Simplylife Bakery Cafe

营业中

休息中

小編一直都淨係識食Simplylife嘅蛋糕，今日經過就決定要買佢嘅蘋果酥泥試吓。首先佢個丹麥酥方面做得好好，即使係邊邊位都好鬆化唔會話硬左一舊野。而且佢蘋果嘅份量都幾多下，每啖都可以食咗好多嘅蘋果粒，而且啲蘋果粒咬落口仲有少少索索聲。不過唯一一個缺點就係，小編覺得佢裏面嘅糖漿實在有啲多得滯，整體偏甜左少少。佢除咗甜少少之外整體來講都冇問題，比起某麵包舖已經贏咗成條街。佢呢個丹麥酥裏面有D吉士醬喺度，食落都OK。不過如果嗰一啖咬得唔夠大啖，就可能會比較難食啲，因為個丹麥酥本身都偏乾少少。要同啲吉士醬一齊食先會比較容易入口，另外如果再夾埋啲草莓一啖一舊嘅話，就更加 Perfect 啦！因為入口會變得酸酸甜甜，而且同鬆化嘅丹麥酥一齊食，唔單止味蕾連個口感一樣都可以滿足到，不過大前提係個口要夠大。之前食過佢哋嘅丹麥酥都覺得唔錯，不過今次就有少少失望啦。今次唔知點解佢哋嘅丹麥酥變淋左，冇咗丹麥酥應有嘅鬆化。佢呢個丹麥酥整體來講你會食到有好香嘅藍莓味，不過有一兩粒嘅藍莓小編覺得好似有少少草青味。佢上面有超級多嘅藍莓睇落十分治愈。雖然佢裏面同樣都有吉士醬，不過佢會再多左啲藍莓醬，所以入口會更加濕潤

點左個虎蝦扭紋粉，簡直不知所謂，嬲到要特登上黎打食評。成碟粉咬落係硬既，根本就未熟，仲食到d粉。食左幾啖諗緊要唔要同侍應講重新煮過既時候，聽到後邊既客人點左個意粉，同樣係未熟，佢地cancel左張單。就更加肯定個廚房係出左問題，於是嗌侍應過黎，點知個侍應望一望就拎轉面走去第二度抹枱。都算，叫過第二個女人過黎，佢望一望碟野，成碟收走，一句說話都冇講過。咁究竟係幫我煮過定點呢？咁我再叫另一個男侍應過黎同佢講，廚房如果唔係煮緊就幫我cancel佢，仍然係一句野都冇答過我。等左一陣，我地頂唔順同個男人講我要取消碟野，佢就即刻同我講：「吓，廚房煮緊啦喎」，咁點解連續3個侍應都唔同我交代一聲呢？我即時埋左張單，野都唔想再食就走，埋單個陣個男侍應仲要好大力推隔尼個凳，連後邊枱客都問佢係咪發緊我地脾氣。碟野已經難食，仲要食到受侍應既氣，我真係建議大家唔好去呢間餐廳！

由第一間simplylife食到依家，沙田開咗我幾次嚟到都冇機會入去，今次係嚟食午餐都一樣.......2:30黎到 同我講要3點先開始入客，要等到下午茶。而家想飲杯咖啡都無㗎 建議大家留意番下午茶時間係3點至5點，無早無遲。

今天早上完結工作，趕在下午場前與友人快吃個生日午飯。選了個中間點，便來到這間不錯的cafe 吃lunch，食物不錯之餘，坐得又舒服，適合兩姐妹聊天。Set lunch 有幾款主菜選擇，湯或沙律選其一，並另配一杯冰茶或汽水。我們二人都要了餐湯，是日餐湯有我最愛的南瓜湯，伴自家出品的法包配牛油。南瓜忌廉湯濃郁幼滑，能吃到南瓜蓉，以淡味的法包沾上濃湯，恰到好處。我點的主菜是煎鰽魚.烤薯.燒意大利黃瓜.芥末籽汁。鰽魚的皮煎得香脆，鰽魚不算滑，個人感覺調味稍重，有點鹹，醬汁的油也偏多了點，烤薯和配菜卻都淡而無味，不至於難吃，但味道確實令我有點失望。友人點的是燒鴨胸.炒雜菜.意大利黑醋汁，燒鴨胸肉質比想像中軟腍；炒雜菜包括有蘆筍和菇菌，炒得香口，加上酸甜的黑醋汁更感開胃，這碟較為好吃。最後我們都點了冰茶，忘記要少甜，喝不慣有太多甜味的茶。反正最重要的是友人滿意，這幾年來都因為分開兩地而未能為她慶生，希望她回港後所有事情都發展順利。

今日中午同同學去食飯，沙田分店特別多人，但好多都係拎完飛就走左，所以等左半個鐘都入到。平時黎都係食下午茶，今次第一次食午餐。我嗌左雜菌忌廉飯，同學嗌冬陰公飯，兩個份量都係少。不過忌廉飯比較濟，份量少啲都唔怕，唔會過飽。雜菌味濃郁👍🏻唔錯。同學話個飯都好食。兩者賣相都好幾靚：）如果唔太餓，想食個輕量午餐，都係唔錯嘅選擇。其實我最鐘意個果茶，有橙同西柚，個柚好大塊，用飲管吉完，啖啖都有果肉，唔會太甜，清新解渴，好好飲：）

是日餐湯 - 南瓜湯伴法包：南瓜湯creamy﹑濃郁而且滑溜，仲食到有南瓜蓉，味道不錯；新鮮自家手製既法包亦鬆軟有嚼口。是日沙律：沙律菜新鮮爽脆，配上幾片水果，感覺清新，令人更加開胃。炸魚配沙律和薯條：炸魚既粉漿唔太厚，而且外脆內軟；另採用幼薯條，炸得非常香脆；再配上爽脆椰菜沙律，令人感覺無咁熱氣。車打芝士牛肉漢堡：牛肉煎得剛好，肉質鮮嫩，一咬落去仍有肉汁流出；幼薯條炸得依然出色，香口唔油膩。

大蝦海鮮冬蔭有機糙米飯 $128Organic Brown Rice with Tom Yum Grilled Pawn and Seafood有d似risotto既感覺 當然講緊個賣相 平時冬蔭公係拎飲湯咁 今次擺落去煮飯個汁度 味道好濃郁 好重泰國既香料香茅味 同埋有少少辣 吃完一兩啖都想飲水 其他例如隻蝦係急凍蝦 相對無咁新鮮同甜 整體感覺似杰身既粥 而且份量唔多 得隻碟大.烤法國春雞. 甘露. 大磨菇. 燒意大利黃瓜 $178Roasted French Game Hen. Carrot. Portobello. Grilled Zucchini 燒雞普普通通 肉質唔算太鞋 肉汁都唔算多 食得過既 而且配料都整得還可以 如果大食既朋友一定唔夠食 因為岩兩至三個人食 一樣都係得隻碟大.小瘦肉覺得面外還有很多水準高既西餐 所以一試便知龍與鳳 只會繼續尋拎更好的

今晚原本想去食芽莊..點知裝修無開..就黎左等simply life..因為我地比較多人..就算一張台都等成半個鐘..入到去都係兩張細台拼埋.呢度完全無大台..所以一班人都坐得好怪..d野食個碟勁大..張台又勁細張..都放唔到..😑大蝦海鮮冬蔭有機糙米飯..辣辣地..又唔係好重冬蔭公味..d糙米都幾硬..唔係個個都岩..慢煮紅酒肉碎手製闊條麵..呢個個味道都好濃..但我覺得面偏硬..要趙好耐..唔係平時既闊面..松露忌廉雜菌手製闊條麵..可能呢個有忌廉汁既關係..煮得比較淋同入味..面相對無甘硬..好味但好guilty...車打芝士煙肉牛肉漢堡..個包好細..薯條份量都幾少..果塊煙肉硬到食緊餅甘..🤦🏽‍♀️好一般..烤法國春雞..好細隻..唔算好入味..普普通通..切開一人兩塊左右...總括黎講都係好細碟..唔抵食..

Simplylife其他分店一向質素不錯Lunch dinner都試過今日一於係平日試下沙田依間tea set但整體失望唔通一分錢一分貨？連員工依段時間服務態度都冇以前咁好可能係下午茶時間人少查詢飲品到未Waiter 語氣都唔耐煩到叫左埋單都可以幾個字先搞掂再睇番openrice先見依間食評普遍都差唔知係咪分店限定？牛肉漢堡未有驚喜唔夠牛肉味個包都較薄除左牛肉煙肉就冇其他配料咖啡普通

之前光顧過其他分店，覺得味道不錯。今天午飯時前來看見不用排隊便來吃午餐。飲品要了冰茶，前菜要了南瓜湯，主菜則點了磨菇雞肉漢堡。冰茶原來是西柚加茶。過於大塊的西柚（兩塊1/8個大的西柚）放進杯中，而且匙羹欠奉，難以把西柚汁擠壓出來。最後還是忍不住拿了枝匙羹。味道方面，喝起來像檸檬茶，沒什麼特別。南瓜湯味道不錯。可惜伴隨的麵包卻令人失望。大大件的法包末端，不脆，很韌，感覺很不新鮮，而且底部的外皮都焦黑了，只好吃中間的肉。主菜方面，雞肉很老很乾，咬到口下軟了。蘑菇上的芝士又乾又硬，而且顏色偏黑。最最最令人失望的是薯條。顏色一看便知不新鮮，死氣沈沈的樣子。一點也不熱。不是硬便是韌，叉子也叉不進去。不知放了多久/翻炸了多少遍。就算沾了茄汁也吃不下去。我本來對食物的要求不是很高。但$95加一換來這樣劣質的食物，真是令人不滿。simply life怎樣好意思賣這樣差的食物？大集團真的只顧賺錢而不會理市民感受！

如果喜歡食甘香煲氣味，其實都很合適，但牛味比較淡！但明白人多要快還要樣樣都控制得好，不是容易的事，不過真的有點意想不到的...～沙田難搵食，仲要搵好食價格合適的更難了！

又行經new town plaza好耐無食過simply life，今次都係要等位所以我download左new town plaza個app搖控拎飛，可以行住街等位😻👍🏿等左九個字🤦🏾‍♀️先入得，可能星期六日太多人今次嗌左芝士雜菇既闊條麵另外朋友叫左個beef burger個闊條麵好多菇，食完都好飽不過我中意意粉多d🤔🤔另外個beef burger就略嫌牛肉鞋左少少下次食返個fish burger🙂

My friend and I craved for a good feast after a tedious day of work. As we both live in Shatin, the best place to gather is New Town Plaza, and we picked SimplyLife simply for a really great feast with known reputation. We even added extra to order the soup and the iced lemon tea hahaaa - have never been so generous beforeThe creamy mushroom soup and the iced lemon tea didn't go wrong at least. With the complimentary french bread, it marked a good start of our meal. Grilled US Angus Rib Eye Stea

今日去到沙田行街，吾知食咩好就用佢地個APP睇下有咩岩食，之後見到這間而我又未食過就話不如去試下，等左20分鐘已經有位坐好快喎，去到佢係一張午餐牌都劃一$128有湯／沙律，主菜和冰茶／可樂。我同朋友都係食漢堡包和英式早餐分黎一齊食！～沙律當初話係青蘋果黎到係橙有點失望，醬汁酸酸甜甜幾好味，菜都好新鮮！～飲品我地都係叫冰茶原來係橙加紅茶，竟然原來係幾好味，有橙香又有果肉加淡淡紅茶...之後主菜就黎到啦，英式早餐份量都吾少喎，磨菇煮得好香又濃郁味道，腸仔都係香草味但份量一條就少左D。茄汁豆微熱又夠多同蛋一起食吾錯，面包就冇特別而且仲係凍。不久同事的漢堡包都黎到啦，牛肉差不多全熟，牛肉味只係一般，但整體成碟係凍有點失望，面包吾香又凍冇食到，芝士係直情吾溶,失望！～ 薯條類似薯角口感吾錯但都係凍都硬...如果熱返味道應該好好多，整體黎講係幾失望，因為見成日排長龍，今次一試就夠。

不知為何很喜歡SimplyLife這間餐廳，雖然它的餐牌沒有什麼變化，點來點去可能都離不開那幾款，但就是喜歡那味道、那感覺，久不久就很想來這裏用餐罷了。它的裝修如其名，很簡約很舒服的西式風格，一進去便會被一廚櫃很精美的包點吸引著，每次都有一刻衝動想點全部的包點試一下LOL 。今次和友人所點的其實和之前分別不大 LOL, 每次我必點的一定有冬蔭功海鮮糙米飯和燈茶。首先說說這個很特別的糙米飯，本身很喜歡泰國菜，這個飯糅合了泰國冬蔭功海鮮的香、酸、辣、鮮、甜和義大利Risotto那奶油般濃郁質地口感，非常特別! 令人一試難忘! 而燈茶很香甜美味，可以幫助消滯去膩。另外，南瓜忌廉湯、安格斯肉眼扒、野菌黑松露闊條麵、南瓜蓉糙米飯等都是保持了水準，南瓜口感香甜嫩滑; 肉眼扒多汁嫩口; 黑松露更加香濃味濃，闊條麵很有咬口! 會繼續來的!