Simplylife Bakery Cafe (已結業)

大約兩點幾來到，因為冇得booking,所以一定要排隊等位，前面有幾個人，等左15分鐘左右已經入得。我地就睇住menu 邊等入座。Brunch set 去到4點先完，所以唔怕，慢慢等同揀都得。 餐湯就冇得揀，但今次係南瓜湯，都好合我心意。飲落少少creamy, 好香南瓜味，因為每啖都充滿南瓜蓉，有別於忌廉湯，唔會有膩既感覺，反而更開胃。 麵包就外脆內軟，配搭湯點來食麵唔錯，或者塗牛油都一樣好餐飲就選了橙茶，充滿橙香味，是健康之選！Rosted U.S Half Game Hen,Herb Potato ,Green pepper sauce 雞肉比想像中嫩滑，亦好有燒烤味，雞皮薄又唔會肥。 而且size剛好，唔會食完好heavy or 太大太full , potato 能該用herbs 同olive oil 烤過，咬落充滿香草同香烤薯仔味。 Beef burger with bacon and cheddar cheese 最欣賞係牛肉係調味恰當，可以帶出到牛肉味，亦有肉汁，唔乾，而且厚度適中，唔會太厚食太多會好heavy 或太薄而失去口感同肉汁，所以覺得佢煎既時間都好講究先可以配合

每次黎simplylife，就算佢既menu點轉都好，我都係會點Caesar Salad。。。貪佢大大盆，好睇又好食！之前有跟配雞肉，之後有試過parma ham，呢排跟燒蝦。味道係唔錯既，最緊要係佢個dressing，撈得好均勻，每塊菜都可以沾上。除左燒蝦，仲有麵包粒、芝士、同半熟蛋，足夠豐富。唔係得Ｄ菜係悶！咁岩個日個湯係蘑菇湯，呢個又係必點，超CREAMY，好香濃，跟餐加$10就有啦，絕對抵比！下次食晏想清清地，不妨叫呢個試下。。。不過基本上LUNCH TIME黎，每次都要等位。。。

無諗過平日晚上既銅鑼灣竟然連搵一間餐廳坐下食野都咁難，度度都full晒排長龍留晒檯。好彩行到黎見到simplelife條龍唔算長，同埋排隊位有冷氣，排左一陣已經有位。同朋友例排要左dinner set。餐湯好似基本次次都係蘑菇湯 (鍾意佢既粒粒texture)+麵包(多選擇，唔止一款)， ice tea都係西柚味呢款(走冰味道會出d)，已經食慣無咩特別評價水準都一致，不過有多一兩款選擇就更加好啦。叫左lamb shank 同steak，朋友既medium rare 既steak都幾tender，薯條一如既往惹味好食。lamb shank黎到既時候賣相唔錯。肉質煮到軟稔配上濃汁，伴碟既雜菜淡淡地中和番，食落好balance。 兩個份量都好足夠。可惜已經坐到收舖咁濟，如果唔係都想食個甜品再走。裝修滿意，服務滿意，味道滿意，價錢滿意--每次去simplylife都係穩陣之選。

 一個坐得舒服嘅下午茶 ！我諗女士們會好認同一個坐得舒服嘅下午茶有幾重要。尤其對於girls talk 來講，環境係會重要過嘢食嘅。但係我作為小食神係唔會咁易妥協嘅。位於Fashion walk 既 simply life 沒有令我失望。重點推介 :梨子tart 尼個蛋糕賣相已經好吸引，一片片梨鋪係蛋糕上面，紫色嘅花襯托着白色嘅cream ,原本以為會好甜，但原來佢個cream充滿着茉莉花香味,就連我呢啲一向都唔食cream嘅人，我都覺得佢好正。當然最好味就當然係餅底！ 女士們去到一定要叫包你鍾意。Apple Danish ; 呢個我都係試吓咋，個普普通通啦冇咩特別好好味。但係佢個格仔紋做得幾好，好鬆脆。 叫杯茶都係＄24，坐返三兩個鐘，同三五知己吹兩句水，抵晒拉。重點係唔會有時限,鍾意陽光嘅嘢可以坐outdoor！ 小倩回頭率：75%

Simplylife一向是我Tea time fav!!多次前往又一城用餐，卻從未到訪銅鑼灣有outdoor seat的店舖眾所周知Simplylife下午茶只於平日提供，而且基本上不會滿座坐在室外雖然熱但十分寫意，甫坐下一望Menu，當堂一嚇！又一城的Tea set收費為55大元，位於CWB黃金地段竟然只是45大元當然立即點至愛的Beef burger和caramel latte！$45 加一 50元都不用！包身和牛肉邊都烤焦了些許，這是在又一城也會發生的事，吃起來帶點苦味。不過包身香脆，半溶芝士加上油香滿溢的煙肉十分好吃！特別愛此處的薯條，炸得非常香脆！沾上茄汁真的很好吃呀必提是不用加錢叫的Latte! 拉花比又一城店更為變化多樣，入口香甜濃郁，水準很高雖然服務比又一城差但咖啡質素很好呢

週末行經CWB，想坐坐CAFE，被Simply Life的名字吸引。這兒大概是半cafe半餐廳的形式，又有點像吃英式的Brunch，卻又不算正宗。可我只點了一個烤菇牛肉漢堡，再配薯條。來到最令我滿意的是芝士，芝士佢整到夠溶，已唔係半溶半塊狀，再姐佢表面加左上小小調味粉，好惹味。不過個菇好細，但都爽口多汁，個肉就比較乾身，好彩芝士同菇個水份多，岩岩好match番，加上佢個包都有烘過，好鬆軟。至於佢配果d薯條有點特別，好似賴粉哄，不過炸得好香，只可惜薯仔有點粉。不過整體上都過好吃，仍然有種正宗漢堡的味道，但有待改善，下次來就試試其他。

服務好差，以後唔會去哩間分店！下午3點入到去，經理粗聲粗氣話午餐已經停止供應，我客氣地問：可否坐在餐廳內等候，他又粗聲粗氣地回答：好（拉長講）態度十分惡劣。到餐廳坐低，等候時一杯水都無，外面天氣34度，讓我感覺尤如坐冷板。大約三時十分我再問小丸子頭戴粗框眼鏡既女侍應，佢堅持答"三點三先可以落單！"我知，我知，我知啦！但我唔認同囉。我假設你兩點半停午餐，三點三開始供應下午茶，咁請問中間個45分鐘你係唔係迫人淨係飲野？公司policy改唔到，fine!你早5分鐘幫我落單，自己遲5分鐘去入機得唔得。又或者，講句"唔好意思"有幾難呢？過左三點三，舉手示意黑框女侍應過黎，唔知真睇唔到定假睇唔到啦，走左。我俾多次機會你，等你忙裡「偷閒」時再大聲請你過黎先有回應。其實唔只哩一位侍應，上至經理都係黑口黑面，無心serv人。我諗simplylife既顧客大概心態與我都一樣，貪佢質素穩定，算係環境整潔，有服務。豈料銅鑼灣哩間分店令我大失所望，服務零，茶餐廳都好過佢。更見到經理既物體係開放式廚房食包。食物方面，叫左洋蔥菠菜三文魚農夫包，我走薯條佢照俾茄汁我，洋蔥有幾條，包有一片。當lunch食唔夠飽。仲會去

趁家人生日，唔想成日食放題，就決定去試一試呢一間simply life ,,每一次去親太古城果間都排哂隊，咁呢次好好彩七點去到都唔洗等位。呢間蛋糕出名都好食，試左件焦糖蛋糕，果然唔錯，但無影相。3個人點左3個main course ,, 羊膝，黑松露忌廉意粉，蝦汁大蝦意粉，價錢正常，味道唔錯，唯一係蝦汁大蝦意粉苦苦地，但好可能真係落左蝦頭膏既關係吧，但加埋環境呢個價錢值得去。題外話，待應服務不錯，有交流！

金鐘的simplylife永遠大排長龍...趁住星期六去銅鑼灣果間試下係咪真係好食得咁誇張。去到食街見到門囗冇人重以為唔洗等，點知原來條隊喺入面。好彩條龍唔係太長，等十分鐘左右就有位。Weekend中午有brunch menu,有湯或沙律，一個主菜和一杯ice tea。主菜都幾多選擇，想食light d有salad, egg Benedict, English breakfast, etc. 想食飽d有pizza, pasta, burger, fish &chips etc. 款款都差唔多價錢，既然係咁我當然揀heavy d食飽d！哈哈頭盤我要湯，今日係mushroom cream soup，好香蘑菇味，唔係好creamy所以唔會太膩。旁邊個包對我來說有d硬，浸落個湯度浸淋少少會好食d。我地三個人叫左不同的主菜share食。Caesar salad的菜的新鮮，鋪在上面的魚略嫌鹹。黑松露意粉香味四溢, simple but perfect! Parma ham pizza有6大塊ham非常足料, pizza皮亦做得好脆。飲品只有走冰沒有熱飲，d茶加左幾片橙都幾得意。主菜算大碟，我地食唔

約左朋友食飯，佢話呢度好full, 所以一早book左坐仲叫我唔好遲到。。準時7點到，可能係星期一，所以又唔係好full之喎，因為朋友要食煙所以我地擇左出面坐。。最後嗌左：- 車打芝士煙肉牛肉漢堡 ：幾cheesy, 不過晤知係咪擺左陣，果漢堡有少少乾乾地- 燒美國肉眼扒 ：好有肉汁而且仲食到d炭燒味，好味。。- 我跟左餐湯 - 今晩係南瓜湯 ：有d杰又冇咩南瓜味～ 食完先發覺我唔記得同果湯，漢堡影相

來做一個簡單的數學: 如果我一個星期有2天外出吃中午、2天外出吃晚餐, 週末一共吃4餐, 加起來, 總共一個星期也只在外吃8次。一年52個星期, 即是外出吃416次。416! 數字很可觀嗎? 但仔細想想, 香港有的是幾萬間餐廳, 而且, 不斷開新的。哎喲, 那為了多吃不一樣的餐廳, 似乎就不應該encore 任何一間了?!當然不是啦。我可是很常回到同一家餐廳吃東西的。會encore 一間餐廳, 不單單是因為它的食物好吃(至少也要是不差吧), 也要有很多其他的因素去相輔相成才行。像是價錢、地點、心情, 甚至是和你同行的人, 也會影響。今天再一次來Simplylife, 也是因為同行之中有一人指明了要一試。不過, 今次吃的是中午餐的時段, 價錢就更化算了!不比晚市, 午市的菜單是劃一價錢, 款款HK$128+10%, 兼包括了前菜(湯或沙律)和凍茶一杯。款色也是琳瑯滿目, 從沙律到漢堡包, 由薄餅到英式全日早餐都有, 必定有一款切合心水。配餐的沙律所混的是醋和橄欖油(小稱「瘦沙律」), 清爽怡人, 作開胃菜一流之極。一旁的歐式麵包一向是我所鍾愛, 上次已經詳細說過, 不贅了。松露忌廉雜菌手

意外地選擇戶外只等3分鐘，天氣有點熱但仍尚可。蘑菇湯好好飲，有粒粒蘑菇喺湯內，有咬口。牛扒三文治，旁邊的火箭菜加左醋汁好醒胃，牛扒啱啱熟，但略嫌底下塊多士濕得快。自家製iced tea裡面放左橙，味道不錯，但有點過甜。

In this restaurant, I ordered the dish of fish and chips. This dish gives me a similar taste that reminds me having a meal in the pub in th England. The first view of the dish is big, big and big. The fish and chips served was in a giant size compared with the price. The fish fried is smooth, creamy and even able to give me a sense of deep oceans taste. The French Fries served along with the dish are also in excess amount, nevertheless, the taste in such deep fried dish is not too salty, which a

中學的時候, 你最喜歡的是哪一個學科呢? 我最中意的是數學和附加數學。絕不是因為我在這一課拿到好分數--同班的同學非常的厲害, 往往在我想出如何去做的時候, 已經漂亮地把問題解決。是的, 我想得很慢, 也不聰明。但它們的美麗就在於答案只有一個。在數學的世界只有對或錯, 沒有可能, 沒有或者。簡單而美麗。Simplylife cafe 在不同的地區都有分店。主打的是簡單而好吃的西餐, nothing too fancy。而當中銅鑼灣店是做得最好吃的, 環境也最美麗。只是, 價格也比別的分店要高。坐下吃正餐的機會不算多, 我中意偶爾在它的店里買個danish 丹麥酥, 小麵包之類的吃, 也很少失望。銅鑼灣的Simplylife 位於名店坊之中的一個小街, 而這條小街之上開滿了不同的食肆, 而且不約而同地都放了餐桌在室外的範圍。雖然略嫌擠逼, 但也蠻有外國風情的。雖然已經是四月, 天氣尚未焗熱, 甚至還有微微的涼風, 就抓了T先生坐外頭吧。點了菜, 先上的是一大盤歐式麵包。連坐一旁的外國人也不禁小聲低呼”oh it looks so good!” 麵包漲卜卜的, 內部又充滿了氣孔, 的確是非

今日lucky, lunch time 坐出面唔使等位~另外個朋友叫左benedict，聽佢講都唔錯。可能causeway bay呢間新D，同埋係為食街果邊，排隊情況唔太嚴重~雖然個set差唔多成百元，不過causeway bay lunch time的simplylife, 好味抵返嘅~