SPICE Restaurant & Bar

营业中

休息中

為食到出汁既同事話呢間餐廳幾好食，價錢係同區黎講好抵食，所以今晚同男友黎撐枱腳，當係慶祝一齊已唔知幾周年既飯局。去到餐廳，第一個感覺係好高格調，環境同燈光好舒服，感覺屬高檔，全部英文對答，餐牌有中英對照。但望完個餐牌真係幾餐民價，同事無老點當然重點係厚厚既芝士，十寸pizza兩個人分，每人食到三大件，而且佢係厚批，所以幾飽肚雖然叫個細size 佢都有10吋，所以都好大份、足夠3-4人食！佢地整既係厚批，未食拎上手已經好熱，食落好軟熟😍芝士比例剛好，芝士又係好香，😉不過pizza唔適宜放太耐，因為凍左會硬左會冇咁好味熱辣辣的香脆薄餅，和新鮮的醬汁，味道有層次。餅皮炸至金黃，尤其香口，配上BBQ醬，味道更佳。牛肉千層麵, 好濃郁既奶油, 好好味, 食完包你飽左七成味道唔錯，個面既芝士🧀焗得好香，睇得出係自家製，而唔係製成品，因為食過其他餐廳或酒吧既都係製成品，所以D皮都好硬，而呢個唔會😋肉醬🐮亦都好多，好juicy同埋撈到個味好好啊！雞肉沙爹串燒，雞肉係全白肉無脂肪，塗滿沙爹汁一齊燒，好入味，原本有小小味，可以點小小沙爹汁，一齊食好滋味叫個小食襯下杯啤酒, 檸檬胡椒炸魷魚,炸薯條同雞翼都係

呢期聖誕少不了大量聚會唔想成日打邊爐 食普普通通既西餐所以特登提早search下附近有無特別啲既餐廳諗住食完有下場就搵尖咀附近啦😌於是就搵一間印度式既Bar & Restaurant環境唔錯 預先訂左位 仲留左個sofa位比我地放工過黎太肚餓啦 即刻叫野食🤭有個朋友唔食羊 所以剩係叫個羊串過下癮不過同想像中有啲岀入 似係羊肉腸咁見到其他枱食pizza好似好開心咁 咁我地都唔好蝕底啦 揀左個個名印度啲既😂 因爲其他似比較普通 周圍都食到 味道比想像中無咁濃味 幾好 因為以為會好多香料 加多個Pasta就夠哂啦 白蛤蜊即係蜆啦 煮得岀奇地香有少少辣辣地 非常惹味而且擺碟好靚👍🏻個個都爭住食 唔多5分鐘就食哂haha😋😋總結：可以再戰🤓🤓

因為生曰朋友為我興祝，環境一流，格外風格，食物薄餅太厚，餅㡳唔得但配料新鮮，千層牛肉好正，配料豐富，服務生也很熱情招待，仲送一杯shot Drinks,很愉快的一晚！我會再光臨

8點黎到仲係happy hour 唔多人 三個人都安排到梳化位 坐得舒服又靜靜地傾到計印度烤雞薄餅 (10”) $130熱辣辣上枱印度香料同芝士味好強 雞肉烤到幾乾身 主力係有幾種唔同既芝士又香又拉到絲令個餡濕潤配合番 薄餅底都厚厚地 不過料既份量都好多 所以岩岩好 食一件都飽飽地 所以10”都真係要番3-4個人share烤羊串燒 $140以為係羊塊既串燒 點知係攪碎既羊肉整成長條 本身有少少失望 點知羊味都好重仲有騷味 再加檸檬汁同薄荷醬個味更加出 而且用鐵板上keep住熱辣辣烤羅非魚 $200 兩大塊魚同用薯蓉同三色椒墊底 旁邊仲有黑醋沙律菜 份量都幾大 第一次依款魚 肉質唔算嫩滑但都實同新鮮既 仲冇骨厚肉好方便 個檸檬黃油醬就冇咩味 唔加都得白蛤蜊麵 $125依個麵係驚喜 睇擺碟已經覺得唔錯 麵條有光澤 扁意粉煮得硬度岩度岩岩好有d咬口食到底都唔會淋晒 而且好掛汁 個汁係有少少油但因為有香料中和度又唔會覺得膩 蜆既份量都幾多 調味都夠食完店員仲過黎請我地飲shots (想我地like fb同宣傳下31/12 menu) 幾好客friendly 不過我冇飲喇朋友代飲朋友點左杯白酒

難得Christmas holiday mode, 就決定收工同朋友chill下🤪去到諾士佛台就揀左呢一間餐廳上咗去。整體環境昏暗都幾有情調，仲有聖誕裝飾添😜餐廳都算大，而且都有梳化位。我同另外兩個朋友一共三人都好闊落，坐得好舒服唔會好逼夾☺️睇完個Menu發覺原來係係食泰/印度野，不過除咗印度野佢都仲有啲烤肉或者前菜或者意粉。我哋總共嗌咗三樣嘢食😛事關我好中意食quesadilla😍一見到有就即刻嗌左唔使諗🤣佢入面嘅餡料有雞同埋蝦揀，我地就揀左蝦😛食落口非常之香，配埋sour cream食簡直係一流😝呢個係buffalo chicken wings😍都係賣飛佛🥰炸得好香脆之餘佢嗰醬係另上。口味可以隨客人自己中意去點醬。最後叫左個carbonara既意粉，非常之香濃既cream配埋蛋香味，仲有後設嘅煙肉粒🤩好好食阿！唔好睇佢份量好細咁，都幾heavy。我哋三個人啱啱好食晒一碟，如果太多就應該會好膩了。同朋友叫既cocktail/mocktail😛

放工同朋友約扲手信，去尖咀食方便朋友就工。朋友食過番工附近呢間鋪既LUNCH話幾好味道，帶我黎食下晚飯試下夜飯既風情。去諾士佛臺好方便，地鐵出行都唔使10分鐘已到。到左餐廳，入到去比我感覺好HIGH-END，心諗唔會係貴野呀，呢期窮窮地><未到月尾出糧要濟住食，淆淆地，即刻細聲問朋友埋單使唔使成千銀架????但朋友話呢間食過唔貴，係視覺上好貴價，實際上抵到會意外，點菜望餐牌就會知，我個心都定D。點解會令我淆B驚太貴，係因為餐廳係係外籍侍應，雖則親切招待有禮，但當下比我感覺成個係一定貴野FEEL，從裝修到一踏入餐廳巳經被窗邊卡位吸引，充滿印度氣氛嘅設計，除了卡位，餐廳坐位不少，而且好多外國人光顧。餐廳內，裝潢具有特色，燈光色彩好浪漫，充滿情調，加上空間感足夠，座位舒服。 餐牌上有不同國家的菜式選擇， 適合不同口味的人， 而我哋點了意大利麵和印度飯。pizza能保留水分，所以出來後pizza脹卜卜，餅邊外脆內軟，鬆軟煙韌，薄餅約10吋大，,餅底外脆內軟，烤焗後非常甘香可口，千島醤和芝士鹹香很搭！同連鎖果D PIZZA店真係冇得比，賣相已經一絕，食落去有濃郁燒汁味道同埋厚芝士

我和好友打算出來尖沙咀覓食，好友讚美Spice Restaurant Bar食材優質美味，擁有優美的格調，老友難得聚在一起，感受一下在場熱鬧愉快的氣氛，同好友品嚐美食是一個很好的地方。 快到聖誕節，門口的佈置充滿聖誕氣氛，令人非常愉快，細膩當中的滋味。 進入Spice Restaurant Bar，環境雅緻舒適，擺設十分美觀，餐廳服務細心，充滿西式的格調，燈光比較昏暗，充滿浪漫的氣氛。 餐廳環境設計新穎時尚，恬靜優雅，地方很自在舒適，經過水吧，水吧設備齊全，有很多的酒杯及很多酒品提供給客人任君選擇。 坐下後立刻點選食物，餐單很簡約，提供幾款不同類型的午餐，Set Lunch只需HK$79，包括有餐湯、麭包、沙津、主菜及飲品，豐富的午餐，令我胃口大開。 餐湯及麭包 餐湯入口濃度剛好，散發著濃濃的味道，香氣四溢，味道可口。 麭包鬆化有咬口，十分美味，口感很好，正合我的口味。 沙津 凱撒沙津份量剛好，羅馬生菜心配油炸麵包丁及切絲帕爾馬芝士加凱撒汁，蔬菜入口清爽，健康有益，多吃都不妨，滿載的味道清新，別有一番風味。 主菜 培根蛋醬意大利麵，意大利麵配蛋黃加培根及奶油醬，培根軟硬適

經過尖沙咀諾士佛臺，見到大大個廣告79蚊lunch，有湯、沙律丶主菜同埋餐飲，唔駛諗即刻去食喇。呢間印度餐廳都幾有現代印度氣氛，同埋夠乾淨企理，空間感十足。菜湯熱辣辣上枱，伴有一片香脆蒜蓉麵包，菜湯入口味道適中，絕對唔會話好似出面啲味精湯咁。沙律菜夠新鮮，加上薄薄嘅沙律醬汁再撈埋啲芝士，是一道清新嘅餐前沙律菜。主菜喺咖哩羊肉加上印度烤餅，咖哩唔會太辣，啲印度烤餅沾上咖哩汁嚟食，味道一流，啲羊肉冇話連埋骨，全部啖啖肉，正！

一直都好鍾意食印度野，之前都介紹過一啲😈呢日同朋友講我又想食印度菜，佢就話諾士佛臺有間都幾唔錯，所以就去左食個晏晝😍呢度日頭既人流唔太多，大多都係夜晚先去飲野😂一入到去聽到餐廳播住好有情調既音樂，再加上野食幾有水準，下次都會再去🎵👁‍🗨 Achari Chicken Tikka（7.5/10）💲120呢個特製印度草料烤雞肉，放左係鐵板上保持住熱辣辣，食落都真係辣辣地幾惹味🐤再配以一兜印度烤餅，之前食過幾間印度餐廳既烤餅都唔係特別好食，但係呢度既外皮脆身，內裡鬆軟帶點煙韌😚👁‍🗨 Beef Lasagna（7/10）💲125牛肉千層麵真係勁足料，面頭有層芝士拉絲，之後就係分層既意大利麵同埋肉醬，整體味道夠曬濃郁😛同埋唔係講笑牛肉多到痴線，所以成件事真係勁飽肚，係略嫌兩個人食可能會有啲膩，最好有三四個人叫黎一齊分😳👁‍🗨 Moksha（7.5/10）💲75呢杯有蘋果、薄荷、青檸，飲落有果香，同時有清新但唔會好重草青味既薄荷葉碎同埋青檸，而且有唔少蘆薈粒係下面，整體無話太甜👍🏻岩曬食印度菜時，可以中和返個辣味🔛 整體評分（7.5/10）

Happy Friday約友人去尖沙咀搵食。眾所周知諾士佛臺有好多bar，聽友人講嗰度其實有好多好餐廳。今次就搵到呢間spice restaurant。呢度啲食物好多元化，有印度、阿拉伯菜同西餐。成間餐廳都好有格調。小食點左雞肉咖哩角，好正宗嘅味道。半份baby ribs - 肉質鮮嫩，燒烤醬好味。個捲心菜沙律好惹味，有助解膩。薯條炸到外脆內軟。牛肝菌燉飯奶油味香，但味道略嫌有點淡。撈埋個印度牛油雞味道出奇地夾，仲好好味添！印度牛油雞牛肝菌燉飯Margherita Pizza - 芝士味香濃，可以拉絲，好正！甜品點左apple crumble，估唔到連埋雪糕。蘋果酸酸地加埋雪糕嘅甜味好開胃。雪糕融緊

朋友食過話好食，今晚帶我地黎食。樓下好有聖誕氣氛。原本以為係西餐，原來係印度菜黎，仲有阿拉伯等多國菜，好新奇特別。首先試左有印度特色嘅咖哩角samosa，入面有雞肉碎，濃味且脆。然後主菜係baby back ribs配薯條同捲心菜沙律，個ribs肉質超林，雖然係半份但都份量十足。牛油雞，微辣，好惹味。意大利牛肝菌risotto，入面有奶油同黑松露油，清清淡淡。Pizza試左Margherita，10吋有6件，好大件，味道ok，不過個底有啲燶。最後叫多個apple crumble做甜品。

閨蜜chill一chill其實人生中有個好姊妹真係好幸福，有咩事都可以分享同分擔，咁簡一個好地方係好重要架呢d燈好靚，閨蜜傾計有呢d燈點綴真係正之前已經食過茄子泥已經好鍾意，今次要再食再食 茄子泥凍盤配軟軟薄餅係無敵！我好似食茄蓉、薯蓉既野，呢個非常岩我口味傾計點可以無飲品？furit punch係唔錯既選擇呢個pizza 係不得之了佢超大份超足料，芝士夠拉絲！salami腸唔會太咸！想食辣既朋友，仲有辣椒碎碎！滿足哂你唔同願望登登登登！超級大大份ribs，大大條脆脆薯條！ribs都係好好食，味濃，豬肉夠軟，唔會乾都係食過咁多間好食之一呼～～～同好姊妹詳談返工、愛情等等，唔開心唔記得哂，開心就滿滿儲起

位於諾士佛台的spice 餐廳，想三五知己、情侶來飲野食野chill 下的確係好方便！兩品飲品外貌味道都拎足100分，啱哂打卡！有少少酒精，一邊飲一邊暢所欲言，對於壓力大嘅打工仔，真係無得彈！因為是india fusion 菜，當然要品嚐一下india 風情的菜式，豆泥成日都聽到，今次試下茄子泥。雖然顏色和想像到不同，係一個凍盤，但想不到配搭印度薄餅如此好食！薄餅好煙un，好好食！少少微辣，好開胃，香料味香但唔算味濃，都係好啱香港人口味！Pizza 真係要大讚，上文提到印度薄餅係鬆軟，PIZZA個皮一樣口感，靚嘅皮真係凍左都咁有口感咁好食！用料完全沒有慳，spice 餐廳食物都係偏向大份，相當抵食！這個ribs 也是不得了！因為一般餐廳半份都係份量好少，這裡只是半份啊！但好像有一份的SIZE！真係要3-4個人才能吃得完！又有薯條，又有配菜！最重要是肉"林"，唔會鞋，好易切開！好好！

朋友約係諾士佛臺食飯，去酒吧餐廳食飯以為佢要大吐苦水，原來佢只係想搵人陪佢食印度菜，就算餐牌有多國菜式選擇，一去到佢就好快揀好菜！咖哩雞加咗乳酪，酸味中和辣味，朋友差在未將啲咖哩當湯飲，所以為咗個咖哩，另外點既薄餅好快就俾佢清晒！海鮮炒飯有別於一般炒飯，係長長既印度米，食落感覺爽口，材料豐富，餸同飯既比例係一比一！肉醬千層麵又係重口味之選，面頭鋪上滿滿芝士，厚厚既碎牛肉用闊麵隔住，因為牛肉太多切出嚟已經塌落嚟，最啱我呢類食肉獸！餐廳地方寬敞，播放輕快既印度音樂，幫襯既人多數都係印度人，或者呢度既印度菜啱晒佢地口味，代表住夠正宗！

今晚了舊朋友去諾士佛臺聚一聚，我自己就好耐都冇去諾士佛臺了，現在環境完全唔通晒了，有好多新餐廳喎，簡直係眼花撩亂，好在我朋友一早巳經準備好，介紹我去呢間西餐廳，餐廳裝修佈置好鬼Grand下，又有大大個红酒櫃係門口旁邊。鬼佬侍應招呼我們兩位坐低後，我馬上第一時間order杯啤酒先，然後再睇下餐牌有乜食先，餐前小食，我就先點個我一向喜歡的墨西哥薯片配芝士辣醬，好熱氣但又實在好美味下，好大碟好抵食！第二道美食就order咗半份豬肋骨配薯菜，豬肋骨好柔軟，豬肉味好濃厚好入味，再配上特制烤汁的確好配合，之後第三道菜就係印度烤雞配埋印度薄餅，仲係用跌板上的，雞肉有少少辣但野味，另外薄餅卷住食又係好正，一定要趁熱食，另外呢間餐廳有水煙，有興趣不妨可以玩下。