Simplylife Bakery Cafe

营业中

休息中

失望到極點，好似施捨畀我食咁，d意粉連個盒四分之一都冇，見到門市啲相量都唔會少到咁，冇諗到外賣就咁樣hea我，兩啖食完，仲收我舊幾水，又唔係特別好食，以後都唔會再嗌依間。

Simplylife食晚餐總唔會令人失望，今次晚餐叫咗豬鞍和鱸魚糙米飯，豬鞍永遠能保持水準，塊扒厚過兩吋但煎得啱啱好，切開有淡淡嘅粉紅色好juicy唔會乾身；不過小食魚嘅我就覺得鱸魚有啲腥，糙米飯醬汁係少食到既組合，口感同味道都唔太啱我。值得一提餐廳嘅服務不嬲有水準，但當晚八點半都仲有人等緊位，我哋仲傾緊計嘅時候服務員叫埋單都正常，但埋緊單個下佢順手收起所有飲品和紙巾，再問我哋係咪唔要...我袋都未執對方已經拍張枱埋嚟變四人枱，睇黎餐廳真係趕住派枱但我真係覺得有啲尷尬，其實高質素嘅餐廳客人真係唔介意等多一兩分鐘嘅。

見下午茶餐個Menu 感覺上都幾抵食所以決定叫呢個burger餐首先個賣相上面薯條係好少瞓啦同埋放得好凋零仲有「乾真真」已經打咗折扣放落口嘅時候啲薯條係凍實在令人太失望漢堡包都幾細又係兩三啖就已經食得晒同埋牛肉味道超級淡雖然係下午茶餐份量少，我都仲可以接受得到但係食物質素一次下降嗰下就真係無法接受另外仲有杯果茶有種好澀嘅感覺色水上都係令人唔愉悅飲到最後尾係有「渣」整體嚟講今次都係十分之失望下次可以搵第二間食

本來諗住試 行到過去 淨係見到成班人喺度排隊買麵包 跟住一個接待都冇 行到入去又搵唔到人 想坐低都唔知點算 唯有走人 感覺很差。心諗，感覺好似快餐廳咁 以為可以慢慢嘆吓嗰啲餐廳 見到個個攞住個盤 唔知想點

帶着毛孩出去商場吃飯遇到的一大難題就是：並非間間餐廳都能讓寵物進入。新城市廣場內都算有不少餐廳是寵物友善的，只要毛孩屬於在商場範圍內便可以。Simplylife就是其中一間。🍄點餐後先上餐包，法棍🥖不是太懂得欣賞，因為太硬😅🍄set menu 蹆一碗沙律或餐湯，以及自家雜莓冰茶。沙律很新鮮，而且醬汁很開胃。🍄叫了份牛扒，份量中規中矩🍄七成熟，切開仍能看見粉紅色，吃起來也鮮嫩多汁🍄另一份叫了燒春雞，雞比想像中大隻作為一間寵物友善餐廳，之後會再光顧的。

午市幾抵食！我最鍾意嘅係牛油果醬牛肉漢堡包身鬆軟，肉質嫩滑，配埋新鮮生菜同番茄，每一口都好滿足。另外，水果冰茶都幾好味，清爽而不膩，特別係夏天飲，真係好舒服！至於蟹肉蕃茄手工意粉，味道亦都唔錯，蟹肉新鮮，意粉煮得剛好，醬汁濃郁，食落去好有層次感。整體來講，呢間西餐廳嘅午市菜單幾吸引，無論係前菜、主菜定飲品，都有高質素。環境優雅，服務亦都好好，真係適合朋友聚餐或者商務午餐。推介大家午市去試下，肯定會令你驚喜！我下次一定會再返去，試下其他菜式，期待更多美味！

一個悠閑嘅周末，喺MCL Movie Town 睇完場戲就入嚟食個lunch ，鍾意佢杯冰茶🍹，讀書時期到而家都係，每次入黎都好期待佢杯冰茶，大大杯，好滿足。我地叫左一個車厘茄醬手製扭紋粉，一個蜆肉蘑菇忌廉汁手製闊條麵，鍾意叫佢地嘅手工意粉，夠彈牙。兩個餐都係跟湯，今次係南瓜湯啊配自家出品麵包 😍 湯夠creamy, 暖胃😍 麵包外脆內軟！所有食物都唔錯，唯獨蜆肉意粉裏面有兩塊菇味道有啲強差人意🤔唔係好啱口味

相信大家都對Simplylife唔陌生，而餐廳亦都係我同屋企人食西式lunch既首選，價錢大約$158-$178(未計加一)已經食到一個豐富既brunch。餐前麵包配檸檬汁牛油，麵包外脆內軟，牛油因為加咗檸檬汁所以唔油膩。是日餐湯係南瓜忌廉湯，味道香甜濃郁🎃主食比較偏愛闊條麵，每一條都掛上忌廉汁，手工意粉亦有咬口。漢堡包配搭嘅薯條炸得夠乾身，begal外脆內軟🥯每次都會外賣榛子丹麥條，焗返熱食仍然酥脆，配搭香滑榛子醬，好滿足✨📍Simplylife Bakery Cafe #沙田 #西餐 沙田沙田正街18-19號新城市廣場一期1樓129號舖💰$158-178(未計加一，套餐已包括餐湯、主食及飲品)

7月頭同阿媽早晨看完醫生，我哋去沙田新城市廣場食午餐。佢鐘意食西餐，咁就去咗simplylife食，貪呢到餐的選擇多，由沙津，意粉，漢堡，全日早餐，燒雞都有。午餐包埋餐湯或者沙律仲有餐茶，性價比高。阿媽要咗湯配車打芝士牛肉漢堡，我要咗餐沙律配烤美國春雞半隻。阿媽個漢堡包大大個，漢堡多肉汁，我個烤雞都夠熱夠滑，配菜有少少調味，啱啱好。呢到用餐有時限，所以如果想同朋友聚餐坐耐啲嘅，就唔太合適，又或者平日下午茶時間冇客排隊應該唔會趕你走掛。

今晚同老公嚟到沙田行街，個人都好耐冇食simply life，就入咗嚟享用晚餐。環境舒適，坐得舒服餐湯係蘑菇湯蘑菇湯香濃，食得出有打碎嘅蘑菇粒，感覺真材實料✨阿根廷肉眼扒，香草焗蕃茄，烤大啡菇，卡真薯條（$288）肉眼扒揀咗七成熟，有啲韌，如果可以再腍啲就好喇。薯條好好食，特別係配上茄汁，正正子😋✨野菌黑松露忌廉汁手製闊條麵（$178）唔夠黑松露嘅香味，另外醬汁都冇乜味道，自己落咗啲鹽調味，比較失望。

今日行沙田經過Simplylife，見到玻璃櫥窗可以睇到佢哋現場整麵包，睇咗一陣之後真係忍唔住手，最後買咗個士多啤梨丹麥酥試試。結果完全冇失望！呢個丹麥酥外皮酥脆到一咬就鬆化，牛油味好香濃，唔會太膩。上面仲有新鮮士多啤梨，酸酸甜甜同酥皮好夾，食落一啖接一啖，唔會覺得太甜啲又有果味嘅清新感。少少肚餓行過買嚟食超正！

simply life 的這款英式早餐真的是百吃不厭，營養美味。今天配合小杯的cappuccino，恰到好处。我特别喜欢今天的吐司，烤吐司其实很考验技术，一不小心就会过焦或是不够，难得今日火候始终。开启全气满满的一天。

今日我來到沙田的 Simplylife，聽聞這裡的漢堡非常出名，於是迫不及待地想來一試。點了他們的招牌——車打芝士牛油果蓉牛肉漢堡，還有一份薯條作為配搭。這個漢堡的牛肉餡餅相當厚實，肉質鮮嫩多汁，咬下去時能感受到牛肉的濃郁香味，帶有微微的焦香。車打芝士融化得剛好，與牛肉的味道相得益彰，增加了漢堡的豐富口感。而牛油果蓉則為整個漢堡帶來了清新滑順的口感，平衡了肉類的油脂感，讓人吃得毫無負擔。薯條的外脆內軟，金黃酥脆，搭配上些許鹽味，讓人一口接一口，十分過癮。

每次來到都好多人，好多人晨運完或返工之前都會嚟食早餐，佢有幾款早餐選擇，例如all day Breakfast啊，或者其他都唔錯嘅，但我通常叫一兩個麵包加杯咖啡慢慢食，佢每個麵包都好好食，佢嘅麵包四點前都會賣晒，所以我鍾意朝頭黎食啦，貪佢夠新鮮。

難得平日放假，打算喺沙田新城市廣場食返個靚lunch，見到Simplylife 的 set lunch 有我最鍾意嘅手工意粉，就吸引咗我入去食。.Set lunch有餐湯/沙律 + 主菜 + 飲品，幾豐富呀👍🏻.餐湯 — 甘蔗忌廉湯，配埋佢地自家出品嘅麵包。個湯甜甜地幾好飲，口感又夠creamy；麵包內裡幾軟身，外邊就脆脆地，但每啖啲麵包碎都會跌到成檯都係，比較輪盡🤣 .主菜 — 車厘番茄醬燒蝦手製扭紋粉。番茄醬汁甜甜酸酸好開胃好味，車厘茄好甜。啲蝦都幾大隻、蝦肉夠爽！而扭紋粉亦做到彈牙，有啲咬口唔會太淋，係我鍾意嘅口感。.飲品 — 本季限定冰茶。冰茶唔會太甜，我覺得幾好飲，係落得太多冰真係好凍😆