Stage Cafe (已結業)

不用四十蚊又有很多不同款的套餐可選，味道又合格，服務又唔太差，唔明點解咁多劣評？ 我食過都唔錯喎！ 俾個笑臉你！

星期五晚，一行三人吃晚飯，又唔想食快餐咁dry，又無蚊食好啲，就到連城廣場1樓連城美食坊走走，見到Stage Cafe 幾十蚊有湯又有咖啡，試吓啦！我叫了豬扒拼法蘭克福腸，前菜要沙律；其它二人要龍利柳牛油忌廉汁配飯，餐湯。我會在收費與服務水平掛鈎的，所以這裡的服務水平雖只一般，但我已覺得好OK啦。食物方面，豬扒拼法蘭克福腸份量十足，兩塊豬扒好大件，要同家人分享呀，龍利柳好味但細小小，忌廉汁都ok(唔太稀)。總的都OK；都係果句，比幾＋蚊想食皇帝餐咩。

今天下午在Tutto TEA完在新城市行街街，直到晚飯都在沙田解決，本來打算去新城市UCC，但有人龍排隊先轉去連城搵食。連城上到頂樓，見有幾間食肆選擇，但經過Euro GoGo無空位，Strawberry Plus又有朋友話試過唔得，最後先入左Stage Cafe。Stage Cafe環境較為幽暗，氣氛尚算唔錯，頗適合情侶拍拖。看看餐牌，咦，價錢都幾大眾化喎！Set Dinner大概由$58至$78（另收加一），加上之前在Tutto食左貴夾唔抵的下午茶，相比下寧舍覺得Stage價錢合理。點左一份龍利柳牛油忌廉汁配飯$58，set有餐湯或鴨胸凱撒沙律。主菜龍利柳份量唔多，味道普普通通，但魚肉尚算嫩滑可口，整體來講不過不失，雖無驚喜亦不算讓人失望。不過，有位女性朋友點左豬扒拼法蘭克福腸，大大條法蘭克福腸加二件豬扒堆得高高的，佢一個女仔係食唔晒的份量，要分給身邊的朋友！但為我們服務的服務員，雖然服務態度唔係差，但反應較為緩慢，一件事要我們講幾次先明；亦有另一名服務員唔知因為咩事大大聲叫喊，所以服務要扣少少分！

我哋五個人去連城廣場行咗一個圈，最後比佢呢間鋪頭嘅門面吸引咗入去試...點知...我哋叫咗個焗飯，個焗飯暖暖哋架喎，食嘢最「驟」忌架啦，之後個香草鮮蝦吞拿魚長通粉好多水，唔係汁，個蒜泥牛肉粒就得個熱字，個吉烈豬扒粉多肉少，啲粉仲厚過件豬扒，個蕃茄豬扒湯烏冬又酸又暖。唉...一句講哂無下次，有錢都唔好拎去呢啲地方度洗﹗差差差﹗

第一次食係位於LCX嘅Stage Cafe..除左海景同心太軟之外真係無咩野好喇...最後唔知咩原因執左..今日去沙田shopping又比我見到佢..諗住睇下有冇分別喇.....點知...我地要左個2人餐..可以揀2個湯+2個飯/意粉+汽水/咖啡/茶($118,+10%)紫蘇葉帶子魚柳天使麵唔熱..無味..似碌琳左嘅蝦子麵..帶子已經得2細粒..仲要一開2..魚柳ok白汁野菌闊條麵唔熱..闊條麵唔夠熟..仲有少少硬..要汽水無汽水..轉左奶茶..奶味較濃..尚算可以..但個杯崩嘅=_=''*因我地要share..另要求2隻碟..2隻都好舊..中間位花哂..邊位又崩哂..無．下．次！！！！

沙田食野幾時都咁多人, 去一間唔洗等位又係巿中心地帶既後果係:油油油油油第一次食stage cafe係幾年前係lcx, 果時d野食都算精緻, 不過之後每放越下, 作夜更比茶餐ting bad, 天使面一pat咁, 個碟好多汁周圍都係-.-又side左錢添...

約朋友行街，找了一陣子才想到來這家店試試，我們都沒試過這家店，午餐有湯有主菜，飲品及甜品，價錢約$50至$70 元不等，見門面裝飾都好像不錯，所以就入去坐下來點菜了。我們都點了白湯，味道淡得來接近沒有味，伴湯的蒜泥包不錯，不過有點厚身。主菜我點了個叫"白汁雞絲燴飯"，朋友的像是雜菌天使麵，不過來到後我覺得燴飯有點像一般茶餐聽叫的"碟頭飯"，只不過是碟及飯上碟的樣子都別緻些罷了。中文餐牌上寫燴飯，旁邊寫的英文是"XXX with steam rice"，我攪不懂什麼才是燴飯，味道不過不失，不過我相信一般快餐店都吃到這個"碟頭飯"。聽朋友說他的天使麵都好像一般貨色，之後他期望甜品可以好一些啦。(朋友對食物都有幾高要求~)果然甜品不令我們失望，可以說是全個餐最好的東西，不過說真的，甜點都不是太驚人的食物，不會是令人吃過不忘的美點。另外環境陰陰暗暗的，場地不大不過服務生有兩三個都好像沒有什麼服務，有background music都好像死氣沈沈的。所以，這家店試過就行了，第一次來吃的水準就如此，怎教人對它的其他食物有信心？(甜點例外)當天坐我們鄰座的4個男女，看他們吃的午餐都還沒有吃完就走了，

生日同女朋友食晚餐，見環境唔錯就入去試下~食左個二人餐，前菜有三文魚salad同焗田螺，都ok，冇咩意見，因為自己唔係太鐘意食e兩樣野。主菜叫左肉眼扒拼大蝦同埋火龍果焗海鮮飯，肉眼扒叫左八成熟，都ok~至於個蝦就一般。海鮮飯好多料，都幾好食~可惜冇甜品，得餐飲。整體黎講都唔錯，唔算太貴，環境幾好，服務都幾好，係最尾食完無耐就叫你埋單，好似催你走咁就唔多滿意。

由於附近的食店都好多人, 這間不需要等太久, 便選擇了。叫了3個餐, 餐湯過份鹹, 意粉沒什麼味道，甜品還算可以。食味味道已經不好, 就連服務生的態度都不好!其中一個意粉等了太久都還未來, 於是追一下, 不知是服務生真的沒有留意我們，還是假裝不見，叫了好耐都冇人理會，終於有服務生留意到了，可是態度卻很差...叫佢幫我地追單, 應了好,但走返入去做茶水, 完全冇幫我地跟，就連遲黎的隔離檯同我地叫同一樣野, 佢地竟然快過我地!我地再追多一次，仲要等多幾分鐘先有!不值去食呀!!用呢個價錢去對面仲好!!!

個忌廉湯好稀....細佬點了西冷牛扒，規定要可以七成熟，唔可以隨意點幾多成熟....好奇怪....我點的波菜蜆肉蟹天使麵﹐好淡無味，平時我唔會食tabasco，但淡到我要叫佢比我，先食到....得好少蜆肉...甜品係朱古力蛋糕，都算ok ~ ~

今曰我和朋友往食午餐，點知留下一個不愉怏嘅經歷。先來一個暖嘅湯及兩塊飽，當我把最後一塊飽拿起時，個waitress立刻將個飽籃取走，好似好趕，再來一個生米及只有兩塊牛尾嘅飯，我朋友碟扁麵只有一塊草菇，在進食期間巳經好多人聲但間餐廳重播放一些嘈吵嘅音樂，越食越煩。但杯架啡及甜品就好好。

話說今晚同女朋友去街食飯，見到呢間餐廳環境ok，餐廳都唔小人，心想呢間餐廳應該唔差掛，點知．．．．．嘩！完全唔掂呀！首先個洋葱湯，不過不失啦，但洋葱湯無乜肉無乜洋葱，水汪汪既到主菜我叫了個肉眼扒，上枱後塊扒個面凍既，塊扒又細薯茸凍既，連舊薯仔食下食下都有怪味‧‧‧‧‧‧‧大家樂都好過佢啦然後我女朋友叫了龍蝦仔意粉，等了成九個字，一上枱好香下，食落後‧‧‧‧‧嘩！龍蝦仔d肉小到得一舊仔，真係得個殼，d肉又霉既，意粉又唔夠彈牙，唉‧‧‧‧‧失望失望非常失望！甜品個侍應話佢地d布甸好食過滿記，食落去都唔知係乜，不知所謂！總括黎講呢間餐廳我可以用2個字黎形容- 垃圾！咁既價錢但比d咁既食物我，完全唔掂！最頂癮係佢枱張紙寫住unforgettable experience呢回我真係唔方唔unforgettable experience啦！！！！

（5/5）Hubby & I ordered: 1）芝司局飯-芝司局焦了。除了飯和芝司，沒有別的配料了。2）公司三文治- 普通，用料豐富，有Bacon, Tomato, Lettuce, Ham, Cheese and Chicken breast. 薯條涼左，淋左，炸得不夠熟。不過不失，可待改進。

之前同朋友分別光顧過唔同分店, 都ok, 見呢間價錢平, 試下啦... 點知好難食啊啊啊啊啊啊啊啊啊啊啊啊啊啊啊啊湯- 酥皮洋蔥湯- 普普通通啦主菜先係主打~~~~~~~ 咁難食我地分別叫左rib eye同羊扒, 諗住比較保險... 唉... 2個都好難食啊啊啊啊啊啊啊啊啊啊啊啊啊啊啊啊rib eye 已經portion唔大, 我見朋友重切左好大份膏..甜品- 其實落order時叫左, 不過waitor哥哥見我地食緊main course時又問過:我朋友好快答'叫左'我再加多句, '每樣一款' (set dinner得2款)哥哥聽完走左又返來, '小姐可唔可以講多次要邊個甜品?' -_____-"我再抄答案, '每樣一款' 哥哥, '即係每款一個呀呵?' (唔, 我地得2個人叫得2個餐之嘛, 你係咪送多個比我地呢) -________________________-"

今日收左工一個人想食tea，見入面無咩人就入去啦。點左個香茅豬扒拉麵，一送上來便深感不妙。首先個湯係淡而無味的菇湯，但係無菇的，只係有少少菇味。拉麵仲無黐住一餅的，仲有d黐牙，不知所謂。塊香茅豬扒仲勁，一d香茅味都無，係有午餐肉味。塊豬扒仲好奇怪，佢唔係切好上，又唔係原塊上，而係一塊切幾下半刀，成塊八爪魚咁。唉...點解我會入來食左碗咁嘅嘢？