Simplylife Bakery Cafe

营业中

休息中

沙田分店Simply life 唔係第一次食～食過幾次覺得水準唔錯，不過對上一次食已經半年前，今次朋友話想食，印象唔錯就排隊拎飛啦！平日夜晚正常係要等好耐好耐位，出面堆滿人，但今次又等得唔算耐食完先知原來係質素差左好多...白酒煮蜆辣肉腸手製意大利粉食左幾啖先影ge 相黎，賣相冇咁差咬第一啖意粉，嘩，好硬唔係Ai dente，係完全唔軟身又唔彈牙碟意粉冇咩味，份量又少之前食過唔係依種質素，覺得好失望魚柳他他汁漢堡朋友叫ge ，叫係正常，不過不失不過佢話味道偏淡，另一間分店好食d侍應服務態度都麻麻地，感覺上唔夠人手下次去沙田食晚飯一定唔會再揀E間....

個個都買一個蛋糕，唔通個個都一個咁買咩呢個句子嘅組合接近聽咗大半年🤣🤣今年屋企人買蛋糕又真係新意思 每件上 一人一件 無多無少！一打開都幾震撼，勁香士多啤梨味🤤🤤流晒口水每件啲士多啤梨都唔少架，大人細佬都食得開心又滿足🕺🏻

外甥女早輪真係好辛苦，因為要應付考試和趕 project，趁佢依家放聖誕新年長假，就約埋家姐同佢一齊食晚飯，幫佢輕鬆一下。諗住食餐好啲就揀咗去 Simplylife。平時，如果我去 Simplylife，我會去奧海城嗰間，但是，因為佢哋住在上水，嫌奧海城遠，所以今次就去咗沙田嗰間，估唔到兩間舖無論食物和服務的水準差別咁大。晚上未夠六點半去到，餐廳仲大把位。男侍應第一句，竟然係 "個半鐘交檯"，而唔係 "先生幾多位?" 我心諗: “我都要趕下場，唔方坐得耐啦，啍!”男侍應帶咗我哋入餐廳坐低，擺低張餐單，水都唔斟就走開。我揀咗【燒美國安格斯肉眼扒】medium rare $208，加【是日餐湯】和【西柚冰紅茶】$30。家姐揀咗【美國自然穀飼豬扒】$208。外甥女就揀咗【車厘番茄醬蟹肉手製扭紋粉】$148。上菜速度真快，快過佢同系嘅快餐店，好似唔使煮咁，七分鐘之內，竟然將所有東西上齊，莫非驚我哋個半鐘之內交唔到檯? 【西柚冰紅茶】啖而無味，好彩有兩舊西柚食下，無咁齋。【是日餐湯】飲極都飲唔出係南瓜還是甘筍忌廉湯，淨係肯定裡面有粒芝士。【燒美國安格斯肉眼扒】 大塊，肥糕，熟過龍。個汁有意大利黑

做野做到有點頹，有時候都需要平衡下。人生有限，工作無限...... "以有涯隨無涯，殆已"雖然一人晚餐，但 feel 到如果再頹食，實在對唔住自己，殆硬 ！行過新城市見到佢，simplylife ！啱曬我今日個 moodSet dinner 餐牌好多選擇但身心都話我知，今日需要最 heavy 果個，要補返吓，所以叫左燉羊膝是日沙律 ＋餐包 ＋紅酒 跟餐 +$45首先上餐包，感覺一般，面包皮有點韌，食左少少放棄了沙律是青蘋果橙沙律，全部用料都新鮮，配意大利沙律醋酸酸地好開胃紅酒係正常貨式，易入口唔澀估計是最大路的merlot 吧！燉紐西蘭羊膝 薯蓉 烤蒜蜜糖汁 $198果然不負所望，羊膝煮得好淋，用刀輕輕一切已經可以切開，有羊味得來唔會羶。 一般食羊都會配芥末醬，但今次佢醬汁是烤蒜蜜糖汁，用來配搭羊膝剛剛好，蒜味香蜜汁甜甜地，味道好夾。羊膝下面仲鋪了薯蓉，吸收了羊膝同醬汁之精華。份量很大，平常我應該食唔曬，但今次竟然可以清左佢，因為太好味了，配埋紅酒，我俾滿分！ 食完呢餐，世界好似唔同左，終於有返D力量了！

Dinner set 有好多選擇，但同 lunch menu 差唔多，就連價錢都相約。Simplylife 嘅麵包一向岀名高質，鬆脆新鮮，配埋香滑牛油非常好食，仲係免費哈哈。所有主菜可以 +$45 轉做餐，有餐湯/沙律同埋一杯紅酒！有埋紅酒飲真係掋喎。沙律就 Hea 咗啲，得啲青瓜同生菜，上面放咗舊橙。紅酒燴牛尾有機糙米飯 ($118) 有驚喜，本來以為係普通糙米飯咁，估唔到係意大利飯形式。牛尾份量就唔多，但係腍面入味，整體好好食。燒美國安格斯肉眼扒都幾大塊喎，燒得好靚，面頭仲有炭燒紋。肉眼扒嘅肉質鮮嫩多汁。伴碟仲有爽口嘅乾葱忌廉法邊豆，配埋煙肉意大利黑醋汁，好惹味。

平日也很多人.......等位差不多半小時...............是日晚餐........有餐牌在門外供人觀看.............檸檬乳酪湯？ 怪怪的............可以入口........但不想再飲第二次............餐包..............還好....不過不失......蟹肉扔紋粉..........蟹肉多........汁夠味......厚切豬扒.........配上南瓜......芝士......不錯！

結婚一個月 食好少少啦！嗰日喺沙田行街 行到咁上下夠鐘晚餐 openrice一下就決定去食simplylife 啦！閒日walk in就有位嗌左兩個餐 餐湯餐飲都唔記得相機食先 所以無相 我記得個冰茶係好飲既 個湯都不錯！佢上埋包俾我地！啲包睇落好似幾好！但食落又硬又凍！無乜興趣我個大磨菇雞漢堡到啦！ 包都係凍既！ 可能我唔識欣賞啦！ 但薯條我幾中意！好脆好好食！老公就嗌左個牛扒！ 個露荀好食啊！個汁都正！ 牛就不過不失啦！比起個漢堡係好食好多既！ 七成熟！易切無乜筋！ 一人一個set 食完都奉住個肚走嘞！

要喺新城市廣場訂禮物，所以今晚入咗嚟新界～晚上差不多20:50分，求其入咗Simply Life晚餐！今晚點咗牛扒同埋濶條麵，兩杯檸檬茶。首先嚟左兩杯檸檬茶（$28@），茶底有微弱嘅檸檬味，茶味好弱仲有小小苦，所以問Waiter拿匙羹用嚟拮檸檬，最後Waiter比左隻好大嘅匙羹拮檸檬真係第一次～～硬到好似石頭嘅三件包，牛油兩小碟～ 蘑菇雞胸闊條麵，闊條麵好硬唔好食～個扒係用炭火烤，配菜非常新鮮，好好味，推介！因為個闊條麵真係好難食，所以叫咗芝士粉累點綴一下希望可以將碟麵食到落肚，最後比咗咁多份量。放咗落去碟意粉度好似食緊Caesar salad咁，最後將濶條麵食埋落肚！

朋友想食simplelife,但睇評論講到間餐廳服務又差，食物選擇又少，以為今次會中伏，但可能無期望的關係，又唔覺得間餐廳有評論講到咁差。無異食物選擇不太多，一張紙睇哂，但好多cafe供應的食物種類都貴精唔貴多，我又唔覺得太大問題，重點係如果食物質素都差，咁就大問題了。今次點了烤蘑菇忌廉汁寬條麵配香草雞胸及醋漬什菌和紐西蘭燴羊膝配薯蓉，寬條麵的賣相及味道都可以，但燴羊膝就遜色一點，加$30轉餐配的冰茶有淡淡水果味，不太甜 ; 不過餐包真的外皮硬，裡面韌，好難食哂成塊。至於員工的服務質素，坦白講，沙田市廣場地下那一層間間都差不多，沒有邊間特別好，這間算不過不失了。

2:20入席，告訴我們要3:30交枱。預先詢問3:30再叫下午茶，是否可以繼續用枱，對方回答可以。到了3:30,非常年長瘦痟侍應要我們離枱，我們回答再叫下午茶，勒令我們離開再排隊，隨後跟他理論，才容許我們留下。事實上由下午茶時段3:30-5:00，長期有七至八空席，也不知為何急令離開。我在其他Simply life ,從未受過如此無禮的對待，整間餐廳其他侍應全部都是黑面。可能早前跟男侍應爭論過，他刻意在在五時，將單大力擲上我們枱面，無品

#fridayla_shatin⠀⠀⠀⠀⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀⠀🍞Simplylife Bakery Cafe🔸🔸🔸🔸🔸🔸🔸🔸🔸🔸🔸🔸🔸🍞簡意烘焙Cafe🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀每次Happy friday既時候，就超中意買Cake做飯後甜品😍⠀⠀⠀⠀⠀⠀⠀⠀⠀⠀⠀⠀⠀⠀而Simply Life就成日都會食，第一性價比高，唔算好貴😳但味道唔差第二分店好多，梗有一間喺附近😎😎 ⠀⠀⠀⠀⠀⠀⠀⠀⠀⠀⠀⠀⠀⠀所以上星期五都唔例外😍一口氣買左4個同屋企人開心share！ ⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣Simply Life喺美心旗下一個品牌，喺一間主要以新鮮烘焙麵飽為主打的歐陸式餐廳😳而佢室內設計就以當代歐陸式時尚格調為主，加上採用開房式烘焙廚房，可以近距離見到個製作過程，感覺會同d麵包好親近🤤🤤 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣焦糖雲呢拿蛋糕💲36💭5層結構，首先喺薄薄焦糖層🤣💭然後喺燉蛋層，中間厚焦

其實已經食過simplylife 幾次，今次趁睇戲前有空檔，決定再食😋😋😋 但排隊拎飛已經感覺到服務麻麻地，因為拎飛部機lock 住咗，我地拎唔到飛又冇工作人員理，等咗好耐先拎到飛同入去食。 因為未到dinner 時間，我地叫tea set menuAll day breakfast 味道唔錯，仲配埋沙律同麵包，其實都幾有質素。👍🏻👍🏻跟住見到啲cake 好似好靚，所以忍唔住叫咗個士多啤梨cheesecake 食😋😋😋有驚喜，但我係好鐘意食cheesecake 嘅，唔知其他人會唔會一樣鐘意食😅

呢間開門一陣就爆滿，如果親身拎飛就我九年。所以係去程途中電子取票就無走雞！一向鐘情burger，所以點左其中兩款burger。最欣賞佢晚薯條！好好脆好香！第一款係beef burger。好包包係自家制，芝麻味香，牛肉打得好好！呢款chicken burger，朋友食，感覺雞肉乾身左d，但大大片磨菇好正！無影相既皇有餐湯，普普通通啦！座位就唔叫舒服，人多擠迫。2人坐一張圓檯，4人都你果張圓檯。仲有限時食90分鐘，急過食自助餐，想傾多陣計都要計住時間。

之前都聽人講過，沙田這間simplylife態度很差，食物越來越少，一路食開都係又一城那間，沙田就很久沒有來，今日一試，發覺可以換隻細點的碟，因為有三份一是空白，太浪費，服務就。。。所以我會決定以後都不再來沙田這間。

價錢已經唔平，位又坐得唔舒服，枱又細，待應服務態度更加差到不得了，叫極都冇人應！！！要等位等到頸都長，幫襯過兩次，唔會再比多一次機會！大家樂服務態度都好過佢！嘢食亦越來越差，越來越細份！