SuperNormal (淘大商場2期)

营业中

休息中

經過淘大既時候都唔係好留意到呢間餐廳🤓 可能望落唔算特別起眼，唔係好見到招牌🕵🏻有分露天同埋室內座位🪑入到去餐廳內燈光偏暗 冇乜光 上佢既裝修同氣氛係酒吧餐廳feel🍺 適合朋友飲返杯/聚會🥂午市套餐都有唔少選擇 均設前菜(餐湯/薯條/沙律) 同野飲~鮮蝦牛肝菌意大利飯 如果係鍾意食牛肝菌意大利飯嘅人一定唔可以錯過😝 牛肝菌嘅味道好濃 而佢嘅醬汁亦都唔會太濃唔會太稠😋 好滿意！不過略嫌蝦肉有啲少🤣🤣澳洲穀飼肉眼 肉眼扒就稍微有啲失望😔見到好多食評都話高質牛肉🥺 可能午市比較平所以質素未趕上😗賣相唔錯，但係肉質比較韌 唔易切🍽 勉強合格～前菜方面想讚佢嘅薯條，係即炸嘅，非常有誠意👍🏻👍🏻 餐湯亦唔係hea嘅罐頭湯，味道香濃👏🏻🍵喺附近返工嘅朋友仔不妨一試佢哋既lunch menu🙆🏻‍♀️ 首推意大利飯/意粉🥰

🕖時段-星期四夜晚 (假日前)無book枱就咁walk in 7點唔洗等 但都已9成滿_▫️柚子麥啤浸脆皮德國鹹豬手 $188menu上有icon 用餐廳自家釀製柚子啤酒浸8個鍾! 上碟已起左肉好方便食 啱晒懶人👻 份量多 飽到捧住個肚走🤰🏻 整體好好食😋煮到好脆好香口 肉質不錯 (但其實唔太食到柚子啤酒味🤭) _▫️香煎海鱸魚配意大利雲吞 $158好多汁 多到浸過哂啲意大利雲吞 搞到我以為佢上錯左菜😂 個汁好正好creamy🤩 不過都係點適量咁食 太多會濟 意大利雲吞都煮得幾好 皮唔算厚 幾煙靭👍🏻 食完想再食下粒🤤魚普普通通 配埋個汁幾好食🤪_🍽環境有氣氛 多裝飾同有啲有趣既畫作😙

位於九龍灣這間西餐廳一向都性價比高，剛好仲可以叫到午市套餐，就外賣回家試下，叫了西班牙黑毛豬鞍配雜菜及散叫了一客白酒忌廉煮法國藍青口配蒜蓉包西班牙黑毛豬鞍配雜菜豬鞍肉質豐富，內裏鬆軟多汁，配菜有新鮮沙津菜，西蘭花，翠肉瓜及炸芝士薯蓉，加埋薯條配真係好味白酒忌廉煮法國藍青口配蒜蓉包雖然藍青口唔算大隻，肉質鮮味及份量都算多，蒜蓉包熱辣辣又香脆，蒜香味十足，白酒忌廉汁加埋洋蔥煮好夾，配埋包食更可以吸收白酒忌廉汁，非常滿足

今日試咗佢地既牛排食落係幾好食薯條炸出嚟都係夠熱嘅但佢地既待應就好似唔想做咁一入到就用d好悔氣既說話態度同你講野同麻有個待應係到撳電話冇諗住招呼你咁想落order佢又係唔太想幫你落單咁既樣仲係到吹水坐係到扮睇唔到之後同佢講買單佢又唔俾反應你又唔同你講係出去買單定等佢打張單黎食物質素係幾好但佢地既待應就好似唔憂做咁樣

依間野啲服務態度直頭不知所謂，晏就時間去食人唔太多。一入到去態度已經唔好，講野語氣好差！帶位俾水乜都冇都唔緊要，落單先話冇三文魚。服務員全程係隔離傾偈，最後埋單嘅時候問侍應係咪出邊埋單，一句答覆都冇仲要走左去，請問依啲係咩服務態度？不得了，再好食嘅餐廳都冇，唔會再有下一次，平時行過都好想食嘅餐廳，原來服務態度會係咁樣。人客已經唔多，但係態度咁惡劣，表情更係表示唔耐煩。對依間餐廳好失望，滿心歡喜去食嘢，結果食到成肚氣！依間餐廳真心不得了！

今次就同朋友去咗呢一間喺九龍灣嘅餐廳度食飯！呢間餐廳成個風格都非常之有氣氛，好適合同朋友聚會！叫咗一個煙三文魚蟹子忌廉天使麵，呢一度嘅天使麵分量十足，而且煙三文魚亦都好好食，三文魚嘅魚油香味到而家依然非常之難忘！而且呢一度嘅蟹子再配合埋意粉一齊食，口感同埋味道都非常之豐富！

性價比好高嘅一間餐廳😍😍去開九龍東嘅朋友一定要去試吓串燒-鰻魚 牛舌 雞軟骨⭐️⭐️⭐️ 性價比好高嘅串燒 味道就幾好啦德國鹹豬手⭐️⭐️⭐️⭐️⭐️呢個豬手係用柚子麥啤浸嘅 雖然食唔出有啤酒味 但係個皮好脆 仲好食過以前係Adelaide 德國村嘅最後兩個人食咗五百幾蚊 有半碟豬手食唔晒仲打包左添😋

當日我同朋友嗌咗個二人餐，有湯有沙律，有兩個前菜，食到勁飽😋不過太肚餓了，所以淨係影咗幾樣嘢食🤣🤣➼ 法式牛肉批 我哋嗌之前都有問個Staff其實姐係咩嚟，佢係咁話鹹鹹地好好食㗎！咁我哋就抱住個試新嘢嘅心態揀咗呢個！一開頭我哋仲諗係咪上錯咗🤣因為勁似午餐肉🤣佢係有層薄薄地嘅酥皮包住舊睇落似午餐肉嘅牛肉邊，牛肉食落個口感真係好似午餐肉！但食得岀係牛肉嚟嘅！我會形容佢係用牛肉做嘅好味午餐肉！😂➼ 肉眼牛扒配松露汁 佢個賣相真係好普通🤣但我哋唔可以只在乎外表㗎嘛！牛扒唔會好韌，算幾易切，肉質都好嫩滑！👍🏻個松露汁都好香，唔會太過濃味而蓋過咗個肉味，非常好！➼ 日本池魚仔 呢個好似係得二人餐先有😋佢係炸到有少少脆口嘅魚仔，不過我朋友話唔太喜歡個口感，因為咬落去會仲Feel到啲魚骨，但我唔抗拒呢樣嘢，所以覺得好好食☺️差唔多係我一個人清咗成碟咁濟🤣

呢個位置我迷了路，比較難搵，喺附近行左幾圈先搵到，要喺譚仔轉入去揀左A餐同I餐，是日餐湯忌廉椰菜湯，佢係打溶左嘅湯，唔會食到任何湯渣牛扒要左5成熟牛味唔算好出，不過都對得住個價錢，焗飯芝士香濃薯條香口惟上菜速度有待改進

今次呢間cafe係朋友介紹我黎去嘅時候冇乜人之餘暗暗地幾有feel💕睇到個menu都覺得價錢幾親民究竟質素係點呢🤪 🐤一句總結：質素不錯的勝在唔貴😚 😎會回訪嗎: maybe 等候時間: 0 mins (平日下午2:00PM)≋-≋-≋-≋-≋-≋-≋-≋😍南瓜湯 （跟餐）▶️ 7.8/10南瓜味係有但唔算好重勝在口感好滑😍黑椒汁烤雞飯 $68 ▶️ 7.5/10 Overall佢係個平價之選但價錢反映質素😂初頭仲覺得佢不錯的 烤雞真係都幾大隻裏面嘅肉唔少面頭都有唔少嘅黑椒汁令到食上去真係唔會好乾幾入味的亦有用沙律菜同雜菜增加左營養唔會好單調但越食落去就覺得啲雞唔算好嫩同滑反而越食越乾再加上真係都幾多骨有點難處理🥲 😍燒澳洲殼飼肉眼扒雜菜(200G) $106 ▶️ 8.5/10 比左兩塊中size且厚切嘅肉眼扒面頭都有啲油 還分開附上了黑椒汁食上去都幾軟幾嫩叫左3成熟都唔會煮得過濃幾鍾意佢裏面肉嘅鮮紅色色澤喔Overall貴啲質素都好啲😍值呢個價錢💰😍薯條 （跟餐）▶️ 8.75/10非常之脆份量都唔少的🤪推介推介～😍凍檸茶 ▶️ 8/10幾得意嘅係居然有人係openrice推介佢哋嘅凍檸茶激

第一次寫食評。開咗咁耐都未試過呢間餐廳，趁今日另一半生日，就外賣自取試吓。溏心蛋凱撒沙律•唔知係咪俾少左個汁，不過啲菜係好新鮮嘅！芝士蟹肉焗大啡菇•拎到返屋企凍左，但係都好好食，好juicy😋如果即場食，應該好正！藍芝士水牛城雞翼•雞翼個皮炸得硬左少少，不過都唔錯，仲配有2隻sauce黑松露薯條•好味！串燒：墨魚丸(乾身左少少)、芝士年糕(好味！)U.S. 頂級肉眼扒•5成熟，我老公話幾好。香煎西班牙豬鞍•切落去有啲硬，但係食落去好好味，同埋唔算韌。2個人食，叫左8樣野，因為冇晚市堂食，宜家外賣自取有9折，折左$69X，抵食！

因為讚好數字和負評比例，專登走嚟試下， 評語都是大讚的。但由湯開始已失望，餐湯味道是好但不熱，只是微暖。到另一前菜~薯條，是熱辣辣和脆的，但有一種油益味😢等咗好耐 (隔離枱剛來的意粉都完成了，我們的牛扒還未到) ，唔緊要，希望慢功出細貨啦。西冷和肉眼扒，說好的5成熟不見了，肉質好粗，無肉味，似食緊超市買返來廿幾蚊塊急凍牛扒，難咬，食到一半，已牙軟了。整體失望，不會再來這裡食牛扒！但職員有禮貌的，餐廳裝修有心思的。

平時甚少去九龍灣食野，今日放假正好周圍行下。Search 到呢間0負評西餐廳，梗係即刻要入去試下有咩咁巴閉啦！本身想叫個2人餐，有湯、有蒜蓉包、有前菜、有扒、有飯、有野飲，幾抵食！但實在太想試吓佢出名嘅豬手，所以唯有散叫。豬手皮勁脆，肉質又唔柴，我好鍾意食佢嗰個酸菜，可惜唔係太多。個芥末醬都好好味，唔夠仲可以問他們拎，佢哋勁nice。不過豬手味道稍清淡，我呢d 重口味人士，就覺得可以再濃味少少就正🤏🏻但Cp 值黎講講簡直完勝好多其他店另外，佢嗰個牛肝菌鵝肝意大利飯真係好好味。我不嬲都唔係好鍾意食意大利飯，不過我想講佢個意大利飯我諗我下次去都係會叫佢！！！牛肝菌實在太香🤩🤩🤩味道啱啱好，一入口勁surprising！由於佢啲份量都係大大份，所以食到最後我哋都勁飽咁樣，兩個人先$398。抵到不得了

在九龍灣一帶想與家人慶祝生日，睇睇OpenRice的食評，發現淘大商場內的superNormal餐廳非常多人讚好，即刻用OpenRice apps 訂枱。我哋按約定時間8點15分到達餐廳，職員表示平日客人量少，沒有限定逗留90分鐘的安排。晚上的餐牌可供選擇的款式不多，我哋點了一個二人套餐加一客牛油蜆肉鍋配蒜包及半公升1664 blanc。頭盤忌廉野菌蘑菇湯和二片蒜茸包，湯是*凍*的，蒜茸包過火有燶味，非常失望😩。日本池魚仔熱度不足又太鹹日本櫻花蝦蟹肉沙律非常好味，材料非常新鮮，櫻花蝦蟹肉配沙律菜在任何時間都係最美味燒刺身級油甘魚配飯，賣相唔錯。飯團外脆內軟，油甘魚太熟令肉質太韌，失敗。牛油蜆肉鍋配蒜包非常鮮味，只是欠缺牛油香味帶子龍蝦汁意大利飯是最好的菜式，帶子煎到外皮少少脆，龍蝦汁味道非常鮮，好丁香肉桂檸蜜淡淡的肉桂香味配合檸蜜的清甜，平衡食物的鹹味

平日既6點鐘Walk-in 可以直接入座，環境唔錯，好有西部牛仔風格，座位有分高枱同平時既座位。我地3人既選擇左高枱。今晚揀左極力推介既柚子麥啤浸脆皮德國鹹豬手有淡淡既柚子味，但脆脆既豬手皮更為吸引，咬落既聲音可以錄ASMR. 香煎鵝肝露筍牛肝菌意大利飯鵝肝煎得好香，好易入口，以Risotto黎講係好食，略為飯粒可以再有咬口啲。再配番個小食 煙肉雙色芝士焗薯條上到枱係熱辣辣架，平時去餐廳食既薯條都唔係好熱，正常溫感，但呢度既薯條係焗過，所以熱辣辣好好食，配埋芝士同蕃茄醬，正！ 我最滿意既菜式。飯品飲左丁香肉桂檸蜜，好香肉桂味，加埋檸蜜好潤喉。