影片
不用四十蚊又有很多不同款的套餐可选，味道又合格，服务又唔太差，唔明点解咁多劣评？ 我食过都唔错㖞！ 俾个笑脸你！
继续阅读
星期五晚，一行三人吃晚饭，又唔想食快餐咁dry，又无蚊食好啲，就到连城广场1楼连城美食坊走走，见到Stage Cafe 几十蚊有汤又有咖啡，试吓啦！我叫了猪扒拼法兰克福肠，前菜要沙律；其它二人要龙利柳牛油忌廉汁配饭，餐汤。我会在收费与服务水平挂钩的，所以这里的服务水平虽只一般，但我已觉得好OK啦。食物方面，猪扒拼法兰克福肠份量十足，两块猪扒好大件，要同家人分享呀，龙利柳好味但细小小，忌廉汁都ok(唔太稀)。总的都OK；都系果句，比几＋蚊想食皇帝餐咩。
继续阅读
今天下午在Tutto TEA完在新城市行街街，直到晚饭都在沙田解决，本来打算去新城市UCC，但有人龙排队先转去连城揾食。连城上到顶楼，见有几间食肆选择，但经过Euro GoGo无空位，Strawberry Plus又有朋友话试过唔得，最后先入左Stage Cafe。Stage Cafe环境较为幽暗，气氛尚算唔错，颇适合情侣拍拖。看看餐牌，咦，价钱都几大众化㖞！Set Dinner大概由$58至$78（另收加一），加上之前在Tutto食左贵夹唔抵的下午茶，相比下宁舍觉得Stage价钱合理。点左一份龙利柳牛油忌廉汁配饭$58，set有餐汤或鸭胸凯撒沙律。主菜龙利柳份量唔多，味道普普通通，但鱼肉尚算嫩滑可口，整体来讲不过不失，虽无惊喜亦不算让人失望。不过，有位女性朋友点左猪扒拼法兰克福肠，大大条法兰克福肠加二件猪扒堆得高高的，佢一个女仔系食唔晒的份量，要分给身边的朋友！但为我们服务的服务员，虽然服务态度唔系差，但反应较为缓慢，一件事要我们讲几次先明；亦有另一名服务员唔知因为咩事大大声叫喊，所以服务要扣少少分！
继续阅读
我哋五个人去连城广场行咗一个圈，最后比佢呢间铺头嘅门面吸引咗入去试...点知...我哋叫咗个焗饭，个焗饭暖暖哋架㖞，食嘢最「骤」忌架啦，之后个香草鲜虾吞拿鱼长通粉好多水，唔系汁，个蒜泥牛肉粒就得个热字，个吉烈猪扒粉多肉少，啲粉仲厚过件猪扒，个蕃茄猪扒汤乌冬又酸又暖。唉...一句讲哂无下次，有钱都唔好拎去呢啲地方度洗﹗差差差﹗
继续阅读
第一次食系位于LCX嘅Stage Cafe..除左海景同心太软之外真系无咩野好喇...最后唔知咩原因执左..今日去沙田shopping又比我见到佢..谂住睇下有冇分别喇.....点知...我地要左个2人餐..可以拣2个汤+2个饭/意粉+汽水/咖啡/茶($118,+10%)紫苏叶带子鱼柳天使面唔热..无味..似碌琳左嘅虾子面..带子已经得2细粒..仲要一开2..鱼柳ok白汁野菌阔条面唔热..阔条面唔够熟..仲有少少硬..要汽水无汽水..转左奶茶..奶味较浓..尚算可以..但个杯崩嘅=_=''*因我地要share..另要求2只碟..2只都好旧..中间位花哂..边位又崩哂..无．下．次！！！！
继续阅读