SPICE Restaurant & Bar

营业中

休息中

我諗好多人都嚟過諾士佛台飲嘢，但往往都忽略樓上有好多餐廳，（我就係其中一個）😂上個星期朋友就帶我嚟咗呢間印度菜餐廳，印度菜式我真係好小食，朋友知道我鍾意食辣，就同我講一定要試一試！我哋嗌左三個菜式，其中印度特色烤茅屋芝士，用上佢哋獨特嘅香料配埋個醬，我未試過，個配搭我覺得好好味！另外點左份烤雞，鐵板上熱辣辣，又係加咗佢哋嘅香料，好惹味，雞肉又滑！最後，大蝦咖喱配薄餅，大蝦新鮮彈牙亦都大隻，依個咖喱比出邊嘅辣好多我覺得好正（平時我去譚x米線食中辣）好香，個汁點薄餅一流！我對依餐飯好滿意，可能平時唔多食印度菜，菜式味道令我好深刻，我一定會同朋友再嚟食吖！❤️

同朋友係尖沙咀想飲下野傾下計，第一樣諗到諾士佛臺。地面幾間都好多人，朋友提議試下樓上餐廳，都試過唔差咁話～今次選擇左呢間印度多國菜，好彩早到都仲有好多位，餐廳都好大，位置又舒服，仲有好大個bar枱。背景播住印度音樂都幾得意啊！燈光暗暗地好舒服 岩哂傾計啦！meun中英對照好方便睇，先叫個小食咖哩角Samosa同脆片配芝士、牛油果醬Nachos，仲有茄子泥Zaalouk配印度薄餅。咖哩角好脆，不過個料有d辣，我比較水皮，唔食得辣都好野味。朋友食得辣既就話1D都唔辣😹咖哩角內好多料又有雞肉！牛油果脆片超正啊，點埋d汁好快食左好多，岩哂配野飲傾計食架。茄子泥點薄餅超好味啊！首先薄餅烤得好鬆軟，點埋d茄子泥，真係一流，d香料好好味！野飲呢我地都唔飲酒，叫左mocktail，virgin mojito 好香薄荷味啊 又夠冰！沖返d辣味🤣主食呢就叫左butter chicken，咖哩雞配薄餅。牛油雞放係鐵板上熱辣辣，份量又夠。雞肉超淋，牛油味好香，好好食啊！咖啡雞唔會辣但都好夠咖哩味，香料好味，點Garlic naan超正，好快食哂🤣呢個真係岩哂朋友傾計食飯啊👍🏻

又係約左飯腳好友既日子，大家周圍飲飲食食左無數咁多餐，唔係西餐日本野就係打邊爐，食到悶悶地，今次朋友就話不如試下中東印度菜。餐廳係諾士佛臺1號樓上，地方夠大，職員好快就安排入座，餐廳裝修摩登得黎又保留到中東色彩，風格好適合放工飲酒食野chill，有唔少食客點酒傾計，氣氛幾好。食物種類相當多元化，除左中東印度菜之外，亦有口味偏西方化既薯條、水牛城雞翼、pizza、steaks 、ribs 等選擇，細心照顧一d唔習慣食印度菜既食客。職員好有禮貌，效率都幾高，好快就點好菜同飲品。ZAALOUK先上前菜，凍凍地既茄子泥，配合熱辣辣印度烤餅一齊食，口感完全唔似食緊茄子，調味係簡單既蒜蓉、橄欖球、檸檬汁，係印度菜式比較少有既清新味道，好特別。SAMOSA 印度咖哩角印度人氣小食，相信唔少香港朋友都認識，炸得香脆既薄餅皮包入薯蓉、青豆、洋蔥，加上印度香辣香料，好香口。NACHOS叫左比較西方口味既NACHOS，即叫即焗製，上菜時仲熱辣辣，用料一D都唔馬虎，大大塊墨西哥粟米片，加埋辣肉醬 、牛油果醬 、酸忌廉、半溶芝士，食到停唔到口，一塊接一塊。BUTTER CHICHEN牛油雞係受歡迎印度菜式之一，

邊個話去諾士佛臺一定要飲酒？呢間西餐廳裝潢同設計都帶有風味同色彩 環境舒適 一次過食到西餐版嘅印度、泰國及馬來西亞 性價比都幾高😋-Chicken Tikka Pizza $130 10’’印度燒雞薄餅 係印度燒雞加入聖馬扎諾醬同芝士 超驚喜係熱辣辣嘅薄餅皮外脆內軟 燒雞肉粒夠滑 芝士同醬嘅味夠香濃 好豐富呀😆-Spaghetti Alla Pascatore $105好足料同新鮮嘅海鮮意大利粉 配上魷魚、蝦、魚肉 份量比預期多～ 蕃茄加埋紅辣椒 甜中帶辣好開胃😬

如果因為餐廳個名只聯想到辣字實在膚淺，膚淺既當然包括我，仲以為係間泰國菜，原來係一間選擇多元化而且裝修充滿印度神秘感覺既餐廳從未去過重慶大廈開餐，對咖哩興趣不大，只記得舊同事男朋友係印度人，有一次佢帶咗用印度米做既炒飯做午餐，幼到米粉既飯同平時食開好唔同，感覺冇咁滯胃，見餐牌有印度海鮮炒飯於是又試下先，印度香料味濃，接受到既人會一試愛上，海鮮都係大蝦、三文魚同魷魚，大大件每一啖都有餸入口牛肉千層麵被食評介紹吸引，如果係食肉獸同芝士愛好者一定鍾意，千層麵保持彈性，鋪滿香濃牛肉碎加蕃茄醬，每層都1cm厚，最啱叫多幾個朋友分享餐廳主要都係有酒精飲品，唔飲酒最啱飲杯鮮果汁，新鮮菠蘿汁不加糖水，少少甜微微酸消滯一流

今晚朋友帶左我去尖沙咀Spice Restaurant & Bar 食印度菜，餐廳環境不錯！因為我本身對印度菜式唔係太熟識，所以大部分菜式都由朋友order 朋友話烤雞係必食! 用鐵板上，熱辣辣，香味撲鼻，睇見都流口水！烤鷄味道不錯，醃得入味，香料味道唔會太重，肉質juicy, 唔會烤得太乾身，頗不錯！Nann印度薄餅，呢個係我order的，雖然我唔係成日食印度菜，但係每次食親都一定會叫Nann！配咖哩一流！Nann 入囗非常鬆軟，很香口！即使呢晚冇叫咖哩，就咁食都好味！朋友重order 左Nachos 墨西哥玉米片同 steak, 估唔到印度餐廳有得食 Nachos，芝士非常多，好脆口！環境舒服，味道不錯、價錢合理！以後同朋友飯聚又多一個選擇！

今日難得放假，我就陪媽咪食lunch。我地係尖沙咀行街，行到諾士佛台，我地就突然想食印度餐廳，就上去試下先！上到去環境好清靜，好舒適，同埋好高級呀！我地就叫左兩個lunch set 加一個烤雞。餐湯就係依個蘑菇湯，味道好濃郁，好creamy，配埋蒜蓉包，真係一流！我地揀左一個Caesar salad 一個house salad，份量好多，而且蔬菜🥬好新鮮。依個lunch set係特製醬汁煮羊肉配烤餅，望落以為好辣，但係食落就辣度適中，唔會過咸，羊肉份量多，入口即溶，同埋唔會好羶，怕羊羶味嘅我都接受到。烤餅就撈埋d汁一齊食，真係會食唔停啊！第二個lunch set就係啤酒酥炸魚柳薯條，食落去真係好鬆化，唔會覺得好油，而魚柳熟度剛剛好，好滑，好鮮甜，點泰式辣醬和沙津醬嘅仲會增加食慾之後食埋剛炸起熱辣辣嘅薯條，真係感覺好滿足呀！最後依個到烤雞，泥到好香噴噴，雞夠大件之如，好香口，有非常濃郁嘅印度香料，好好食！

今晚喺諾士佛台，原來除咗樓下有嘢食之外，樓上都有唔少高質西餐😋😋今日食左依間印度西餐，入到去好舒服❤️裝修同服務員既態度都好好，係依個音樂環境下食西餐感覺好放鬆👫餐牌上除咗有印度菜，重有西餐同埋多種小食，飲品更加見到係落足心機去正嫁🍍🍍🍹🍹之後就叫左水牛城雞翼，好香好脆，重有辣辣地嘅醬汁，正🐥🐥🐥另外叫左沙嗲雞肉串，配上淡淡嘅花生醬汁，好有印度風味😋😋主菜，我地叫左烤羊排🐑🐑羊排肉嫩多汁，外面烤得好香口，肉質岩岩好，唔會太過熟而冇左羊肉既質感👏🏻👏🏻👏🏻份量兩個人都夠食最後有是日既例湯，依個會每日唔同既🥣我當日飲既係濃厚既番茄湯🍅🍅🍅都係廚師既精心製作😬😬黎依到重可以叫印度薄餅食，即叫即做🤗點佢地既醬汁好好味😽😽

星期日同女朋友係尖沙咀行緊街，行到晚飯時間就去諾士佛台睇吓有咩餐廳啱食，見到呢間印度餐廳就諗起自己好耐冇食印度菜，於是就想去一試印度菜餐廳來講佢嘅選擇都非常多，佢仲另外有少量嘅西餐菜式叫咗一個grill beef, 份量都唔少，另外佢嘅青椒都非常新鮮，配上新鮮牛肉肉汁特別香口另外想食啲澱粉質，於是叫咗個carbonara, 起初以為佢同普通西餐廳嘅做法一樣，但係識落同其他西餐廳感覺完全唔同，我唔係食家唔識點形容，但係佢應該加咗印度做法落去，成個意粉感覺好香好濃郁，好食！結果兩個人埋單$500有找，我覺得喺尖沙咀食到呢種質素印度菜同呢個價錢真係算超值，我諗我下次諗起印度菜都會首先諗起呢間餐廳

見到呢間新餐廳係酒吧街既樓上鋪樓下又比較多人同坐室外所以決定走上去試試,餐廳都有張大bar枱有人去調酒而且環境空間感大唔會焗促.上到去先知原來餐廳係印度西餐廳菜式選擇都好多元化.鐵板烤牛扒配玉米軟餅牛扒炭烤過之後放上鐵板上保持熱度再加上各款蔬菜令成道菜唔單調,牛扒雖然變成全熟但肉質唔全過熟而變靭仍然軟淋得黎帶肉質口感而且帶有淡淡炭燒香味,配送既玉米餅帶有3款醬沾分別有牛油果蕃茄同乳酪醬將牛扒夾係簿簿又帶少濕潤既玉米餅上再加上少少醬就變成另一種食法幾新鮮.意大利牛肝菌燉飯意大利飯好香軟而且吸盡晒牛肝菌同其他菌味好重菌忌廉香唔係忌廉湯既味道真材實料而成內裏既菇菌有好多好足料每啖飯都會食到菇菌.估唔到係酒吧餐廳都會有熱檸蜜岩晒我呢d唔太飲酒又鍾意飲滋潤野既食客

今日見凍凍地同女朋友去行下街感受下聖誕氣氛點知行行下 女朋友話想食印度野甘就真係考起我 邊到搵好食嘅印度野俾你食😭😭😭甘我就即刻上openrice 搵下有冇邊間好食之後就搵到Spice retaurant bar就去左食入到去環境幾好燈光都幾浪漫坐位好舒適我地2個人就叫左個 印度特制草料烤雞一個個牛油雞 同埋烤酥餅印度特制草料烤雞 好好食 個味好特別望落去好似好濃味但食落又吾會超濃肉質都好正 吾會好鞋牛油雞個汁 點個烤酥餅真係絕配烤酥餅 外脆内鬆軟👍👍👍👍👍

今日同男朋友行完街，行過見到e到有印度菜就入左來試下啦🤤👫✨🥂環境唔錯👍✨價錢仲唔算貴tim我地叫左...👇🏻👇🏻👇🏻👇🏻👇🏻👇🏻👇🏻👇🏻👇🏻印度🇮🇳特製草料烤雞$12x一上枱己經香噴噴✨濃濃既香草味真係非常香，重口味人士最適合😍😍😍👍橄欖油番茄粒芝士法包$70有6件，好香既橄欖油，蕃茄好新鮮✨✨加起來好夾👍海鮮意大利粉$105大大份，香濃番茄味..仲有小小辣好開胃...仲好足料tim✨✨

講到gathering聖地一定唔少得諾士佛台，想當年讀書我都會去，同朋友食野飲野開開心心，抵飲又好hea。至於食物，好少去果度食，但今次就係去左呢間Spice食中東野👳🏾‍♀️.🔺Lamb Rogan Josh $150印度野食就最中意食羊加薄餅，中意食印度咖哩點薄餅，可以好快好快就食完一大塊。呢個羊有So味，不過可能怕香港人食唔到太So所以加入左薑片，中和少少味道。口感似牛腩，嫩滑易咬。加埋個紅辣辣醬整成既咖哩，味道唔會太辣好易入口，用黎點薄餅真係一流。.🔺Tandoori Chicken $140烤無骨雞塊，呢個相對乾身，勝在無咩骨，份量都多。.

今日同屋企人去咗尖沙咀諾士佛台度食晚餐入到餐廳這裏環境舒適，地方闊落，柔和嘅音樂令我們十分放鬆，店員立即很有禮貌招呼我們坐低這間餐廳有很多食物選擇有多國菜我們叫了這個Pizza他是用三種不同的芝士焗制，一食落口香濃的芝士在口內散發和軟林林的餅底十分夾，剛剛焗好非常好食這個三文魚煎到表面微焦，一食落口表面香脆，魚肉軟嫩，做得非常出色廚房值得一讚這個卡幫尼意粉十分好吃，意粉軟硬適中，醬汁香濃這個看牛肉十分出色，牛肉一食落口香濃的牛肉味在口腔散發，真係好味，加上他的薄餅一齊食意想不到的出色最好食都是這個羊腿，軟硬適中，肉味香濃，非常出色

之前去尖沙咀食印度菜就去開重慶大廈雖然都唔錯不過未必個個人都鍾意呢個地方如果想食得grand啲 或者想飲嘢諾士佛臺其實唔止得bar仲有餐廳可能因為始終喺樓上所以餐廳可以裝修grand之餘闊落乾淨雖然好colourful但仍然不失格調但係又唔會好拘束連檯檯櫈櫈地磚都靚餐牌選擇非常多影唔哂想食西式有西式 想食印度菜亦有帶frd唻唔驚冇嘢啱佢食我就嗌咗個lamb shank $198呢個環境一啲都唔貴而且個賣相極企理實物靚到好似廣告圖咁切落雖然厚但肉熟得好均勻 但又保持到嫩同juicy最鍾意係佢好subtle咁有少少印度香料味但唔重收畫龍點睛之效Serve我嘅靚仔叫做Neel好charm好friendly佢聽到我嗌watermelon juicy大叫come on跟住問咗我可以飲酒就話I’m gonna give you something really interesting 就係呢杯西瓜martini係好fresh ga 好甜 好易入口 尤其是酒精的確會令味覺對食物嘅味道 周圍嘅音樂感受放大啲餐廳播嘅係印度歌曲 非常有印度色彩聲浪係喺可以飲醉唔會odd同可以傾偈詳談之間Drink lis