Simplylife Bakery Cafe

营业中

休息中

這間餐廳不論是任何時間都很多人排隊,，這次我們特意比正常晚餐時間稍晚一點才去，也預先用商場的app 訂座，果然大大縮短了排隊時間！↑晚飯時間都會送上的餐包,，這次以法包為主，外面有一點點硬，但裡面很鬆軟，配上牛油剛剛好(甚至我們還encore了牛油!) ！當中有一塊是酸麵包, 個人來說不太喜歡吃。↑南瓜薑忌廉湯：個人很喜歡這個組合，湯的薑和南瓜味都很充足，又不會很鹹，少有的心思思想追加餐湯呢！↑美國自然穀飼豬扒：不知怎的最近吃西餐時都很喜歡吃豬扒，這裡的豬扒是值得推薦之一，其中配菜居功不少！豬扒夠厚，熟透之餘不會很乾很韌，配上squash mash、松子和餐廳自家製的ricotta，很好吃呢！↑鰽魚茴香有機糙米飯：一上菜就有濃濃的海觧味，糙米飯的醬汁吃著有點龍蝦味（餐牌上沒有註明用甚麼汁喇），建議對蝦蟹敏感的朋友點菜前再問一下店員。↑燉紐西蘭羊膝：羊肉其實燉得很嫩，只是賣相有點隨意，不太吸引。↑車打芝士煙肉牛肉漢堡：朋友說牛肉很軟很散，而且醬汁欠奉，吃下去很乾，基本上整個漢堡都不好吃，不建議點

之前去左沙田班阿女換玩具，見唔使等太所耐就去左simply life 食，不過因為要補飛，所以要等多幾張。星期六既lunch 係有10款左右既brunch選擇,價錢係一樣，138蚊。我地三個人，叫左兩個餐，因為工人姐姐唔食豬，所以叫左個burger,俾佢食。 個burger好juicy,同d薯條都好脆。最後食唔哂都要帶走反而個我點既闊麵有點硬，食唔到d汁。不過最後杯冰茶都唔錯，如果普普通通一餐，都可以接受。

每每想吃西餐，在大商場裏選擇來來去去也是那幾間，不想煩惱時，就會選定simplylife，然後早早拿位，用餐時間的話一般等一小時也是常態。南瓜和燉飯向來不是筆者愛吃的東西，所以從來不會點，朋友點時，試吃了一口後，有種驚為天人之感，因為對南瓜立即改觀，而且混和栗子的燉飯粒粒分明，口感粉粉的，味甜。對女生來說，這菜品比其他有種貌似較健康的吸引力。意粉和菇都是絕配，菇爽，意粉有咬口，筆者愛吃，惟雞胸肉口感粗糙，強加蛋白質反成了扣分項目。不是專吃牛扒的店，要求不可太高，忘了牛扒底下的白汁是甚麼，總而言之跟牛扒不太夾，但牛扒份量和價錢尚成對比 ，嫩口。

趁臨截單前食埋個下午茶⋯⋯叫左兩個餐，一個焦糖海鹽蛋糕跟拖肥咖啡，另一個就牛油果牛肉漢堡跟拖肥咖啡。蛋糕有淡淡的海鹽味同焦糖好夾，賣相都好吸引，咖啡好甜，拖肥味不太岀。漢堡牛肉夠厚身，好多牛油果醬，但薯條份量不夠，多好碎上，呢方面稍為失望。服務方面一般，侍應要叫幾次先有人落單，態度一般。唯價錢方面算ok, 加埋一都不算太貴就已經有漢堡食。

已經唔係第一約朋友黎食晚餐， 貪佢就腳又好坐，沙田新城市真係好多人同喼，不過呢間好彩本地人食多， 相對唔算嘈， D位好寬落唔迫， 不過晚飯時間都多人， 要早d 去因為唔算好多位。 上次食過覺得好食， 今次同個fd再叫10安士肉眼扒都仲係份量十足好好味，多肉汁的, 個湯都幾濃， 麵包又唔太硬。 個人鐘意佢d 甜品， 細細件唔太甜，食完十分滿足。 慢慢食係得ga, d 侍應唔會趕住要你走， 話晒都係賣服務同環境嘅餐廳，价$反映左唯一係佢杯檸檬茶個杯好似舊左d, 最好換左佢la

每次行過simplylife都覺得個餅櫃d麵包同餅好吸引今日行過見到啲麵包賣淨得7788但見到我最鍾意嘅其中一種方包😍😍😍😍芝士方包就決定買！唔知係我太耐冇買佢啲包定咩 佢已經換咗個包裝 變咗有隻兔仔係屋企入邊 🐇🐇麵包嘅白色部份 非常之軟熟 而且入邊仲有啲芝士 雖然佢唔係一粒粒嗰種 但佢好似係溶咗一點點係入邊咁食落去會有芝士味但係就唔會好濟而外邊嘅麵包皮 上面係脆脆地嘅芝士 而外面就係普通麵包皮咁 😍😍😍其實佢嘅麵包係幾好 不過店員嘅服務態度就有啲差 佢黑晒面咁 果然個個都話佢態度差係真🤦🏻‍♀️

同朋友食LUNCH, 由於唔肚餓 又唔想食主食 於是叫左芒果拿破倫 同竹炭綠茶味蛋糕 先講竹炭綠茶味蛋糕 我以為會有炭味 原來係好輕既 香味 我唔係幾識形容 類似炒栗子個種香味感覺 但當然無炒栗子味啦 綠茶味好清新 都算濃 但我最想講既係 芒果拿破倫 好好食 首先 每層都好脆 第一層外面有些少糖粉 中間既卡士達夾住芒果 每用叉拮落去 聽到超脆既聲 而且成個combination 好味 因為 好香酥皮和牛油味外 芒果係超甜 但有個 tips想講，LUNCH去買係好D 我有幾次LUNCH堂食或外賣 去買拿破倫 返到公司4點左右食都好脆，但有次放工買返到屋企已經淋左無咁脆。 

我男友第一次帶我去食， 佢話食過九龍塘果間兩次，佢本身都係做呢行， 平時食野咁揀雜都推薦我食，所以一試。點知個份量細左，我平時咁細食食曬都唔飽。個truffle cream完全一d都唔creamy, 起曬粒粒。黑醋扭紋粉， 味道ok, 但係有某幾舊粉唔熟，硬到一個點，究竟係沙田問題 定係 成個品牌都變左呢？

以往最欣賞佢嘅黑松露闊條面, 竟然令我大失所望, 一上枱已經感覺不妥, 食一啖即刻講句(有無搞錯呀…), 以前忌廉汁非常creamy, 而家成碟都唔好食, 食左一半都要放棄, 忍唔住搵店員問清楚, 答覆系 : (轉左做法好幾個月), 我亦已表明十分難食, 但店員都好無奈咁聽完就算, 其實寧願佢因食材成本上升而加價, 好過令客人失望而回.....

今日放工 約左朋友食晚飯之前已經見好多人排隊 不過一直都未試過見今日冇人排隊咁就去試吓環境都好舒適 坐得比較寬敞右餐包 叫咗個黑松露闊條麵同埋安格斯牛扒如果加餐就要加＄30 有沙律或者湯配冰果茶如果加＄45就有沙律或者湯配酒有一個加左$30餐而餐湯係番茄湯 湯裏面有芝士同番茄不錯的 好喝-黑松露闊條麵望落去好似好細碟 但其實份量好多啲雜菌菇好大 同埋好入味連個醬汁都係忌廉黑松露 好食 -安格斯牛扒有10安士 配咗雜菜同薯條牛扒勁多肉汁 每一口都超好食而薯條就比較咸咗啲整體來講 呢間西餐價錢合理而且很好食難怪會有咁多人排隊 推薦可以去試吓~ 

沙田新城市既假日真係超多人,到左晚餐時段周圍都等位,好想食草莓丹麥酥,所以黎左SimplyLife排隊,等左大概半小時終於有位喇!見住草莓丹麥酥由一盤到得番一個,即時拿拿聲落單啦~晚餐既主菜:烤蘑菇忌廉汁手製闊條麵. 香草雞胸. 醋漬野菌,是日餐湯 配自家冰茶(另加$30)緊係大聲落單叫1個草莓丹麥酥啦~餐湯先到,係蕃茄濃湯啊~ 酸酸地好開胃,仲有幾顆車厘茄, 幾好啊~跟住草莓丹麥酥黎到~ 好感動呀!啱啱等到位又食到最後一枚嗰刻,想叫出黎~士多啤梨;吉士;酥皮 既合體, 天衣無縫!!!而餐飲係凍橙茶,紅茶加半個橙浸住,今次好清新,好過上一次配血橙,好苦~(其實我好鍾意飲血橙汁,但上次真係太苦,今次既改良確實係唔錯)主菜味道好一般,而且個雞胸”鞋烚烚” !

首先先讚主菜是好味的，我點了燉羊膝薯蓉同埋白酒煮蜆辣肉腸手製意大利粉。燉羊膝夠淋，配上蜜糖汁的薯蓉很合拍，我食羊但又不能太羶，咁只要羊肉同薯蓉一齊入口就可以減少陣羶味。白酒蜆意大利粉，白酒蜆個汁一流，而手製意粉呢，我只可以講似食緊車仔麵的油麵但少左果浸油。好鬼粗的意粉，不過我係幾鍾意，因為夠彈牙不太淋。禮完就到兵了，呢間野，無論係你見到的職員同見唔到的，都無心去做呢份工！1.我舉手點餐等了over 5mins先有人應，差點以為自己不存在。你話佢地忘嗎？果時下午6點半得果4成人，有3個職員經過但又好出奇個頭唔望過來但從佢地起步經過是一定見到我舉手的。2.傳菜的好努力傳菜睇得出佢心裡有團火，做野都幾火下放碟野都大聲過人。3.由於旁邊枱2位都係點同一樣意粉，初頭見佢地2碟麵，好大碗，意粉勁多。到來自己果碗時好失望少得可憐，有比較下係會特別傷心。不過，多麵的是無汁，我呢碗較多汁。有幸有不幸吧！這反映出廚師能力有限，對於碗麵多少的準確度不足！另外我一定要說個餐前包難食，可能要用錢買的包先好食吧。我未試過。重有蘑菇湯，酸的，難飲。重有一樣好大的問題，其實呢間餐廳好污糟，我一入去坐無幾耐就係咁咳..

有日我約左我個好朋友去食飯 因為係諗住偷偷地幫佢慶祝生日 比個surprise 佢 所以就揀左質素有保證嘅simply life 到食晚餐咁我地入到去 就叫左一個烤磨菇忌廉汁手製闊條麵香草燒雞胸野菌 同埋我唔記得左叫咩名嘅一個肉醬意粉 咁我地兩個每人就加左三十蚊要埋前菜一個沙律 一個南瓜湯 同兩杯自製冰茶 係西柚黎 首先講下個湯 個湯好重南瓜味 質感好濃厚 唔太甜 而個沙律上面有青蘋果同橙肉 食落幾清新 不過我就唔太喜愛佢個包 冇乜味又有啲乾 但我就好鐘意佢個兩個主菜 個忌廉闊條麵好足料 啲雞胸幾大件 而且好滑同埋一咬落去啲雞油出哂黎 熱辣辣 烤得岩岩好 加上佢個汁好厚好鮮甜有埋啲磨菇粒撈埋啲麵到好有口感 至於個肉醬意粉雖然好似有啲普通 但佢好多肉碎同多汁 加埋啲就洋蔥粒同蔥成碟野都好香 至於杯野飲 本身佢係西柚都有啲抗拒 會覺得好酸 但點知佢好清甜 有detox 嘅feel 我最後飲哂 果然好有質素

話說今日想食西餐，去simplylife之前按定飛。去到剛好叫93，然後立即94，95咁叫，穿過d人埋到去說93，個帶位ignore，然後走佐入去執位，之後出黎帶94入去，再出黎先話93等一等，再帶95入去，就同我講你93叫佐好耐過佐兩張，93，94，95一次過叫，然後自己去執位出黎同我講你93叫佐好耐，要再等兩張。😤😤😤算啦，入到去叫佐野食之後兩個餐湯黎，同樣餐湯，但其中沒一個餐湯有包，個waitress放低叫唔該同excuse me都仲要愈叫愈走....揮極手都無人理，要等好耐先終於有人行過黎。說回食物，上次黎lunch menu無佐松露pasta, 今次lunch menu有返，但個source同麵條texture 都大不如前，唔好食，唔怪得之前要前menu take out.之前個pasta creamy d, 以加唔同佐做法。食物同服務質素嚴重下降，未食已經一肚氣，會暫時blacklist 呢間。沒有包的餐湯個做法唔同佐，無以前咁好食還可以

第一次黎係同事帶 今次再黎食過返尋味今次試全日早餐香腸帶有微微羅勒香草味煙肉煎得過火，又硬又燶得尋苦味最令我感興趣嘅係煎蕃茄，有脆口嘅表面，內裡卻鎖得住蕃茄嘅汁同餡🤤