SPICE Restaurant & Bar

营业中

休息中

諾士佛臺餐廳林立，spice就位於1號2樓，位置非常方便。一步出大廈升降機 黎，已經感受到一種濃濃的印度風情。我們四人坐在窗邊梳化卡位，十分舒適，我也很喜歡餐廳用上紫色佈置，有種神秘嘅感覺。餐廳侍應都是印度人，但英語溝通完全冇問題。因為我們不吃辣，所以主要點一些唔辣嘅菜式。烤牛肉配薄餅好香口，薄餅可以搽cream cheese，蕃茄莎莎醬或者牛油果醬。牛肉千層麵我都好喜歡，入面有超多免治牛肉，超足料，覺焗得非常香。 水牛雞翼脆卜卜，好入味，可以點辣醬食。青口份量好大，但是有點硬，不夠入味，要點煲底嘅汁才夠味。西瓜汁賣相用心，打卡一流。我哋四個人都好滿意呢一餐，傾下偈好happy，一定會再來!

同男朋友係尖沙咀試完禮服去附近醫肚去咗諾士佛台一間主打印度菜的酒吧環境好特別，好異國風情😍好似去左外國咁❤️坐得好舒服😌好適合一大班人gathering🐔香烤無骨雞塊 $140呢個雞塊好好味❤️佢哋用咗好多香料一齊去烤，點埋佢比的酸甜醬就更加有層次🐮鐵板烤牛肉 $155雖然係普通嘅烤牛肉但烤得好香，夾埋軟玉米餅、酸奶油、蕃茄沙沙醬， 食落好有層次❤️🥤mango smoothie $60味道唔錯，酸酸甜甜❤️

上星期同朋友gathering黎到呢間餐廳，本來以為呢度係食印度野，但係嚟到一睇個裝修好靚又好又摩洛哥風情，睇餐牌嘅時候先知原來呢度都幾多元化，有菜式有來自sahara、the heart of india等等。自認安排我哋坐呢張枱好靚又好舒服，估唔到4個人都可以坐呢張大枱即刻點左摩洛哥的lamb tagine, 用呢個特別嘅容器嚟煮係摩洛哥的特色呀！用呢個陶瓷鍋，再慢慢炖，令到d肉夠稔夠juicy,又可以保溫Tagine d 汁好岩送飯食羊肉都有好多，肉質都幾稔，入晒味香料味剛好，幾鐘意附送一碗Couscous，來自北非的小米飯，口感同平時食的白飯不同，幾特別。BBQ chicken pizza呢款pizza好重蕃茄同埋芝士味，一睇張相就知芝士幾足料Pizza係厚身果種，口感幾軟熟，邊邊位有芝士帶來的脆嘅口感。BBQ雞肉都幾香燒烤味，而且我鍾意肉粒夠大舊Spaghetti Alla Carbonara 卡邦尼意粉幾creamy, 而且濕潤，一d都唔乾食落好夠芝士同忌廉味雖然對女生有點邪惡，但又真係唔錯！Mango smoothie 好重芒果味，smoothie 好細滑有點yogurt

呢間餐廳係食印度菜既🇮🇳除左食咖哩之外 都算係人生第一次☺️H先生怕如果一次過叫曬所有都係當地款式餸菜會食唔慣🤔所以都係試住少少先😌加上P小姐要為結婚努力瘦身 都唔能夠叫太多嘢食😆.第一樣係Tandoori Chicken🐤🐣用香料以及yogurt將雞醃成紅紅地色再烤製而成💫用鐵板上 熱辣辣 聽到炸炸聲 溫度取勝🔥味道唔算好咸 香料味較重 送酒食會更惹味🍷叫呢個會跟埋薄餅 薄餅夠鬆軟夾埋一齊食會balance啲🤗肉質唔太夠滑 even脾位位置都有啲鞋 偏乾身🤨.第二係白酒青口💁🏻‍♂️大隻就幾大隻 不過汁唔算好多😟亦唔太索到落隻青口度🤨所以同樣食起上黎都唔覺得Juicy 一樣較乾🧐.第三碟肉眼扒🐮入口感覺鞋得滯 medium rare但真係熟過龍🤥只能見到少少紅色 而且塊扒外層有過多醃料🤢完全蓋過左牛味😞本身亦無expect過會淋左汁咁上😵所以幾失望 價錢亦唔平😫

都有一段時間冇食印度野🇮🇳，最近就去咗係尖沙咀諾士佛台嘅Spice Restaurant & Bar，之前都嚟過好幾次，都覺得呢度嘅印度野幾authentic👍🏻今次我就叫左chicken masala🐓，份量都幾多，d雞食極都仲有😆，呢個嘅辣度我覺得係屬於少少辣🥐，應該大部份人都食到叫chicken masala，又點少得叫naan呢，今次我就揀咗cheese naan🧀，如果就咁食嘅話會食到芝士，不過如果襯埋咖喱嘅話芝士味就冇咁出，可能配garlic naan會仲正，下次可以考慮吓🤗飲品就叫咗mango smoothie🥭，即係平時喺印度餐廳會飲到嘅mango lassi，呢個都係我每次食印度野必叫嘅飲品🍹

通常去諾士佛台都係去飲嘢，今日同事約咗去嗰度食dinner，估唔到樓上嘅餐廳都好有驚喜！一出𨋢已經覺得餐廳裝修好有異國風情，原來Menu上面嘅選擇亦都好多種類，有西式食物，亦都有印度、北非菜等等一見到lamb Tangie就忍唔住一定要嗌，呢一個係摩洛哥成日食嘅菜式，係香港係第一次見！好懷念啊！！上枱嘅時候覺得做得似模似樣，味道亦都唔會太鹹，啱啱好，配埋薄餅一齊食，好味！豬肋骨又係一個幾唔錯嘅選擇，份量都幾大，四個人食都好夠，甜甜地，而且燒得好香，唔錯！最有驚喜一定係呢個Carbonara，食落去嘅時候覺得蛋味非常濃郁，配料亦都多，口感唔錯！比一般係街食到嘅Carbonara好食！BBQ雞肉pizza，Pizza上枱嘅時候熱辣辣，證明係新鮮製造。薄餅烤得好香脆，而且餡料亦都幾多，好味！呢一餐好豐富，加上餐廳環境裝修得好有異國風情，食完好似take左個break，去咗個旅行咁呀🤩

印度野一直都未試過，難得朋友推薦呢間咁就不妨黎試吓啦。一嚟到餐廳侍應帶咗我同朋友兩個人坐咗卡位，位置闊落坐得舒服買嘢亦都非常方便。 我同朋友叫咗一個雞肉串燒，一個水牛城雞翼，一個牛肝菌意大利飯，一個意大利蜆意粉。先講講個雞肉串，雞肉幾嫩滑，亦都食得出好香嘅香料味。配埋洋蔥青椒等等嘅配料，口感非常豐富，加埋佢嘅秘製醬汁真係食到停唔到口。之後到水牛城雞翼，雞翼炸得好脆口。呢度嘅水牛城雞翼比較特別，醬汁係另上，所以食嘅時候要自己再點，不過醬汁整得酸酸辣辣幾好味。之後到意大利飯，意大利飯煮到應有軟中帶硬口感，調味亦都適中唔會太鹹，而且好creamy，非常好食。最後到意大利粉，蜆嘅數量都非常多，煮法係辣椒同蒜片，所以食落去香辣辣真係幾好味。

今晚去到尖沙咀食印度菜，朋友介紹靚餐廳，位於諾士佛臺，地理位置超正。餐廳其實以多國菜為主，印度菜、西餐、意大利菜，咩都有啲非常吸引。約朋友食飯最好好，大家都岩哂。印度菜香料好重好濃郁，味道非常滋味。我睇完餐牌，樣樣都想食。我一個人最後叫左羊排。3大件羊排，厚切好厚肉，香料味道非常豐富，羊肉羶香唔會太重，香料味道突出。烤得非常香口，羊肉肉嫩多汁，味道好正！烤得熱辣辣，肉汁好豐富。我另外仲叫左枝啤酒啊！

每個weekend都勁頭痛，要搵好味，又唔會怕小朋友大吵大鬧影響其他食客，又唔知店員會唔會覺得你地一行幾人又唔係食得多，又霸住張大枱......今次真係超正，呢間spice restaurant星期六中午12點開門時間去到，靜靜地唔怕嘈到人。呢度既店員勁好人，見到小朋友瞓左，就安排張sofa table，等小朋友可以自己瞓，唔使我抱住黎食。到小朋友瞓左又主動同小朋友傾偈，仲好貼心專登攞隻膠叉俾小朋友自己用，唔使用大人叉，店員服務真係爆晒分👍🏻👍🏻👍🏻今次order左3款野食，第一款係「羊肉腸配塔餅」，原本以為佢係原條腸上碟，勁好佢原來係切開一片片再煮，個味勁正，小朋友勁like，唔辣好香唔重味，小朋友like到連d洋蔥青椒都清晒😋😋第二款係「烤牛肉」呢款原味牛肉好爽口，咪睇佢用鐵板上d肉會好乾，佢一d都唔乾，一條條well done牛肉條，好有咬口又juicy，配埋三款醬夾係薄餅入面食，勁滿足😋😋第三款就係最好味既「Pizza」la，揀左BBQ Chicken，佢個pizza餅底真係balance到無野講，厚薄剛剛好，皮邊鬆化唔乾，topping亦都係濕潤剛好，唔會乾淨淨，最特別係上面

今日同大學同學聚舊，聽講尖沙咀諾士佛台上面呢間餐廳質素很好，於是就黎試一試這裏的菜色很國際化，有印度菜、美國菜、意大利菜、摩洛哥菜等等，應有盡有首先我哋叫咗一個BBQ chicken Pizza，材料有燒烤雞肉、芝士、紅洋蔥、香菜等等，最吸引嘅係香濃燒烤醬，和燒烤雞肉好夾，甜甜的，而且我很喜歡吃厚批，感覺很實在另外，我哋叫咗一個lamb targine,本身我都唔知係咩黎，但有其中一個同學去過摩洛哥旅行，話targine 係地道摩洛哥菜，喺香港好少有杏子和梅子燉羊肉，酸酸甜甜，幾香濃，配上couscous, 很滋味Baby back ribs (half)BBQ醬做得很出色，肉質鮮嫩，很易切開，配上鮮榨薯條，薯條質感入口即溶，很新鮮Spaghetti alla carbonara芝士香濃又滑，蛋味很重，意大利粉很掛汁，不錯甜品方面，我哋叫咗一個chocolate brownie, 朱古力味非常濃郁，還有少許流心的感覺，熱騰騰的，配上芒果雪糕，一冷一熱刺激味蕾Tiramisu芝士蛋糕亦做得不錯，酒味出色，份量亦很大件總括來說，這裏環境舒適，很有情調，食物一流，價錢合理，值得推介

睇個名以為食辣嘢，原來係印度菜😅◆Summary◇新派中東菜，裝修夠大氣，座位好多，好啱夜晚收工上來飲酒食嘢🍻餐牌選擇頗多，有中東傳統菜之餘亦有pizza意粉漢堡提供📜食物質素幾高，價位中等，性價比中高—————————————————————◆Buffalo Wings (6隻)◇HKD80雞翼外脆內嫩，肉厚多汁💦蘸汁好出色，酸酸辣辣好惹味🌶️◆Lamb Tagine ◇HKD185薩哈拉羊肉塔吉鍋，香料味濃，杏子同梅子羊肉燉得夠腍，食落冇膻味。不過我地唔知佢會配一碗Couscous，仲點左印度酥餅諗住點醬汁，最後唔夠汁🌚◆Lacha Paratha ◇HKD40印度酥餅，夠酥又唔油膩，一層一層掛汁效果幾好，同Lamb Tagine幾襯回頭率：🌕🌕🌕🌗🌑環境：🌕🌕🌕🌕🌑份量：🌕🌕🌕🌗🌑味道：🌕🌕🌕🌕🌑價錢：HKD151/pal

餐廳環境氣氛好好，每一位waiter都好nice, 餐廳唔收切餅費，仲送左每人一小杯的tequila,講返食物質素，水牛城雞翼香脆好食，炸鮮魷都好惹味，我地點左12寸海鮮pizza, 芝士味香濃， 反而叫左一個蜆肉意粉就差d了，但整體都好ok👍🏻

餐廳服務好好 好貼心 幫朋友慶祝生日 早就幫我地雪好蛋糕 唔收切餅費 佢地仲幫我地搞埋氣氛 食物質素都唔錯會介紹我地食咩 酒亦一樣 知有朋友唔飲酒 介紹左d mocktail比佢 整體都very gd

今日係尖沙咀放工,就決定嘅朋友試吓新野，就係我哋兩個都未食過嘅印度菜🙈🙈點知都有驚喜🤘🏻🤘🏻一去到太口渴嘅關係就叫左杯virgin colada,味道濃郁，酸酸地咁好開胃👍🏻👍🏻 然後就叫咗水牛城雞翼，雞翼炸嘅時間啱啱好，一啲都唔會鞋，配上酸辣嘅水牛城汁，味道一流👍🏻👍🏻另外我哋仲叫咗牛肝菌意大利飯，呢個意大利飯係帶酸既口味，應該係印度人中意既口味，味道特別🙈🙈雞串燒有3串，中間仲配合左洋蔥， 同埋紅椒青椒，所以食落一啲都唔膩，而且仲燒得好香

今晚去尖沙咀行街 順便試下特色餐廳 係諾士佛臺有好多酒吧同餐廳 咁岩有間新開既印度Bar and Restaurant 幾特別 所以就上去試下😊7點度上到去已經有好多人係度 好彩我地2個人都有得坐梳化 好舒服☺️ 四圍都好好氣氛 環境好靚 最岩happy hour 同食晚飯😋首先叫左杯apple cider 同啤酒 happy hour 有飲品特價 一d 都唔貴!Main course 叫左BBQ chicken pizza 醬汁多好野味👍🏻😋另外黎印度餐廳梗係要試下烤羊同烤餅! 羊好意外地唔蘇 值得推介!