Steak Bar (已結業)

行經登龍街都有留意到呢間食牛扒嘅餐廳，今次就一於入去試試啦。晚餐時段有唔同套餐可選擇，跟飯素嘅白飯、沙律同前菜，都幾豐富㗎！我就揀咗個極邪惡嘅吉列炸牛扒，牛扒本身已經好罪惡，仲加埋吉列炸過後真係令人流晒口水，未燒前見到佢炸過都仲係好粉嫩。有個爐比我地慢慢燒嚟食，控制生熟度。聽住牛嘅油脂滋滋聲，再食一塊燒到剛剛好嘅牛肉，肉質腍嫩加上脆口嘅外衣，真係好高質啊！邊食牛扒邊食附上嘅沙律同前菜解膩。朋友就揀咗頂級板腱牛扒，唔洗燒就咗切開就食得，牛扒燒得剛剛好仲好粉嫩，咬落都好腍，唯獨中間有條筋就麻煩少少。另外依家仲有個優惠係飲品送小食，我地就點咗杯Peach Soda，小食有薯條、雞翼等選擇，朋友就建議蜜糖蒜香雞翼。上枱後發現雞翼都幾大隻，外皮炸到好酥脆，入面都仲有肉汁，肉質仲有啲彈，唔係hea你嘅。

Steak Bar (銅鑼灣)又到Happy Friday💕 見到這間餐廳做午市定食半價優惠，加上又想烤肉，於是忍不住訂位去試下～Set B 石燒薄牛肉定食 $128Lunch set 非常豐富，有黑醋汁沙律🥗，酸酸甜甜很開胃，還有一件麻醬豆腐和一罐汽水，職員在石燒爐放上牛油🧈，食客可自由調節牛肉的熟度👍🏻牛肉片無筋無肥膏，燒熟後可配已烤好了的蒜片，或配醬油/鹽😋 小編配了鋪滿飯素的白飯，牛肉片的肉汁被飯吸收，好夾😋😋Set I 石燒牛肉併豚肉定食 $60 （半價後）同事試了這個套餐，牛肉與薄牛肉定食無異，但多了豚肉片，另外沒有牛油提供。同事另加了$8 飯轉了薯條🍟，薯條即炸夠熱，上面有少許胡椒粉調味。這餐非常滿足，不過小編亦戰戰兢兢，因為石燒爐非常熱，烤肉時油脂難免濺到手🥲🥲 不過小編同事覺得濺到一兩次後便適應了🤣*無需加一服務費地址：銅鑼灣登龍街36-48號登輝大廈地下B號舖

超滿足嘅一餐， IG成日見到人哋有鐵板燒牛，仲要係一人一個鐵板，一見到就好想試，但係嗰間呢好似好出名，同埋分店唔算多，要去到將軍澳嗰頭仙遊。咁有日咁岩去開登龍街食嘢，諗住搵吓餐廳呀，唔係好揀得啱，本身仲諗住食拉麵算數，但係經過呢一間野，門口唔算好吸引，但係咁岩比我喺門口偷睇入去，見到班人就係食緊我好想食嘅鐵板燒牛，即刻轉地點入去。我哋兩個人lunch嚟食，最抵死係佢做緊優惠第二份半價，價錢咁吸引，一定要嗌最貴嗰個食啦，嗌咗嗰個吉列牛，同埋一份普通價錢嘅牛。普通價錢嘅牛同埋貴價牛嘅分別係，好似多咗啲醬汁，同埋個牛嘅形態唔同。薯條就正常啦。佢啲牛可以自己一人一個爐去燒，係好有特色，同埋打卡正，我鋪完上IG story，即刻有friend問我食邊間，仲即刻約咗個friend又黎食。個牛拎去煎好正，吉列牛嘅口感好爽，除咗有煎香嘅口感，仲有啲脆脆嘅感覺，係啲飯上面再配上日本嘅味粉，撈埋一齊食，味道啱啱好，唔會話太鹹，食住牛再食住呢碗飯真係一流。

今日同老公去銅鑼灣行街shopping (買吓小朋友夏天衫），行街行到攰就諗吓想食咩，銅鑼灣登龍街出名多野食，所以我地好自然就去到登龍睇吓有咩食😋😋老公揀左steak Bar,因為我老公係牛魔王，無牛不歡😝😝😝坐低左，原來有lunch Set ,價錢唔算貴，d相好吸引😍😍⭐️吉列炸牛排定食⭐️$188定食包括有前菜沙律，豆腐，飲品，仲有一大碗飯🤣🤣吉列牛外脆內軟，自己鐘意幾成熟就可以自己控制👍🏻成塊吉列牛都好大塊👍🏻👍🏻👍🏻⭐️石燒薄切牛肉定食⭐️$158又大又薄既牛肉片，慢慢咁放在石燒度燒，每邊燒10秒 就食得😋😋超juicy.. 牛味勁重，撈飯一流👍🏻👍🏻午時時段，有優惠價小食：⭐️蜜糖蒜香雞翼⭐️熱辣辣，即叫即炸，多蜜糖多到流⭐️雞軟骨餃子🥟⭐️咬落口感好得意😎值得一讚服務員態度好好，服務一流，勁主動攞牙籤，又提我小心火❤️‍🔥

愛食牛的我，突然心血來潮想食吉列牛，就去了位於銅鑼灣Steak Bar食野。我選了人氣菜式 - 吉列炸牛扒定食，當中包括前菜，沙律和飯。這個吉列牛係自己燒，可以因應自己喜愛決定熟成度，對於吾食生野的我，這個啱曬我。吉列牛上檯，賣相精緻。店員介紹每邊燒20秒左右便可，我自己就燒到全熟。即使全熟，肉質也不會硬和乾，仲附有醬汁和鹽俾客人點肉食，牛味更突出。我鍾意飯混入飯素，多一份口感。小食點左吉列炸蝦，外層不算太厚粉。飲品點了蜜桃梳打，食完燒野，飲完透心涼。下次要試下牛舌。

辛苦得來志在食，來個邪惡午餐中和一下上班的納悶。平日𝗟𝘂𝗻𝗰𝗵 𝗧𝗶𝗺𝗲不用排隊，經過來到𝗠𝗲𝗻𝘂是吃牛為主，未吃過吉列牛的我當然要試一下這裡的招牌菜呀！🥩吉列炸牛扒定食 $𝟭𝟴𝟴午餐定食除了主角吉列炸牛扒外，還有柚子醋沙律、芝麻醬豆腐和白飯一碗。意想不到，𝗟𝘂𝗻𝗰𝗵 𝗦𝗲𝘁的吉列牛扒大大塊份量不少啊！上桌時呈鮮紅色，外層包有金黃色薄薄的麵包糠和有幾片炸蒜片。在熱石板上先以牛油熱一熱，再下牛扒，如果跟我一樣喜歡𝗠𝗲𝗱𝗶𝘂𝗺 𝗥𝗮𝗿𝗲的熟度，大概𝟭𝟬秒就可翻面了！牛味濃醇，肉質夠嫩，帶點淡淡的牛油香和肉汁，外脆內軟，不用沾醬已非常好吃！▪️初體驗一開始還未掌握到自己心中完美的熟度。不過牛扒份量足，有𝟭𝟬條讓你耐心地慢慢試，成功的話不禁會沾沾，還會覺得特別好吃啊！如果你時間緊絀只能𝗤𝘂𝗶𝗰𝗸 𝗟𝘂𝗻𝗰𝗵，那就要點其他的定食了。

🍽 Deep Fried Beef Cutlet💰 HK$188 (lunch)🍽 Beef Tongue on Grill Plate💰 HK$120 (lunch)🍽 Beef Pork Combo on Grill Plate💰 HK$60 (lunch)🍽 Honey Garlic Chicken Wings💰 HK$58 (lunch) We went to a self grilling beef restaurant which is located in Causeway Bay. We booked a table at 12pm. After we arrived, the staff gave us some plastic mask holders. Also, the staff explained the menu to us and recommend which lunch set is popular. Good Service👍🏻👍🏻During virus period, customers who have a table for 2 or ab

銅鑼灣登龍街一向都是美食集中地，今天就專程去其中的Steak Bar同朋友食晚餐。餐廳主要提供各式牛扒類和吉列牛定食，非常適合牛魔皇。我地叫左吉列炸牛扒定食同牛舌拼薄切牛定食。定食本身已包飯、沙律和前菜，非常抵食。吉列牛牛扒外皮炸得金黃，內裡粉紅，餐廳提供石爐用來輕輕燒一下牛扒兩邊。吉列牛的外皮吃起來非常香脆，內裡肉質卻非常嫩，值得推薦。牛舌拼薄切牛可以一次過試哂2款牛肉。薄切牛燒幾十秒就食得，肉質好稔身。牛舌燒完咬落多汁肉汁豐富充滿牛香又爽口。仲可以自由配搭唔同既醬汁或檸檬汁食。..Steak Bar 🐂銅鑼灣登龍街36-48號登輝大廈地下B號舖..

終於可以四個人一齊食嘢啦呢間餐廳平時經過都好多人所以都幾期待！今次去試下不過發覺佢啲位都幾迫下... 石板燒反而空間唔夠大油煙味都幾勁下我地一共叫咗個4個 有2個餐係一樣😂😂「吉列牛扒定食」有個爐仔可以自己燒🥰生熟程度可以自己控制！牛扒都大大件本身已經切好咗俾你所以就唔使自己切板腱牛扒定食有d難咬 有d硬澳洲黑毛安格斯西冷牛扒不過定食都幾豐富有飲品有沙律有豆腐小食😋😋飯上面啲飯素都幾多下個人認為女仔切一件嘅牛扒有啲手軟😅😅不過呢個份量就啱啲男仔食 夠飽肚

今次我哋係中午時段去光顧既，當日做緊叫兩個lunch set 其中一個就有半價既優惠。我哋叫咗一個招牌既牛肉漢堡包配薯條，一個牛肉定食。牛肉定食就味道普普通通，但份量算吾錯，厚切牛肉，一份入面仲會有牛筋，牛筋煮得幾淋，好入味。最值我一提既係第二個餐招牌牛肉漢堡，因為佢哋有別於一般漢堡包，佢哋漢堡包所用既吾係普通漢堡扒你真係食得出有一塊塊牛肉質地嘅牛肉夾係包入裏，相當好味！！

又係銅鑼灣登龍街搵食之日。今日就泥試下呢間，聽就聽講左好耐，但一直未有機會試既Steak Bar。去到一睇menu，原來佢做緊定食半價，二人同行既話，第二份指定定食有半價，的確係幾抵食。而今次我就係同老婆泥食，所以就可以享用呢個promotion 啦。老婆叫左個『吉列炸牛扒定食』，我就叫左『雞扒定食』。先講個吉列牛，雖然唔講得上係最頂級既牛，不過加埋個promotion，性價比泥講算合格，而且份量都算唔細。雞扒定食都算係合格，雞肉都夠嫩，不過我就稍嫌佢咸左少少姐，除此之外，都無咩好彈啦。

好多kol有推過依加野平時行過都見成日滿坐所以抱住好期待既心入去裏面真係好迫 枱同枱之間無咩距離 首先吉列炸牛扒定食個牛真係無乜牛味 個色水都好一般 再加熱都無補於事另一個板腱牛扒定食我要左五成熟 但係真係好難咬 佢個樣唔係過熟 但係好硬成餐飯食得好無奈裏面又熱又大陣煙味 人與人之間距離都好近 本人覺得有啲伏

好難食好難食，牛肉無牛味，牛舌無味。睇樣就知係下欄野，無乜要求無乜所謂都覺得入唔到口！都唔知點解有咁多正評，中哂伏。好好地一碗白飯又要加埋啲韓國調味配料，不倫不類。唯一優點餐廳唔洗加一。

👉🏽吉列牛扒Set $188其實我就覺得還好嘅。吉列牛煎熟咗都頗有牛香味，但係煎pan上本來就有舊牛油，再加上牛肉出既油，就覺得油膩感偏重🥲套餐裏面仲有飯、沙律、豆腐，其他我就無咩印象，飯都幾好食既，份量都岩岩好👉🏽 石燒和牛燒肉 +$68油香味偏重既牛肉片，薄薄一片價錢都抵食，叫兩個套餐就可以用優惠價$68去換購。店員好細心，見到張枱無位都等我煎曬吉列牛扒先上。👉🏽 飲品加小食 $35舖頭做緊優惠，叫一杯無酒精飲品會送薯條/雞翼。薯條意外地好食，外脆內軟😍但可惜我未影相就食咗😂不過我就覺得真係抵既，$35有野飲有小食。整體我就覺得還好啦，吉列牛可能都係餐廳既gimmick野。我見其他枱都會叫正常既牛扒Set，我覺得牛肉肉味都濃既，下次叫其他set可能好啲！不過值得一讚係店員好nice好細心，就算佢地好忙都唔會要等，有野叫佢地都好快手💪🏻

吃了令人不愉快的午餐😥炎炎夏日想搵一間好嘅餐廳，經過呢間有漢堡包又有定食，睇落以為幾好咁，地方細唔緊要，但係好唔光猛，坐得唔舒服。疫情期間，枱與枱之間得好少距離，感覺有啲唔安全。我叫午餐，有跟埋餐飲，我問：「有無熱飲？」侍應：「可加$12轉特式熱飲，或者熱綠茶。」我話要熱綠茶，但原來呢一杯所謂「熱綠茶」就係我見每位食客枱上都有附送嘅綠茶。太取巧了，跟餐的飲品就果杯免費茶水...😰😰😰😰😰😰😰😰😰😰😰$98 蒜香牛肉定食賣相一般，沙律前菜唔新鮮，啲菜感覺好霉，而且痴住晒一舊舊，好唔清爽，完全唔敢食😥沙律始終係生冷野處理得好啲會更好😓牛肉食落偏鞋，好似蒜蒸排骨嘅味道...標得呢個價錢，有咁嘅新材，其實餐廳可以做好少少，對得住自己同客人，客人都係因為你嘅好評而來，但係服務態度同餐飲都未達標😕