影片
更多
2023-06-19
112 浏览
又揾下未食過嘅漢堡店, 上網揾到附近未食過嘅漢堡店試下, 就揾到喺土瓜灣嘅一間叫"SHADI", 又用Google map揾好易揾到間舗位置, 又係下午茶時段去, 堂食冇人但有人叫外賣, 見間舖有羊扒漢堡食, 鍾意食羊所以叫咗個雙層, 但價錢會略貴, 再加25蚊有薯條汽水, 叫完等咗十零分鐘包到, 個包面積好大下, 但唔會整到好高, 似將所有材料攤開咁, 好處係食起上來可以一口咬到成層包, 我覺得咁先係食漢堡包, 薯條份量OK, 炸得外脆內軟薯味亦足, 不錯, 但俾得一包茄汁, 要多包話要俾錢, 俾成百幾蚊要多包茄汁都要另外俾錢咁孤寒, 呢度要扣分, 講返個包啲羊扒羊味一聞就聞到, 煎得亦香口唔錯, 好在叫雙層, 單層應該份量唔多唔夠喉, 調味配料配汁唔錯, 一啖咬成層食特別Juicy, 成個包質量中上, 總括而言質數唔錯, 會有下次再嚟食嘅感覺, 下次會試下牛堡
雙層羊堡
9 浏览
0 赞好
0 留言
张贴
