SHADI

营业中

休息中

今日去朋友屋企，佢話同我試下佢附近呢間漢堡薄餅店外賣，小店都有幾個堂食座位，不過主打都係做外賣，即叫即整，製作需時，所以最好預早叫定時間比較好就～ 🔸終極牛堡（$155）餐廳主打無添加既肉，而且係100% homenade，連醬汁都係homemade的，店員仲話比我地聽啲肉都係自家廚房攪碎，好有誠意！！呢個終極牛煲真係見到都嘩一聲🤣多料到我口都唔夠大🙈所以材料都非常新鮮，牛肉好juicy，我同朋友一人一半都非常滿足✨🔸6吋薄餅 Octopus（$85）佢既pizza 批底都係自己手拉的， 滿滿既芝士，上面仲有八爪魚，而且好香既橄欖油香，批底好有咬口，有啲煙韌，而批邊就好香脆，絕對係高水準既pizza！！

早一個月前路過已經發現這裏好像轉營為特式漢堡包店，今晚因為要工作得比較夜，便在這裏購買外賣回到公司進食。店內提供漢堡包的種類有羊肉、牛肉、雞肉和蝦肉，聽店員講解，這裏的材料都是採用極等級的冰鮮，不是雪藏的。而雞肉同蝦肉加鹽同胡椒然後上麵包糠煎製而成，並不是炸的，另外醬汁都係home-made，這麼有心的漢堡包店實屬罕見。因為看到店內有一張很大的燒雞poster ，覺得非常美味，便點了一隻法國燒春雞和墨西哥片伴芝士。法國燒春雞$95，採用無激素春雞，大約500g至600g，外皮香脆可口，內裏肉質豐富，差點連雞骨都吃埋，如果在餐廳進食，以個人經驗起碼要$150以上。另外亦都有自家製的醬汁，可以混合雞肉一齊吃，這個醬汁帶點孜然的香氣。至於薯條，香脆可口，加點茄汁，已經非常美味。墨西哥片伴芝士$45，內有牛油果醬和他他醬，墨西哥片香脆，加上份量十足的芝士，令人欲罷不能。

今日同朋友行過呢頭，中午時份唔想食過飽，就嚟到土瓜灣嘅Shadi。呢間店非常之受歡迎，所以帶朋友嚟試吓。🐂牛肉熱狗加和牛牛肉醬7吋長一啖食落好豐富又滿足嘅味道。純牛肉熱狗腸咸香，配合起濃郁既和牛肉醬加上芝士，仲有pickle酸酸地同百里香粉末灑落在上面，比起一般熱狗店用既熱狗醬汁，明顯地加強咗整個包既層次，食落更加惹味，望落都流哂口水🤤🐑希臘風格羊肉漢堡100%羊肉並唔係叫貨的羊肉漢堡扒，肉味香濃，標榜完全冇MSG，食落好安心。面包外香內軟，雙重羊肉扒經簡單調味後更鮮味，搭配菲達芝士，好Fresh既蔬菜例如生菜、青瓜、蕃茄、洋蔥、酸瓜，重點係佢哋用希臘乳酪醬汁同薄荷葉做Main sauce，驚喜地微帶中東嘅風味！整個羊肉漢堡羊肉味非常濃郁且口感非常清新，令人想再點多個做下午茶😍勁力推薦呢個希臘風既羊肉漢堡，出面有得食都最少$280 up，仲要未必有咁好食啊！餐廳用既肉質素的確非常好，由於Shadi 選用極等級既肉，而且唔係雪藏，全部係冰鮮嚟既。而家出面既餐廳都唔係咁注重肉質，好多啲都會用雪藏嘅肉，呢點佢哋真係值得一讚👍Shadi所有肉（牛肉、羊肉同雞肉）都係經攪碎過，蝦肉都係用新鮮蝦去

用心足料既手工Patties 土瓜灣既呢間Shadi，絕對係區內世一既burger 店！🍔🥰點解咁講？佢地既Patties 不論係牛、羊或雞，全部都係用新鮮肉每日廚房手工製成，同埋店主務求將最好品質既食品提供畀食客，每張單都係落單即叫即整，大約15分鐘你見到佢地捧啲漢堡出黎真係會哇一聲好感嘆！每個包都勁大個脹卜卜仲好香噴噴噴！🤩😋愛肉者如我即刻試完bookmarked左呢間成為我encore 系列之一！100% ANGUS BEEF100% HOMEMADENO PRESERVATIVESNO ADDITIVESNO MSG淨係呢幾個特色已知肉既質素有幾高先可以不需多加修飾去出售！【THE SLAM DUNK）】$1553層既安格斯burger， 佢地既in-house sauce同2塊肉質鬆軟超嫩滑同勁多肉汁超夾，完全絕配！大食既我食完都超飽起滿足！😍【DOUBLE DRIBBLE】$85如果鍾意重口味少少同又食得辣，可以選擇試吓佢哋嘅煎雞堡！絕對帶到驚喜俾你！呢塊雞扒係出乎意料地香口同超Juicy!新鮮肉製成嘅Patties果然勁高質素！❤️❤️❤️同樣亦要credit to 人佢既自家

又揾下未食過嘅漢堡店, 上網揾到附近未食過嘅漢堡店試下, 就揾到喺土瓜灣嘅一間叫"SHADI", 又用Google map揾好易揾到間舗位置, 又係下午茶時段去, 堂食冇人但有人叫外賣, 見間舖有羊扒漢堡食, 鍾意食羊所以叫咗個雙層, 但價錢會略貴, 再加25蚊有薯條汽水, 叫完等咗十零分鐘包到, 個包面積好大下, 但唔會整到好高, 似將所有材料攤開咁, 好處係食起上來可以一口咬到成層包, 我覺得咁先係食漢堡包, 薯條份量OK, 炸得外脆內軟薯味亦足, 不錯, 但俾得一包茄汁, 要多包話要俾錢, 俾成百幾蚊要多包茄汁都要另外俾錢咁孤寒, 呢度要扣分, 講返個包啲羊扒羊味一聞就聞到, 煎得亦香口唔錯, 好在叫雙層, 單層應該份量唔多唔夠喉, 調味配料配汁唔錯, 一啖咬成層食特別Juicy, 成個包質量中上, 總括而言質數唔錯, 會有下次再嚟食嘅感覺, 下次會試下牛堡

依間burger店真係好正啊，好耐未食過啲咁足料，又咁正嘅burger啦最特別嘅係，有新鮮即炸嘅墨西哥脆片 ($65)，好耐冇食過即炸嘅墨西哥脆片呀，勁感動，上邊仲會冧咗好多芝士同埋唔同嘅醬汁，仲有少少牛肉碎，所以都幾惹味。但佢太多芝士，所以一定要趁熱食，如果唔係墨西哥脆片就會黐住咗🤣🤣Slam Dunk ($155)，比巨無霸更加巨！呢漢堡一定要兩個人先食得晒，味道都幾正，而且佢哋嘅醬比出邊好食啲，聽老闆講，啲醬係佢哋自己整㗎而且呢一間餐廳係標榜高質，所有肉冰鮮而且喺廚房攪碎，牛肉同羊肉只係 加鹽同胡椒，所以味道好純粹天然，依種質素，喺其他餐廳度食，都要接近$300先食到，所以都幾正

👧🏻😋👅🍽✨全天然burger小店-SHADI 🇭🇰 土瓜灣譚公道108-114號雲天大樓地下A號舖 🇭🇰-🍔製作需時好多人都whatsapp落左單, 落車就拎埋返屋企; 外賣專門店, 但都有幾個bar枱位俾客人坐低食🍔廚房門寫到明100% ANGUS BEEF, 100% HOMEMADE, NO PRESERVATIVES/ADDITIVES/ MSG, 以呢個食物質素同全天然製作, 呢個價錢算非常合理-🐑 LAMB BURGER - SINGLE DRIBBLE $90💯羊肉好厚身同重肉味, 冇味精真係食得出個肉同醬都好天然, 最多係落左鹽同胡椒, 食得放心💯個homemade包超級soft好埋好香蛋味, 除左最經典生菜番茄, 仲落左紫洋蔥絲同pickle, 酸酸地balance左羊肉濃味冇咁漏-🌭 7-inch HOT DOG - Cheese & Turkey Bacon $75✨7寸長真係好大個, 配料好醬汁都好豐富; 熱狗個腸都可以爆汁既, 連埋芝士同茄汁, mustard食流晒口水✨同burger一樣都加左pickle, 煎turkey bacon脆身, 連pickle

餐廳的裝潢走美式簡約風，有數張bar枱和櫈，讓人可以放鬆地享用美食。這裡主打漢堡、熱狗和薄餅等美食。我們點了彈牙蝦堡，職員介紹蝦餅是用新鮮蝦制作，而且人手用刀剁碎，難怪食落去的蝦肉非常新鮮，質感十分彈牙又有口感。加埋紫椰菜絲和芥末醬，好吃到食不了口。而且蝦堡不是炸的，是煎的，這樣讓蝦肉的鮮味更能夠保留，食落更清爽。純牛肉腸熱狗配和牛牛肉醬熱狗的麵包非常鬆軟，牛肉腸誠意十足，食落味道濃郁，加上和牛肉醬，味道非常有層次，但又不會很膩。和一般熱狗店不同的是，這裡的肉醬是用他們自己的攪碎肉製作而成，質感十分細緻。這道熱狗的份量也非常足夠，足7寸長，完全可以滿足我的胃口。這間店誠意十足，他們的食材非常新鮮，肉類是冰鮮而不是急凍貨式，而且即叫即制，確保食客食到最新鮮美味的食物，非常值得推薦。

@shadiburgerhk serves gourmet burgers at valuable prices 🍔 patties minced in-house and burgers made to order 💫 fluffy and buttery brioche bun with a hint of sweet 🍞 all sauces are made in-house as well ✨@shadiburgerhk 優質漢堡 價錢合理 🍔 漢堡扒喺餐廳自己攪碎 漢堡即叫即做 💫 麵包烤過 外面微脆 裏面軟熟 甜甜哋 有牛油香 🍞 所有醬汁都係自家製 ✨🐄 終極牛堡 HKD$155the slam dunk 漢堡包超震撼 ‼️大到可以兩個人分嚟食三層漢堡包 🍔 雙層肉扒 🥩 三層芝士 🧀加埋火雞煙肉 🥓 黑松露炒蛋 🍳生菜 🥬 蕃茄 🍅 洋蔥 🧅 酸瓜 🥒 秘製醬汁漢堡扒 又嫩又多汁簡單鹽同胡椒調味 突出牛味香濃 漢堡十幾層 好滿足🍤 經典彈牙蝦堡 HKD$80hand peeled and chopped shrimp 蝦餅用新鮮蝦剝殼再用刀剁碎 🔪 彈牙爽口坊間蝦餅通常

最近去咗土瓜灣嘅shadi食嘢，真係好驚喜！呢間漢堡店由外國人主理，專營外賣，唔洗排隊就可以品嚐到啲高質素嘅漢堡同熱狗。今次食嘅係7吋熱狗-羊肉配芝士同火雞煙肉，同埋薯條。shadi嘅賣點係佢哋嘅肉質，所有肉都係極等級，而且係冰鮮唔係雪藏。所有肉都係廚房師傅加工攪碎，所以食落去都好嫩滑。牛肉同羊肉都係用最簡單嘅方法處理調味，就係加鹽同胡椒，所以味道好自然，唔會過份蓋過肉嘅原味。另外，所有醬汁都係handmade嘅，所以味道好正，唔會有人工味。今次食嘅7吋熱狗份量非常足夠，味道亦都好出色。羊肉配芝士同火雞煙肉呢個組合真係好夾，啲芝士夠香夠濃郁，而且羊肉同火雞煙肉嘅口感亦都好啱啱好。薯條方面都好好食，炸得好香脆，一啖落去就可以聽到啲「嘭嘭」嘅聲音，好有口感。出面食呢種質數嘅漢堡起碼要$280！呢度$100都唔洗！如果你係食肉者，真係唔好錯過shadi嘅漢堡同熱狗，好味又好飽肚！

喺下晝4:30買咗個蝦堡，隔咗半個鐘先至話俾我聽冇椰菜，依家廚師去買。問我唔要菜得唔得？當下我已經覺得好不知所謂，點解可以隔半個鐘先至發現材料唔夠？浪費人客的時間。大啦啦半個鐘食個漢堡包，到頭來係冇包食。之後仲要同我講生菜同蝦堡味道唔夾，唔可以用生菜代替。最後，我真係唔同佢癲，退錢。呢一個非繁忙時間使我$102 ，浪費半個鐘人生。到頭來乜都冇得食，仲要一句對唔住都冇。由頭到尾個收銀阿姐完全冇跟過單，淨係掛住碌手機。廚房佬就行出行入，完全冇理過個包，呢啲咁嘅垃圾舖頭，幾好食都冇用。

呢間嘢垃圾到爆！買咗個蝦堡之後，等咗半個鐘頭，個收銀姐姐先至話俾我聽冇椰菜做唔到個蝦堡。仲要話廚師唔可以用生菜代替，因為唔同味。一間餐廳提供食物，需唔需要用半個鐘頭先知道冇材料？收錢嗰個一味喺到碌電話又唔跟單，入邊嗰d廚師行出行入，完全冇整過我個包。一句對唔住都冇講。呢間嘢幾好食都冇用！原本呢間嘢味道完全冇問題，但係經過呢件事後，我唔會再幫襯。喺佢隔離100米仲有一間地中海餐廳都唔會再幫襯，因為係同一個老闆。

土瓜灣近呢一兩年發展得好快，記得前一兩年仲係一個好荒蕪嘅地區😂但而家呢一區越嚟越多好嘢食🥰今個星期日趕住返教會所以諗住響鋪仔買個漢堡食下算🫣（又唔想食麥記）咁就比我試到間好嘢🙌🏻🐂牛肉漢堡套餐牛肉漢堡是美味的經典美食，但每間餐廳都有各種不同的配搭和調味。而這裏的牛肉漢堡非常符合我的口味😎首先，選擇高質量的牛肉是非常重要‼️，因為它會影響漢堡的味道和質地。依據咁多年嘅吃貨經驗，食得出呢度嘅牛肉一定係手打💪🏻，而且係優質靚牛，只需要用簡單嘅胡椒同埋鹽就可以帶出牛味香濃😋再加入芝士、生菜、番茄、洋蔥等配料，實在係漢堡界嘅最高享受✨仲有個牛肉漢堡真係好大個🍖（目測大過我個🤜🏻拳頭）一開頭真係唔知點樣落口，真係又飽又抵食👍

從這圖的編排看來，難道店子一早預料了熱火Underdog，將會升出首輪賽事，將公鹿擊敗嗎。後來熱火更加擊敗紐約人以及第二種子波士頓，直取東岸冠軍，但良善願望，當然是敗給我最喜愛球隊丹佛金塊。一次過試一次它的漢堡以及薯條，不算等得太耐，大約10分鐘左右，漢堡的牛肉尚算有點肉香，不過內裏牛肉不算粉紅色，另外的牛肉沒有太多牛肉汁，普普通通，另外漢堡只是稍稍煎香，不算太香脆，牛油味亦都欠奉。薯條尚算脆香，不過它的內容夠豐盛，而且外皮夠厚實，夠脆，帶點鹽在面頭，但味道亦都不會太鹹，而這些漢堡小店來說，它的薯條，確是不錯。始終地點是土瓜灣木廠街，太多貨車縱橫，工人送貨，車水馬龍，即使你怎樣裝修到內裏很多NBA貼紙，籃球，又或是大播Harry Styles等等美國跳唱大熱歌曲，氣氛也不如海港城的漢堡店有美國風情。

在土瓜灣區的一家不起眼的小店，Shadi 給我們帶來了一場美食盛宴。這家餐廳的特色是西式薄餅，包括煎雞堡和安格斯牛堡等多款美味。作為一個對美食有著極高要求的食客，我對Shadi的評價給出滿分！首先，我們來談談Shadi的招牌菜煎雞堡。這款堡的雞肉煎得恰到好處，表面金黃酥脆，內裡多汁嫩滑，讓人忍不住一口接一口。堡內還夾著新鮮生菜、番茄和美味的特製醬汁，它們的口感和味道與雞肉完美地融合在一起，為味蕾帶來了一場視覺與味覺的盛宴。接下來，我們不能不提的就是安格斯牛堡。這款堡選用上等安格斯牛肉，烹調得極為講究。牛肉鮮嫩多汁，搭配著軟綿綿的堡皮，再加上酸黃瓜、生菜、番茄和特製醬汁，讓人回味無窮。每一口都是對味道的極致追求，絕對值得一試。最讓人滿意的一點，便是Shadi的價錢十分平民。無論是煎雞堡還是安格斯牛堡，價格都非常合理，讓人不禁讚嘆：美食居然可以如此親民！這樣的價格，讓更多的食客能夠品嚐到這家餐廳的佳餚，享受美食的樂趣。此外，Shadi的外賣服務也非常貼心。外賣是即叫即整，這樣既保證了食物的新鮮口感，也避免了客人久等的煩惱。即使不能到店品嚐，也能在家享受美食。總之，Shadi的西式薄餅是一場