Simplylife Bakery Cafe

营业中

休息中

星期日最開心係同屋企人去食野今個星期日同屋企人去左又一城食 brunch好在今日唔洗等好耐 安排左出面既位子又一城既simplylife比較大 但係坐出面無咩冷氣 比較熱坐底叫左個Egg Benedict 中意英式早餐既人一定要試下Brunch連餐湯/沙律同餐飲今日餐湯係南瓜湯 幾濃味 點埋包包食非常唔錯飲完湯無幾耐 Egg Benedict就到Egg Benedict 芝士味真係好重 好香食左一半已經飽左特別欣賞焗蕃茄 蕃茄唔會太乾而且仲有口感

同朋友GATHERING，朋友提意去又一城食飯，貪佢地點就腳~所以揀左Simplylife 大蝦海鮮冬陰公有機糙米飯賣相唔錯，除左大蝦之外，仲有魷魚、青口、蜆肉，但份量就偏小。味道方面，個飯好香泰國香料味，仲帶有小小辣。整體黎講，不過不失喇！英式早餐有焗豆、香腸、煙肉、蘑菇同炒蛋，整碟菜很平凡！唯一值得欣賞嘅係炒蛋幾有蛋味，同埋好香滑。同以往食過既all day breakfast比較，這間餐廳的英式早餐並沒有吸引之處。以＄118來講價錢並不值，一些略為貴價的配菜都沒有，例如煙三文魚、松露炒蛋。紅莓朱古力蛋糕朱古力味十分重，朱古力味濃郁得黎又唔會苦，仲食到紅莓的水果味。朱古力的甜味與紅莓的酸味剛剛好能夠平衡

每次經過又一城既Simplylife都會見到有長長既人龍...難得今日時間仲早無咩人排隊就同HONEY去試下~先上枱既係餐包，質感比較硬，單係搽上牛油會比較難咬...醮上餐湯吃會更好~餐湯係蕃茄忌廉湯，味道似羅宋湯~Main course 黑松露闊條麵，面層鋪上大塊既芝士，忌廉汁好多，均勻地沾上每條麵條。黑松露同忌廉汁都非常濃郁，但就愈吃愈膩~磨菇煎烤過入口好香，加上SIZE夠哂大，口感一流~整體黎講，Simplylife質素普普通通，同一般既西餐廳無咩分別，如果排長長既人龍唔會食囉~

今晚係又一城食完晚飯行咗一陣突然想食D甜嘢飲杯㗎啡，於是嚟咗呢度。無花果青檸tart。一般般！無花果唔甜原味卷蛋反而好食，奶油唔太甜剛剛好！蛋糕有蛋香，值得再食！

其實好幾年前已為SIMPLYLIFE寫過一篇食評，那是我第一次到訪此店，但寫完不久就搬了店。之後有無數次到訪，食物水準依然能保持，更成為了我兩小口子節日常到之處，尤其是情人節。今天是周日，我們5:45來到，已有20多人在等。到6:00便可進入了。一如以往，我們點了最愛的蟹肉沙律，以及一份穀飼豬扒。另2人也加餐，要了南瓜湯及橙茶。第一道菜是花生芝麻醬蟹肉雜菜沙律。這道菜是我每次必點的，份量很大，蟹肉亦很多。最重要是醬汁香濃，菜亦新鮮，配合剛好﹗作為前菜很開胃，亦很滿足﹗主菜來了，這次叫了穀飼豬扒。肉質鮮嫩彈牙，肥瘦剛好。蘋果汁是點睛之作：酸甜味道令豬扒吃時更感清新，不會肥膩。之前來時叫的牛扒羊架等亦具水準。橙茶亦是我最愛的，本身亦是少甜，橙味與紅茶配合很好，外面餐廳不多見，推介。味覺、視覺亦很滿足的一餐。重要是：物有所值。

本身book左食第二間，點知打風果間早收🙈之後就決定食simplylife。之前都係又一城店食過既，今次都覺得食物水準吾錯😋👍🏼環境又靚又大😍呢間食生日飯係個吾錯既選擇😁 燒美國安格斯肉眼扒（10安士）$208 揀左五成熟，好大塊！😍肉質算嫩滑，影完相都吾會變左8成熟😂👍🏼 大露荀好正😍 幼薯條就一般般啦 , 好乾脆，要另外點茄汁先更好食。 松露忌廉雜菌自家制闊條麵 $125 好cheese 好creamy 好香 好正呀!😍 黑松露味道出，菇菇好新鮮，闊條麵煮得剛好，吾會太硬又入味 . 加左$45 餐湯（磨菇湯）配白酒，杯白酒雖然睇落好頹，但都幾好飲wo! 磨菇湯都ok. 仲想食cake架但太飽喇😂 btw 呢間既店員吾知係咪chur左成日，好多個既服務態度都好麻麻🙁

又一城唔係經常黎，不過以我所知呢度其實唔係太多餐廳。到溜冰場附近竟然見到呢度有Simplylife，就跟住人流排隊。水牛城雞翼醬汁偏酸，雞翼都幾大隻，食落啖啖肉多肉而且好野味。呢度個水牛城雞翼個食味幾岩我😊泰式雞肉串燒肉質都ok，味道唔錯！不過份量就有d少唔係好夠喉😢意粉意粉口感軟適中，個汁多到好似湯咁😂海鮮唔算太多反而魚肉係最多個汁唔會太濃/太咸，整體味道都幾好！👏🏻

啱啱呢個weekend 就去咗又一城睇Tsum Disney Tsum Tsum。影完相就緊係要醫肚，所以就去咗Simply Life，因為夠早就唔使排隊。星期六嘅brunch 有好多選擇架，今次就食咗fish & chips同 Salmon & Scramble Egg Bagel 。呢個餐仲有湯或者沙律揀，同coffee or tea。我就揀咗磨菇湯，同ice tea 嘞。我幾鍾意呢度個ice tea，通常ice tea 都會係檸檬茶，但係呢度就用咗橙去代替檸檬，非常鍾意呢個配搭，因為飲ice tea我一定會走甜，用咗橙就算走甜，都仲會有橙嘅天然甜味，令到杯茶好好味，今次真係學到嘢～蘑菇湯，好足料，好多菇粒粒，菇味好濃郁，非常ok。Fish & chips， 都幾好架，非常之大份，兩大條差唔多手臂咁長嘅炸魚，好抵食！炸魚炸得好香脆乾身，無話油笠笠，炸皮唔算薄，不過都ok，入面仍然juicy，唔錯唔錯。佢哋嘅薯條好好食，又香又脆又乾身，好味！不過奇怪嘅係，呢個fish & chips 竟然冇跟tartar sauce，要問先至有，點解可以無跟，呢樣嘢都算係fish & chip嘅靈魂

同舊朋友見面，朋友指定要食呢間。平時我都見長期排長龍，今次我特登六點鐘來攞位。朋友七點先返工，我就一個人入去，飲杯花茶等住先。有啲意外，花茶係一小杯咁上，我以為相當質素嘅西餐廳都會係連茶壺上嘅。呢度冇乜誠意，扣左少少分，令我對後面既食物無咩期望。朋友黎到之後，我哋點咗一個漢堡，同一個all day breakfast。兩樣食物都係冇乜驚喜，唔算做難食，個亦一d都算唔上好食。整體來講，我覺得比唔上一啲有誠意嘅小店，咁多人排隊，似乎係名過其實喇。

睇過食評知道要排隊！我同朋友5點半開始已經排隊！6點鬆啲開始放人入去！諗住咁多人黎排隊食！食評又唔差！實無死啦！點知中伏左。。。中得好深😨😵叫左兩個餐！揀左是日餐湯同冰茶1.) 燒美國安枱斯肉眼扒(配炸薯條，燒蘆筍，紅酒香草牛油汁)2.)燒美國牛柳(配炸薯角，南瓜，黑松露汁)首先落Order時，個男侍應雖然樣貌端好！但服務態度差勁！好似好唔想做咁！但我都要問佢冰茶係咩黎！佢話“咪冰茶囉”！我知就唔洗問你啦？咁是但啦Order左黎試！點知原來係鮮橙切件加紅茶！無甜味之餘仲苦澀添😥輪到個餐湯係南瓜湯！點解咁重薑味😣飲唔到南瓜味，淨係得啲薑味。。。好喇到啲扒！兩份都要5成熟！頂。。。黎到兩份都係全熟！又鞋又韌。。。仲要朋友份肉眼扒係燶哂既😱咁都上得菜比客人既？有無搞錯先？最後Order左個草莓芝士蛋糕！最正常呢個！唉。。。。。。唔會再幫襯！唔明點解咁多人食。。。

成日經過都見佢排哂隊咁就黎試下佢係咪咁正。餐廳嘅bakery係open kitchen,最多人睇就係啲師傅用火槍燒緊個lemon meringue tart嘅時3，可惜我唔好檸檬咪嘅野。入到去的確有一種去左外國嘅feel,窗邊位大部分都有太陽遮(雖然冇太陽)，佢應該係想比人有一種去左外國嘅feel，可惜service唔係外國嘅feel。帶枱員帶我同咋一個朋友坐低左之後水都冇一杯，又冇人黎問我地落唔落野，想叫人又冇人係乎近。等左大約10分鐘終於搵到人落野。我點左個Raspberry truffle cake同熱咖啡。Raspberry同朱古力不嬲都係絕配，超濃朱古力味加上Raspberry嘅香味，連埋個朱古力脆底一啖啖食落去真係好正。我朋友點左個Quesadilla with chicken. Jalapeno. Cheddar cheese同Blueberry cheesecake. 個Quesadilla涵雖然似pizza多果似真正嘅Quesadillas，但當pizza咁食都好食。個blueberry cheesecake好重芝士味，一食就似佢落足料，仲有好大陣檸檬味。

羊膝 其實幾好食，但如果可以嫩 d會再好 d, 佢有少少 "un"d薯容 可以接受 唔係整到好fine 個種 mash. D bake vegetables都幾好mushroom 水牛芝士 pizza - 好香 蒜香味，唔係好食到 芝士味，pizza好薄 - okay. pasta都係正常 忌廉sauce一般 但pasta質地幾好 彈牙

因事來到九龍塘又一城，想起這兒很久不曾幫襯過，便決定來吃個午餐。這間長期要排隊的餐廳，這天可能因為是平日，而且時候尚早的關係，我只需要等待五分鐘左右便可入內用餐。看看簡單只得一頁的午餐餐牌，選擇其實都有幾多，如果只吃主菜的話，連冰茶或汽水，價錢是 $89，如果想加個湯或沙律的話，就只需加多十元， $99（未計加一）便可享用。既然相差只是十塊錢，那當然是吃 $99的 1 + 2組合午餐啦！在餐湯與沙律兩者中，我揀的是湯，是「蘑菇湯」，味道口感只是一般，不算出色。主菜點了 「煎鰽魚 炒雜菜 烤薯 芥末籽汁」。鰽魚煎得都幾香，魚皮極脆，配以爽脆的黃椒和大塊的薯仔，在芥末籽汁下味道尚佳。沒喝汽水，揀了冰茶，茶味偏甜，挺易入口，味道都幾討好。其實我是想吃這兒的漂亮又美味的蛋糕做甜品的，但同行友人說他已飽了，沒空間容納甜品，我不想他看著我吃，便打消了吃蛋糕的念頭。下次，下次吧！我會在下次吃你的----美味的蛋糕。

Simplylife has always been one of my favourite restaurant in town, simple dishes yet very delicious and with affordable price. There were about 10-12 dishes to choose, with $30 added, you could get the salad or soup and iced tea or coke.The dinner started with the traditional French bread. It was crispy outside and soft inside. A tiny slice of it already kicked the start of your appetite.It was a blue Monday, so I chose the salad to refresh myself. The vegetables were very fresh, perfectly mat

好開心可以約到好耐無見的朋友相聚吃晚餐，說要幫我慶祝生日之前食過simplylife都係lunch or tea, 今次吃dinner價錢比較貴，食物款式和weekend menu一樣。不過食物質素係值的。加左湯同ice tea，是日南瓜湯，湯裡有南瓜子。朋友吃的忌廉菇扁意，味道十分不錯，只是雖然份量不多，但忌廉重，比較濟，單靠一人之力係食唔哂的我就食燒春雞，份量都幾大，好彩當時我肚餓，都食得哂。我略嫌配菜唔夠，如果多啲豆會更好。最後我地都食到勁飽，食唔落大大個蛋糕，叫左一件士多啤梨鐽。雖然小小的，但朋友大大的心意已經收到哂，好開心~~朋友說士多啤梨好酸，可能佢好彩喇，我食就甜既！