷醬口味清新。.🦞帶子龍蝦汁意大利飯濕潤的口感，味道香口，龍蝦味就不太明顯，口味是不錯的。.🍄蘑菇湯+蒜蓉包蘑菇味濃厚，有幼細的蘑菇碎粒，豐富了口感。.🥬日本櫻花蝦蟹肉沙律沙律菜新鮮，份量多，蟹肉有點咸，攪拌均勻一起食比較好味。

朋友講到呢一間位於九龍灣嘅西餐廳超好食，特別係個德國豬手，又話好難訂位好多人都話正，咁就去試下啦，結論如標題「唔係唔好食，不過無好似D食評講到咁好啫」Order了必食推介嘅豬手，差唔多篇篇食評都讚不絕口，我自己覺得以$188黎講算係合理啦，皮脆肉嫩好食嘅，不過Size就比其他地方差唔多價錢嘅德國豬手就細隻咗少少，可能對佢有D期望所以覺得有少少失落感。重申，係好食嘅，只係之前的食評有D over咗。焗蟹肉大啡菇真係好多蟹肉，足料，不過就好似因為太多蟹肉而失去咗大啡菇嘅味道，如果Balance會更好。呢個法式牛肉批就係失敗中嘅失敗，我朋友就係誤信D食評所以叫咗，可能法式牛肉同我心目中嘅牛肉係兩樣好唔同嘅野黎啦，不過真係完全無牛肉嘅感覺，而佢個酥皮唔鬆唔香仲要上枱時已經甩咗出黎，講真呢2片切成4片嘅野賣$88真係有D過咗火，估計都係外面買返黎焗番熱佢嘅貨色，不過我覺得既然質素唔掂就不如唔好賣啦，出面其他小食/餐前菜選擇多的是，無謂整衰自己個招牌啦。

🍽又係放工之後大快朵頤嘅時候啦！今次去咗牛頭角淘大花園覓食，有驚喜！🍝煙三文魚天使麵（$110）：一份真材實料嘅天使麵，食材包括有三文魚，蟹子，蘑菇，粟米。幼細嘅天使麵掛汁掛得好好，濃郁嘅忌廉汁包裹住每一條麵條，每一啖都有香滑忌廉。除咗花花造型嘅煙三魚之外，仲有大量嘅熟三文魚碎。一啖接住一啖，好快就食得乾乾淨。🍲西班牙海鮮燴飯（$128）：令人驚喜嘅燴飯。本身諗住好大機會都係香港版本嘅西班牙燴飯，出奇地餐廳真係選用咗短身米，並且食得出真係用炒嘅方式將米煮熟。保留到米粒嘅澱粉黏性，從而讓湯汁充份地包裹住每一粒飯粒。再舖上青口，魷魚以及蜆肉，灑上芝士粉。濕潤嘅口感，飯粉有咬口。唔錯唔錯。🍟黑松露薯條（$68）：薯條鹹淡宜且，即叫即炸，口感香脆黑松露醬幾香口惹味。小編會稱之為：下午茶「搵啲嘢咬吓」的好選擇。🍹青瓜薄荷青檸梳打（$38）：入口清新，好適合炎炎夏日嘅飲品。青瓜同薄荷呢個配搭幾新奇，但味覺上都幾襯～讓薄荷青檸更上一層～☺️整體而言：食物質素幾好，坐得都舒服。地理位置便利，都幾適合良朋好友過黎傾下計～ SuperNormal (九龍灣)電話：23390112營業時間：12:00-22:

我諗我應該有好幾年無去過淘大，但聼同事講翻新左，引入左好多新餐廳就去試下。今次就去左【Super Normal】，主打西式多國菜同裝修都幾工業風，而且有多款啤酒。今次我地就單點，無叫套餐。芥末牛肉沙律、柚子德國豬手、牛油果他他脆魚漢堡、青芥蜜糖鷄翼。 芥末牛肉沙律：沙律搭配和風芥末燒汁醬，又唔會好鹹同油，幾清新。上面燒牛肉既分量都算好多，而且唔會好柴。呢個搭配都唔錯。味道好清新！ 柚子德國豬手：本身以爲唔係好大份，點知超出我想象，分量超級大。皮炸到超級脆，肉又好juicy，加左D柚子皮好香，而且好解膩。CP值好高，超級推！ 牛油果他他脆魚漢堡：脆魚炸到外脆内嫩，好juicy，他他醬又唔會好酸。麵包焊到微焦，好香。不過略嫌牛油果太少，得3/4片仔。旁邊仲配有薯條。 青芥蜜糖鷄翼：其實上面係wasabi蜜糖蛋黃醬，但我覺得無wasabi同蜜糖味，而且蛋黃醬有D太多。可能單獨放係旁邊會好D。不過鷄翼本身炸得好好食。就算我地放左一陣都仲好熱同juicy。

SuperNormal港鐵九龍灣站淘大商場二期地下196-199舖蠔湯香濃的忌廉湯，加了蠔，味道很特別，又香又滑，nice.蒜蓉法包要趁熱食，香脆，蒜蓉醬很開胃，法包煙韌。原味薯條面層加了香草和少少幼鹽， 超級香脆，不用點醬汁已經很好吃，吃到一半點茄汁，太邪惡了。日本櫻花蝦蟹肉沙律濃味的櫻花蝦和蟹肉，配新鮮的沙律菜，十分夾。沙律的醬汁酸甜甜的，好 fresh ，前菜一流。燒美國頂級肉眼扒配黑松露汁 (120Z)配菜有新鮮沙律菜，薯餅。肉眼扒肉汁豐富，脂肪和牛肉的比例超級好，口感夠林，沒有筋，脂肪也吃掉了(因為好香)。自家製的黑松露汁，為肉眼扒增添香氣，進入另一層次，必食！俄羅斯汁烤雞焗飯酸酸甜甜的俄羅斯汁，超級開胃，面層加了香草磨菇和芝士一起焗，即叫即焗，新鮮熱辣，焗飯口感煙韌，烤雞味道不錯，雞味濃，新鮮，沒有雪味，推薦！青瓜青檸薄荷梳打Super fresh，估唔到青瓜、青檸同薄荷葉咁夾，飲完好爽好舒服。

-🔸藍芝士水牛城雞翼 $72🔸三重芝士安格斯牛肉漢堡 $106🔸柚子麥啤浸脆皮德國鹹豬手 $188-宜家搬咗屋去九龍灣住，又要發掘下附近嘅餐廳，今晚就食西餐啦！小食叫咗水牛雞翼，炸到脆卜卜後搽上酸酸辣辣嘅醬汁，再蘸埋藍芝士醬，好惹味呢！三重奏芝士牛肉漢堡超巨型，半溶嘅芝士非常吸睛，仲有好厚好juicy嘅牛肉漢堡，加埋新鮮蔬菜好滿足！最後係脆皮豬手，份量超級大！！皮脆肉嫩，再蘸埋蜜糖芥末醬味道好match，食到好飽吖！

在淘大二期那邊有呢間西餐廳，平時行過都已想入去食，今日趁行日，去試一下先。內裡裝飾很特別，有好多打咭位架。唔怕熱又可坐外出 ，如不是可坐入去又有高枱，幾特別感覺。今日簡簡單單點了兩款菜便算，不過離不開有牛的今次大膽點紅酒牛膝、上碟有幾粒薯蓉伴碟的，汁醬也夠味，最重要係嗰牛膝係炆得淋，好滑溜，驚喜另外就係香煎蘆筍鵝肝牛肝菌意大利飯好耐冇食鵝肝了， 配埋呢個牛肝菌汁一絕呀，都係平時愛吃既一款菜式，唔同鋪的確會有唔同味道值得再食、下次要點豬手

好耐無黎過九龍灣啦，雖然呢度唔係好近公司但以前好鐘意黎行街，貪呢區多商場又多野食揀淘大商場都有好多美食，今日同男朋友一齊黎行街，見呢間餐廳環境暗暗地好似幾有氣氛咁就入左黎試一人揀左一個小食同一個主食香脆原味薯條好脆好香，食到停唔到口，秒速KO左成碟經典煙肉卡邦尼扁意粉好多煙肉同埋菇，醬汁唔太乾，麵質夠彈牙香煎鵝肝露筍牛肝菌意大利飯份量多，鵝肝入口即溶，意大利飯夠曬入味青芥雞翼面醬開胃，雞翼超大隻超脆，配埋沙律菜食中和返炸物嘅油膩感餐廳裝修幾靚，食物質素都唔差，質素同價錢成正比可以坐耐啲慢慢食，岩情侶都岩幾個朋友一齊黎

柚子德國咸豬手 $188咸豬手真係好大份，上碟嘅時候已經起咗骨同埋切件，豬手燒得好脆，食落肉質爽嫩唔會太老，外皮香脆之餘完全冇豬皮嘅油膩，未點醬汁嘅時候味道咸香，加埋嗰甜甜酸酸嘅醬汁就豐富咗豬手嘅風味。- 明太子軟殼蟹漢堡 $106漢堡拼薯條係西餐必食之選，軟殼蟹漢堡蟹身大大隻，切開入面仲有唔少蟹膏，漢堡入面仲夾有蝦、蕃茄、蔬菜，食落幾fresh。至於個薯條係厚切嘅，外脆內軟又唔會好咸。- 檸檬蜜桃蘋果梳打 $38望落去似係有氣檸檬茶，飲落味道好清新，酸酸地，好岩食完煎炸食物去飲。- 玫瑰荔枝梳打 $38玫瑰同荔枝嘅味道都比較清香、清甜，飲品底下仲加左原粒荔枝，多汁可口。

我朋友介紹說有間係食物有水準的西餐廳，佢以前在九龍灣上班的，所以呢間仍好多回憶，同時係佢其中喜歡的！皇牌我覺得真係好好味的：香脆豬手份量真係好豐富，香脆可口，肥瘦適中，唔油膩。特配醬汁更使豬手肉汁滋味！另外我們仲叫了：三重芝士安格斯牛肉漢堡果然安格斯牛肉肉味香濃，配煙肉再配三重芝士，車打芝士和水牛芝士等融入牛堡實在美味！SuperNormal📍九龍灣牛頭角道77號淘大商場2期地下196-199號舖

今日約左個好耐無見既朋友聚舊，知佢好中意食西餐，做完資料搜集之後決定同佢黎呢度試下🤗除左有典型西式pasta同burger之外，仲有唔少其他選擇👏我地叫左自家釀製柚子麥啤浸德國脆皮鹹豬手，西班牙海鮮燴飯同埋一串焦糖菠蘿～見個餐牌極力推薦鹹豬手，即管試試佢😎店員一放低就聞到濃濃既柚子香味😯表皮超級脆！🤤🤤食落帶淡淡既柚子兼啤酒香，感覺無出面食既鹹豬手咁油膩，呢度清新啲，搞到我地忍唔住一舊接一舊😆唯獨是略嫌個酸菜唔夠酸唔夠清一清口腔😂極力推薦既菜式果然好食！無令我地失望😋👏西班牙海鮮燴飯都幾大碟，個汁好creamy有啲似龍蝦汁，飯粒有咬口得黎口感偏硬少少，蝦肉爽口魷魚圈彈牙👍燒焦糖菠蘿面頭有層剔透香脆既焦糖，搭配勁juicy而帶微酸既好夾好好食😚呢度有唔少特色酒類供應，可惜今日唔太方便飲🙊 下次一定要試下！😎

經過淘大見到呢間細細間既酒吧餐廳，有唔少人係門口等位，見d野食睇落都幾吸引，comment 都唔差，就等左陣位試下～❤️經典牛肉漢堡 麵包烘到小小脆，厚厚既牛肉煎到半熟，咬入口流晒d肉汁出黎，加埋芝士~蕃茄同埋生菜， Classic 得黎好味又滿足🧡西班牙海鮮燴飯 海鮮有青口~蜆肉~魷魚，d飯燴到軟淋淋得黎又有d 咬口，好香芝士味好creamy!食物味道比normal 好好多，應該係above average 1 d 都唔normal 先岩😂見到隔離檯d 野飲都好吸引，但岩岩附近先飲完野，所以冇嗌野飲，下次要試下先得！！