SPICE Restaurant & Bar

营业中

休息中

今次我地去左尖沙咀諾士佛臺食晚餐，除左覺得地點方便之外，覺得呢到食物選擇多，價錢合理。 餐廳環境非常舒適，店員服務好，非常有禮貌，食物整體水準令人滿意。 呢個<海鮮意大利麵 $105>好足料，有好多海鮮，有蝦有魚有墨魚等等，意大利粉質地彈牙，口感好，意大利粉醬汁是辣的帶點點香草味，加埋有蕃茄好醒胃好惹味，辣度方面覺得係中辣，會比較岩食得辣的朋友。 <BBQ Chicken “10” $105>我地好鍾意呢個pizza，批底質感軟熟，屬厚批，醬汁是BBQ醬，味道帶點甜，好多芝士，芝士軟綿綿多到拉晒絲，加埋雞肉嫩滑，成個配撘好夾。 甜品味道方面係有意外驚喜，<Cheese cake$62>入口非常細滑，蛋糕甜度適中，芝士味幾濃郁，蛋糕令人相當滿意之外，旁邊的朱古力雪糕一點都唔失色，朱古力雪糕好香濃，絕對值得食。

由於聖誕都好忙呀，所以遲咗去食聖誕大餐，今年嘅大餐都幾大㗎而且又唔錯喎！好值得我去寫出嚟讚吓呀👍🏻👍🏻今次嚟到尖沙咀揾咗間朋友介紹嘅印度餐廳，嚟到諗咗好諗想食乜好，都真係心大心細咗幾耐吓，因為好多嘢都想食🧐不過最重要叫咗樣最想食嘅煎魚先，因為本人都好鍾意食，無理由唔叫嘅！！之後叫多碟咖哩雞同一底12吋比薩，最後覺得食咁大個比薩再嚟多杯無酒精版雞尾酒。先嚟估唔到係最清嘅煎魚先，咁都好嘅咪之後嗰兩樣咁濃會浪費咗；嗯～～～果然係好好食🤤🤤😭好感動嘅味道，好耐無食過呢種魚味，仲要好新鮮咁煮出嚟，因為我成嘴都有陣鮮味～～～～🤤再嚟就係咖哩雞同比薩喇，呢樣都勁好食，尤其係咖嘢雞，我都食過好多地方整嘅咖嘢雞，呢度比較出眾，食落唔覺得油膩之餘仲唔會濟添，都唔明點解可以做到咁，雖然無叫個飯嚟配或者係薄餅，不過有比薩一樣無問題呀，搞到好開胃，差啲要打包埋。

最近好多節日要慶祝，又到年尾，就係見一見班三五知己的好時刻！又要有好野飲又要有好野食，場合又岩傾計聚腳的地方係尖沙咀有好多選擇～而呢間是新發現很有氣氛的環境～位置都幾舒服～同一大班朋友聚下都好夠位！不過最令我開心的，係呢到有唔係間間酒吧有的無酒精雞尾酒🍸！！好正！登登登登！呢杯係其中一杯好欣賞的飲品❤️cucumber mint cooler!😋好好味，酸酸地甜甜地又有一陣陣超級清爽清涼感！💃🏻好正！係呢間店特有的 mocktails!之後叫了份牛油雞！咖喱超軟滑！雞肉唔會好乾，有肉汁，味道濃郁，配埋薄餅/飯食真心一流！必食😋Wowowow!另外一個主菜來到了，是香煎魚柳配薯泥～魚煎得超級香，肉質好滑，但又有少少脆的外表，醬汁味道特別，有少少牛油香草汁的感覺，但又唔會有肥膩感～薯泥簡直係冇得頂！薯仔味重卻很滑！最後來到這個pizza!(同埋咖哩成簡直係重口味必食之選🤣）呢個係chicken tikka pizza!呢個pizza 是印度口味，醬汁有少少似蕃茄汁，但又好似有少少唔同～唔太甜的～配上芝士同燒雞！Yummy!

收工想食野又想HAPPY HOUR，諾士佛臺大把選擇，聽同事講話呢間質素唔錯，果然環境好好，座位又闊落，岩哂大家傾計。 要左個好特別GE小食，SAMOSA印度咖哩角，好香口，仲有兩款沾醬揀我至愛GE PIZZA MARGHERITA，只有蕃茄同芝士兩種簡單配料，但先至可以真正突出材料GE香氣同味道，餅底厚身而香脆BABY BACK RIBS肉汁豐厚又易離骨，配埋厚薯角一流啦BUTTER CHICKEN勁好食，個汁好CREAMY，雞肉又嫩，可惜太飽無叫到naan最後黎個甜品做wrap up，賣相好靚，有埋雪糕冷熱口感好正呀最後HAPPY HOUR竟然無飲酒，叫左杯西瓜汁清清熱氣哈哈

記得之前有朋友講過諾士佛臺有間好食印度餐廳，環境食物服務都一流，通常以我熟悉嘅印度野都係一啲比較地道嘅小店，通常環境都一般般，於是換下新口味，去試下呢間睇下係唔係真係咁好食先！
間野好易搵就係諾士佛臺第一幢大廈2樓，上到去真係同一般酒吧無異，環境一流，高格調，好chill，唔講唔知會係食印度野！呢間野靜靜地好舒服，唔會太嘈，同埋坐得好舒服，座位同座位間都有空間，好岩girls talk或者情侶黎！餐牌除左有印度食物，仲有pizza、漢堡、意粉，甜品等，總有一款岩口味，但一心黎食印度野，叫嘅都係印度食物！素咖喱角 Samosa$80不得不吃Samosa這個印度小食，同我們慣常食嘅咖喱角唔同，Samosa體積比較大，形狀較立體，一咬就散發香濃牛油味，外層鬆化得來又脆卜卜，包住雜菜等豐富餡料，蘸埋特調嘅奶油及甜酸醬汁更滋味無窮。Achari Chicken Tikka $120
食印度野一定會食印度烤雞肉，上菜嘅時候仲聽到“sasa”聲，原來放左係鐵板上保持住熱辣辣，食落都真係辣辣地幾惹味，仲要外酥内嫩，唔乾身；香烤美食都會可以配烤餅，我地就揀左芝士印度烤餅，有4大塊，外皮好脆

有次同朋友喺尖沙咀行街，見到呢間鋪頭名比較特別又唔知佢食咩嘅就入咗去坐低啦餐廳環境非常寬敞，而且燈光唔會太刺眼得嚟又好有氣氛同男朋友嚟一定好浪漫啊因為我哋唔算超級肚餓所以淨係叫咗個大pizza同一碟牛油雞，咁大個pizza都只係135到140蚊，其實真係非常抵叫！啲芝士真係多到拉到絲架牛油雞配印度簿餅嚟食真係一流，唔會好辣，我哋食多幾碟都仲得之後店員仲推薦咗我哋飲呢杯奇異果薄荷沙冰，味道好特別好醒神

剛過聖誕節，心情還在休假氛圍中，按耐不住想一嚐美食的念頭，便邀約了大學同學一同遊玩嚐美食。聽同學介紹有家風評不錯的印度菜餐廳位於尖沙咀，一聽有美食馬上引起我的興趣，二話不說立馬來到了這家名為Spice印度菜餐廳，一入門餐廳格調高級空間寬廣，桌與桌間寬敞不擁擠坐的很舒服很喜歡這種異國風情。服務生很親切的噓寒問暖送上餐牌，仔細一看，有多種的異國料理，原來不是只有印度菜，真是名副其實的異國料理。這餐飯考慮選擇後共點了三道菜式。同學與我很想嚐嚐芝士烤餅Cheese naan，在搭上一客海鮮披薩當做今晚的饗宴。芝士烤餅原來是將芝士夾於在烤餅皮內，烤餅烤至有點酥但還保有咬勁，在嘴中咀嚼後，芝士與烤餅淡淡焦香結合讓人有意想不到的好滋味，真的擄獲了我們的胃。接著上桌的是12吋Seafood大披薩，份量十足。滿滿芝士鋪面，熱熱上桌陣陣香氣撲鼻，一口咬下有芝士香與海鮮的鮮，層次在嘴中交匯真的是好滋味。一餐飯怎麼能沒有飲品相伴呢！當然我們也點了飲品VirginColada。口口冰涼滑順不膩口，太喜愛這滋味。下次一定要再來嚐嚐。這一頓飯讓我們吃的歡心盡興，十分飽足，他日再次來嚐嚐其他的美味。

為了遠道而來的友人相聚，因為友人偏愛印泰重口味料理，立馬預定了SPICE這間異國料理餐廳，好好款待他。一進門印度風格的裝飾，柔和的燈光氣氛亦讓人感到情調滿點。座位寬敞用餐過程十分舒適愜意，店內也有小包廂提供選擇，不過為數不多，餐廳亦有附設酒吧讓喜愛飲酒之人多了許多選擇。看了餐牌果然匯集了印度，泰國，馬來菜多種菜式，名副其實的異國料理。這餐飯共點了芝士烤餅Cheese naan份量剛好四片一人兩片不多也不少，烤餅裡層夾著香味撲鼻的芝士，光是香氣已經很吸引，芝士滑口，餅皮有嚼勁兩著搭配真是好味道。再來是招牌菜Lamb shank羊排上桌時香氣彌漫，羊肉味香但處理恰當沒羊騷味，肉質彈牙好入口。羊肉佐上香濃醬汁再搭配綿密細口薯泥，這美味了然於心，非常喜愛的一道好料理。最後點了兩杯Moksha moctail 飲品。Moksha moctail加上了水果，搭配薄荷葉清涼消暑兩人都很喜愛這滋味。一頓飯讓我們吃的心滿意足，spice已經收入口袋，下次必定再次光臨

臨近2019, 想同朋友relax下，食番餐好既，就諗起諾士佛臺，但又唔想太嘈，所以簡左呢間餐廳。門面暗暗地，好有氣氛，好有空間感。我好中意佢啲燈，啲花紋好靚，好有民族特色。一入到去，wow!!!超既啊啲裝修，好fancy, 啲色用得好靚👍食物方面，本身想叫個牛扒，但可惜賣哂，就叫左個羊架好彩有叫到，因為真係好好食!!一碟有4 件，件件都好大件，好中意佢面頭有啲芥辣，佢燒過，有少少焦香，襯埋黎食真係好夾!而且佢煮得岩岩好! 入面仲好嫩好滑仲好厚添。本身想叫個Egyptian platter, 但唔想食咁多羊，所以最後簡左個三文魚。個煲又幾得意喎羊架都算濃味，食番呢個甜甜地既就岩岩好啦。 而且仲有好多蔬菜係入面吹水點少得cocktail 呢，但我覺得有啲藥水味，可能係莓既關係。。。店員仲好熱情，like facebook就請我地飲shots 哈哈!

環境同食物都好正👍聖誕果排，同好耐無見既朋友黎個gathering, 諗住飲下酒吹下水，上網睇到呢間環境都唔錯，一於試下☺ 果然無令我失望。首先個大堂已經好靚，棵聖誕樹都幾大，充滿聖誕氣氛。上到去都有一棵聖誕樹😊 而且門面都裝修得好靚。Menu好多野食，本身想同朋友叫個starter, 但我地都唔算話太肚餓，所以都係各叫一個main. 我地簡左羊架同salmon tagine. 每樣都好大份。先講羊架，佢唔算話好so，而且每件都好厚肉，切開入面仲係粉色，食落去個口感超好!!!佢上面配左啲燒過既muster sauce, 好夾! 而且仲有salad做配菜，夠哂fresh, 真係食多兩件都唔怕。至於個salmon tagine, 我開頭以為佢會好辣，點知又唔會，因為佢個sauce係用蔬菜煮，所以食落帶甜，配埋個salmon好鮮，同埋佢用煲上，唔會咁易凍哂，而佢配果碗我都唔太清楚係咩穀物，食落去一粒粒咁，好似意飯，口感幾得意。總括黎講，呢間餐廳環境好靚，食物我都好滿意，唔錯

係尖沙咀一帶人煙稠密，人多車多，平時都少嚟，但今次破例，因舊同學相約聚會午餐，話帶我嚟間high class啲嘅印度餐廳，除印度食物外，仲有亞拉伯特色食物，位於諾士佛臺一號。需然週邊食肆林立,但日間感覺優靜。一出𨋢已感受到聖誕氣氛。店內天花掛上多盞充滿印度色彩燈。有多張寛敞舒適梳化，部分座位用屏風間隔，感覺有私人空間，另有獨立房間，酒櫃內放滿各種樽裝酒類；最適合一班friends聚會。同學點咗個前菜有（阿拉伯特色），肉類拼盤夠特別；數落有10款、包括有鷹嘴豆泥、羊肉腸、特色肉丸、雞肉串燒、特色炸春卷、茄子春卷、醃製橄欖羊乳酪串、炸膺豆餅同蕃茄，仲贈送皮塔餅、蒸粗麥粉同蔬菜湯。我點咗香烤羊肉，係用印度香料烤練製成，睇落同食落都好似羊肉腸，呢款送印度烤餅，味道都唔錯，幾特別。今個午餐响咁舒適環境下一邊聽音樂，一邊嘆特色菜式，別具一番風味。

今天朋友帶我一起吃印度料理，這餐廳給我不一樣的感覺，讓人有種放空自己，很自在整個餐廳飄著各種菜的香味，很香。CHICKEN QUESADILLA$110好厚實的餅，捏著軟軟的，咬下去有驚喜，很有特色的醬，味道好棒。TANDOORILAMB CHOP$190十里飄香的羊排味，羊排的騷味處理的很好，肉嫩鮮美，配上美味的醬汁更美味。APPLE CRUMBLE$58清香的蘋果味，蘋果煮過的很香甜，放上一層酥餅酸酸甜甜很好吃。印度風也有很奇妙的感覺。

平日中午位於尖沙咀旺中帶靜嘅諾士佛臺，俾我揾到間中東fusion 菜，$79就有set lunch，好抵食；廚師例湯 Chef’s Soup of The Day，蕃茄濃湯 Tomato soup ，好香濃，飲到好似有Rosemary, black pepper, Basil leave, cropped onion, chilli ⋯⋯微微辣，響冬天飲好暖胃；Caesar Salad ，新鮮羅馬生菜、自製香碎麵包粒、Parmesan Cheese ，口感清新；House Salad，多種新鮮蔬菜、雞蛋、牛油果，豐富味蕾；Butter Chicken 牛油雞，蕃茄煮燒烤雞塊，椰香味重D，Lamb Rogan Josh 特製醬汁煮羊肉，用洋蔥及紅辣椒醬煮成，咖哩味濃D，兩個都係醬汁加肉點烤餅食（亦可選白飯），烤餅即叫即做，熱辣辣；加埋杯即磨咖啡及香濃英式奶茶，咁嘅份量、質素、環境，係唔係好抵？！

新一年開始，放工後，老公帶我來尖沙咀食好野！book左哩間叫spice restaurant bar ，環境舒服優美。餐牌多國菜選擇，我叫左個牛肉千層麵，老公叫左CARIBBEAN CHICKEN,仲有一款小食胡椒炸魷魚，兩杯野飲：菠蘿汁&朱古力沙冰🍹🍸CARIBBEAN CHICKEN份量大，兩件雞、仲有沙津、薯蓉、五色椒⋯雞十分嫩口，味道濃郁，配埋醬來食，非常美味。牛肉千層麵賣相十分吸引，芝士+牛肉⋯十分足料，千層麵佈滿了淡淡芝士同碎牛肉。小食胡椒炸魷魚炸得脆而不粉，加埋檸檬醬汁來食，口感一流！

今晚同朋友出開尖沙咀，經過諾士佛臺，我本人一向都覺得諾士佛臺一帶的食店，是非常有氣氛的。朋友推介這間食店。絕對是明智之選，首先食店環境舒適，裝修十分精緻，環境好正呀。好浪漫的感覺，最適合情侶來食，坐位又夠大，坐得好舒服，十分自在，冷氣又足，地方又清潔。店員多數是外國人，好友善和有禮貌。看完餐牌後，叫咗個海鲜薄餅，海鲜又多，又新鮮，份量又足，薄餅又有口感，是必食之選。再叫buffalo雞翼，是即炸的，又脆又香，非常回味。另叫咗個beef lasagna 。牛肉又新鮮，肉質鮮美，非常優質。之後再叫薯角，即炸，又香又入味。另叫意粉，同樣入味道和有水準。飲品叫咗cappuccino 。好濃好入味。综合各方面，絕對值得推介一下。