Simplylife Bakery Cafe

营业中

休息中

於晚餐時間入座，座位很迫，5個人坐一張小圓枱，食物都放不下，迫住要盡快食.差不多食完主菜，問侍應取甜品menu ,但居然立刻問我是否甜品可以即上可以給我menu,態度已經很差！取了menu來研究時，又再走過來說:"我們的menu 是新的，怕你們弄皺!＂我再看看手上menu,本身巳被上一手弄皺了，還有食物污漬，咁都叫新的？況且客人拿著看，少不免會弄皺，一係過了膠才給客人看，而不是好似看守賊人似的監視我們看menu,這是待客之道嗎？況且食物又不是好食到值得我忍受如此質素的服務，以後都會勸人不要去，以免自取其辱！

今日咁岩去左九龍塘個邊開會，中午時間唔知食咩好，正係度苦惱之時見到呢間餐廳有唔少人出出入入，所以就覺得應該OK，入去同同事食個lunch先！係人都知道我對芝士同雞蛋都係瘋狂的Fans，而呢度的芝士奄列就好滿意啦！芝士奄列好足料，好厚身，而且芝士可以做到拉絲的效果，芝士味好香好濃，調味亦都唔錯。伴碟的薯仔都有精心煮過及調味，唔係行貨個種勁爽身的薯仔，的確唔錯！漢包絕對係我最愛的食物之一，呢度的Burger亦都唔錯，而且價錢唔貴。Burger的味道唔錯，雖然唔算好Juicy好爆汁，但係漢堡的調味唔錯，肉身都幾厚身，而又唔會死實實個隻。另外，薯條亦都好精彩，薯味好香好粉，而且炸得好香脆，醬汁亦都唔錯，好味道。係又一城食野不嬲都好貴，但呢間價錢合理又味道唔錯，值得Encore

今晚約咗中學同學出嚟聚舊，數數手指，原來已經識咗9年喇，時間真係過得快。因為我比較早放工嘅關係，我先行下街，再用App攞飛慢慢等，到差唔多時間返去就有位喇，好方便。雖然Menu只係得一頁，但有好多野都好想食。最後我揀咗"烤法國春雞"，再加"餐湯+冰茶"。點完餐後先送上麵包，較為深色的法包超硬，但至少比上次硬到𠝹口，今次至少硬得嚟脆嘅。之後送上餐湯同冰茶，是日餐湯係蕃茄濃湯，裡面有少少類似薏米嘅東西，幾有咬口，蕃茄湯好濃郁，酸酸哋甜甜哋，好似食梗幾十粒蕃茄仔咁，好開胃。冰茶一如以往地好，唔太甜。再等多一陣主菜送上。春雞烤得啱啱好，雞肉好嫩滑，比較大嘅雞骨已經預先切去，方便客人進食。調味方面亦相當不錯，少許鹽加上香草，唔會搶哂隻雞嘅肉味。喺隻雞下面有烤紅蘿蔔、烤大菇、烤意大利青瓜等等，因為佢哋擺喺隻烤雞下面，可以索哂雞流落嚟啲油，所以變得更加好味。

成日諗唔到食咩就會「去simplylife」。食物質素好，每間分店都保持都水準，價錢唔貴。因為去又一城飲，所以食個brunch 先。叫左all day breakfast，仲有橙茶。橙茶夠特別，冇怪味。好多時呢d「特飲」都太特別，呢個橙茶啱胃口。總括，仍然會再來。希望唔好加價啦！

邊度有女仔可以抵抗到下午茶嘅誘惑食得下午茶梗係要有見好味嘅蛋糕一個優美嘅環境所以每次想食下午茶都會來又一城呢度不單止坐得好舒服而且因為間鋪頭採用自然光影啲相出嚟都特別靚今日難得放縱所以就叫咗個朱古力香蕉蛋糕啲cream好Rich但係唔會好漏上邊有一條條嘅朱古力好好味下邊就有朱古力慕絲加上香蕉食落去口感柔滑一流嘅配搭朋友叫左個藍莓撻都好好味另外有個乳酪杯又係加上藍莓嘅一邊加上新鮮水果同埋海棉蛋糕Light得來又唔會有太大罪惡咁食住美味嘅蛋糕過咗個開心嘅下午

又一城呢間simplylife bakery cafe相信好多人都試過，成日都會見到有條龍係到等位當日放工過黎同朋友慶生，佢點左墨汁漢堡包,而我就點左all day breakfast啦個人覺得個包無咩特別，同其他漢堡包味道一樣，但都幾好食，薯條係新鮮炸起熱辣辣All day breakfast其實份量好大，而且炒蛋，煙肉同腸仔都幾好食，如果唔太肚餓可以同朋友share都夠原本想再點埋甜品，但朋友已太飽食唔落啦

Simplylife is always one of my favourite cafes that serves western food and I have been there for several times. My friend arrived earlier so I could bypass the long lines (almost every day during lunch and dinner time) and got seated at 12:45 p.m. $99 for drink, soup and main from a varieties of choices including spaghetti, burgers, salad, pizza, risotto. The soup of the day was creamy mushroom soup, together with a piece of bread and butter. Nice presentation but the bread was cold to be tasty

Simply Life的下午茶算是在又一城的中價位西餐廳中比較低食的選擇。$100之內有一杯飲品及餐點，想要飽肚的我點了漢堡餐。牛肉漢堡厚身juicy，薯條也不會過鹹。

平時weekend都會去simplelife食飯，因為平時都係brunch去食，menu係無crabmeat salad...我一直以為佢地係改左menu所以之後我都少左去食！但係今晚好開心，原來係晚餐menu係有架一直誤會左一打開menu第一個就係蟹肉雜菜沙律配胡麻醬蟹肉夠多而且已經拆肉，無蟹殻其次胡麻醬已經混合於沙律菜中唔洗自己撈咁麻煩而且份量不少，足夠令人吃飽飽如果平時食西式沙律食到厭可以試試依個日式fusion salad非常推介喜歡吃沙律既人去試

難得有日day off, 約左朋友去食下tea~ 揀左simplylife, 貪佢喺又一城個環境好正好relax, 坐室外就開揚d!!!之前黎食晚飯, 往往都要等好耐, 好彩平日tea time, 唔洗等, 侍應安排在室外位, 滿意睇完佢地個tea menu, 我就揀左煙肉芝士漢堡, 我朋友就揀左黑椒牛肉農夫包。餐飲都係叫左唔洗加錢嘅iced tea. 啲嘢食好快黎, 個burger味道唔錯, 舊牛肉都厚厚地嘅, 可惜唔係即整, 冇熱辣辣好juicy嘅感覺。如果即整, 應該好食好多!!!薯條正正常常, 都脆嘅!朋友嘅黑椒牛肉包賣相都幾好!! 一樣都係跟薯條~ 偷食左一啖, 都幾好味, 啲黑椒味都夠。跟餐嘅iced tea唔同平時嘅凍檸茶, 佢用嘅好似係橙, 篤左好耐, 飲落冇咩橙味, 有啲似甜甜地嘅茶, 下次可以叫第2啲!個tea menu都只係得唔同嘅包set同蛋糕set俾你揀, 好似冇得叫其他嘢食。如果可以加埋意粉就好喇! 本來仲想食蛋糕, 可惜食完個tea之後已經好飽!!! 下次一定再黎食件cake先, 佢啲cake好靚架! 勁吸引

呢一間開飯熱店， 相信去過又一城嘅人都知道長期要排隊的， 不過本身座位多， 所以即使人龍好長，通常都15分鐘左右就會排到有位入座 你日三點左右去到又一城，同樣需要排隊， 不過人龍只有10人左右，10分鐘左右就有位坐啦！我有朋友曾經喺呢間鋪頭度工作過，佢話呢度嘅pasta係有自家製嘅麵條，所以我一睇餐牌就搵下有啲乜嘢Pasta係自家製~呢款松露集菌自家製闊條麵應該係其中一款好多人叫嘅意粉，味道配搭好穩陣首先講下麵嘅質地，由於佢係一款闊條麵，所以麵條比較厚身，而自家製pasta嘅特色係比較硬身有嚼勁，食得出homemade pasta嘅質地，不過我估唔係咁多客人食得慣🤔味道方面，黑松露味唔明顯，調味少少偏淡，從呢張相睇得出意粉嘅汁比較多水唔夠杰，可能就係收水唔夠所以味道就偏淡啦。你一款栗子撻嘅造型好唔錯，撻底厚身幾好食，栗子上面有忌廉係刮欖造型。不過當你一食入口，其實我會覺得同美心東海堂嗰啲蛋糕係冇乜分別😅唔係話唔好食不過係好普通~畢竟佢只係一件＄32嘅蛋糕，唔知係唔係因為環境太靚所以覺得個食物有點兒落差？🤔喺出邊蛋糕櫃揀到嘅除咗Cheesecake 同Tart之外，亦都有唔同味道嘅千層蛋

男友與我一向對Simplylife 情有獨鍾，特別愛它的麵包、清新的食材、及情調。這頓飯是偶然的飯局。當天下班時，九龍塘站擠得水洩不通。有一刻想從人來人往中逃脫出來，說：「不如在九龍塘食飯啦！」又一城吃飯，我勢必去Simplylife 的！幸好有FOODGULU 程式，我們6時半取飛，大約6時半就有位了！位置可以看到溜冰場！麵包拼盤是附送的麵包沒有加入太多添加劑，所以很重身，亦會天然地帶點酵母的酸。黑麥的麵包口感最軟熟、而法包則可以免費添加一次呢！所以主菜也不用叫太多。南瓜湯綿綿的南瓜蓉，非常香甜幼滑。忌廉味不會太重，頗為清新。蟹肉雜菜沙律這是每次必叫的！蟹肉鮮甜，份量多得可以啖啖肉。沙律菜新鮮爽甜，均勻地沾上了沙律醋及芝麻花生醬。酸酸甜甜的，令人胃口大開。以前吃，覺得醬汁太多了，這似份量剛剛好，有進步呢！燒美國安格斯肉眼扒（10安士）這份牛扒有點令人失望，牛扒用了太多調味料，蓋過了牛肉的鮮味，肉質感覺也不夠新鮮。同樣價錢，其他扒房的質素更佳呢。配菜中規中矩，薯條也算惹味。總結其他餐品質素甚佳，但牛扒是敗筆，有點可惜。

Happy Friday 當然要獎勵一下自己啦！昨晚，趴B 就揀咗間 Simplylife 同朋友一齊享用晚餐！礙於星期五嘅關係，都比較多人等位。趴B同朋友們都等咗15分鐘先入到去。一望到個菜單，為食趴B當然唔會錯過肉眼扒啦，所以即刻叫咗個燒美國安格斯肉眼扒（10安士），鼠尾草炸薯條，燒蘆荀，紅酒香草牛油（$208），仲要係 medium ！Yummy！話咁快肉眼扒到了！除咗好 juicy 之外，因為係用瓷碟上，所以都無影響生熟程度！有少少血就啱哂！好滑仲有肉嘅質感！加埋牛油汁一流！嘆完牛扒又點少得飯後甜品呢，趴B決定叫香檳草莓海綿蛋糕（$34）雖然唔係好覺有香檳味，但都好清新，啱哂夏天食！趴B評分：🍼🍼🍼/🍼🍼🍼🍼🍼

難得放假，食個late lunch本身見到咁多人都想第日嚟過，但係朋友話想排隊試，最後等左20分鐘左右可以入去坐低。嚟到呢間咁多homemade款嘅餐廳，我一定要試homemade pasta黑醋自製扭紋意粉$138 一早鍾情自家製較硬身麵條嘅，覺得呢碟不過不失啦，質地幾唔錯，我本身都食到多黑醋，但都覺得酸咗d，如果輕手少少比較好。跟餐有南瓜湯同麵包，合格的。環境上算坐得舒服，見住店員整意粉係其中一個風景位整體上覺得價錢合理，是基於環境同服務，可以下次再試其他款。

晚上八点十五分到, 等左40分鐘先入到座, 預計之內.坐低点餐, 發覺呢度dinner menu 貴別處的 Simply Life $10 (以Angus steak為例). 叫咗跟餐紅酒, 送來的只得半杯滿, 有点諤然(好貴咩?). 入口覺得只是幾十妏一支普通過普通的貨色, 下次唔會叫.麵包好快送上, 但D皮都幾硬吓, 假牙用家咬唔開. 餐湯等左20分鐘都未到, waitress 行過無數次都冇理. 最後問佢佢先去 check, 話漏單, 話好快到. 如是者又過10分鐘, 再問咗兩次, 結果要等到 main course 食左一半先到.Main course 件 Steak 睇落好大塊, 但其實好薄身 (只得約 0.5cm). 落單時問我要件扒幾成熟, 但如果個厨煑到就真係超人, 咁薄冇可能達標. 那件放在牛扒上類似牛油的物體, 估計作用是令你以為件牛肉有油香及好 juicy, 製造錯覺.總括來說, 牛肉本身的質素唔錯, 烤得有炭香味, 但有筋及太薄, 寧願細塊些少但厚身D.伴碟的兩件番茄又乾又巢, 好似烘左幾年咁, 唔見得人. 薯條則保持一貫水準 (但我唔係來食薯條).今次坐左