Still

营业中

休息中

土瓜灣呢個地方，平時都好少機會去探索。不過原來呢一區都好多吸引嘅餐廳，而且唔少都係小店經營。值得一試同支持。今次同Frd 子簡咗呢間新嘅cafe。菜式上都比較多元，足見店家嘅心思。lunchtime時間都冇咩人。不過lunch set嚟講選擇唔算多，但勝在環境舒服，又幾安靜，幾適合放假約朋友仔吹下水，渡過美好時光《香煎鱸魚配甜椒沙律》煎魚嘅口感同味道都不錯，不過個人覺得個魚略略帶腥味，唔算太喜歡。要搭配甜椒沙律去食，中和返陣味。《西班牙海鮮炒飯》推薦！同平時食開嘅有啲唔同，日式fusion 嘅paella 。入面加左蟹子同油甘魚。味道同食材的搭配幾有創意，但飯方面係略略偏硬。不過非常特別，一定要試！《蟹膏烏冬配明太子雞翼》推薦！呢個樣貌平平但食落去係十分驚喜。嚟到見到有3隻雞翼，size 都ok 大隻下。然後將隔離望落少少嘅蟹膏同烏冬撈埋一齊之後，驚喜底Match ! 本身以為蟹膏味唔出，但食落去啖啖烏冬都有蟹膏嘅味道。非常滿足無論從餐廳氣氛，Menu 同餐式都見得出店主嘅心思同努力。如果經過附近/同Frds 聚會，都推介大家去試吓呢間fusion小店

今日叫左兩個set lunch,，一個糸香煎鱸魚配甜椒沙律，份量充足，味道唔錯，另一份糸生肉他他多士，份量比較細但味道好好，酸甜辣味各少少，再加配左栗米湯，夠熱，同埋黑毛豬沙律

同三五知己朋友Late evening飲酒食嘢好選擇✨由酒精小食主菜到甜品味道都係無得輸Menu同菜式都好特別並唔係出面餐廳的肉醬意粉或卡邦尼睇得出係精心設計特別推介！我本身唔食好生嘅牛肉但試左一次呢度嘅生牛肉他他真心 愛上 已成No.1我以後去呢間餐廳都一定會嗌成個味道好清新好開胃唔係好覺得食緊生牛肉(一定要試一定要試一定要試)另外幾個朋友一齊叫一柞西班牙酒又係勁正可以share一齊飲白酒同紅酒我都試咗個人覺得白酒清新啲熱情果手工啤酒聞落去已經好香好易入口本身唔太鍾意麥味好重嘅啤酒呢個啱啱好 好似果汁汽水咁同我一齊食飯嘅女仔朋友勁鍾意再嚟一個小總結食物質素同服務都好高質老闆們 會主動同我哋傾偈講吓啲嘢食呀 介紹吓啲酒啊Feel到好有heart去做成個食嘢過程勁舒服又開心👏🏽一定再去

一直好欣賞灣仔嗰間22 Ships tapas，見屋企樓下新開咗呢間西班牙tapas小店就即管試吓，點知好有驚喜！Red  Sangria  好特別，有一種好特別嘅香味，似花香？定香草？好回味，早知就問吓廚師到底落咗乜嘢啦！Beef Tartare 好重香草，好開胃！帶子，唔記得叫咩名。帶子下面有啲醃咗嘅蘿蔔條，酸酸地同帶子一齊食又係另一道開胃菜。西班牙海鮮飯，三至四個人食啱哂，幾高質，估唔到有啲火炙油甘魚片！好特別，正！最後食埋個黑鱈魚，滑到呢！！比平時食開嘅西京燒銀鱈魚更高一個層次！非常滿足！一間新開嘅小店，好有心機。希望可以一直keep住高水準，我一定會再幫襯

那天行經啟岸商場 被它日本裝飾吸引入咗去 發現內裏有很多餐廳小店都很有特色 當天揀選了這間名為still既西班牙mix日本風格既餐廳當天試了西班牙海鮮飯和烤菇意大利火腿多士兩款食物都好出色食得出店主用心制作 .後來與店主傾談才說出原來他每朝會去街市選購食材來烹製鮮魚湯去煮這度海鮮飯不怪之得這樣鮮味.烤菇多士選用橙味酸種包配上自家制醬汁好有特色 餐廳環境舒適 店主熱情有禮 這店好快將會成為我的飯堂了😜期待下次再去有其他好嘢食

前菜出色，帶子刺身配上酸蘿蔔同埋柚子醋好開胃，香煎八爪魚個醬汁好好食，生牛肉片比帶子刺身濃味，肉食主義者好啱食，前菜黎講呢幾款都比較fresh，芝士配日本桃估唔到咁夾，第一次食呢類型既配搭，好創新。生牛肉他他多士好啱打卡，雖然佢標榜係辣既，但唔食得辣既我都唔覺得辣，幾開胃，同埋個包聽講係自家製，有d生果味咁，唔同一般cafe既包底，絕對可以encore。主食黎講，鱈魚西京燒好有驚喜，有日式既味道，啡菇作伴碟都唔馬虎，好入味好食。M5和牛屬於半生熟，口感好好，唔會覺得太生或者韌，就算唔食生牛肉既都可以一試。甜品方面，心太軟用左黑朱古力，唔鍾意食甜野既我都覺得好食，加上柚子雪葩解膩，食完咁多嘢仲可以食得落甜品。Overall黎講都幾新鮮，希望下次可以試埋d飯類。

平時喜歡周圍試新野，見到朋友分享啟岸又有新Cafe，立刻抽時間過來踩點！.每次來啟岸都覺得商場環境充滿日式氛圍，Still位於商場1樓，樓底高挑寬敞，空間舒適！中間是備餐區以及吧台座位，用餐區的桌椅都各有特色，搭配天花不同款式的吊燈，拼湊起來畫面也不覺得凌亂。.現在大多流行手機點菜，still的餐牌算是製作的很用心，餐點部分點了午間套餐「香煎鱸魚配甜椒沙律」加「日式唐揚炸雞」飲品選了「西班牙水果茶」，另外還有「熱巧克力」，主餐賣相精緻，口味清爽，新餐廳暫時人潮不太多，用餐體驗不錯！平時喜歡周圍試新野，見到朋友分享啟岸又有新Cafe，立刻抽時間過來踩點！.每次來啟岸都覺得商場環境充滿日式氛圍，Still位於商場1樓，樓底高挑寬敞，空間舒適！中間是備餐區以及吧台座位，用餐區的桌椅都各有特色，拼湊起來畫面也不覺得凌亂。.現在大多流行手機點菜，still的餐牌算是製作的很用心，餐點部分點了午間套餐「香煎鱸魚配甜椒沙律」加「日式唐揚炸雞」飲品選了「西班牙水果茶」，另外還有「熱巧克力」，主餐賣相精緻，口味清爽，新餐廳暫時人潮不太多，用餐體驗不錯！